Post: #1
Title: سـؤال .. مين .. علمك غضب ألحريق ؟?
Author: عمر ادريس محمد
Date: 03-28-2006, 00:27 AM
Parent: #0
الـى
محمد عباس محمد على
كلفورنيا
|
Post: #2
Title: Re: سـؤال .. مين .. علمك غضب ألحريق ؟?
Author: عمر ادريس محمد
Date: 03-28-2006, 00:36 AM
سلام
ياناس
الزول دا صاحبى وكنا شغالين مع بعض, وولدى الكبير مسمى عليهو ... جات سيرتو الليله فى المنبر هيجت على الذكريات..واصلى مهووس بالحاجات القديمه .. عندى رسائل منو واوراق عتيقه مشتركه يرجع تاريخهاالى نهاية1990م.. بعد ان غادر السودان فى بداية نفس العام.. قلت اراجعها
ألقى ليك قصيدة بديعه "للدوش " بخط محمد عباس ..وامانى ماهو خط
قلت
يمين الله كان تشاركونى فيها
|
Post: #3
Title: Re: سـؤال .. مين .. علمك غضب ألحريق ؟?
Author: عمر ادريس محمد
Date: 03-28-2006, 00:41 AM
سؤال ؟
جيت اسالك ياطفلة الالم الرضيع تدينى خاطرك شان اضيع فى شوق موزع فى الزحام ياعذاب الريح للخيام ياصهيل كسر اللجام ياختم قبل البدايه ويابدايه بدون ختام
جيت اسالك مين علمك انو الزمن فى مره ناقص ومره تام
جيت اسالك الشوق مكتف فى الطريق والخوف مداخل للفريق جيت اسالك مين علمك لغة الزهور مين علمك غضب الحريق وانت باحه وانت واحه وانت ذاتك سكة الزول للمضيق فارده السواعد للزوابع والمطر للهم يولول للشجر عايز اسالك مين علمك لم السلامه مع الخطر
لك التحيه يامحمد .. ولعمر للدوش الخلود
|
|