Post: #1
Title: هل يجوز ؟!!........... انشوف أخرتها !!!!!!!!!!!!!!!!
Author: نادية عثمان
Date: 03-25-2006, 11:22 AM
النشوف اخرتا
هل يجوز؟؟
سعد الدين ابراهيم
هل يجوز ان ينتقد الأبناء الآباء.. ام ان هذا النقد من المسكوت عنه.. او يعتبر من باب قلة الادب.. والآباء هؤلاء يدخل في زمرتهم كل الاعمام وكل القدامى..
* بصورة أخرى هل يسمح للاجيال الجديدة بنقد الاجيال القديمة.
* لا اعتقد ان ذلك من المسموح به في مجتمعنا مجتمع الشفاهة والبداوة.. ذلك الذي انتقده الفرزدق.. حين انتقد جدهم (تميم) في مقابل (كسرى) حيث اختار لهم تميم حياة البداوة بينما يرى في (كسرى) حسن الاختيار للتمدن وللمدينة.. قال الفرزدق:
لكسرى كان اعقل من (تميم) عشية فر من بلد الضباب
وأسكن أهله خصباً وريفاً بجناتٍ وأمواهٍ عذاب
فعاش بنو ابيه بها ملوكاً وعشنا نحن أمثال الكلاب
فلا رحم الإله صدى (تميم) لقد أزرى بنا في كل باب
* هل يجوز نقد المرأة للرجل في مجتمعنا؟ لا يجوز فمن تفعل ذلك توصف بقلة الحياء.. ومهما كان ده برضو راجل!! فالمرأة التي تصبح فأسا فلا تكسر رأساً ينبغي ان تملأ «خشمها تراب» في مواجهة الرجل ولا تنتقده والا تطاولت.. وحكاية الدكتورة العالمة حين انتقدت السائق لخطأ في سياقته فرد عليها ببجاحة: انتي قايلة روحك شنو؟ ما مرة!! ولا اكمل الجملة.. لكن عندما قال له الاجاويد: لكن انت ما غلطان.. قال غلطان لكن تصلحني مرة!!
* هل يجوز ان ينتقد المواطن رجل شرطة او رجل امن.. لا اعتقد ان ذلك يجوز الا بعد اخذ اذن من الناطق الرسمي للشرطة خاصة اذا كانت الرتبة كبيرة.
ويلوح ذلك في الطرفة الشائعة ان احدهم داس على قدم مواطن.. فقبل ان يحتج المواطن (المدوس) سأل (الدائس) في ادب: هل انت ضابط؟ قال: لا.. هل اخوك ضابط؟ قال: لا.. هل لديك أي صلة قرابة بضابط قال: لا.. بعدئذٍ (دفره) قائلاً: طيب (عافصني) ليه؟!
* هل يجوز ان تنتقد طفلة رجلا كبيرا؟ يجوز وقد فعلت ذلك طفلتي الصغيرة معي.. حين لاعبتها.. ومثلت لها دور (البعاتي) ومثلت لها دور (الحمار) فركبت على ظهري.. وبعد ان تعبت كانت تضحك وقد قالت: والله بابا ده عوير جنس عوارة.. لكن لا يهمني فهذه هي الديمقراطية.
* هل يجوز أن تنتقد (فلان)؟ لا يجوز.. وإلا كنت مجنون..
اخيرا هل يجوز والغربة حارة بالخطاب تبخل علي.. (وهي لسيف الدسوقي وأحمد الجابري).
|
Post: #2
Title: Re: هل يجوز ؟!!........... انشوف أخرتها !!!!!!!!!!!!!!!!
Author: عاصم ابوبكر حامد
Date: 03-25-2006, 11:37 AM
Parent: #1
سلامات
استاذة نادية
لك التحية والتقدير
| Quote: بصورة أخرى هل يسمح للاجيال الجديدة بنقد الاجيال القديمة. |
والله يا استاذة انا شخصيا بنتقد الاجيال السابقة وهم الكبار ...
ولماذا لا يسمحون لنا بان ننتقدهم هل يعتقدون انهم افهم مننا
اختى اتمنى مكن هؤلاء ان يسمحوا لنا جيل اليوم ان نقدم فكرتنا ومجهوداتنا
واتمنى الا يقولوا انتو تعرفوا شنو ...
تسلمى استاذة
|
Post: #5
Title: Re: هل يجوز ؟!!........... انشوف أخرتها !!!!!!!!!!!!!!!!
Author: نادية عثمان
Date: 03-25-2006, 11:56 AM
Parent: #2
الاخ الرائع عاصم ابو بكر حامد
| Quote: ولماذا لا يسمحون لنا بان ننتقدهم هل يعتقدون انهم افهم مننا |
الكلام ده كبيييييييييير !!
احيله للمختصين !!(وجه شاعر بشعور هناى هناى كده )!!
خارج النص:
عاصم اتصل على فى تلفون البيت بعدين عشان موضوع القاهرة سمح ؟!
|
Post: #3
Title: Re: هل يجوز ؟!!........... انشوف أخرتها !!!!!!!!!!!!!!!!
Author: عاصم ابوبكر حامد
Date: 03-25-2006, 11:47 AM
Parent: #1
استاذة
نادية
لك التحية
هنا
| Quote: هل يجوز أن تنتقد (فلان)؟ لا يجوز.. وإلا كنت مجنون.. |
اما هنا انا لو فى هذا المنبر وقدم والدى وقال شئ غير مقتنع منه سوف انتقده
ولكن فى المنزل هو صاحب الدار وهو الاب ولكن فى المنبر الحر راى وفكر
واحيانا فى الدار ينتقد ايضا ...
واذا كان هذا هو الجنون فمرحب به وبى اسرة الجنون كلها
تسلمى
|
Post: #4
Title: Re: هل يجوز ؟!!........... انشوف أخرتها !!!!!!!!!!!!!!!!
Author: AMNA MUKHTAR
Date: 03-25-2006, 11:55 AM
Parent: #3
| Quote: هل يجوز نقد المرأة للرجل في مجتمعنا؟ لا يجوز فمن تفعل ذلك توصف بقلة الحياء.. ومهما كان ده برضو راجل!! فالمرأة التي تصبح فأسا فلا تكسر رأساً ينبغي ان تملأ «خشمها تراب» في مواجهة الرجل ولا تنتقده والا تطاولت.. وحكاية الدكتورة العالمة حين انتقدت السائق لخطأ في سياقته فرد عليها ببجاحة: انتي قايلة روحك شنو؟ ما مرة!! ولا اكمل الجملة.. لكن عندما قال له الاجاويد: لكن انت ما غلطان.. قال غلطان لكن تصلحني مرة!! |
بدون تعليق سوى :
سبحان الله......
|
Post: #7
Title: Re: هل يجوز ؟!!........... انشوف أخرتها !!!!!!!!!!!!!!!!
Author: AMNA MUKHTAR
Date: 03-25-2006, 12:08 PM
Parent: #4
سورة المجادلة
بسم الله الرحمن الرحيم
(قَدْ سَمِعَ اللَّهُ قَوْلَ الَّتِي تُجَادِلُكَ فِي زَوْجِهَا وَتَشْتَكِي إِلَى اللَّهِ وَاللَّهُ يَسْمَعُ تَحَاوُرَكُمَا إِنَّ اللَّهَ سَمِيعٌ بَصِيرٌ ).
قد سمع الله سبحانه تعالى وأشاد بمجادلة (امرأة ) من فوق
سبع سنوات وأمر الرسول (صلعم) بالنظر فى شكيتها .
كذلك جادلت أمرأة سيدنا عمر بن الخطاب حتى قال : أخطأ عمر وأصابت امرأة.
ده شنو ده يا جماعة
ناس المنبر ديل مالهم ؟!!
نحن حا نخش الروضة تانى .
|
Post: #16
Title: Re: هل يجوز ؟!!........... انشوف أخرتها !!!!!!!!!!!!!!!!
Author: نادية عثمان
Date: 03-25-2006, 12:56 PM
Parent: #7
Quote: سورة المجادلة
بسم الله الرحمن الرحيم
(قَدْ سَمِعَ اللَّهُ قَوْلَ الَّتِي تُجَادِلُكَ فِي زَوْجِهَا وَتَشْتَكِي إِلَى اللَّهِ وَاللَّهُ يَسْمَعُ تَحَاوُرَكُمَا إِنَّ اللَّهَ سَمِيعٌ بَصِيرٌ ). |
صدق الله العظيم
Quote: قد سمع الله سبحانه تعالى وأشاد بمجادلة (امرأة ) من فوق
سبع سنوات وأمر الرسول (صلعم) بالنظر فى شكيتها . |
وشكوى المظلوم ليس بينها وبين السماء حجاب !!
| Quote: كذلك جادلت أمرأة سيدنا عمر بن الخطاب حتى قال : أخطأ عمر وأصابت امرأة. |
وكنت اتمنى ان تقرأى اسم كاتب المقال وماوراء سخريته ومن المقصود بها قبل ان تتهجمى على يااخت امنة دون داع .. سامحك الله !!!
Quote: ده شنو ده يا جماعة
ناس المنبر ديل مالهم ؟!!
نحن حا نخش الروضة تانى . |
لا تعليق !!!
|
Post: #15
Title: Re: هل يجوز ؟!!........... انشوف أخرتها !!!!!!!!!!!!!!!!
Author: نادية عثمان
Date: 03-25-2006, 12:50 PM
Parent: #4
Quote: بدون تعليق سوى :
سبحان الله...... |
فعلا الامر لايستحق اى تعليق سوى ماقلتى يااخت امنة
سبحان الله !!!!!!!!!!!!!!!!!!!!!!!!!
|
Post: #6
Title: Re: هل يجوز ؟!!........... انشوف أخرتها !!!!!!!!!!!!!!!!
Author: نادية عثمان
Date: 03-25-2006, 12:00 PM
Parent: #3
عاصم
| Quote: اما هنا انا لو فى هذا المنبر وقدم والدى وقال شئ غير مقتنع منه سوف انتقده |
ماعشان كده هنا فى المنبر مابنلقى اى ولد جاب معاهو ابوه ولااب مسجل معاهو ولدو !!
ياجماعة
فى ولد وابوه او اب وولدو مسجلين معانا هنا ؟!!
|
Post: #8
Title: Re: هل يجوز ؟!!........... انشوف أخرتها !!!!!!!!!!!!!!!!
Author: munswor almophtah
Date: 03-25-2006, 12:18 PM
Parent: #6
المقصود الترابى وتلاميذه ولا أدرى ما الحكم الفقهى فى ذلك
منصور
|
Post: #9
Title: Re: هل يجوز ؟!!........... انشوف أخرتها !!!!!!!!!!!!!!!!
Author: AMNA MUKHTAR
Date: 03-25-2006, 12:26 PM
Parent: #8
عفوا أستاذى منصور المفتاح.
|
Post: #14
Title: Re: هل يجوز ؟!!........... انشوف أخرتها !!!!!!!!!!!!!!!!
Author: نادية عثمان
Date: 03-25-2006, 12:48 PM
Parent: #9
Quote: الأخ الأديب منصور المفتاح..
يبدو انك لم تقرأ جيدا ما كتبت الاستاذة المعصومة . |
لاحولا ولاقوة الا بالله!!
يعنى انتى يااخت امنة مداخلاتك دى كلها وثورتك دى قايلانى انا الكتبت المقال الفوق ده ؟!!
ياسيدتى الفضلى
المقال كاتبه الاستاذ سعد الدين ابراهيم بجريدة الصحافة بعاموده الشهير (النشوف اخرتها )!!
ياسيدتى الفضلى
الرجاء قبل صب جام الغضب ان تعرفى اول فحوى البوست وتقرأى اسم كاتب الموضوع !!
وبعدين يااخت امنة مامعنى الاستاذة المعصومة دى يعنى ؟!!
انا لاادرى لماذا تحاولين جرجرتى باستماتة لفتح جبهة قتال معى ؟!!
انا فى غنى عن ذلك يااخت امنة !!
كونى بالف خير
|
Post: #26
Title: Re: هل يجوز ؟!!........... انشوف أخرتها !!!!!!!!!!!!!!!!
Author: نادية عثمان
Date: 03-25-2006, 01:55 PM
Parent: #9
| Quote: عفوا أستاذى منصور المفتاح. |
سبحان الله !!!!
|
Post: #10
Title: Re: هل يجوز ؟!!........... انشوف أخرتها !!!!!!!!!!!!!!!!
Author: حبيب نورة
Date: 03-25-2006, 12:26 PM
Parent: #8
نادية
أزيك يا صديقة
والله مشتاقين
جينا نقول سلام
|
Post: #12
Title: Re: هل يجوز ؟!!........... انشوف أخرتها !!!!!!!!!!!!!!!!
Author: mohamed osman bakry
Date: 03-25-2006, 12:41 PM
Parent: #10
الموضوع
لـ سعدالدين ابراهيم
بتاع النشوف اخرتها
|
Post: #18
Title: Re: هل يجوز ؟!!........... انشوف أخرتها !!!!!!!!!!!!!!!!
Author: نادية عثمان
Date: 03-25-2006, 01:03 PM
Parent: #12
الاكرم محمد عثمان بكرى
Quote: الموضوع
لـ سعدالدين ابراهيم
بتاع النشوف اخرتها |
بارك الله فيك يااخى
وارجو ان تكون الاخت امنة مختار قد عادت لقراءة المقال بعين غير التى قراته بها اولا!!!
|
Post: #13
Title: Re: هل يجوز ؟!!........... انشوف أخرتها !!!!!!!!!!!!!!!!
Author: منتصر حسن محمد
Date: 03-25-2006, 12:44 PM
Parent: #10
| Quote: فى ولد وابوه او اب وولدو مسجلين معانا هنا ؟!! |
في ولد وأمو ينفع
بت أمي سلام
ان شاء الله عافية
جينا نسلم ونسأل باقي طولنا من المنتدي
ود زبيدة
|
Post: #23
Title: Re: هل يجوز ؟!!........... انشوف أخرتها !!!!!!!!!!!!!!!!
Author: نادية عثمان
Date: 03-25-2006, 01:30 PM
Parent: #13
منتصر
ود امى الغالى ود الغالية
انا كويسة
انت كيف
ليك وحشة
يارااااااااااااااااااااااااااااااااااجل ..
|
Post: #20
Title: Re: هل يجوز ؟!!........... انشوف أخرتها !!!!!!!!!!!!!!!!
Author: نادية عثمان
Date: 03-25-2006, 01:15 PM
Parent: #10
الزول السمح من جوة قلبو العصفور
حبيب نورة
يازول انت وييييييييييييييييين مسجل غياب ؟!!
عليك الله اظهر نحنا من غيرك حالة اكتئاب متحركة ياخ !!!
|
Post: #19
Title: Re: هل يجوز ؟!!........... انشوف أخرتها !!!!!!!!!!!!!!!!
Author: نادية عثمان
Date: 03-25-2006, 01:08 PM
Parent: #8
الاديب الرائع منصور المفتاح
| Quote: المقصود الترابى وتلاميذه ولا أدرى ما الحكم الفقهى فى ذلك |
استاذى سعد الدين ابراهيم وعاموده الشهير .. النشوف اخرتها بجريدة الصحافة
احب الاطلاع عليه يوميا لما فيه من معالجات بطريقة ساخرة من اهل السلطة وحول العديد من القضايا الاخرى المختلفة اجتماعيا وسياسيا ..!!
كن بالف خير ياايها الانسان الجميل
|
Post: #11
Title: Re: هل يجوز ؟!!........... انشوف أخرتها !!!!!!!!!!!!!!!!
Author: عمر الفاروق
Date: 03-25-2006, 12:37 PM
Parent: #1
نادية بت عثمان :
مساء الورد ..
| Quote: بصورة أخرى هل يسمح للاجيال الجديدة بنقد الاجيال القديمة. |
الإجابة : لأ ..نهي زندقي .. No..
والدليل ألولو ..
تخريمة :
عاش من شافك وين ايامك ..
|
Post: #17
Title: Re: هل يجوز ؟!!........... انشوف أخرتها !!!!!!!!!!!!!!!!
Author: nazar hussien
Date: 03-25-2006, 12:59 PM
Parent: #11
يا ندوية مش انت صاح....
بس
امشي سيحتار عدوك فيك
وحا يبقي صاحبك...
بس ابعدي الزعل
وكل هذا المرور لاسلم عليك ايتها البنت النضرة
|
Post: #21
Title: Re: هل يجوز ؟!!........... انشوف أخرتها !!!!!!!!!!!!!!!!
Author: Dr. Moiz Bakhiet
Date: 03-25-2006, 01:18 PM
Parent: #17
لو كان جفيتني ورحت
وخليتني وحدي برايا
مع ليالي الوحدة
والشوق حنينو معايا
ما بسيبو غرامك
رضيان معاك بشقايا
لمتين طريقك يقصر
تعرف نهايتو خطايا
وانا بسمع في شروق بتغني خطرتي في بالي وهي بتردد المقطع الجميل ده
وفجأة طل البوست بتاعك
التحية ليك يا ست الناس
وتحية خاصة للشاعر الصحفي والصديق سعد الدين
|
Post: #29
Title: Re: هل يجوز ؟!!........... انشوف أخرتها !!!!!!!!!!!!!!!!
Author: نادية عثمان
Date: 03-25-2006, 02:29 PM
Parent: #21
البروفسير حامل كل الالقاب والمعانى الطيبة من خير وحب وجمال
العالم القدير د. معز عمر بخيت
Quote: لو كان جفيتني ورحت
وخليتني وحدي برايا
مع ليالي الوحدة
والشوق حنينو معايا
ما بسيبو غرامك
رضيان معاك بشقايا
لمتين طريقك يقصر
تعرف نهايتو خطايا
وانا بسمع في شروق بتغني خطرتي في بالي وهي بتردد المقطع الجميل ده
وفجأة طل البوست بتاعك
التحية ليك يا ست الناس |
القلوب شواهد ياسيد القلب دهب يامكتشف الروائع ناس شروق الحلوة ومثيلاتها !
تسلموا انتو الاتنين من كل شر يارب
| Quote: وتحية خاصة للشاعر الصحفي والصديق سعد الدين |
ليتك تعود ياعزو لتحدثنا قليلا عن هذا الرجل الرائع الجميل سعد الدين ابراهيم فهو يستحق منك ومنى ومن احبابه لمسة وفاء اليس كذلك ؟!!
|
Post: #22
Title: Re: هل يجوز ؟!!........... انشوف أخرتها !!!!!!!!!!!!!!!!
Author: AMNA MUKHTAR
Date: 03-25-2006, 01:28 PM
Parent: #17
| Quote: هل يجوز نقد المرأة للرجل في مجتمعنا؟ لا يجوز فمن تفعل ذلك توصف بقلة الحياء.. ومهما كان ده برضو راجل!! فالمرأة التي تصبح فأسا فلا تكسر رأساً ينبغي ان تملأ «خشمها تراب» في مواجهة الرجل ولا تنتقده والا تطاولت.. وحكاية الدكتورة العالمة حين انتقدت السائق لخطأ في سياقته فرد عليها ببجاحة: انتي قايلة روحك شنو؟ ما مرة!! ولا اكمل الجملة.. لكن عندما قال له الاجاويد: لكن انت ما غلطان.. قال غلطان لكن تصلحني مرة!! |
وده رأى الاستاذ الصحفى سعد الدين ..!!
فعلا النشوف آخرتا..
يعنى نحن حا نفهم أكتر من ( الصحافة).
فعلا مقال جدير بالقراءة..
شكرا لك يا أستاذه بنشره
هنا حتى (تعم الفائدة)
|
Post: #28
Title: Re: هل يجوز ؟!!........... انشوف أخرتها !!!!!!!!!!!!!!!!
Author: نادية عثمان
Date: 03-25-2006, 02:13 PM
Parent: #17
نزار حسين ايها الرجل الوسيم الدواخل جدا
ليك وللبحرين وحشة والله
كيفك وكيف الاسرة الكريمة يارب كلهم بالف خير
مرورك اسعدنى جدا جدا والله
Quote: يا ندوية مش انت صاح....
بس
امشي سيحتار عدوك فيك |
كنت اتمنى ان لا يكون لى اعداء فى هذه الفانية ولكن !!!!!
لا دى انا مامتعشمة فيها كتير ويكفى بس الحد الادنى من الاحترام المتبادل ياسيدى انا ماطماعة والله !!!!!!!
ربنا مايجيب زعل ويدينا طولة البال يااااااااااااااااارب !!
| Quote: وكل هذا المرور لاسلم عليك ايتها البنت النضرة |
تسلم من كل شر اخوى الغالى واشوفك دائما فى احسن حال ان شاء الله
|
Post: #24
Title: Re: هل يجوز ؟!!........... انشوف أخرتها !!!!!!!!!!!!!!!!
Author: نادية عثمان
Date: 03-25-2006, 01:34 PM
Parent: #11
العزيز عمر الفاروق
فعلا ده دليل دامغ جدا جدا .. يودى فى ستين داهية ياجدع !!!!!!!!!!!
|
Post: #25
Title: Re: هل يجوز ؟!!........... انشوف أخرتها !!!!!!!!!!!!!!!!
Author: عاصم ابوبكر حامد
Date: 03-25-2006, 01:39 PM
Parent: #1
استاذة
Quote: ماعشان كده هنا فى المنبر مابنلقى اى ولد جاب معاهو ابوه ولااب مسجل معاهو ولدو !!
ياجماعة
فى ولد وابوه او اب وولدو مسجلين معانا هنا ؟!! |
احسن شئ انو مافى ...
لانو اذا فى بالتاكيد بيكون فى دشمان هنا فى المنبر والبيت كلام تانى ...
تسلمى استاذة
|
Post: #27
Title: Re: هل يجوز ؟!!........... انشوف أخرتها !!!!!!!!!!!!!!!!
Author: Gafar Bashir
Date: 03-25-2006, 01:59 PM
Parent: #25
Quote: ماعشان كده هنا فى المنبر مابنلقى اى ولد جاب معاهو ابوه ولااب مسجل معاهو ولدو !!
ياجماعة
فى ولد وابوه او اب وولدو مسجلين معانا هنا ؟!! |
في بت وابوها ... ده بعمل فرق ...
المقال جميل والفكرة أعمق ...
وبعد كدة بنسال عن (الراي الاخر) 
|
Post: #35
Title: Re: هل يجوز ؟!!........... انشوف أخرتها !!!!!!!!!!!!!!!!
Author: نادية عثمان
Date: 03-25-2006, 04:51 PM
Parent: #27
الاستاذ النبيل
المهذب جعفر بشير
اسعدنى مرورك جدا من هذه المساحة كما يسعدنى دوما مرورك المفيد من كل بيوتاتى
فرجاءا كن دائم الحضور باكرا ايها البهى الدواخل
| Quote: في بت وابوها ... ده بعمل فرق ... |
ياسلاااااام ديل منو ديل بالله ؟!
الغريبة ولاشفنا ليهم ولا شكلة !!!!!!!!!!!
| Quote: المقال جميل والفكرة أعمق ... |
نعم هذا هو استاذى سعد الدين ابراهيم ..كلامو فى الصميم دوما ..ربنا يديه العافية يارب
| Quote: وبعد كدة بنسال عن (الراي الاخر) |
يجب ان تعود فهذا المكان ايضا يحتاج رؤيتك وتحليلك المفصل ومقال الاستاذ سعد الدين يستحق اليس كذلك ؟!!
|
Post: #31
Title: Re: هل يجوز ؟!!........... انشوف أخرتها !!!!!!!!!!!!!!!!
Author: نادية عثمان
Date: 03-25-2006, 03:24 PM
Parent: #25
عاصم الغالى
Quote: احسن شئ انو مافى ...
لانو اذا فى بالتاكيد بيكون فى دشمان هنا فى المنبر والبيت كلام تانى ... |
كلامك صاح وكفاية على الوالد الدوشمان الجد جد ماناقصة كمان دوشمانات المنابر !!!!!!!!!
خلى بالك من روحك اخوى الغالى
|
Post: #30
Title: Re: هل يجوز ؟!!........... انشوف أخرتها !!!!!!!!!!!!!!!!
Author: saadeldin abdelrahman
Date: 03-25-2006, 02:39 PM
Parent: #1
نادية و مقالات (استاذنا و سميي) 
تسلمي
هي كتابة مريحة للقلب و الأعصاب
و لا يفهمها و يتلقاها الا ذو بصيرة و ذوق.
-----
الله يطمنك يا بت عم عثمان.
|
Post: #37
Title: Re: هل يجوز ؟!!........... انشوف أخرتها !!!!!!!!!!!!!!!!
Author: نادية عثمان
Date: 03-25-2006, 05:02 PM
Parent: #30
سعد الدين (حاف) بدون القاب الاستاذية خوفا من الالتباس !!!
Quote: هي كتابة مريحة للقلب و الأعصاب
و لا يفهمها و يتلقاها الا ذو بصيرة و ذوق. |
سعد الدين ابراهيم استاذى ..ملك فن الكتابة الساخرة ..يديهو العافية يارب
|
Post: #32
Title: Re: هل يجوز ؟!!........... انشوف أخرتها !!!!!!!!!!!!!!!!
Author: saadeldin abdelrahman
Date: 03-25-2006, 03:42 PM
Parent: #1
فقط توضيح للزملاء الاعزاء و للجميع حتى لا يحدث خلط
الاستاذ سعدالدين ابراهيم ليس زميلا لنا/لكم/ن في هذا المنبر
درج بعد الاخوة هنا على مناداتي بسعدالدين ابراهيم عن طريق الخطأ..
حاولت تصحيح ذلك مرتين أو أكثر ثم تجاهلت الأمر.
احترامي له و لتلميذته.
|
Post: #33
Title: Re: هل يجوز ؟!!........... انشوف أخرتها !!!!!!!!!!!!!!!!
Author: نادية عثمان
Date: 03-25-2006, 03:59 PM
Parent: #32
سعد الدين عبد الرحمن
سميى استاذى سعد الدين ابراهيم الفاضل
Quote: فقط توضيح للزملاء الاعزاء و للجميع حتى لا يحدث خلط
الاستاذ سعدالدين ابراهيم ليس زميلا لنا/لكم/ن في هذا المنبر
درج بعد الاخوة هنا على مناداتي بسعدالدين ابراهيم عن طريق الخطأ..
حاولت تصحيح ذلك مرتين أو أكثر ثم تجاهلت الأمر. |
الان فهمت !!
طيب ماتوضح للناس الماعارفين من الصباح !!
استاذى سعد الدين ابراهيم .. علم على رأسه نار
وانا (بعوارتى) كنت معتقدة انو الناس البتقرا جرائد وتسمع ابو عركى كلهم لازم يعرفوا من هو سعد الدين ابراهيم ولكن !!!!
| Quote: احترامي له و لتلميذته. |
وتقبل تحيات استاذى الذى علمنى السحر !!  
وتحيات تلميذته (الغياااااااااااااظة)
|
Post: #34
Title: Re: هل يجوز ؟!!........... انشوف أخرتها !!!!!!!!!!!!!!!!
Author: saadeldin abdelrahman
Date: 03-25-2006, 04:43 PM
Parent: #33
Quote: وانا (بعوارتى) كنت معتقدة انو الناس البتقرا جرائد
وتسمع ابو عركى كلهم لازم يعرفوا من هو سعد الدين ابراهيم ولكن !!!! |
انا بكون قريت ليهو زمان لكن طال الامد و لم اسمع به بعد الا منكي
في بوستات اخرى و عارفة يا نادية اختي انو لمن يكون في شخص كريم (كأستاذك)
يحمل نفس إسمك بيجذب انتباهك غصبا عنك..وكمان في المبدع التاني داك سعدالدين
الطيب عازف الاورغ المشهور.
و هو كما ذكرتي علم على رأسه نار..
و لا يجهله الا من جهل.
اما من ناحية غياظة دي... فغياظة جدا
|
Post: #36
Title: Re: هل يجوز ؟!!........... انشوف أخرتها !!!!!!!!!!!!!!!!
Author: فيصل نوبي
Date: 03-25-2006, 04:51 PM
Parent: #34
يجوز لا يجوز
علي حسب الوضع
|
Post: #38
Title: Re: هل يجوز ؟!!........... انشوف أخرتها !!!!!!!!!!!!!!!!
Author: نادية عثمان
Date: 03-25-2006, 06:17 PM
Parent: #36
فيصل نوبى
Quote: يجوز لا يجوز
علي حسب الوضع |
اى الاوضاع تعنى ايها النوبى ..افصح .. ابن ؟!!!!!!!!!!
|
Post: #39
Title: Re: هل يجوز ؟!!........... انشوف أخرتها !!!!!!!!!!!!!!!!
Author: نادية عثمان
Date: 03-25-2006, 07:08 PM
Parent: #34
Quote: و هو كما ذكرتي علم على رأسه نار..
و لا يجهله الا من جهل. |
سعد الدين ابراهيم الصحافى المخضرم والشاعر الرقيق وهل يخفى القمر ؟!!
ياجماعة زول ينزل لينا اغنية للشاعر الشفيف سعد الدين ابراهيم بالله فهو رجل يستحق الاحتفاء ..
|
Post: #40
Title: Re: هل يجوز ؟!!........... انشوف أخرتها !!!!!!!!!!!!!!!!
Author: نادية عثمان
Date: 03-25-2006, 09:36 PM
Parent: #39
Quote: عارفة يا نادية اختي انو لمن يكون في شخص كريم (كأستاذك)
يحمل نفس إسمك بيجذب انتباهك غصبا عنك..وكمان في المبدع التاني داك سعدالدين
الطيب عازف الاورغ المشهور |
سعد الدين ..سميى استاذى المبجل
بختك ياشاب اسمك ارتبط باسماء المخضرمين فى الشعر والادب والصحافة والموسيقى وايمكن الكورة 
|
Post: #41
Title: Re: هل يجوز ؟!!........... انشوف أخرتها !!!!!!!!!!!!!!!!
Author: نادية عثمان
Date: 03-26-2006, 10:51 AM
Parent: #40
سعد الدين ابراهيم ايها الشاعر الرقيق
تحيييييييييييييييييييييييياتى ..
|
Post: #42
Title: Re: هل يجوز ؟!!........... انشوف أخرتها !!!!!!!!!!!!!!!!
Author: Gafar Bashir
Date: 03-26-2006, 11:16 AM
Parent: #41
العزيزة الاستاذة نادية
تحياتي
برغم الوقت القاتل الا انني سوف اعود لسببين الاول هو دعوتك الجميلة والثاني هو لأن المقال فعلا يستحق ..
عندما قرأت المقال وبعد ان تجاوزت (الابتسامة التي رسمها علي وجهي) ... احسست بعمق مختلف واول ما جاء الي ذهني هو (مسالة الاختلاف وقبول الرأ ي الاخر) وبدأت أفكر ان هذا المقال يرسلنا بعيدا جدا الي بداياتنا ... العلاقات البسيطة ما بين الاباء والابناء ما بين الشرطي والمواطن مابين كل الثنائيات التي صاغها الاستاذ سعد الدين .... والتي تشكل في مجملها ثقافتنا ....
حينما نتحث عن قبول الرأي الاخر لا اظن انه يكفي فقط الحديث حول ان المسالة مرتبطة فقط بالانتماء السياسي ... بل هي ثقافة .. ثقافة الاختلاف وقبول الرأي الاخر والتي تمتد عميقا جدا في داخلنا( وهذا العمق يظهر في تعاملاتنا البسيطة وسلوك اهلنا البسيطين) ...
علي سبيل المثال ما تتعرض له الكثير من الاخوات في المنبر من تجني (غير موضوعي) حتي وفي اللحظات التي تكون فيها محقة الي درجة عالية اضافة الي التجاوزات الي المسائل الشخصية ( والبنات اكثر من يتعرضن لذلك ) فليست المسالة فقط اختلاف سياسي ... بل ما يحدث هنا يعكس التربية والمنشأ في البداية ... اما الاختلاف الفكري والسياسي فهو ما يدفع هذه التربية الي الصعود الي السطح ...
فلا يعني اختلافي السياسي والفكرة مهما كان حادا مع امراة ان اتجاوز هذا الاطار الي الاخلاقي مثلا كوسيلة (للانتصار) وحتي لو كنت في اقصي درجات الاختلاف السياسي ... وحتي في تلك اللحظات التي يحدث ذلك غصباً عنا (بفعل هذه الثقافة) نستطيع ان نعتذر ونتراجع ..... وهذا يعني ايضا ان الانفلات من مثل هكذا ثقافة ليس بالامر البسيط ... وما يأمله كل من وعي مسالة الثقافة وتأثيرها غير المباشر علي سلوكنا ان هذه المسالة سوف تنتهي يوما ما باعتبار ان ما وصل اليه من مفهوم (منقوص) سيزداد صحة من خلال توريثه لاحقا للأبناء وهم بدورهم يفعلون ما بوسعهم .... والمسالة تشبه مسالة الرق في العالم ....
ولكن هنالك من يعتقد جازما أن المرأة هي مخلوق (أدني من الرجل) ... ربما لايقول المسالة مباشرة (مثل النموذج أعلاه – مسالة تطور وضغط راي عام) ولكنه يتمثله وبدرجة كبيرة في سلوكه وكتابته ... ربما لانه لم يفكر يوما في ان المسالة غير مسلم بها ولا هي مقدسة ....
ما اريد قوله بالنظر الي مشاكلنا الا نقف علي السطح فقط ونري الاختلافات العامة ولكن ان نغوص الي الاعمق لنري اساس المشكلة في ثقافتنا وتكويننا ....
هذا ما خرجت به بعد قراءة مقال الاستاذ سعد الدين ..
ولذلك كان رأيي ان المقال يملك عمق اكبر مما يبدو ...
وتحياتي لك مرة أخري ...
|
Post: #43
Title: Re: هل يجوز ؟!!........... انشوف أخرتها !!!!!!!!!!!!!!!!
Author: Gafar Bashir
Date: 03-26-2006, 11:20 AM
Parent: #42
بالمناسبة ... البت مريم (لازم تجتهدي شوية عشان تعرفي الباقي)
|
Post: #48
Title: Re: هل يجوز ؟!!........... انشوف أخرتها !!!!!!!!!!!!!!!!
Author: نادية عثمان
Date: 03-28-2006, 01:35 PM
Parent: #43
النبيل جعفر بشير
| Quote: بالمناسبة ... البت مريم |
اممممممممممممممممممممم!!!
مريم الصادق المهدى ؟!!
مريم ماكبا ؟!!
مريم المجدلية ؟!!
مريم بت الحسين ؟!!
(مريم منو ..غلبنى) ؟!!
| Quote: (لازم تجتهدي شوية عشان تعرفي الباقي) |
معليش ساعدنى
ممكن استعين بصديق ؟!!
|
Post: #46
Title: Re: هل يجوز ؟!!........... انشوف أخرتها !!!!!!!!!!!!!!!!
Author: نادية عثمان
Date: 03-27-2006, 09:36 PM
Parent: #42
الرجل الانيق المفردة
المهذب جعفر بشير
| Quote: برغم الوقت القاتل الا انني سوف اعود لسببين الاول هو دعوتك الجميلة والثاني هو لأن المقال فعلا يستحق .. |
تشكراتى من الصميم ايها الرجل النبيل..
| Quote: عندما قرأت المقال وبعد ان تجاوزت (الابتسامة التي رسمها علي وجهي) ... احسست بعمق مختلف واول ما جاء الي ذهني هو (مسالة الاختلاف وقبول الرأ ي الاخر) وبدأت أفكر ان هذا المقال يرسلنا بعيدا جدا الي بداياتنا ... العلاقات البسيطة ما بين الاباء والابناء ما بين الشرطي والمواطن مابين كل الثنائيات التي صاغها الاستاذ سعد الدين .... والتي تشكل في مجملها ثقافتنا .... |
اذن الامر ليس مجرد توارد افكار وخواطر بيننا ولكنها الفكرة العميقة التى تخاطب الروح والعقل معا .. وهذا هو استاذى سعد الدين ابراهيم ولاغرو !!
| Quote: حينما نتحث عن قبول الرأي الاخر لا اظن انه يكفي فقط الحديث حول ان المسالة مرتبطة فقط بالانتماء السياسي ... بل هي ثقافة .. ثقافة الاختلاف وقبول الرأي الاخر والتي تمتد عميقا جدا في داخلنا( وهذا العمق يظهر في تعاملاتنا البسيطة وسلوك اهلنا البسيطين) ... |
ثقافة الاختلاف وقبول الرأى الاخر .. نعم هنا تضغط على وتر النقص فى ابجدياتنا الحياتية .. وكم هو جميل لو اننا تقبلنا الراى والرأى الاخر ولكن!!
| Quote: علي سبيل المثال ما تتعرض له الكثير من الاخوات في المنبر من تجني (غير موضوعي) حتي وفي اللحظات التي تكون فيها محقة الي درجة عالية اضافة الي التجاوزات الي المسائل الشخصية ( والبنات اكثر من يتعرضن لذلك ) فليست المسالة فقط اختلاف سياسي ... بل ما يحدث هنا يعكس التربية والمنشأ في البداية ... اما الاختلاف الفكري والسياسي فهو ما يدفع هذه التربية الي الصعود الي السطح ... |
وماهو العلاج من وجهة نظرك اخى جعفر ؟!!
| Quote: فلا يعني اختلافي السياسي والفكرة مهما كان حادا مع امراة ان اتجاوز هذا الاطار الي الاخلاقي مثلا كوسيلة (للانتصار) وحتي لو كنت في اقصي درجات الاختلاف السياسي ... وحتي في تلك اللحظات التي يحدث ذلك غصباً عنا (بفعل هذه الثقافة) نستطيع ان نعتذر ونتراجع ..... وهذا يعني ايضا ان الانفلات من مثل هكذا ثقافة ليس بالامر البسيط ... وما يأمله كل من وعي مسالة الثقافة وتأثيرها غير المباشر علي سلوكنا ان هذه المسالة سوف تنتهي يوما ما باعتبار ان ما وصل اليه من مفهوم (منقوص) سيزداد صحة من خلال توريثه لاحقا للأبناء وهم بدورهم يفعلون ما بوسعهم .... والمسالة تشبه مسالة الرق في العالم .... |
تشبيه بليغ جدا !!
| Quote: ولكن هنالك من يعتقد جازما أن المرأة هي مخلوق (أدني من الرجل) ... ربما لايقول المسالة مباشرة (مثل النموذج أعلاه – مسالة تطور وضغط راي عام) ولكنه يتمثله وبدرجة كبيرة في سلوكه وكتابته ... ربما لانه لم يفكر يوما في ان المسالة غير مسلم بها ولا هي مقدسة .... |
ولكن المراة ماعادت تعطى مساحة لمثل هذا الجزم الخاطئ وذلك بما اثبتته وتثبته يوميا من نجاحات وتقدم حتى وان جزم بعض الرجل او اعتقدوا فى غير ذلك واهمين !!
| Quote: ما اريد قوله بالنظر الي مشاكلنا الا نقف علي السطح فقط ونري الاختلافات العامة ولكن ان نغوص الي الاعمق لنري اساس المشكلة في ثقافتنا وتكويننا .... |
بل ان اس البلاء لدينا هو الوقوف على السطح ..ولكن هل يمكن معالجة ماغرس فى التكوين ثقافة وعادات وتقاليد وافكار مهما كانت درجة صلاحها من فسادها وكيف يكون ذلك من وجهة نظرك ؟!!
Quote: هذا ما خرجت به بعد قراءة مقال الاستاذ سعد الدين ..
ولذلك كان رأيي ان المقال يملك عمق اكبر مما يبدو ... |
سعيدة انا باستاذى وبك وبطريقة ادارتك للحوارات الهادفة والموضوعية جدا
كن مارا دوما من بيوتاتى وكن بالف خير
|
Post: #44
Title: Re: هل يجوز ؟!!........... انشوف أخرتها !!!!!!!!!!!!!!!!
Author: saadeldin abdelrahman
Date: 03-27-2006, 02:10 AM
Parent: #1
Quote: ياجماعة زول ينزل لينا اغنية للشاعر الشفيف سعد الدين ابراهيم
بالله فهو رجل يستحق الاحتفاء |
بالله كمان ليهو اغاني ...
لا كان كده انا قصرت تب!
كدي قولي لينا منها حاجة
و نكون شاكرين يا ام ايمان.
|
Post: #49
Title: Re: هل يجوز ؟!!........... انشوف أخرتها !!!!!!!!!!!!!!!!
Author: نادية عثمان
Date: 03-28-2006, 07:16 PM
Parent: #44
Quote: بالله كمان ليهو اغاني ...
لا كان كده انا قصرت تب! |
تجربة
تجربة
مريرة جد
واجتزتهاااااااااااااااااااااا!!
Quote: كدي قولي لينا منها حاجة
و نكون شاكرين يا ام ايمان. |
اقول شنو ولاشنو بس .. ده شيتين كتييييييير بالحيل يااخوى يلا قول معاى !!
|
Post: #45
Title: Re: هل يجوز ؟!!........... انشوف أخرتها !!!!!!!!!!!!!!!!
Author: قرشـــو
Date: 03-27-2006, 03:23 AM
Parent: #1
العزيزة ندو
لك التحية
وانا عكس الاخرين - وكما أقرا الصحف - ارد عليك من الآخر الذى لا علاقة له بالأول
Quote:
اخيرا هل يجوز والغربة حارة بالخطاب تبخل علي.. |
وأقول ليك الغربة بحق حارة وبتخلى الواحد ينكش اى حاجة حوله وفجأة تقيف مشدوه امام ضحة :
قلبى فى بُعدك اتعذّب ... وبين أضلاعو ارتجَّ
ليلي الساهر يحلم بيك ... يعدّد فى النجوم ويرجا
رافض يصدق الواقع ... عامل فى الصميم ضجّه
***
سماى فى نهارها بتنوَّر ... وقمراً فى الهجير فجّه
ما تقول ليّا صبرا يشُر ... حِبالوا فى عمرى يتمدا
فراقك باقى لى علقم ... بعدك حَيلِى إتهدّا
***
تَقيد شمعة حُزن جُواى ... شمعة فرحى تحتجّ
غرقت فى بحرك الرجاف ... عميق بحرين هواك لُجّه
نِشَف ورد العروق والروح ... رحل نبض الوريد هجّا
***
أكيد فى يوم تعود تانى ... وكت ما الكون عليك يفضا
تعود ترجع لِتحناني ... وكت صمت السكون يهدأ
وأحلف ليك بتلقانى
بحبك واصفيك يازول ... ومهما طالت المدة
للقراء الأحباب ده ما كسير تلج والله
ده نظام من لسانك وافتل ليك
|
Post: #47
Title: Re: هل يجوز ؟!!........... انشوف أخرتها !!!!!!!!!!!!!!!!
Author: مجدي شبندر
Date: 03-28-2006, 02:25 AM
Parent: #45
الاستاذة نادية
رغم الغياب لكن حضورك وفير ومدفق .
نادية دوما تدشنين السير في أذقة جديدة .وتوقدين الشمعة في ظلمات حالكة .
هنالك بعض الاراضي غير المحررة في جغرافيا الذاكرة .تسيطر عليهاثقافة ماثقافة لا تفرق بين
الموضوعي والذاتي ,هذا الخليط نتجرعه الان وبه شئ من (التفل) علينا تنقية هذا الخليط
باستحدام مصفاة الحوار بادوات علمية .
إستضافة العلم دوما يمارس فعل التهذيب الثقافي ويطور من ادواتها .ولذلك عملية النقد وهو
طب النص .ولذلك لا بد ان يتم وضع النص في المعامل التحليلية العضوية او تحت الاشعة حتي يتم
الكشف عن ما لا تكشفة لنا ادواتنا المجردة .
جاييك راجع
مجدي شبندر
|
Post: #52
Title: Re: هل يجوز ؟!!........... انشوف أخرتها !!!!!!!!!!!!!!!!
Author: نادية عثمان
Date: 03-29-2006, 04:58 PM
Parent: #47
الراقى مجدى شبندر
لك التحايا ووافر الاحترامات ايها الرجل الجميل الدواخل جدا
| Quote: نادية دوما تدشنين السير في أذقة جديدة .وتوقدين الشمعة في ظلمات حالكة . |
ودوما تأتينا انت بالرؤية والتحليل الثاقب فتكسو مانكتب ثوب النقد الهادف والبناء .. فلك منى الشكر اجزله
لازم ترجع فمقال استاذى سعد الدين ابراهيم مدهش ويستحق تحليلك العميييييييييييييييييق !
|
Post: #50
Title: Re: هل يجوز ؟!!........... انشوف أخرتها !!!!!!!!!!!!!!!!
Author: نادية عثمان
Date: 03-29-2006, 11:50 AM
Parent: #45
قرشو الرائع
الله عليك ياود يانيل
الظاهر عليك حفظت الديوان صم ياقرشو
Quote: للقراء الأحباب ده ما كسير تلج والله
ده نظام من لسانك وافتل ليك |
ده كسير تلج للديوان وتسلم ياغالى يارب
|
Post: #51
Title: Re: هل يجوز ؟!!........... انشوف أخرتها !!!!!!!!!!!!!!!!
Author: khaleel
Date: 03-29-2006, 11:56 AM
Parent: #50
ام ايمان
ست النسوان
رايك شنو في نقد بتاع حليم دها
بتلوموني
ليه
لو شفتم عينيه
حلويين
اد ايه
|
Post: #53
Title: Re: هل يجوز ؟!!........... انشوف أخرتها !!!!!!!!!!!!!!!!
Author: نادية عثمان
Date: 03-30-2006, 02:52 PM
Parent: #51
خليل الزول ابو قلب جميل
تسلم على المرور الباهى دوما
وارجو ان لاتغب عن بيوتاتى ابدا
عايزة اقول ليك حاجة :
انت ماعايز تخت لينا صورتك ليه ؟!!
|
Post: #54
Title: Re: هل يجوز ؟!!........... انشوف أخرتها !!!!!!!!!!!!!!!!
Author: نادية عثمان
Date: 04-02-2006, 08:34 PM
Parent: #53
Quote: مريم الصادق المهدى ؟!!
مريم ماكبا ؟!!
مريم المجدلية ؟!!
مريم بت الحسين ؟!!
(مريم منو ..غلبنى) ؟!! |
مازلت انتظر اجابتك يااستاذ جعفر بشير !!! (وجه يريد ان يعرف مريم المعنية )!!
|
Post: #55
Title: Re: هل يجوز ؟!!........... انشوف أخرتها !!!!!!!!!!!!!!!!
Author: نادية عثمان
Date: 04-09-2006, 10:18 PM
Parent: #54
صباحاتك خير استاذى سعد الدين ابراهيم
|
Post: #56
Title: Re: هل يجوز ؟!!........... انشوف أخرتها !!!!!!!!!!!!!!!!
Author: nour tawir
Date: 04-10-2006, 01:08 AM
Parent: #55
نادية
دخلت لالقى تحية المساء..
وأتنسم عبير الياسمين..
وأتحسس موقعى فى قلب الناس الشفافة والبتحس..
أما موضوعك دا ياأختى...
ما أظن ليه آخر!
دا موضوع صعب...
|
Post: #59
Title: Re: هل يجوز ؟!!........... انشوف أخرتها !!!!!!!!!!!!!!!!
Author: نادية عثمان
Date: 04-10-2006, 02:39 PM
Parent: #56
الحبيبة الى قلبى دوما
نور بت عم تاور
Quote: دخلت لالقى تحية المساء..
وأتنسم عبير الياسمين..
وأتحسس موقعى فى قلب الناس الشفافة والبتحس.. |
دخولك الى بيوتاتى يزيدها القا وتكتسب من اسمك (نور) مجمل الضياء والاشراق فكونى فى الجوار دوما ومكانك فى قلوب من يحبونك تتربعين فيه ملكة متوجة يافتاة من ذهب !
Quote: أما موضوعك دا ياأختى...
ما أظن ليه آخر!
دا موضوع صعب...
|
اتعودنا انو الدنيا دى مافيها شيتا ساهل يابت امى لكن الله فى !!!
|
Post: #57
Title: Re: هل يجوز ؟!!........... انشوف أخرتها !!!!!!!!!!!!!!!!
Author: فيصل محمد الطيب
Date: 04-10-2006, 09:10 AM
Parent: #1
وهل يجوز والغربة حارة بالخطاب تبخل على
|
Post: #62
Title: Re: هل يجوز ؟!!........... انشوف أخرتها !!!!!!!!!!!!!!!!
Author: نادية عثمان
Date: 04-10-2006, 05:26 PM
Parent: #57
الاكرم فيصل محمد الطيب
| Quote: وهل يجوز والغربة حارة بالخطاب تبخل على |
لا والله لا يجوز .. خاصة وان الجواب نصف المشاهدة !!
|
Post: #58
Title: Re: هل يجوز ؟!!........... انشوف أخرتها !!!!!!!!!!!!!!!!
Author: فيصل محمد الطيب
Date: 04-10-2006, 09:12 AM
Parent: #1
مع خالص تحياتى للأستاذة نادية
|
Post: #60
Title: Re: هل يجوز ؟!!........... انشوف أخرتها !!!!!!!!!!!!!!!!
Author: بدر الدين الأمير
Date: 04-10-2006, 04:11 PM
Parent: #58
نادية لك الود مجزولا
شخصيا ادخل للبوست من عنوانه
وعنوان البوست كان هل يجوز ؟ !!0000انشوف أخرتها !!!!!!!
وهذا يعنى لى ان صاحب البوست باحث عن حقيقة او حق وكلاهما محل بحث وتقديرعندى
وحين فتحت البوست وجدت ان المعنى بالحديث هو سعد الدين ابراهيم
وانا اعلم ان الاخت نادية تعيش فى القاهرة وقبل قليل وصل للدوحة قادم من القاهرة الدكتور
سعد الدين ابراهيم مدير مركز ابن خلدون للمشاركة فى منتدى الدوحة للديقراطية والتجارة
الحرة والتنمية المستدامة وبصفتى مشرفا على الترجمة الفورية لفعاليات المنتدى وكثيرا نلتقى
ونحكى عن السودان ومصر لم يحكى لى شىء عن كتابه له تخص المراة السودانية وحين وصلت لنهاية
البوست وفى هذه اللحظة بالتحديد ايقنت ان نادية ممكن تجهج لناس بصورتها وبعناوين بوستاتها
ونلتقى بعدالمؤتمر وسوف احكى ذلك للدكتور سعدين ابراهيم
|
Post: #61
Title: Re: هل يجوز ؟!!........... انشوف أخرتها !!!!!!!!!!!!!!!!
Author: نادية عثمان
Date: 04-10-2006, 05:09 PM
Parent: #60
الاخ الكريم بدر الدين الامير
| Quote: نادية لك الود مجزولا |
ولك مثله واكثر اخى الاكرم
| Quote: شخصيا ادخل للبوست من عنوانه |
الكثيرون منا يفعلون ذلك فعنوان البوست من المفترض انه يدل على فحواه !
Quote: وعنوان البوست كان هل يجوز ؟ !!0000انشوف أخرتها !!!!!!!
وهذا يعنى لى ان صاحب البوست باحث عن حقيقة او حق وكلاهما محل بحث وتقديرعندى |
نعم .. معاك !
| Quote: وحين فتحت البوست وجدت ان المعنى بالحديث هو سعد الدين ابراهيم |
نعم صاحب المقال موضوع البوست هو استاذى الكاتب الصحافى والشاعر المعروف سعد الدين ابراهيم وله عاموده الشهير بجريدة الصحافة الغراء تحت عنوان النشوف اخرتا !
Quote: وانا اعلم ان الاخت نادية تعيش فى القاهرة وقبل قليل وصل للدوحة قادم من القاهرة الدكتور
سعد الدين ابراهيم مدير مركز ابن خلدون للمشاركة فى منتدى الدوحة للديقراطية والتجارة
الحرة والتنمية المستدامة وبصفتى مشرفا على الترجمة الفورية لفعاليات المنتدى وكثيرا نلتقى
ونحكى عن السودان ومصر لم يحكى لى شىء عن كتابه له تخص المراة السودانية وحين وصلت لنهاية
البوست وفى هذه اللحظة بالتحديد ايقنت ان نادية ممكن تجهج لناس بصورتها وبعناوين بوستاتها |
التحايا للاستاذ سعد الدين ابراهيم مدير مركز ابن خلدون ..قول ليهو نادية بت عمك عثمان بتسلم عليك !
لكن حكاية انى بهجج الناس بصورى وبوستاتى دى يخربنى مافهمتها !!
يعنى ده يقع فى باب المدح ولا الذم هسى ؟!!
Quote: ونلتقى بعدالمؤتمر وسوف احكى ذلك للدكتور سعدين ابراهيم
خلاص سمح .. اها ولمن ترجع انشوف اخرتا !
|
|
|