|
كمـال أوسـلي ..الولـيد مبروووك و ان شا الله شايل اسـمو.. (أحـمـد)..
|
حبيبنا كمال ابن أوسـلي البار يكثر من الحمد و الإبتسـام منذ بداية هذا اليوم، فقد رزقـه الله إبنآ حلوآ، اختار له إسـم أحـمـد..نحن نحمد الله على سلامة والدته و نكرر التهانيء الحارّة للعزيز كمال و لكل الأهـل بأوسـلي أبتداء من عـبـّـود سـرورة و مرورآ بكل العائلة الكريمة و انتهاء بكل بني شايق الأعزّاء.. مبروك تاني و حمدالله ع السلامة.
|
|
|
|
|
|
|
|
Re: كمـال أوسـلي ..الولـيد مبروووك و ان شا الله شايل اسـمو.. (أحـمـد).. (Re: الصادق عثمان)
|
الخبر السمح طيب السراير جابو احمد شرف البيت العزاز اصحابو مبروك ياكمال وتانى حوده حبابو ونعمات الاله تغشاه تتوصابو
============================= والحس السمح كم سيدو يتباهابو يتبلبل يعوم فى فرحو وكت تسابو ومن بله الفرح لابد يزيد قيسابو يكبر سهمو يتضاعف شعور فى حسابو ------------------------------ الخبر السمح داخل معاك يا دابو قولك لحّنوا الزول البعيد نادابو خلّدت الولد من بين جميع أترابو في أوسلي البلد أرضو و عقاب تيرابو ================================ من طيبك يمين احمودى مالى جرابو وفى حرب الوجود ماسك سهم نشابو حافظ للاصول وفرحك اكيد حسابو حالف باليمين كم عمو يتباهابو
| |
|
|
|
|
|
|
Re: كمـال أوسـلي ..الولـيد مبروووك و ان شا الله شايل اسـمو.. (أحـمـد).. (Re: نادية عثمان)
|
فارس موسى --------- لا انت لا العريس ما عندكم خبر جيران السواد والرماد السهيلى مجذوب قاطع مويه ونور يا ربى بكون خائف العقبه عندك يا شيخ المسيريه
حسام يوسف --------- واقف براك والهم عصف لما يقيف معاك زول قول عوك شكرا على الكتابه والاتصال
ياسر طيفور ---------- والعاقبه عندكم فى افراحكم زولك دااااااك اخبارو شنو?
شكرا يا راقى
ناديه عثمان ----------- ليك وحشه يا البت الما بتشبه البنات شاهدتك فى التلفاز وقلت تخلق من شبه ناديتنا اربعين
اد اوسمان ---------- او ادوس (اسم دلع بالتوكى) بعد الكيزان ودوك ماليزيا خبرك انقطع شهادة بيان لن تنفعك
| |
|
|
|
|
|
|
Re: كمـال أوسـلي ..الولـيد مبروووك و ان شا الله شايل اسـمو.. (أحـمـد).. (Re: بكري اسماعيل)
|
شكرآ للصحفيّـة نادية و الأخ جاد و مع الجميع نكرر التهانيء للحبيب كمال بمقدم أحمد
الحبيب بكري اسماعيل ..مرحب بيك و شكرآ ليك إبراهيم خلف الله والطاهر خلف الله؟؟ ديل أهـلي ديل أهـلي البشابيلهم تقول مفطوم ديل أهلي ال..قدر ما أطـش أشوفهم في سمايا نجوم ديل أهلي ديل أهـلي البـدق سـدري و اقيف في الدارة.. وسط الدارة..و اتنبّـر و أقول للدنيا ديل أهـلي ديل أهـلي ديل أهـلي ديل أهـلي .. الطيب بشير الطيب خلف الله عدييييل و لا دايرالها حساب و قومة نفس يا حبيبنا بكري المرحوم الطاهر خلف الله عم الوالد و جارنا بالحيطة في طابت (بيت عطلاتو). أمّا عمنا الحاج ابراهيم خلف الله، حفظه الله، فهو كبير العائلة و دخرينا و ملاذنا، شرّفني في خطوبتي فعرف الناس أنّـه يقدّرني، و بالطبع جاء في عقد قراني فهـو رجل ان رأيت عمامته في الحي تعرف أن أمرآ جللآ قد حدث فهو لا يأتي للسماية و الطهور..هو ابن عم الوالد لأن اسمه الكامل، إبراهيم محمد خلف الله أحد أهم رجالات طابت و أب قوتة و الحلفاية و عموم الدباسيين. شكرآ ليك يا حبّـوب.
| |
|
|
|
|
|
|
Re: كمـال أوسـلي ..الولـيد مبروووك و ان شا الله شايل اسـمو.. (أحـمـد).. (Re: عبدالله)
|
جاد --------- ونتمنى ان تكون ايامك كلها افراحا وشكرا على الطله
حيدر حماد ---------- ود الطهور مصر على تاديب وتربية اخوه وعندما سالته وما دورى انا قال انت مش اعترفت انو نحن مرقنا بلا ادب ادينا فرصه عشان ما يطلع زينا
تعرف ود الطهور كثرة قعادو مع الزملاء السهيلى مجذوب وفارس موسى حتخلق منه اكبر متمرد بس خط عبد الواحد ولا اركوى دى تحددا انت شكرا ياود حماد
خالد العبيد ------------ ابو النسب ونتمنى معك مستقبل لارض المليون ميل التحايا للوليدات وامهم ولخالهم محجوب عبيد اينما حل ولبت العم دكتوره منى عبيد
عبدالله ------- من حسينارتى لاوسلى تمتد حبال التواصل مجسده فى الخالات بخيته وزينب الشيخ بالمناسبه قريبك عبد الله رزق بابن قبل شهرين
عوض الله أحمد الطيب ----------------- ما ذكرت اوسلى الا وذكر ابنها البار عوض الله لك التحايا ايها القريب البعيد وايها البعيد القريب والتحايا موصولة من خالتك ام احمد
| |
|
|
|
|
|
|
Re: كمـال أوسـلي ..الولـيد مبروووك و ان شا الله شايل اسـمو.. (أحـمـد).. (Re: بنفسج)
|
بكري اسماعيل ------------- نتمنى ان نسمع عنك كل ما هو مفرح
سؤال جانبى قريبك الطيب دا حائم البوستات دى كلها بى رجل كلب ما لقيت تقبضه الا هنا
بنفسج ----- يا ربى دا بنفسج البالتكى ولا زولا بيشبهه ساكت مليون شكرا على المرور والتهانى
انور الكينق ---------- اصحابك المعاى هنا ما فضل منهم غير عاذب ديمه(معاذ محمد الخليفه طويلب) حيث تزوج عصام الكردى قبل شهرين ووليد قبل شهر ومحمد الكردى عازم وكل ما نضيق الخناق على معاذ يجيب انه فى انتظار عمو انور كينق فمتى يستقيم العم حتى يستقيم الابن
| |
|
|
|
|
|
|
Re: كمـال أوسـلي ..الولـيد مبروووك و ان شا الله شايل اسـمو.. (أحـمـد).. (Re: عبدالرحمن عزّاز)
|
Quote: الطيب.... الطيب يا شيخ الشباب،،،، |
حبيبنا عبدالرحمن عزّاز عاوزين تشيخوني ع شان (تهمّـشـوني) بعد داك لحقتها بي حكاية شيخ الشباب دي؟ يا زول انا لمّا أجي ملواكي الزيارة الجاية تلقاني مع أولاد هاشم و أولاد سراج بس!..عجايز ما معانا..أقل حاجة بدر الدين بشير..غير كدة كلّـكم عجايز ..شفت يا الحبّـوب كلام الزول الـ(حايص ليهو).. بدّيك سلك يا ابوي الليلة دي ان شاء الله.. يلزمني اعتذار للحبيب أحمد و العزيز كمال أوسـلي للتواصل في معرض الإحتفاء بمقدم حمودي للدنيا.
| |
|
|
|
|
|
|
Re: كمـال أوسـلي ..الولـيد مبروووك و ان شا الله شايل اسـمو.. (أحـمـد).. (Re: Al-Shaygi)
|
ياسيكو -------- أوسلى من الحرازى للحرازى تهنئ شرقها الحبيب وابنه ياسين والف تحيه لقلب اراكنا للسورجاب والجبل العالى
هانى --------- وربنا يحفظك وتكون متواجد دائما فى كرنفالات افراحك
عبدالرحمن عزّاز --------------- نسمع عنك من الاخ معاذ طويلب ولم نحظ بلقاءك تلفون ابو الطيب اسمه قافل ديمه تشكر على التهانئ
عبد الله عقيد ----------- طالت مدة التقاطع معك فى بوستات العجاجه القايمه
احتفاءك باحمد اثلج الصدر
الشايقى بس اوع من تقول نوديه خلوة الشيخ البدرى بالكنيسه وقد اصبح شيوخها عبد المنعم وعماد الطاهر لهما التحايا ولك التقدير
تمبس ------ استاذى الذى فشل فى نقلى للصف التالى منذ ثلاثة اعوام ومن متين الطيب بقى شيخك
| |
|
|
|
|
|
|
|