فيديو كليب: الهِـلال مَـهْـدُ الجَمَال

... أعزاءنا المريخاب يتعجبون لحبنا الكبير للهلال رغم خلو رصيده من "الإنجازات الخارجية" كما يرددون كلما مزق فتيان الهلال شباكهم مثنى وثلاث ورباع !!
إن كانت "الإنجازات الخارجية" هي التي تربط المريخاب بالمريخ، فإن الذي بين الهلال والهلالاب تواصلٌ بين فنان مبدع وجمهور ذواق وحوار بين زهرة جميلة وفراشات تتنسم عبيرها،
السر وراء حب الهلالاب للهلال: أنه مهد الجمال، والما مصدق، يشوف الفيديو كليب ده...



_______________________________
... وفي رواية أخرى: رشاشات !!

ود الريح :

Quote: إن كانت "الإنجازات الخارجية" هي التي تربط المريخاب بالمريخ، فإن الذي بين الهلال والهلالاب تواصلٌ بين فنان مبدع وجمهور ذواق وحوار بين زهرة جميلة وفراشات تتنسم عبيرها،

يا اخوي الكلام ده كان الناس ديل بيفهمو ما كان بقوا مريخاب
الناس ديل اديهم بسيييييييييتة بسيييييييييييييتة ..سمح ؟
بالرغم من إنو الكليب ابا يشتغل معاي يا احمد لكن في حضرة جلال الهلال يطيب الجلوس ..
ولسة بحاول عشان الكليب يشتغل ..

تخريمة :
يا اخوي الفارغة ومقدودة دي حقت المريخاب دحين رسل لي راكوبة ده (عوضنا الله) بي تحت تحت خليهو يظهر لينا المقطع ده
قا لشيكوزي عندو تلاتة فنايل قال !!!!!!!
هو كان عندو كان رجع نيجيريا ؟؟؟؟

ودالريح
حالة الهلال دي تحتاج لفيلم تسجيلي يبحث عن موضوع العقم الطويل، اسمع طفل انابيب ينفع معاكم
تملي معاك دي أول ماسمعتها اتذكرتا " بيضوضان"

يا راكوبة افتينا انت الكليب ده اشتغل معاك ولا شنو ؟؟؟
عندي حالف ما يشتغل !!!!!!! يكون الموقع محظور ولا شنو بالضبط ..

عمر
الفيديو شغال تمام، اعتقد الموقع بكون في السعودية محظور، و(الرجاء) المحاولة مرة أخرى

العزيز / عمرالفاروق




دائما قبل المباراة ( الهلال والمريخ ) تجي تنطط في المنبر .. وبعد المباراة لاحس لاخبر و بتغيب شهر كامل .
ماقلت لي : كورة داريو الي كان لقيتوها ؟؟؟؟؟

Quote: * (هكر) خطير أطلق على نفسه اسم (بيضوضان).. استولى على منتدى موقع الهلال الإلكتروني ومسح كل المشاركات التي لا تعجبه ووضع بدلاً عنها صورة (خمسة مسمامير)! * لا ننطق من فراغ عندما نقول إن المريخ أقرب للفوز في لقاء الغد.. لأن شباك خصمه اهتزت ست مرات في ثلاث مباريات.. ولم يفتح الله على هجومه بهدفٍ واحد! * من الطبيعي أن يصف موقع البي بي سي المريخ بعملاق إفريقياً لأنه أحد أبطالها.. ومن الطبيعي ألا يذكر أي نادٍ سوداني آخر لأن المريخ هو النادي السوداني الوحيد الذي تذوق شهد البطولات القارية! * فريق اهتزت شباكه 13 مرة في ست مباريات وإعلامه فرحان.. ويمدح اللاعبين كل صباح! * على مسؤولية صديقي خالد باترا.. لا خوف على المريخ من مباراة الغد إن لعب سداسي خط هجومه المكون من إيفوسا وإيداهو وميدو والعجب وقلق ومرق بمستواه المعهود!

والتحية للجميل احمد الريح ...