Post: #1
Title: الناس ديل جنو ولا شنو يا جماعة
Author: قرشـــو
Date: 03-22-2006, 07:20 AM
Parent: #0
زمان ونحن صغار كانت فى حكاية منتشرة وهى انه تجيك ورقة مكتوب عليها انه حارس الحرم النبوى حلم وقال اى واحد تصله الورقة دى لازم ينشرها على 15 نفر واذا ما نشرها حايحصل ليه ويحصل ليه واذا نشرها كمان حايلقى ويلقى ....
اها شوفوا ناس الماسنجر كمان قالوا شنو :
هاي ...نحن جون و أندي المسؤولون عن المسنجر..
عذرا على الازعاج ولكن اردنا ان نحيطكم علما بان حساب الماسنجر سيتم اغلاقه وذلك لوجود الكثير من الاشخاص قليلي الاهتمام الذين يقومون بفتح عدة حسابات -يقصدون ايميل- للمسنجر وبذلك يستهلكون جميع الاسماء الممكنة لعمل ايملات جديدة لاناس اخرين
حاليا لم يتبقى في حساب المسنجر سوى 578 اسما -يقصدون ما بقى غير 578 ايميل
اذا كنت ترغب في اغلاق ايميلك فلا ترسل هذه الرسالة اما اذا كنت ترغب في ابقاء ايميلك فارسل هذه الرسالة لجميع الاشخاص الموجودين لديك في قائمة المسنجر
ان هذه الرسالة ليست بمزحة..سنقوم باغلاق موفري الخدمة او ما يعرف بالسرفرز
ارسل هذه الرسالة لجميع من في قائمتك .. شكرا
اي شخص لين يقوم بارسال هذه الرسالة سيتم اغلاق ايميله ومن ثم شيضطر لدفع 10 باوند او ما يعادل حوالي 7 دينار بحريني شهريا من اجل استخدام ايميله المغلق
الرجاء ارسال هذه الرسالة لكل المتصلين لديك
الرجاء عدم استخدام الفوورد او الريبلاي لارسال الرسالة ولكن قم بنسخ ولصق محتوى الرسالة في ايميل جديد ثم قم بارساله
شكرا
|
Post: #2
Title: Re: الناس ديل جنو ولا شنو يا جماعة
Author: نجود حسن عبد الرحمن
Date: 03-22-2006, 07:41 AM
Parent: #1
قــــــــرشو
أوع تكون صدقتهم ورسلت
زى ديل بكونو هكر
|
Post: #4
Title: Re: الناس ديل جنو ولا شنو يا جماعة
Author: قرشـــو
Date: 03-22-2006, 08:03 AM
Parent: #2
نجـــــود
حبابك عشرة
يازوله يلقوها عند الغافل
انا زمان ما كنت بصدق ولا بكتب ورق ولا حاجتين
خليك من جن الخواجات ده
تعرفى فى الميل دائما تجينى مراسلات ويقول ليك انت كسبت مليون دولار
ارسل رقم حسابك وحاجات من دى
اقول ليهم بالله دى خلقت مليون دولار
شوفوا ليكم زول ثانى
عمرى ما بصدق كلام ناس الشبكة ديل
شكرا على المرور يا ستى
|
Post: #3
Title: Re: الناس ديل جنو ولا شنو يا جماعة
Author: Tabaldina
Date: 03-22-2006, 07:46 AM
Parent: #1
..
.
شـذد حيلك
قصدوك عددددديل يا مقرشة
تحياتى
|
Post: #5
Title: Re: الناس ديل جنو ولا شنو يا جماعة
Author: قرشـــو
Date: 03-22-2006, 08:05 AM
Parent: #3
حبيبنا تبلدينا
ياخوى انا ما عندى ليهم حاجة
ولا بلقوا منى حاجة
هم غلطانين بالايميل اكيد
امكن لقوا عنوانى ده من السعودية قايلين القبة تحتها فكى
اها ما برسل
النشوفهم حايقطعوا منى الارسال ولا كيف ؟؟؟
|
Post: #6
Title: Re: الناس ديل جنو ولا شنو يا جماعة
Author: almulaomar
Date: 03-22-2006, 08:07 AM
Parent: #1
حبيبنا قرشو
كويس إنك فكيت سيرة أمريكا وبقيت على الماسنجر والسايبر غش ، والله يا قرشو جنس الرسايل دي يا ما جاتنا شئ دعايات فياجرا وشئ دعايات ساعات رولكس مقلدة تقليد جيد وشئ جكس عديل كده وكلها شختك بختك ، يعني إنت تكون على سبيل المثال في غرفة شات وبتدردش مع واحدة تقول والله دي نيكول كيدمان تقوم يامان تظهر الحقيقة إنك بتدردش مع رجل أى والله رجل وأى رجل أضاعو رجل زي لاعب السله الأمريكي شكيل أونيل أها تمشي وين في اللحظه دي.
قصة حارس الحرم وحارس المريخ والفريق القومي  دي سمعت بيها كتير ، وقبل فترة في السودان ليست بالقصيرة كان في واحد مكار عندو حنه بايره قام فكاها ليك في الناس إنو أى طفل أقل من 12 سنة ما يحننو إيدو الشمال حا تجيهو مصيبة ، أها وحاتك في الأيام ديك لو كان عندك ملوخيه ناشفه أو صفق نيم ناشف كان بعتو على أساس إنو حنه يعني الناس منتظره حنة التاج. وبعدها أو قبلها لا فرق في واحد عندو أيضاً كمية بتاعت مكانس مقاشيش زي البكنسو بيها الشوارع أم عصايه طويلة ديك ، أها قوم فكها في الناس وقول إنو الما بعلق مقشاشة في الحافلة أو الركشة أو الأمجاد بتجيهو مصيبة لأنو المقشاشة بتقش البلا ، الغريبة ناس العربات الخاصة والتكاسي والمواتر وعربات الكارو لم يشملهم هذا القرار بالرغم من أنو ناس الحركه بدوهم رخص.
|
Post: #7
Title: Re: الناس ديل جنو ولا شنو يا جماعة
Author: ايهاب نميري
Date: 03-22-2006, 08:09 AM
Parent: #1
قرشو
اقيف بعيد وخليك حديد واعمل 2 شريط
|
|