Post: #1
Title: سرقوا موابيلييييييييييييييييي .... غايتو الزول السوى الحاجة دي ما ظريف
Author: aosman
Date: 03-22-2006, 04:27 AM
|
Post: #2
Title: Re: سرقوا موابيلييييييييييييييييي .... غايتو الزول السوى الحاجة دي ما ظريف
Author: almulaomar
Date: 03-30-2006, 02:55 AM
Parent: #1
أختي الكريمة أخي الكريم
تبرعوا بأي حاجة للمنكوب لشراء موبايل بديل
حساب بنكي رقم12446337621 بنك أمدرمان الوطني
آخر أسعار الموبايلات
693 Nokia N80
450 Nokia E60
530 Nokia 6270
800 Nokia Communicator 9500
480 Nokia 6630
250 Nokia 6670\
293 Nokia 6680
الأسعار أعلاه حسب أسعار سوق الحرامية
الموبايلات جميعها فيها كاميرا
بعض الموبايلات فيها شرائح مسبقة الدفع أريبا
الموبايلات تحتوي على نغمات ما حصلت
الضمان عند الله يعني إشتري وشتت ولا بعرفك لا بتعرفني
الأسعار أعلاه قابلة للتعديل دون سابق إخطار
العرض يسري حتى نفاذ الكمية أوسرقة موبايلات جديدة
وإنتو الأكل في تلتله الموبايلات ليكم شنو البلد كلها يا كافي البلا تشحد في الرصيد عليك الله حول لي ألفين ويخسي عليك ما حولت لي الخمسه آلاف ولسه منتظره الفلهمه العليكم شنو أها جولو بي جوالاتكم دي وخليها تبقي ليكم ركشه وصحن بوش وحق كورس ملاريا ومتر مترين في الجمره الخبيثه
|
Post: #3
Title: Re: سرقوا موابيلييييييييييييييييي .... غايتو الزول السوى الحاجة دي ما ظريف
Author: bayan
Date: 03-30-2006, 05:21 AM
Parent: #2
يا دكتور حاجة ما حصلت شكرا ليك..
تعرف في طالية اشترت موبايل فيه كميرا
وحاجات كثيرة بس دقيقة في المكتبة اتسرق
قامت مشت اشترت نوكيا ابو اريال القديم داك
قالت مرة مشت الصلاة ومحاضرة واتغدت ورجعت الداخلية
اتذكرت انها نسته في المكتبة
قامت جرت مشت.ز لقتو مصنقر قاعد
من اليومداك بتقول احسن حاجة تشترو ابو اريال مافي زول عايزو..
شكرا ليك والله
|
Post: #4
Title: Re: سرقوا موابيلييييييييييييييييي .... غايتو الزول السوى الحاجة دي ما ظريف
Author: aosman
Date: 03-30-2006, 06:34 AM
Parent: #1
شكر الاخ الملة عمر والأخت بيان على المداخلة
قبل فترة تعرضت اخت عضوة سابقة في هذا المنبر لسرقة موبايلها في السودان بطريقة ظريفة. حكت لي بأنها حينما كانت في انتظار مواصلات للذهاب الي الشغل, اوقف شخص عربته الخاصة بجوارها وسألها ان كانت من بنات الحي وحينما وضحت له أسمها بالكامل ذكر لها أسماء اخوانها وأخوتها جميعا وعليه طلب منها أيصالها الي مكان عملها. في الطريق ذكر لها بأن موبايله قد تعطل ولا يدري السبب, وطلب منها مساعدته في التصليح وحينما فشلت, ذكر لها بان له مكالمة ضرورية جدا ولا يدري ماذا يفعل, في الأخير طلب منها موبايلها على ان يستخدم شريحة موبايله فيه, وبالفعل ركب شريحته في موبايلها وحينما وصلا الي مكان عملها بدء مكالمته التي أستغرقت فترة طويلة, وعلي ذلك وضحت له بأنها سوف تدخل المكتب بسرعة وتعود لأخذ موبايلها, حينما عادت فوجئت بعد وجود الشخص والسيارة, وهكذا سرقت منها الموبايل
أيضا حكى لي صديق بان قريب له حينما كان في المواصلات العامة في الخرطوم جلست بجواره شابة, وبعد فترة بدأت الفتاة بالألتصاق به والظاهر اخينا الحكاية عجبته وأستجاب لها,لكن بعد فترة وجيزة فقد موبايله. تصرف الشاب بسرعة ووضح للكمساري فقدان موبايله في داخل المركبة وطلب منه بان يوجه سير المركبة الي أقرب مركز شرطة لانه كان متأكد من وجود الموابيل بعد ان جلس على مقعد السيارة. وأثناء ذهابهم الي مركز الشرطة كان كل تركيزه على الفتاة وبعد ان وصلوا طلب من الظابط التي أتى الي المركبة ان يتصل على رقم موبايله, فأذا بالموبايل يرن داخل شنطة الشابة وعندها صرخت الفتاة : حي ياخواني الموبايل ده الجابو هنا شنو؟
على زمة الرواة
|
Post: #5
Title: Re: سرقوا موابيلييييييييييييييييي .... غايتو الزول السوى الحاجة دي ما ظريف
Author: نادية عثمان
Date: 03-30-2006, 05:32 PM
Parent: #4
كدى فى الاول شغلوا لى الفيديو ده لانى ماشايفة ولا سامعة اى حاجة !!!!!!!!!!!!!
|
|