Post: #1
Title: وهل يكبر المرء عل أمه!
Author: saadeldin abdelrahman
Date: 11-10-2005, 09:31 AM
Parent: #0
تعددت محاولاتي المستميتة لمهاتفة الوالدة منذ بداية رمضان وحتى مابعد العيد..
تارة مشكلة خطوط وتارة أخرى لا أجد من يرفع السماعه .وفرق الزمن. سوء طالع وفشل
ذريع بحجم منجزات فريقنا القومي والحكومه معا! وقبل ثلاثة أيام ربنا سهل لي محادثتها
لفترة وجيزه ناولتني بعدها لأناضم أختي وطال النضمي فلما سألتها عن الوالدة ولماذا
تأخرت في العودة الى أجابتني أختي انها تصلي ثم انقطع الخط!
مدخل ثاني:
ولقد ذكرتك والنهار مودع......... والشمس بين مهابة ورجاء *.....
وفي شاي الصباحية
صلواتك..
مناجاتك
وعزمك لي
جرك غطايا علي
في الليلة الشتائيه
كباية الليمون
فوق تربيزتي الدراسية
في مرضي وعناي
في رمضان
وفي كورة النعيمية
في الغربة اللا نهائية
حنيني إليكى فات الحد
كمل الصبر وروح جد!
قصر العمر أو طال
أجيك لابد
في الروح
في الدعوة
فى النفس
الغلب صدري يمد
المنيه والترحال
وريحة الند
بخور بيتك
ومصلايتك
صباح العيد
سهرك علي
يزيد
لما تهيج الحمى
فيني تقيد
أدبك لي
اكان بالكلمه أو بالإيد
وكان فتنا البحر
خوفك علينا شديد
حلاة الدقة من إيدك
يا ست الريد
ليكي القلب
وصدق الحب
والتنهيد.
القبيله: شايقي فوراوي جعلي دينكاوي كاهلي هدندوي..الخ....بإختصار (مواطن سوداني)
مسقط الرأس : نيالا..الخرطوم كسلا وحلفا .. Bour (السودان عموم)
ومليون ميل مربع
ما مسدس!
الإهداء...
لست الريد
ولي نوبي وعنيده وكل الحلوين
اهداء خاااااص
الخاله/ منى خوجلي والبروف/ معز عمر بخيت
منكم نستقي معاني الحب والحقيقة
وكل الود
أبوالسعود.
|
Post: #2
Title: Re: وهل يكبر المرء عل أمه!
Author: saadeldin abdelrahman
Date: 11-10-2005, 09:09 PM
Parent: #1
في اللحظه ديك اشتقت ليك
واحتجت ليك
|
Post: #3
Title: Re: وهل يكبر المرء عل أمه!
Author: saadeldin abdelrahman
Date: 11-10-2005, 09:38 PM
Parent: #1
المقصود بالعنوان طبعا على والدته
وليس عل أمه
أو
على أمته
التصحيح وجب قبل ما يجينا ملاسي ناطي بنظاراتو السمحه ديك ومساختو
عفوا للخطأ المطبعي
|
Post: #4
Title: المفراكه
Author: saadeldin abdelrahman
Date: 11-19-2005, 07:20 AM
Parent: #1
المفراكه
كنا 'أنا و شلة العفاريت' من المغرمين بالشخصيات الخياليه
( سوبرمان, الرجل الوطواط, زكور, البرق..طبعا كنا 'نظام' مثقفاتيه صغار
بعد أن تجاوزنا مرحلة فاطمه السمحه (والتي لم نتجاوزها بعد) و شبير والبعاتي.
وبلإضافه لإلتهام ما كان يقع في أيدينا من المجلات والمجلدات ذات الترجمه اللبنانيه والمصريه...
عرض التلفزيون السوداني ذات مساء فيلم سوبرمان وكم كانت سعادتنا بذلك! رغم مشاهدتنا له
بالتلفزيون الأبيض والأسود لعطل أصاب الملون..وذهبت ليلتها إلى سريري أو "عنقريبي" قرير العين
هانيها وخيالي طليق بسرعة الضوء و أسرتنا "بعضها عناقريب" دائما تصطف في وسط الحوش بين غرفة
التلفزيون والبرنده( البنات) والتكل (kitchen)...وثملت ليلتها بمنام جمع بين الهمبريب وتحليقي
كسوبرمان (فوق النيم).. وفي الصباح كنت أول من جفل بعد الوالده(ربنا يطول في عمرها) ولا أذكر
إن كنت قد جغمت شاي اللبن المعافى أم لا..إلا أنني أصررت على معايشة أوهامي الهمبريبيه فسحبت كيس
المخده وحشوته داخل الفانيله خلف الرقبه (معطف) وبسطت ساعديي (مساويكي) وقررت أن أنطلق! و
إخوتي الكبار كلهم نيام (أهل الكهف) وقفزة من العنقريب وأخرى فوق مصطبة البرنده تتلوها ثالثه
فوق سرير سامي(الذي يكبرني تماما) بمعنى أن لو أزعجته فالحاله واحده ...وعندما كان سوبرمان يحاول
الهبوط قريبا من التكل إذا ب مفراكة تعالجني فوق المعطف وأخرى لا أدري أين (من الخلعه!)
التي أفاقتني تماما! خصوصا بعد أن سمعت ضحكات إخوتي الذين أيقظهم أزيز طيران السوبر وياللشماته!
لحـظـة مـن فضـلك!
|
Post: #5
Title: Re: المفراكه
Author: Muna Khugali
Date: 11-19-2005, 08:22 AM
Parent: #4
عـارف ياسـعـد..
ليس هنـاك مـكـانة تماثل مكـانة الأم..وانـا مـع امـي مـازلت المضـغة والعلقـة والجـنين في الرحم..تمـدني كلماتها بالحـب اللامحـدود ..
ومـازلت يا سـعد 'اتـدلع' عليها كـثيرا ..ومـن الابتـدائية (المـدرســة)
اتـذكـر ليك..
تحـبني أمي كـثيرا...امـي تصـنع لي الحـلوي الشـهية..أمـي اشـترت لي حـذاء ابيض حـلو خـلاص..امـي اعطـتني نقـود كثيرة..سـرحـت لي أمي شـعري ثـم البسـتني فسـتاني الأصـفر 'ابو كـرانيش'..وضـعت لي أمـي سـاندوتشات الرحـلة مـع الزمـزمية في الشـنطة وكـانت رحـلة جميلة لجـنينة الحـيوانات..
قـالت امي انـا شـاطرة عشـان نمـري كـانت كـويسـة في كـل المـواد..ومـاشـاكلتني عشـان نجـحت بالعافية في الحـسـاب ..
أنـا أحب أمي..
مـني
|
Post: #6
Title: Re: وهل يكبر المرء عل أمه!
Author: saadeldin abdelrahman
Date: 11-19-2005, 05:48 PM
Parent: #1
خالتي
وهاهي أم من بلادي
تغسل الحزن عن فؤادي
كم انتي وامهاتنا وآية رائعااات!
لكن نزف قلبي المنهمر
ياخالة لو عندك رقم حليفتي الاسترتيجيه في غسيل العدة عليك الله طمنينا عليها
واهلها وقولي ليها العده راجياااااكي
|
Post: #7
Title: Re: وهل يكبر المرء عل أمه!
Author: bint_alahfad
Date: 11-19-2005, 06:13 PM
Parent: #6
السلام عليكم ورحمة الله وبركاته
الاخ الكريم سعدالدين
ربنا يخلى ليك الوالده وكل الامهات
وكما تعلم فالجنه تحت اقدام الأمهات
فأبقى عليها عشره
وربنا يخليكم لبعض
وفى امان الله
لا اله الا الله
|
Post: #8
Title: Re: وهل يكبر المرء عل أمه!
Author: saadeldin abdelrahman
Date: 11-19-2005, 06:23 PM
Parent: #7
اختي الغاليه/
بنت الأحفاد
وعليكم السلام ورحمة الله وبركاته
و
آااااامين
وانتي ابقي عشره على الوالد كمان وطمنينا عليهو بالله
انقلي له سلامي واحترامي
|
Post: #9
Title: ساااامي فوق الجراحات.
Author: saadeldin abdelrahman
Date: 11-19-2005, 08:06 PM
Parent: #1
ساااامي فوق الجراحات
في مستنقع بعيد
والظلام به محيط
يحرسه جندي بليد
يسمع الRap
ويهز رأسه كعميد
يرشف اللحن
كصرصور عنيد
خلف نعله
يرن صدى المفتاح
والحديد
ويئن معها عصفور مجيد
له
رأي سديد
عمق الرجال
وصبر شديد
على الحديد
ظلم الانسان
ثقل الاحزان
من زنزانة لعينة
لكنه سامي فوق الجراح
ثابت في المدى
واقف على الابر المسممة
متحديا نار المصاعب والظلام
بطل هو!
هلا اهداه/ اهدته احدكم/اكن رائعة المبدع حميد (يوسف)
الجزء الأخير اقتباس من رمية الأستاذ ابوعركي المشهورة*
سعدالدين
Conservative
|
Post: #10
Title: Re: ساااامي فوق الجراحات.
Author: عبد الحميد البرنس
Date: 11-19-2005, 08:48 PM
Parent: #9
الأستاذ سعد الدين:
| Quote: وهل يكبر المرء عل أمه! |
هذا سؤال ينطوي على إجابة وقد يبدو من السهولة بمكان وكذلك له أبعاد رمزية لها صلة بالوجود الأول للإنسان فيما يسمى "الوطن". ومنى خوجلي أضافت كذلك بعدا جميلا بلمستها القصصية البسيطة والعميقة في آن. وهذا السؤال سيجعلني أفكر بعد دقائق بينما أكون في طريقي إلى العمل. ودمتم.
|
Post: #11
Title: Re: ساااامي فوق الجراحات.
Author: saadeldin abdelrahman
Date: 11-20-2005, 02:59 AM
Parent: #10
عبق هو مرورك أخي الأستاذ/ عبدالحميد
كأنفاس الصباح
اتمنى لك كل التوفيق في عملك وحياتك وفي انتظار عودتك بدلالات تفكيركم الجميل
ارجو ان تجعل البساط احمدي وتناديني سعدالدين أو سعد زى خاله منى
مع احتفاظي لك بحق الأستاذية
|
Post: #12
Title: Re: وهل يكبر المرء عل أمه!
Author: فيصل نوبي
Date: 11-20-2005, 03:20 AM
Parent: #1
سعد الدين
انت سحبت المداخلة دي جيت قشرت بيها هنا !!!!!!!
غايتو الله يخليها ليك و يحفظها بس ما تزوق بيها تاني
|
Post: #13
Title: Re: وهل يكبر المرء عل أمه!
Author: ابو جهينة
Date: 11-20-2005, 03:31 AM
Parent: #12
أبو السعود
ربنا يخليها ليك
Quote: بخور بيتك
ومصلايتك
صباح العيد
سهرك علي
يزيد
لما تهيج الحمى
فيني تقيد
أدبك لي
اكان بالكلمه أو بالإيد
وكان فتنا البحر
خوفك علينا شديد |
و بس
أرقد عافية
|
Post: #19
Title: Re: وهل يكبر المرء عل أمه!
Author: saadeldin abdelrahman
Date: 11-20-2005, 07:26 PM
Parent: #13
ابو جهينة
Quote: أبو السعود
ربنا يخليها ليك |
وعندك الخبر اليقين
ما اروعك
ويخليك لينا يارب.
|
Post: #14
Title: Re: وهل يكبر المرء عل أمه!
Author: saadeldin abdelrahman
Date: 11-20-2005, 12:46 PM
Parent: #12
| Quote: غايتو الله يخليها ليك و يحفظها بس ما تزوق بيها تاني |
ويخليك يا نوبي يادفعة
لكن أزوغ بي شنو يا شقي ?
ناس خالتي منى ديل زي أمي وااااحد...كان ما شلت منهم حاجة ولا غلطت ما بسألو فوقك خالص!
هسه بحاول اخش بوستيها من أمس وحالف يمين البوست ما ينفتح...تكون قرت فوقو
بيني بينك كدي كنت ناوي اسرق لي حاجات كده من ام آيه..يخليها ويخلي آيه
بس كلو بوثقوا يا حريف
|
Post: #15
Title: Re: وهل يكبر المرء عل أمه!
Author: محمدين محمد اسحق
Date: 11-20-2005, 02:49 PM
Parent: #14
اخي سعد الدين عبد الرحمن
Quote: تعددت محاولاتي المستميتة لمهاتفة الوالدة منذ بداية رمضان وحتى مابعد العيد..
تارة مشكلة خطوط وتارة أخرى لا أجد من يرفع السماعه .وفرق الزمن. سوء طالع وفشل
ذريع بحجم منجزات فريقنا القومي والحكومه معا! وقبل ثلاثة أيام ربنا سهل لي محادثتها
لفترة وجيزه ناولتني بعدها لأناضم أختي وطال النضمي فلما سألتها عن الوالدة ولماذا
تأخرت في العودة الى أجابتني أختي انها تصلي ثم انقطع الخط! |
والله انت السعيد اللي قدرت تلقي ليك فرصة تتكلم..انحنا بنحاول للان وما لاقين خط يفتح
الله يجمع الاشتات اخوي سعد الدين ..قول آمين
|
Post: #16
Title: Re: وهل يكبر المرء عل أمه!
Author: Muna Khugali
Date: 11-20-2005, 05:56 PM
Parent: #15
نعـم... سـعـد ده ابن اخـتي وابني..وانت كمـان يافيصـل برضـه ابن اخـتي
خـالتو مـني
|
Post: #22
Title: Re: وهل يكبر المرء عل أمه!
Author: saadeldin abdelrahman
Date: 11-20-2005, 10:48 PM
Parent: #16
Quote: نعـم... سـعـد ده ابن اخـتي وابني..وانت كمـان يافيصـل برضـه ابن اخـتي
خـالتو مـني |
اسمع الكلام ده سمممممممح وفتح إضنيك ديل
يادفعتي الزازاي
|
Post: #25
Title: Re: وهل يكبر المرء عل أمه!
Author: فيصل نوبي
Date: 11-21-2005, 00:49 AM
Parent: #16
خالتــــــــــــو مني
ياخ في زول بيلقا ليو خالة زيك و يقول لا
لاقيكي وين انا ، تعيشي و تسلمي
سعد الدين
Quote: لكن أزوغ بي شنو يا شقي ?
ناس خالتي منى ديل زي أمي وااااحد...كان ما شلت منهم حاجة ولا غلطت ما بسألو فوقك خالص! |
انت مداخلتك دي مش كتبتها هناك في المحبة هي ايدلوجيتي الوحيدة
و جيت تاني مسحتها ولا عشان مسحتها
يا حبة وثقت ليك
|
Post: #26
Title: Re: وهل يكبر المرء عل أمه!
Author: saadeldin abdelrahman
Date: 11-21-2005, 03:08 AM
Parent: #25
Quote: انت مداخلتك دي مش كتبتها هناك في المحبة هي ايدلوجيتي الوحيدة
وجيت تاني مسحتها ولا عشان مسحتها
يا حبة وثقت ليك |
قلنا ليكم معرضكم سمح ويستاهل ينزلوا فيهو بوح زي ده
سألتكم رايكم شنو شخطتوا لي وشبكتوني هسه بنجيك
اها انا زاتي شخطتا ليكم وسحبتها
وفرجتها على رقبتي برااي.
|
Post: #27
Title: Re: وهل يكبر المرء عل أمه!
Author: فيصل نوبي
Date: 11-21-2005, 03:18 AM
Parent: #26
سعد الدين
امشي رجعها الراكوبة هناك يا حبة
بالعد الجماعي واحد
|
Post: #28
Title: Re: وهل يكبر المرء عل أمه!
Author: saadeldin abdelrahman
Date: 11-21-2005, 03:27 PM
Parent: #27
نرفع الراكوبه
ونجيبها هنا زاتو
المحبة هي ايدلوجيتي الوحيدة
|
Post: #20
Title: Re: وهل يكبر المرء عل أمه!
Author: saadeldin abdelrahman
Date: 11-20-2005, 08:21 PM
Parent: #15
Quote: والله انت السعيد اللي قدرت تلقي ليك فرصة تتكلم..انحنا بنحاول للان وما لاقين خط يفتح
الله يجمع الاشتات اخوي سعد الدين ..قول آمين |
آااامين
محمدين السمح وأخوي
سعيد بس ?
ربنا يجمع شملنا كلنا... قادر ياكريم
وبعدين
مشتااااقين ياخي!
|
Post: #17
Title: Re: وهل يكبر المرء عل أمه!
Author: وفاء تاج الدين
Date: 11-20-2005, 06:27 PM
Parent: #1
أزيكم كلكم
وتحية خاصة جدا لنوارة البوست منى خوجلى
جيت أقول ليك بختك ياسعد الدين ويا فيصل وياريتك خالتى أنا برضو يا أجمل منى
كنت طوالى بقول لسحر بختك بى خالاتك ديل.
|
Post: #18
Title: Re: وهل يكبر المرء عل أمه!
Author: Muna Khugali
Date: 11-20-2005, 06:50 PM
Parent: #17
عـارفة ياوفـاء..أجمـل حـاجـة انك تكـوني خـالة وتكـون عنـدك القاب مناداة كـثيرة..
مثلا عيال منـال بيقـولوا لي يا خـالتو..عيال مـديحـة وولـد مـاجـدة سـمير بيقـولوا لي طـنط مـني...سـعـد الدين بيقـولوا لي ياخـالة..
امـا أحمـد ابن الشـهيد وبنات محمـد بيقـولوا عمتـو..والله وقعهم كـلهم علي قلبي جـميل خـالص..
لكـن طـبعا لو عـايزة تضـحكـي تجي تسـمعي آية وعيال منـال وهم بينـادوا مـامـا جـارة حـبوبتهـم!
بيـنادوهـا...خـالتـو مـامـا جـارة!
تصـبحي علي خـير
مـني
|
Post: #23
Title: Re: وهل يكبر المرء عل أمه!
Author: saadeldin abdelrahman
Date: 11-20-2005, 11:39 PM
Parent: #17
| Quote: جيت أقول ليك بختك ياسعد الدين ويا فيصل وياريتك خالتى أنا برضو يا أجمل منى |
بختنا سعييد ياوفاء
خاله منى دى رغم قوة شخصيتها إلا انها طيبه جدا وودوده
..بس مايزعلوها.
|
Post: #21
Title: Re: وهل يكبر المرء عل أمه!
Author: وفاء تاج الدين
Date: 11-20-2005, 08:58 PM
Parent: #1
سلامات
الأخ سعد معلش أسمح لى أتونس مع خالتو مـني
شوية فى بيتك
| Quote: عيال منـال بيقـولوا لي يا خـالتو..عيال مـديحـة وولـد مـاجـدة سـمير بيقـولوا لي طـنط مـني |
وكنت طوالى بضحك مع سحر لما تقول طنط منى وطنط منال وأقول ليها:
خلى الفلهمة ناس لندن بيقولو ليها خالتو وناس لسودان هما البيقولو طنط.
تحياتى شديد لخالتو مديحة وعمو مجدى وهانى وماما جارة
|
Post: #24
Title: Re: وهل يكبر المرء عل أمه!
Author: saadeldin abdelrahman
Date: 11-20-2005, 11:50 PM
Parent: #21
Quote: الأخ سعد معلش أسمح لى أتونس مع خالتو مـني
شوية فى بيتك
|
اختي وفاء
كم أنا مستمتع بهذه الحميمية..ازعل جدا لو توقفتن.
|
Post: #29
Title: Re: وهل يكبر المرء عل أمه!
Author: saadeldin abdelrahman
Date: 11-22-2005, 11:45 PM
Parent: #1
ولقد ذكرتك والرماح نواهل مني..... وبيض الهند تقطر من دمي
ما افصحك واشجعك يا عنترة!
|
Post: #30
Title: Re: وهل يكبر المرء عل أمه!
Author: Muna Khugali
Date: 11-23-2005, 03:06 AM
Parent: #29
وكمـان يا سـعـد عمـرك مـاهاتاكـل أكـل طـاعم زي الأكـل البتعمـلوا والـدتك!
مـع المقادير الخـاصـة بمـواد الطـبخ ...عنـدهـا بهارات اخـري خـاصـة جـدا يعـني مـافي زول بيعرف تركـيبتها بالظـبط..فيها حـنانها وعـرقها وتفانيها والتفـكير في اسـرتها..
هـذه البهـارات قطـعا مـوجـودة في طـبخ كـل أم!
سـلام مـن خـالتك مـني يافيصـل
|
Post: #32
Title: Re: وهل يكبر المرء عل أمه!
Author: فيصل نوبي
Date: 11-23-2005, 03:24 AM
Parent: #30
| Quote: سـلام مـن خـالتك مـني يافيصـل |
يا ابو السعود دقيقة بس نسلم علي خالتو مني دي يا حبة
كيفك يا خالتو
داير لي معاكم صحن ويكة و كسرة كمان
|
Post: #33
Title: Re: وهل يكبر المرء عل أمه!
Author: saadeldin abdelrahman
Date: 11-23-2005, 03:28 AM
Parent: #32
سلم آااي
لـكن كان صبرت كان قسمت ليك النعيميه دي
بس كده مافي ليـــــــك
|
Post: #31
Title: Re: وهل يكبر المرء عل أمه!
Author: saadeldin abdelrahman
Date: 11-23-2005, 03:19 AM
Parent: #1
يعني اتوقع منك صحن نعيميه DHL ياخالة ?
طبعا قلت للحاج شوف المحاولة واعمل للحاجة Print out توريها لمن تجي
الليله لاقيتا وملأ السرور قلبي بس ما ناديتا بي إسمها
الحاج اتغاتت علي الظاهر زعلان ما عملنا ليهو واحده
لكن ان شاء الله ليييك واحدة يا فارس الحوبه ودخر السنين لينا
|
Post: #34
Title: Re: وهل يكبر المرء عل أمه!
Author: عبد المطلب خضر عبد المطلب
Date: 11-23-2005, 04:02 AM
Parent: #1
لقد نكات ام الجراح ...
والله الناس البي غادي ديك في نعمة ... نعمة ... نعمة ...
اريتن يكون حاسين بيها ... وهم قريبين من اماتن ...
اسمعوها نصيحة ياهوووووي ... مننا نحنا السرقتنا المنافي وفقدنا القرب .. اخدموهن حفايا ....
|
Post: #35
Title: Re: وهل يكبر المرء عل أمه!
Author: saadeldin abdelrahman
Date: 11-23-2005, 05:48 AM
Parent: #34
| Quote: نعمة ... نعمة ... نعمة |
نعيميةشديدة خلاص ااعبدالمطلب اخوي
يا ناس نحن اتنشلناااااااا
|
Post: #36
Title: Re: وهل يكبر المرء علي أمه!
Author: saadeldin abdelrahman
Date: 12-23-2005, 07:21 PM
Parent: #1
الظاهر انا اننشلت ادبيا كمان..نقل احدهم قصيدتي (بي ضبانتا) في منبر الكلاكله و عنونها اهداء الى كل ام كلكلاويه و الى امي خاصة!! و دون ان يشير لاسمي.. و احسب انه يعرفني و حتى هذه اللحظه لم نرى اعتذار او تعديل!!
الذ حاجه الجماعه شابكنو الله يخليك و يخلي ليك امك.. وهو نايم في العسل..
قصه لكن
|
Post: #37
Title: Re: وهل يكبر المرء عل أمه!
Author: saadeldin abdelrahman
Date: 12-23-2005, 07:33 PM
Parent: #1
في عز( شمتي )لي النشله الغير ادبيه دي نسيت (على طريقة ملاسي)
ان اقول لي ست الكل وفارس الحوبه و كل الاهل و الاصدقاء والبلد :
كل عام وانتم الحب
مع اجمل امنياتي
|
Post: #38
Title: Re: وهل يكبر المرء عل أمه!
Author: bob
Date: 12-23-2005, 08:48 PM
Parent: #37
الاخ سعد الدين
كل عام ووالدتك فى نعيم الخير تحيا... وكل عام وانتا بخير
|
Post: #39
Title: Re: وهل يكبر المرء عل أمه!
Author: saadeldin abdelrahman
Date: 12-24-2005, 06:28 AM
Parent: #1
الراستا..
هلا والله
نور بيتنا و شارع بيتنا
بس ما حريقه هههه
متابع معاك بي هناك.. ولو ما خايف من زعل الناس الكبار
كان رميت لي معاك عودين و جركانه و انبوبة غاز
ينفع اعمل كده و اجري ?
|
Post: #40
Title: Re: وهل يكبر المرء عل أمه!
Author: عادل فضل المولى
Date: 12-24-2005, 07:04 AM
Parent: #39
المريود في الله
قسيم الريد
ود عبد الرحمن
المحبة والشوق يتدافعان في اتجاه البوست وصاحبه
لا والله لن نكبر عليها مهما فعل (الصلع) في رؤوسنا ما فعل
وكمان كل يوم نشوف روحنا بقينا أصغر
وكمان في حاجة تاني يا سعد
حاجة اسمها الجنا
المخلوق العجيب
يعيد فيك مرحلة (البيبى) عندما ترى الحبيبة امك
وتود ان تفعل ذات (الافعال) التي تراه يفعلها مع أمه
مع الفارق طبعاً
يعني حكاية ترجع تنوم في حجرها
وتلف وجهك بتوبها
أو أن تحملك على كتفها مثلما كان تفعل زمان وانت لا تردي (كنه الاشياء)
والحديث يطول ويمتد بمثل ما يمتد حنانها الى لا نهاية
وحاولنا في الغناء السوداني لفت الانظار اليها ..
أمي ياأجمل كلمة بقولا
يا أحلى نشيد يا نغمة جميلة
حنان ابراهيم ..هل تذكرها
ثم:
يا أغلى من دمي
آهـ ياحبيبتي يا أمي
حمد البابلي والشاعر ذو النون بشرى
ثم:-
الله يسلمك أمي الله يسلمك
اديكي لي طولة العمر
في الدنيا يوم ما يألمك
التيجاني حاج موسى وكمال ترباس
..
اما التحت تحت فهو غير محصور
وصدقني لا دفء يعادل دفء صدرها
ولا حنان يماثل حنانها
ربنا يحفظ الأمهات
ويعيننا على برهن ورد شيء من جميلهن
وتسلم يا زول يا جميل
وطوالي عليك الله في الواجهة
|
Post: #41
Title: Re: وهل يكبر المرء عل أمه!
Author: Muna Khugali
Date: 12-24-2005, 11:19 AM
ربنـا يخلي لينـا أمهاتنـا كـلهـن...ويمـلأ بقـدرته العظـيـمة قـلوب كـل مـن فقـدوا أمهاتهم بالصـبر..آمـين
كـل سـنة وكـلكـم طـيبيـن..
وأمنيات خـاصـة مـن خالتو مـني ليك ياسـعـد ولفيصـل ووفـاء وكـل مـن يريـدني خـالة لـه..
مـني عـوض خـوجـلي
|
Post: #45
Title: Re: وهل يكبر المرء عل أمه!
Author: saadeldin abdelrahman
Date: 12-26-2005, 00:12 AM
Parent: #41
يسمع منك ان شاء الله يا خالة منى
وكل سنه و انت و الاسره بالف خير و يحقق مرادكم/ ن انشاءالله.
|
Post: #42
Title: Re: وهل يكبر المرء عل أمه!
Author: saadeldin abdelrahman
Date: 12-24-2005, 06:53 PM
ابومحمود
سلام ليك و للعيال اخوي
تحتاج مزاج خاااااص للتعليق على كلامك
بجيك بي رواقه يالحبيب
|
Post: #44
Title: Re: وهل يكبر المرء عل أمه!
Author: saadeldin abdelrahman
Date: 12-26-2005, 00:06 AM
Quote: وكمان في حاجة تاني يا سعد
حاجة اسمها الجنا
المخلوق العجيب
يعيد فيك مرحلة (البيبى) عندما ترى الحبيبة امك
وتود ان تفعل ذات (الافعال) التي تراه يفعلها مع أمه
مع الفارق طبعاً
يعني حكاية ترجع تنوم في حجرها
وتلف وجهك بتوبها
أو أن تحملك على كتفها مثلما كان تفعل زمان وانت لا تردي (كنه الاشياء) |
عادل اخوي..تعرف هسه فتران و قعدت اقرا في مداخلتك الفلته دي..
انتو بتجيبو التفاصيل الدقاااق دي من وين.. طبعا على حس التعب
اتذكرت لمن الواحد بكون محمول على الكتف و متجهين بيه للمركز الصحي
(فحص ملاريا) يعني ماتعرف ترخم مع الحمى الضارباك دي لأنو راجياك
ابر (كرهتي كانت في الدنيا).
ياخي قعدتها جنبك في السرير وانت عيان بالدنيا!!
تسلم عدول اخوي وسلامي للمقتدى و محمود
|
Post: #43
Title: Re: وهل يكبر المرء عل أمه!
Author: bob
Date: 12-25-2005, 00:36 AM
Parent: #39
Quote: هلا والله
نور بيتنا و شارع بيتنا
بس ما حريقه هههه
متابع معاك بي هناك.. ولو ما خايف من زعل الناس الكبار
كان رميت لي معاك عودين و جركانه و انبوبة غاز
ينفع اعمل كده و اجري ? |
يا ابو السعود
ارمــى لكن ما تجرى حرت دى ما معانا
|
Post: #47
Title: Re: وهل يكبر المرء عل أمه!
Author: saadeldin abdelrahman
Date: 12-26-2005, 03:17 AM
Parent: #43
رميت لي جريكينة جاز كده و جكيت جكه خفيفه بس يا راستا
ذكرتني المظاهرات الفوضويه ايام الديمقراطيه.. بجيك المره
الجايه بي لستك قلاب قديم
|
Post: #46
Title: Re: وهل يكبر المرء عل أمه!
Author: فيصل نوبي
Date: 12-26-2005, 02:51 AM
Parent: #1
يا دفعة
كل سنة و انت طيب و امهاتنا طيبات
|
Post: #48
Title: Re: وهل يكبر المرء عل أمه!
Author: saadeldin abdelrahman
Date: 12-26-2005, 03:23 AM
Parent: #46
و انت طيب يا ابوالدفاااااع
ويخليك ويخلي ليك ست الكل و جناك ونصك الحلو
آاامين
|
Post: #49
Title: Re: وهل يكبر المرء عل أمه!
Author: فيصل نوبي
Date: 12-26-2005, 04:28 AM
Parent: #1
يا دفعه
طلباتك اوامر
|
Post: #50
Title: Re: وهل يكبر المرء عل أمه!
Author: Dr. Moiz Bakhiet
Date: 12-26-2005, 04:36 AM
Parent: #49
لا وألف لا والله
دائماً أنت بقلبي..
|
Post: #53
Title: Re: وهل يكبر المرء عل أمه!
Author: saadeldin abdelrahman
Date: 03-31-2006, 06:47 PM
Parent: #50
ما قال لا قط الا في تشهده.. و لولا التشهد كانت لاءه نعم
ثم قالها هنا :-
Quote: لا وألف لا والله
دائماً أنت بقلبي.. |
دائما في بالي يا بروف
و الأشواق رسل
اعذرنا على الرد المتأخر استاذنا
نسبة لدخول البوست للأرشفة
و الشكر مرة أخري لسيد الحوش.
|
Post: #51
Title: Re: وهل يكبر المرء عل أمه!
Author: saadeldin abdelrahman
Date: 12-26-2005, 04:48 AM
Parent: #49
تسلم يا ابوالدفاع
ويعيش استاذنا الموصلي و يدوم خيرو
والذي لو غنى هذه الرائعة فقط لكفته
وسـطرت اسمه بماء الذهب في سجل العباقره
امتناني لكم جميعا
|
Post: #52
Title: Re: وهل يكبر المرء عل أمه!
Author: saadeldin abdelrahman
Date: 03-31-2006, 06:27 PM
Parent: #1
شكرا كتيييير أخي الأكبر بكري
حقيقي تسلم و يسلموا ليك البتعزهم.
|
Post: #54
Title: Re: وهل يكبر المرء عل أمه!
Author: saadeldin abdelrahman
Date: 03-31-2006, 07:35 PM
Parent: #1
|
|