Post: #1
Title: هل أستطيع العودة لوطن بقى ما وطني ومتى يعود كل الجميلين؟ الخريف لم ياتي بعد
Author: hanadi yousif
Date: 03-20-2006, 08:54 AM
بين سجن وبيت اشباح
وعطالة ودم مباح
ومزلة تودى الغربة
والغربة جراحة جراح
والحل فى بلدك زاتة
تتحدى سلاح بسلاح
تهزم خفاش العتمة
ويغسل سودانا صباح
************
الخمج الماحق سوقنا
من بعض وفا المحتاج
والعبرة الرابطة حلوقنا
من فيض كاس الدجال
الوهم الداير يسوقنا
اصبح مفضوح الحال
ما فضل الا مروقنا
وبسلاحنا نعدل الحال
بسلاحنا نعدل المال
*********
يا غضبة نيلنا الطامح
وكتين يكسح طوفان
يا سيل الشعب الجامح
فى الثورة بعد عصيان
يا ضراع الولد الجارح
بسلاحك فى المليان
الكى للالم الناتح
والعبرة لكل غبيان
|
Post: #2
Title: Re: هل أستطيع العودة لوطن بقى ما وطني ومتى يعود كل الجميلين؟ الخريف لم ياتي بعد
Author: يوسف الولى
Date: 03-20-2006, 09:49 PM
Parent: #1
لا يزال الشتاء جاثم فينا
لا زال الشتاء يحاصرنا من كل ناحيه
ولكن حتما سياتى الربيع والخريف..................
وساظل اقراء كلماتك حتى ياتى الخريف .. فيكون الاحتفاء بابداع جديد
|
|