Post: #1
Title: تخصيص (13) مليون دولار لمصروفات القمة العربية !!!
Author: عبدالرحمن الحلاوي
Date: 03-19-2006, 11:04 PM
Parent: #0
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟؟؟
|
Post: #2
Title: Re: تخصيص (13) مليون دولار لمصروفات القمة العربية !!!
Author: ABDELMAGID ABDELMAGID
Date: 03-20-2006, 00:04 AM
Parent: #1
أخوى عبدالرحمن الحلاوى
صباحك سعيد ...
دحين حسب قول ( استاذنا !!! ) ابراهيم دقش لتلفزيون الإنقاذ انو جابوا فى مؤتمر القمه الأفريقى ( مريم ماكيبا ) ... اها ال ١٣ مليون ( دورار ) دى ما شويه على نجوى فؤاد أو هاله كرم عشان اكشفوا ل ( تلاليس ) العالم العربى ؟؟؟
كسره
الله اديك طول العمر و العافيه يا ( ود دقش !! ) عندما لخصت لينا موضوضوع قمة ( التلاليس !!! ) الأفارقه بانه كان عباره عن غنى و بهرجه و ( هجيج!! ) فليذهب الى الجحيم مظاليم دارفور و الوسط و الشرق و الشمال و الجنوب ... ( موتو ملاريا و جوع و بلهارسيا يا الغلابه ) ...و نحن الآن أمام مؤتمر ( أسيادنا !!! ) ( تلاليس !! ) العرب ... و اخر ( جرسه !!! ) ...
عبدالماجد
|
Post: #3
Title: Re: تخصيص (13) مليون دولار لمصروفات القمة العربية !!!
Author: زول ساكت
Date: 03-20-2006, 00:53 AM
Parent: #2
| Quote: تخصيص (13) مليون دولار لمصروفات القمة العربية !!! |
يابلاشششششششش
|
Post: #6
Title: Re: تخصيص (13) مليون دولار لمصروفات القمة العربية !!!
Author: عبدالرحمن الحلاوي
Date: 03-20-2006, 01:50 AM
Parent: #3
الزول الساكت في الفقه قاعدة تقول ( لا ينسب لساكت قول ) سكتنا عليك أمان الله ما نتكلم 13 مليون دورار دي آجنا بتعمل كم مستشفى ولا كانو صلحوها بيها المدارس ، أولادنا في الغرب والشرق بقروا في قطاطي وفي مدارس خالية من سقف ؟؟!!!!!!!!!!!!
|
Post: #10
Title: Re: تخصيص (13) مليون دولار لمصروفات القمة العربية !!!
Author: زول ساكت
Date: 03-20-2006, 03:30 AM
Parent: #6
| Quote: الزول الساكت في الفقه قاعدة تقول ( لا ينسب لساكت قول ) سكتنا عليك أمان الله ما نتكلم 13 مليون دورار دي آجنا بتعمل كم مستشفى ولا كانو صلحوها بيها المدارس ، أولادنا في الغرب والشرق بقروا في قطاطي وفي مدارس خالية من سقف ؟؟!!!!!!!!!!!! |
ماشي لي بعيد لشنو يعني ناس ابسير منغنغين على الاخر ولاكيف
تصدق يامؤمن اولادكم في الجزيره بيقروا في الضلله
وازيد من الشعر طمله اهلك الليلة دي في الجزيره المرويه بشربوا من الترع
مع العلم ان الترع الايامات دي زاتا مويتا مش ولابد يعني
غايتو نحنا الحامينا من التمرد عدم الجبال وارتريا بعيده مننا
|
Post: #12
Title: Re: تخصيص (13) مليون دولار لمصروفات القمة العربية !!!
Author: عبدالرحمن الحلاوي
Date: 03-20-2006, 03:43 AM
Parent: #10
| Quote: وازيد من الشعر طمله اهلك الليلة دي في الجزيره المرويه بشربوا من الترع |
نحنا في الهملة وأهلنا يشربوا من الطملة .
البلد كلها ضايعة وفاقدة الدليل
فإذا كان الغراب دليل قوم .....................................
|
Post: #4
Title: Re: تخصيص (13) مليون دولار لمصروفات القمة العربية !!!
Author: banadieha
Date: 03-20-2006, 01:04 AM
Parent: #1
توقعت أن ألقى "كونتراست" ما بين منصرف القمة الأفريقية ومنصرف القمة العربية وقسمة الثروة بموجب الإتفاقية الشاملة..لكن!
|
Post: #5
Title: Re: تخصيص (13) مليون دولار لمصروفات القمة العربية !!!
Author: عبدالرحمن الحلاوي
Date: 03-20-2006, 01:47 AM
Parent: #4
دكتور عبدالماجد
انت حاسدوهم على الهجيج واليخت الرئاسي مالك يا أخي خلي الناس يعيشوا حياتهم ( عيشي حياتك ) دعاية لأولويز والجماعة أخذوا العبرة من هذه الدعاية والحكاية كلها لله لا للسلطة ولا للجاه ؟؟!!
|
Post: #7
Title: Re: تخصيص (13) مليون دولار لمصروفات القمة العربية !!!
Author: عبدالرحمن الحلاوي
Date: 03-20-2006, 01:51 AM
Parent: #4
القمة الأفريقية 51 دورار يا بناديها والعربية 13 مليون ليه ؟؟؟ ظلم وأي ظلم ليه ما تكون القمة العربية 13 ضرب 3+ 2 ؟؟؟
|
Post: #8
Title: Re: تخصيص (13) مليون دولار لمصروفات القمة العربية !!!
Author: sumah
Date: 03-20-2006, 02:12 AM
Parent: #7
**
عبدالرحمن الحلاوي
**
|
Post: #9
Title: Re: تخصيص (13) مليون دولار لمصروفات القمة العربية !!!
Author: عبدالرحمن الحلاوي
Date: 03-20-2006, 03:10 AM
Parent: #8
sumah
سكتنا تب .... السكوت علامة الجودة والرضا ، سكتنا وحريقة في الكلام والجماعة قالوا زمان السكوت في معرض الحاجة بيان ( أقصد أبلغ ) في واحدة اسمها بيان ما تجي ناطة وتشوت ضفاري .
|
Post: #11
Title: Re: تخصيص (13) مليون دولار لمصروفات القمة العربية !!!
Author: maia
Date: 03-20-2006, 03:37 AM
Parent: #1
بس 13 مليون دولار؟؟؟؟ شوية خالص ،جايين على نفسهم شديد كده ليه؟؟
دي شوية قروش فكة!!
انشالله بس يكونوا جايبين نانسي عجرم المرة دي
|
Post: #13
Title: Re: تخصيص (13) مليون دولار لمصروفات القمة العربية !!!
Author: عبدالرحمن الحلاوي
Date: 03-22-2006, 01:08 AM
Parent: #11
؟؟؟؟؟؟؟؟؟؟؟؟؟؟؟؟؟؟؟؟ !!!!!!!!!!!!!!!
|
Post: #15
Title: Re: تخصيص (13) مليون دولار لمصروفات القمة العربية !!!
Author: عبدالرحمن الحلاوي
Date: 03-22-2006, 02:41 AM
Parent: #11
العزيزة maia
| Quote: انشالله بس يكونوا جايبين نانسي عجرم المرة دي |
نانسي عجرم مع اليخت الرئاسي وفي النيل حا تكون تمت الناقصة زي ما جابو المغنية الإفريقية لم تسعفني الذاكرة باسمها .
وزي ما قلتي شوية فكة ما تعمر حتى شفخانة !!! ناهيك عن دور مشردين وأيتام أو توفير علاج ملاريا .
|
Post: #14
Title: Re: تخصيص (13) مليون دولار لمصروفات القمة العربية !!!
Author: البحيراوي
Date: 03-22-2006, 01:45 AM
Parent: #1
العزيز الحلاوي والمساهمين تحياتي
يا أخوانا أول حاجة المبلغ المذكور دا هو النهائي ولا في حواشي
وأعتقد بوجود زمن كافئ لوزير المال لمعرفة كل كبيرة وصفيرة مش بعد المؤتمر يقول ما عندو إحصائية دقيقة
وشئ آخر المرة دي علي ما أعتقد باب الهدايا حيكون مقفول عشان الجماعة ديل جايين وأي واحد منهم هديتة في جيبه دا لو ما كان قبل كدا ناولها الجماعة من بدري
وبعدين يا الحلاوي نحن مش جدنا العباس دغري كدا .. ما خلاص ديل يبقوا جماعتنا وتاني ما يسمعونا كلمة الخال دي
وشئ أخير لو المرة دي الجماعة كلهم جوا ورجعوا لي بلدانهم نكون ردينا علي شيخ حسن في حكاية حسن مبارك دي زي ما قال الدكتور غازي صلاح الدين الشيخ فقد البوصلة السياسية وفي دي بالذات شوفوا ليها لينا سودنة عشان ناس السودان بقوا ما بقهموا الكلام المتورك دا
بحيراوي
|
Post: #16
Title: Re: تخصيص (13) مليون دولار لمصروفات القمة العربية !!!
Author: عبدالرحمن الحلاوي
Date: 03-22-2006, 04:05 AM
Parent: #14
| Quote: يا أخوانا أول حاجة المبلغ المذكور دا هو النهائي ولا في حواشي |
سؤال وجيه بس أنا نفسي بس عن مصير الحواشات والحواشي وحالنا وحال الحاشية ونظرية الحشاش يملا شبكتو ياربي بنطبق المثل دا علينا ولا على الجيران .؟؟؟
| Quote: وبعدين يا الحلاوي نحن مش جدنا العباس دغري كدا |
تقصد عباس بن فرناس ؟؟ أم العباس عم الرسول صلى الله عليه وسلم !!!
| Quote: الشيخ فقد البوصلة السياسية |
لعل غازي يرثى لحال الشيخ فأخطأ في التعبير ( البصلة ) في إشارة لحالة الشيخ المادية لأنه معسر بسبب قطع المدد ، وأما إذا فعلاً البوصلة السياسية معناه (حرق ) على لغة أهل الورق ( الكتشينة ، الشدَّة ) قول يالطيف
|
|