إهداء للحب الخالد الأم منتهى الريد ومبتداها فى عيدها

إهداء للحب الخالد الأم منتهى الريد ومبتداه فى عيدها

Quote: يوم فى الغربه ماشى براى وشاقى الحى لقيت وحـــــيده زى امى ترضع فى وليدا صبى ويعصر قوق ضريعا شديد يناتل فوقو يصرخ وي وجيتا قريب لقيتو ضريعا ضريع امى دارى غزييييير أظنه لبي وقفت شويه وأتاملت فيها كتير لقيت فى وشيها اغرب شئ عيون امى وكت ماتغوص جفون الليل تفتش لى وفى حدقاته تلاقانى أحفظ فيه اشعارى ويدندن بى قصيدة لى واشوف فى قمره وش امى واشوف دمعاتا فى شلاخا جاريات لى بقيت كان شفته بادى هلال تجرى الدمعه فى عيني واتذكر دموع امى يقالدونى ويشابن لى وتنقز دمعه من شلاخا ترقد لى فوق خدي مافى احن من أمى أجيها صغير ،، أجيها كبير تفلينى و تقردن لي تحجينى وتوسوس لى تكبر لى ياولدى واشوفك ضاوى متل الضئ تحججنى وتشيل كُبرى وأشوف اولادك يفرحوا بى أحجيهم والوليهم ينومو العافيه فوق إيدي يوم أسمع كلامك داك أحس بالعبره تخنقنى وتحسي جوابى فى عينيى وأقع فى حضُنك الدافئ واسلم ليك فوق راسك و أضمك انتى بى يدي واحقق ليك أمنيتك مهما تقسا تصعب لي واوديك مكه الفين مره لو الالف يبقى شوي وكان كُبرك أساهر الليل واشيلك يما بى يدي وتكبرى لى .. تحضرى عروسى واولادى ويفخروا بيك متل ما كنتى تفخرى بي ولو ما الدنيا قوقا شويه متل املا أكان القمرى يبقى حدي ويعيش الناس ضلام فى ضلام يفتشوا شمعه بس للضئ شمعه يتفنى متل امى عشان بس نورا يفضل حى أكان ما جيتا من بطنك اكان الدنيا حتى الاخره ضاقت بى عشانك انتى يا امى وعشان بأبوك متسمى وابوك العارفه مازول نئ عشانك انتى قلبى كبير وضيه كتير وماخد من شمعتك ضئ بنده الله انتى تعيشى يا امى وكل الباقى خليه على عشانك انتى يا يما وعشان ما انتى نور عينيى تشيخيى وتعيشى بيناتنا واشوفك قيمه ماشه علي قيمه بتقصد المحتاج وفضلة خيرك يبقى هو حي وخيرك يغشا ك الناس من الماشى بالعكاز لا عند البحبا حبيى وأشوفك فى عيون الناس عبيراً صافى جائي نقي احس نسامو فى جوفي تخش بى سهولة فى رئيتي شعرى القلته يما حزين وكلو مآسي مرت بي الا غناك يا أمى زفره ونبضه نبضه وزفره زفره ونبضه فى دمى وبسمه عريضه فى شفتيى

الرجاء إضافة إسم الشاعر الذى سقط من الذاكرة وبقيت هذه القصيدة التى هى رسم بالكلمات للأم السودانية المعطاءة دون من وإنتظار
جنى

بكتب ليك رسالة طويلة يا أمى

بكتب ليك رسالة طويلة بدمى

أقالدك فيها يا أمى..واضمك ساعة فى حضنى .. يا أمى

وحاتك ما بخت عنوان ..ولا بكتب اسم انسان

ولا بكتب اسم انسان..ولا برمى الجواب فى بريد

وما بديه لى زولا كمان فى الأيد

كفاية أقيف..وأكتب فى جناح الريح

سلامى وأملى يوصل ليك

واخلى الريح تترتر فى المسافة عروس..


تحيل كل الصحارى بروش

مضفرة بى سعف بلدى

متوجة بى مشاعرى اليك

مرسلة ليكى يا أمى







( أغنية طبعا)









الى النبيلة الراحلة عائشة ابراهيم هندوسة

التى علمتنى أن لا أتراجع عندما أستيقن

اننى على حق .

جني

سلامات

كل عام وكل الامهات بالف خير

جني ...
سلامات ,,,

الشاعر على ما أعتقد هو ... مصطفى عبدالماجد المآمور

كـل وقت والأم.... كـل أم... رحمة ونـور وحـنان..ومحتفي بهـا


مـني

نسيتي يا حبيبتــي أنني أحاول الحياة ..؟

حتى أصل اليك ..!

وأحاول الموت بين يديك ..!

أنا... إن قدر الإله لقـــائي ...

سأحتفظ بك داخل قلبى ...

لن ادعك لحظة للضياع

كفى للبعد من العمر ما أخذ

وكفى من الدمع ما قد جرى

نعم حبيبتى أحبك ..

نعم خرافيتــــي أعشقك ..

لهم التحايا امهاتنا
اقبل يديك ومن نور وجنتيك انور مقلتي
حبك منيتي فرضي وسنتي
من يوم نشاتي تقديسك شعاري وحبك نشوتي
من صورة جناني ارسل ليك اغاني من ارقي المعاني
عنوانك خبرتي وابداع فكرتي تخليد ذكرتي

كل عام وجميع الامهات بخير والله رحم الاموت من امهاتنا

الاستاذ جني
كل عام وانت بخير وكل الامهات بالف خير
نحي كل الامهات الائي انجبن وربين وعلمن وخرجن اجيالا من النساء والرجال الذين وضعوا بصمات مضيئه ومشرقه شكلت الخارطه الاجتماعيه والسياسيه والاقتصاديه والثقافيه للشعب السوداني في اطار التنوع والوحده
نحي الائي مازلن علي قيد الحياة منهن ونترحم علي الائي فارقن الحياة
ووفاء لهؤلاء الامهات الائي ساهمن في تشكيل الوجدان السوداني وارساء دعائم هويته ووحدته ينبقي ان نقف بصلابه وحزم في وجه الذين يسعون لتفتيت وحدة السودان وطمس هويته ولنجعل من عيد الام منطتقا للتضامن مع امهاتنا الائي عانين من ويلات الحروب الاهليه في الجنوب


ودار فور وشرق السودان ونرفع شعار


\ كيف نجعل من التنوع اطارا للوحده\ لان الشول وخديجه وفاطمه وميري وبتول وعشه مع وحدة السودان قلبا وقالبا وبالفطره لايردن تجزئة السودان


وكل عام والجميع بخير