شكراً بكري .. صلاح عبد الله عضو جديد وعصام إبراهيم لازال يطرق الباب

أنضم لكوكبة سودانيزأونلاين الاستاذ والفنان المرهف صلاح عبد الله وهو قلم جدير بالترحيب
صلاح عبدالله ديامي أصيل
تخرج من كلية الحقوق جامعة القاهرة الفرع
يتملك زخم موسيقي عالي وصوت مدهش ..
وقلم لا يراعي في الحق ولا يكابر
فهل ترحبون معي به
تخريمة يا باشمهندس بكري لا زال عصام إبراهيم يطرق الباب فهل من مجيب ؟
ياسر

أهلآ ب صلاح
وصلاح شهادتي فيه مجروحة

جاني في وقت الحاجة تمامآ كعادته
ما حصل إحتجتو في حاجة إلا القاه قدامي
في وقتو .

صلاح ، الديم

Quote: أنضم لكوكبة سودانيزأونلاين الاستاذ والفنان المرهف صلاح عبد الله وهو قلم جدير بالترحيب صلاح عبدالله ديامي أصيل

رحب بيك بدون دين من
صلاح الدين عبدالله

مرحبتين حبابك الاخ صلاح



فيصل محمد خليل

اهلا بصلاح غبدالله ... ابوشنب

فنانا مبدع .. وقانونى

اهلا به اضافة حقيقية ..

الأعزاء

أبو ساندرا

صلاح الدين عبد الله محمد

فيصل خليل

دفع الله خطاب

لكم الود وشكراً على المرور
ياسر حامد

الف مرحب بالاخ العزيز صلاح
وين الحي بيك يا زول
شكرا ياسر

مرحب صلاح ..
وزي ماقال أبوساندرا .. الشهادة فيك مجروحة

شكرا ياسر
شكرا بكري

Welcome Salah Abdala...wa shoog saalaam ya shabab ALDO&A


imad Aydaroos

مرحبتين حبابك واليوم السعيد الليلة جابك ياصلاح عبداللة
اخي الرائع ياسر لك كل الود والرائعون لاياتون الا بامثالهم
تخريمة سلامي الي الاصدقاء بدوحة الجميع
متولي الطيب مالك
مغترب سابق بدولة قطر

غريبة ..
تصدق يا صلاح انه الزول ده اسمه الكامل هو :
صلاح الدين عبدالله محمد حسين
؟؟؟؟

ود حامد خليفة مرحب بيك ومرحب بكل الرائعين الذين يأتون من طرفك ويكفيهم روعة تزكيتك لهمبس أبقي أظهر وبان وإنت برضو قلمك لا يراعي في الحق ولا يكابر

الأعزاء المرحبون:
ياسر حامد خليفة - صديقي وفردتي (سويتها ؟؟؟) شكرا لكل شئ ، فانت (سيد الجتةوالراس) في دخولي هنا، والشكر عبرك للاخ بكري ، الذي اتاح لي هذه الفرصة ، والتأخير مني أنا يا ياسر ما من بكري.
أبا ساندرا ، أيها المحارب القديم ، والديامي الأصيل ، وشكرا على كلماتك الطيبات، تعرف يا (بركوتة) البوست بتاع الديم داك لو وصل الديم بلحقو. شكرا على الترحيب وآسف للتاخير في الرد على الجميع، وبيننا كلام.
صلاح الدين ، شكرا على ترحيبك في داركم التي اتمنى ان أكون فيها اضافة ايجابية ، وتعرف يا ابو صلاح انا جديد في المنبر العام ، بس كنت قديم جدا في مكان آخر في هذا الموقع وبنفس الاسم (ما تتسلبط).
فيصل محمد خليل ،شكرا يا (بلدينا) على ترحيبك واتمنى أن أكون ضيفا خفيفا عليكم، شكرا مرة أخرى .
دفع الله (أبو الدفاع ) ، ود حلتنا ( الدوحة) شكرا على ترحيبك واتمنى أن أكون عند حسن الظن، وحتماسنلتقي (قريبا) ونعيد معا للدوحة بعضا من ألقها.
إيهاب السني ، يا صديقنا في الزمن الجميل ، أين أنت يا رجل ، وشكرا جزيلا على ترحيبك بي في دارك، فانا متابع (من زمان) لكل المحاربين القدامي واتمنى أن لا تطول غيبتك وغيبتهم.
عماد عبدالله , ( أستاذي الأول) وصاحبي اذا كانت شهادتك في مجروحة ، فان شهادتي فيك لن تقبل ولو جئت بأربعة شهود عدول - انتظرني - ريثما (اتوهط ) قليلا.
عماد عيدروس ( العريس) شكرا بكري على اتاحتك لي فرصة لقاء عماد عيدروس ذلك المجنون الحلو والذي حزنت (فعلا ) على مغادرته الدوحة ، يا عمدة شكرا شكرا شكرا على ترحيبك ، والف مبروك ( مقدما).
متولي ، صديقنا ورفيقنا السابق ، فلتهنأ كندا من أقصاها الى أقصاها بك ( يا ولدنا ) شكرا على ترحيبكم بي وأكرر الشكر لبكري لاتاحته لنا فرصة لقاء باحباب واصدقاء ( متولي ، الشلة القديمة ما فضل فبها زول ) .
الملا عمر ، شكرا على ترحيبك وكلامك الطيب في حق ( أخوي وفردتي ) ياسر وما دام ياسر صاحبك ، فانا برضو صاحبك. شكرا مرة تانية(بس اسمك يخوف).

شكرا لكل من ساهم وساعد وحرض وشارك ودعم وساند
واستعطف وترجى وهدد وطنطن واداها لزة ودفره
ليدخل هذا الديامي الفنان
الديامي الجد
الحساس سيد النكته والأغنية والكلمة الحلوة
مرحب الصديق الفنان صلاح عبدالله
اسمك ده مالو زي المر على
وين ياربي ؟؟وين ؟؟؟؟

الأعزاء

إيهاب السني

عماد عبدالله

عماد عيدروس

متولي

الملا عمر

محمد السني

شكراً على مروركم وترحيبكم بالاستاذ صلاح عبدالله الأضافة الجديدة لسودانيزأونلاين

تخريمة :
مرحباً بك عماد عيدروس واسقينا من نهل قلمك قبل يوم الذبيح !!
متولي ألا ليت أيام القاهرة تعود تحياتي لجميع الشباب والدوحة لا زالت تحلم بتلك الأيام الرائعة

أخوك ياسر حامد

مرحب صلاح

كن أنت ..

وما تبقى زى القدمك دا ؟

نمرحب به ويختفى ؟

كما يسرنا أن نرحب بظهور خطاب ..

Thanks yassir hamid


wellllllllllllllllllllllllllllllllllll come 100000000000000000000000000000000000000000000 salah



ayman haroun

فناننا الكبير ، الضخم ، الرقم ، محمد السني ،شكراً كثيراً على ترحيبك الفنان والذي لن استطيع - وإن حاولت - مجاراته . لك أهدي ولكل قبيلة الفنانين ( و التي أنت عمدتها ) خالص شكري ومحبتي . يا سني بمناسبة الفن والفنانين هنالك سؤال ( عام ) ( يخص ) قبيلتكم ظل يؤرقني ويحزنني لفترة طويلة جداً ، سأوجهه لك ( قريباً )على اعتباركم العمدة ، ولبقية أفراد قبيلة المبدعين.أجهز لي يا اخوي.

أستاذنا معتصم لا أدري لماذ أجد نفسي (كلما ولجت الى هذا المنبر) أبحث لك ( ضمن القليلين الذين أتابعهم باهتمام وأبحث لهم) عن أي مشاركة منك , بوست ، مداخلة. عموماً أشكرك جزيلاً على ترحيبك بي وآمل أن أن أكون ( كما تريد ) ومعي صديقي القديم (ياسر) وسنسجل حضوراً دائماً ونجلس تأدباً لنتعلم. أكرر الشكر .

ياسر هرون ، أحسد نفسي على سعادتي وأنا بينكم ، وقد أخجلني هذا الرقم الضخم من الترحيب (الذي لم استطع قراءته أو إحصائه) ولك مثله من الشكر ( مضروباً في مليار ) فشكراً , شكراً ، شكراً . وسنلتقي حتماً في هذا الوطن الصغير ، الكبير بكم .

عماد عبدالله
مكرر
صلاح عبدالله

قبل شهور ، إمكن سنة ، القى قدامي صلاح الدين عبدالله محمد
قلت : أمممك ، المنبر جاتو كارثة
بحثت فتشت لقيت ،ا حسين
تاني قلت : أممممك ، ثبت شرعآ
ورحت مطرش رسالة بي تحت
الزول مارد علي
ركبت راسي ومشيت لزولي
خبااارك ، مبترد علي
لمن لقيت الدهشة متحكرة
عرفت إنو المابيلاقي زي إسمو الله بقسمو
زي المابلقى شبهو الله قبحو

تصدق يا عبدالرحمن أنا مرة دخلت هنا اتفرج ، قمت لقيتني أنا بي إسمي ، قلت يا ربي ده أنا ، والا ما هو ، ده هو وألا ما أنا ، قمت دخلت على البروفايل بتاعي أنا ( الما أنا ) ، لمن لقيتني ما كاتب حاجة وما خاتي صورتي الماحقتي ، قلت الزول الما أنا ده سارق إسمي بتاعي أنا ( الأنا) أيام نادي القلم ومختفي وراهو ،وعايز يلعب على الناس وعلي أنا (الأنا) ، ولمن دخل أنا (الما أنا) على البوست ده ورحب بي أنا وقال لي مرحب بيك بدون (دين) عشان أنا الما أنا خاشي باسم (صلاح الدين) قلت بيني وبين نفسي أنا أجيب لي دين من وين لو الزول الأنا الما أنا ده شالو مني؟ لذلك قررت بيني وبين نفسي أنا وحفاظأ على ديني أنا من الضياع أو المصادرة ، إنو أضع صورتي حقتي أنا(الأنا) عشان الناس تعرف أنه أنا الهنا ده (اتنين) واحد أنا (الما أنا) راجل عندو (دين) في اسمه ، والتاني اللي هو أنا (الأنا) ما عندي (دين) في اسمي ، عشان الناس تقدر تميز بيننا بالصورة بتاعتي أنا (الأنا) الما نزلتها لغاية الآن لآنه أنا عايز لي صورة قديمة حقتي أنا عمرها ما يكون أقل من (تاشر) سنة كده عشان يكون شبهي أنا زي الما أنا . . .ياخ أنا ذاتي كان مالي ومال الكلام ده ؟؟؟

لا دي قوية يا أنا اللي هو أنت
مشتاق لي دينك ذاتو ، الخايف عليهو يتلحس

فتش على صورتك أم شعر أكان لقيتها
ايام { فليذكر }
مبروك الماستر
وعقبال البي إتش دي
يا دوك

تعرف كلامك دا زى حساب المثلثات (انا الانا , وانا الما انا )
محتاج ارسمه شان افهمه واقول فى الاخر وهو المطلوب اثباته
تعرف يا( البدون دين فى اسمه)اختصارا من هنا ان رضيت بقول ليك (البدون) عشان ما يجوا ناس يقولوا بتسبوا الدين او اى كلام مقلوب , ابوساندرا (له التحيه) لما (اتجوبقت) عليه الشغلانيه حولته لواحد معاه فى الدوحه . وانت الان حولك اثنين معاك فى الدوحه واحد فى هذا البوست (دفع الله خطاب ) اكلنا ملح وملاح فى اوائل التسعينات ان بتعرفه بختك ,فهو رجل اعتز بانى عرفته يوما و الزول التانى ابو ساندرا بيدلك عليه بالدوحه والبورد (فيصل عباس)والايام دى هو (مشوطن )شويه(وهو واحد من رفقاء ايام التعاسه صرعى الضياع والبهدله فى ايام خلت ) ربما تجد صور بحوزته.

عشان كده يا (البدون )(حلوه كده ) انا لاحظت الحاجه دى من زمان
واناى كما صورتى واضحه قدامك ياها دى
وبهديك عربون صداقه دى
وذلك تمهيدا لسرقه اشياء تخصك من هناك وتحويلها باسمى (وجه بيغمز بعينه اليسرى)

شكراً الاخ أيمن هارون على المرور والترحيب بصلاح

العزيز ود الطاهر
شمارك وصل وشكراً على المرور

صلاح عبد الله
سنة يا أنا ....!!!!

صلاح الدين عبد الله
شكراً على الدعم والمساندة بس يا ريت نعرف أيام الضياع مع أبوساندراباين الموضوع شيق

سلام
ياسر حامد

Quote: صلاح الدين عبد الله شكراً على الدعم والمساندة بس يا ريت نعرف أيام الضياع مع أبوساندراباين الموضوع شيق

اخى ياسر
لك التحيه
تقصد شيق ولا بتقصد شمارات
ماتمشى بعيد ابوساندرا عرفته هنا فقط واحترمه

المقصود فيصل عباس (ابو موج )
وليس ابوساندرا


بعدين يا (البدون )
شفته ياسر حامد دا كان صاحبك من اولها عاوز (يكوجن)


اديه دى وقليه سعيك مشكور

شكلكم ياناس الدوحه ناس لذاذ جدا
فوق لمن يجى تانى (البدون )


سلبطه ساكت فى الصحوبيه

سلام للجميع ،
تعرف يا ابو صلاح ، جيت قبل شوية قريت الكلام الفوق ده والكتبتو (أنا) ما فهمتو !!!! مرات بينادوا اسمي (صلاح الدين) بقعد اتلفت ، لغاية الآن ما متعود عليهو ، واسمي مرتبط باسم ابوي ( صلاح عبدالله ) ومرات بينادوني صلاح (حاف كده) بدون عبدالله وبرضو ما بتلفت ، على العموم حلال عليك صلاح (أبو دين ) لانه اصلا هو لا اسمي ولا دايرو ذاتو (بس) وبعدين تسرق مني حاجات ليه والله الحاجات (كان في اصلاً) وسيد الحاجات تحت أمرك . يا زول انت خلاص بقيت صاحبي ( رضيت وا لا أبيت ). وطبعاً القصة ما محتاجة سؤال عنك ، ما كتبته لعبدالرحمن بركات كان مجرد(هزار - هظار) ومقبولة وردتك اللذيذة (يا رايق ) والتانية ح أديها لياسر فردتي.

تحياتي

صلاح عبدالله.

مرحب...صلاح عبدالله...

ونورت المنبر ..والله..والظاهر انو احنا ح نمسك الخشب!!!

وسعيد بطلة زول اشتاق اليه كثيرا..(عماد عيدروس)..الزول الطاعم...

وشكر يا ياسر حامد...علي هذه الصيحة التي جابت لينا زول.. (امكانيتو ظهرت من اول

باص باصين)

الاخ صلاح الدين عبد الله
لك الود
ولأبو موج التحية والتجلة
أبو ساندرا صديق منذ أيام خلت تجاسرت فيها أوجه الضياع من شتى وحتى .. ولما ذكرت ذلك تشابه علينا البقر .. وقلت أنه من الممكن أن نكون التقينا تحت ذلك العمود ... او بجانب ذلك الخور .. وليس المقصود خور بكري (مع الاعتذار).

الاخ صلاح عبد الله
يا فردة مرة ثانية سنة يأ أنا

عبد الكريم
شهد الدوحة آخر من تبقى من تلكم السيرة العطرة .. هل ينتظم عقدنا الفريد مرة أخرى .. أم تناثرنا إلى ما لا نهاية .. التحية لعماد عيدروس وهو يهزم آخر أيام عزوبيته ..

الفنان المرهف عماد عبد الله
بعد المنتمى واللا منتمي الفردة جاب نظرية جديدة الأنا واللا أنا
بالغ مش كدة وللتفرقة بين الصلاحين فردتي بقي صلاح عبد الله ولسون
شكراً للجميع

اخي ياسر حامد
صلاح عبدالله دايرين نسالو اسئلة كتيرة ولذيذة بس عايزنوا يشم نفسو شوية
وياحليل ايام الدوحة وصلاح مابنوفيهو حقو الوصفوا خاتي القول وهو كما قال عتيق شاعرنا الكبير
من يوم مانشيت انا للفضيلة زميل
للخلق الكريم ارتاح وقلبي يميل
زي المغنطيس اجذب لكل جميل

الأخ الباشمهندس عبدالكريم،، أشكرك على كلماتك الطيبات ، والبورد منور بكم أنتم يا أهل الدوحة الطيبون ، وقد شوقني ما قاله عنك الأخ ياسر الى مقابلتك ، لك وله التحية ، وشكري الكثير .

أخونا الزمان ، متولي ،، بعد أن افتقدتك الدوحة لردح من الزمن ، يبدو أننا موعودون بعودتك القريبة ، ، وفي الإنتظار .

صلاح عبداللهً

مرحبتين صلاح الفنان ..الدار ترحب بيك ..غايتو يا اولاد عبدالله والله خايف ليكم من العين

الله بغطيكم.. محبتى ومعزتى........

أخونا وصاحبنا القديم ، ضحية ، شكراً على ترحيبك ، والدار مزدانة دائماً بكم ، وكل يوم زايدة ألق وتوهج ، وبرضو بنوركم .. أتابع بشغف سردكم عن مدينتكم الرائعة . وهذا السرد التفصيلي عنها قد أوجد عندي احساسان ، أولهما إحساس بالحزن كوني لم أزر تلك المدينة ، وثانيهما ، إحساس بأنني من مواليد مدينة المجلد . فواصلوا يحفظكم الله ومدينتكم وأهلها .

تحياتي

صلاح عبدالله

ياسر يا حامد الاصدقاء او الحمود عندهم

حين دلفت الى هذا الوطن مستجدا سمعت عنك ولم اسمعك

واعلم جيدا انك تطرب سامعيك متفق معهم او مختلف

وسعيد جدا أن اسعك من خلال صلاح عبدالله

الأخ بدرالدين ، شكراً على المرور والتكرم بالطلة البهية ،، وأصالةعن نفسي ونيابة عن الأخ ياسر، أشكرك كثيراً ، وقد كنت ( عند حسن الظن بك ) وكن دائماً كذلك .. لك ولياسر ولكل الأعزاء صادق مودتي ..

صلاح عبدالله

العزيز اللذيذ متولي
لا زلنا نبكي على أطلال الفيشاوي وميدان الحراج .. البعض منكم ترك بصماته واضحة في مساءات الدوحة الجميلة .. هل عدتم وأمتزجنا مرة أخرى فلا زال الصادق المهدي يودنا من حين إلى حين ويرتكز عند تقاطع المجنون يتذكر ويدمع أعيننا .. التحية لتلك الكوكبة أين ما حلت

الأخ الفاضل ضحية
شكراً لترحيبك بصلاح عبد الله ومرورك، وعين الحسود الله يبعدا

العزيز ود الأمير
شكراً على المرور .. والترحيب بصلاح عبدالله ومستنين منو الكثير
كمبدع وفنان وأنت أدرى .....

ياسر حامد

الرائع ياسر حامد
هنالك لحظات ومواقف عبثا حاولت تكرارها تاتي ومضات في حياتنا هادية ومشتتة وسط تراكمات الحياة وافرازاتها سرعان ماتنتهي كشهب فهيهات ارجاع مامضي وما مضي يصبح ذكري وشجنا
كل لحظة من عمرنا لها وقع في نفوسنا كل موقف له معني وتبقي ابداالمواقف الجميلة واللحظات الممتعة لاتنتهي والحياة استمرار وتبقي الحياة باستمرارها وحياتنابقصرها فلنعش مواسم الفرح الاتية قيل اليوم جميل والغد اجمل
هنيئا لكم دوحة الجميع ولابد من دوحتكم وان طال السفر