Post: #1
Title: اهداء للشباب الكبار 45 ربيعا وقدام
Author: البعيو
Date: 03-18-2006, 11:34 AM
Parent: #0
|
Post: #2
Title: Re: اهداء للشباب الكبار 45 ربيعا وقدام
Author: Salwa Seyam
Date: 03-18-2006, 11:42 AM
Parent: #1
البعيو
مالك بتطفش الناس من بوستاتك
زول واحد حيجيك مافى
انا جيت رغم انى سغيرة وجاهلة وماقدر بوستاتك بس جيت اسلم عليك 
|
Post: #3
Title: Re: اهداء للشباب الكبار 45 ربيعا وقدام
Author: عمر الفاروق
Date: 03-18-2006, 11:46 AM
Parent: #1
الأخ البعيو :
| Quote: اهداء للشباب الكبار 45 ربيعا وقدام |
الإهداء وصل وانا متأكد في زول أسة مبسووووووووووووووووووووط شديييييييييييد ..خصوصاً وإنك اديت فرصة لي ناس قدام ...
|
Post: #4
Title: Re: اهداء للشباب الكبار 45 ربيعا وقدام
Author: البعيو
Date: 03-18-2006, 11:55 AM
Parent: #1
الآخت سلوى حياك الله
دى اغانى زمن شبابنا والله لمن نسمع الاغانى دى ونطرى زمن شبابنا وخنفستنا والوطنيه غرب والنيل الازرق والشارلستون ال 29 حكايه عجيبه.... لكن بلاهى اغانى الزمن داك ماكانت حلوه
طبعأالرقيص حقنا كان ريغى... وبوب مارلى ده حاجه ماتخلص... اسع قالوا الرقيص اسمه دى جى كان انا ماغلطان والديرتى دانص حمانا الله
اهلا بيك وشرفتيناكتير والله
|
Post: #5
Title: Re: اهداء للشباب الكبار 45 ربيعا وقدام
Author: Salwa Seyam
Date: 03-18-2006, 12:08 PM
Parent: #1
الأخ البعيو
الأغنية مامسموعة بالنسبة لى الظاهر فى مشكلة فنية ... لكن تعليقى كان على عنوان البوست
|
Post: #6
Title: Re: اهداء للشباب الكبار 45 ربيعا وقدام
Author: البعيو
Date: 03-18-2006, 12:27 PM
Parent: #1
الأخ عمر الفاروق كيفنك
طبعأانا مابكضب ال 45 دى انا وصلتها وماطالبنى حليفه شباب ونص لكن ماعارف قدام بيحصل شنو...الله كريم..وشكرا ليك
|
Post: #7
Title: Re: اهداء للشباب الكبار 45 ربيعا وقدام
Author: ابو جهينة
Date: 03-18-2006, 01:13 PM
Parent: #6
البعيو أخوى الباذخ
سلام ماكن
مالك فاطيني ؟ عشان صغار يعني ؟
غايتو السنة الجاية بنخش الموسوعة بتاعتك دي
تخريمة :
في الباخرة من جدة لبورتسودان .. في حاجَّة كبيرة خالص خالص في السن .. أي كلمة و التانية تحلف :
وحاة شبابي ..
واحد قال ليها : يا حاجة أحلفي بي شي تاني
فقالت : زى شنو يعني ؟
فقال لها : قولي وحاة عافيتي
فقال رجل عجوز و هو مغمض عينيه في إغفاءة : باين العافية كملانة و ما بتحلف بيها .. لكن النسوان أعمارن مدسوسة لحدي ما يخموهن في قفة للمقابر.
أرقد عافية
|
Post: #8
Title: Re: اهداء للشباب الكبار 45 ربيعا وقدام
Author: البعيو
Date: 03-18-2006, 01:54 PM
Parent: #1
شيخ شباب بورداب الرياض...استاذنا ابو جهبنة...
تعرف الكبر ده الكل مابدورو
غايتو ياخوى نحن لى اسع الكرعين شايلاتننا
والعيون ممشاتناوالكمبيوتر كويس مافى كلام زياده
ولا خرمجه
وبنحلف بالعافيه
لكن بينى وبينك الواحد مامستسيغ حاجات الزمن ده
وماقادر يواكبه
دايما بنحب الغنا القديم والكتب القديمه والشعر القديم
وحتى الامراض حقت زمان كانت ظريفه وغير مهدده للحياة زى اسع...
وان جيت للحكومات والسياسيين والمعارضين كمان كانوا جهابذه
ياحليل ايام زمان
الله يخليلك شبابك باعزبزى
|
Post: #9
Title: Re: اهداء للشباب الكبار 45 ربيعا وقدام
Author: Adil Osman
Date: 03-18-2006, 08:09 PM
Parent: #1
شكرآ يا البعيو.
تتذكر "تينا شارلس"؟
وجون ترافولتا "ساترداى نايت فيفر"؟
ورود ستيوارت؟ "اي يام سيلنق"؟
وجيمى كليف وبوب مارلى؟
وجيلانى الواثق؟
ووليم اندرية؟
وكمال كيلا؟
وجاز العقارب والديوم؟
كانت لنا أيام!!!
ليت الشباب يعود يومآ.. لآريه ما فعلت الانقاذ..
|
Post: #10
Title: Re: اهداء للشباب الكبار 45 ربيعا وقدام
Author: نادية عثمان
Date: 03-18-2006, 08:48 PM
Parent: #9
ياسلااااااااااااااااااااااااام
رجعتونا خمسين سنة لى وراء!!
فعلا كانت الحياة اجمل من هسع بكتتتتتتتتتتتتتير !!
Quote: كانت لنا أيام!!!
ليت الشباب يعود يومآ.. لآريه ما فعلت الانقاذ.. |
عادل شقيقى
هو انت زمن الانقاذ كنت مولود ؟!!
ياخ مكبر روحك مالك ياشقيق؟!
|
Post: #11
Title: Re: اهداء للشباب الكبار 45 ربيعا وقدام
Author: البعيو
Date: 03-19-2006, 00:32 AM
Parent: #1
الأعزاء عادل ونادية نعلكم طيبين
اشكرك ياعادل على المرور
والحاجات الجميله الطريتنا ليهادى
لكن شوف حسادة نادية جايه تخرب ليى البوست...
والله ياناديه زمن أول كان سمح بالحيل
الخريف مش الانا فيه ده
الخريف الصح كان عنده نكهة
اسع امانه فى زمتك حصل شميتى ليك دعاش
بس تسمعوا بيه
وتزينوا بيه شعركم وكتاباتكم
يخربكم
|
Post: #12
Title: Re: اهداء للشباب الكبار 45 ربيعا وقدام
Author: البعيو
Date: 03-20-2006, 12:18 PM
Parent: #1
ده الشلن لمن لم يراه
كان بيسوى الهوايل
يساوى 5 قروش
يعشيك براحة
يدخلك السينما
تشترى بيه2 حاجه بارده (قزازتين حريه مثلا)
وايام الاستعمار
لمن المشاركين فى الحرب العالميه رجعوا السودان
الحاكم العام امر باعطاء قطعة ارض لمن يرغب بى شلن
تعرفوا الآرض دى وبن
نمره تلاته
اجدادنا وناس بلدنا رفضوا
قالوا نحن الواطه دايرين بيها شنو فى البلد البعيده دى
ما بنفرط ليهم فى الشلن ده
ماعدا واحد بس قبل العرض واسع بيته فى نمره تلاته
طبعا فالوا عليه بوم(عوبر)
وهم اسع الواطه الرفضوها دى فى خشمهم
|
Post: #13
Title: Re: اهداء للشباب الكبار 45 ربيعا وقدام
Author: jini
Date: 03-20-2006, 12:32 PM
Parent: #12
Quote: مالك بتطفش الناس من بوستاتك
زول واحد حيجيك مافى
|
أنا غايتو 39 وداخل على ال 38
لكن أحسن من البعيوات!
الملافظ سعد!!
بعيو وعوير!!
جنى
|
Post: #17
Title: Re: اهداء للشباب الكبار 45 ربيعا وقدام
Author: يازولyazoalيازول
Date: 03-22-2006, 06:13 AM
Parent: #12
يا بعيو دى خمسة مليمات وليس شلن وتسمى (تعريفة)
الشلن خمسة قروش ويساوى 50 مليم ، والقرش 10 ملاليم
والتعريفة يا ها الفى الصورة دى
يا بعيو معقول إنت من زمن الملاليم
لا حولالالالالالالالالالالالا
|
Post: #14
Title: Re: اهداء للشباب الكبار 45 ربيعا وقدام
Author: البعيو
Date: 03-20-2006, 01:02 PM
Parent: #1
جنى كيف حالك
ياخى انت بتكون اصغر من كده
نحن لمن كنا فى فريق اللواء الأبيض مع الصينى
انت كنت يادوبك
تتاتى
راجع عمرك مره تانيه
البعيو
|
Post: #15
Title: Re: اهداء للشباب الكبار 45 ربيعا وقدام
Author: سيد محمد احمد سيدنا
Date: 03-21-2006, 04:14 AM
Parent: #1
البعيو العزيز
اها هبشتنا عددددددددددديل لان السمع خفه وما عرفنا
الغنيه كانت شنو والحمد لله على النظر0
لكن ما احلى تلكم الايام واولاد الزمن دا ( يعنى الوراء)
لو رجعوا الدهر ( مابلقوا ذى دا)
اذا غنى الفنان اطرب واذا رقص اى انسان تكون فى حالة عجب
واذا شفت الحسان ما ليهم حد ، واذا دورت الاخوان ما يدوك الدرب
بس أشر تجد الكل ليك مقرب ، وبالموجود مقتنع ، والمناسبه ما فيها
جنب ، هم ناس فلان وفلان ولى بيتكم جار جنب ، وعمرو الطفل فى الحى ما
يضهب ، وبين الناس مافى عتب ، وللصغير بنت او ولد الكل مؤدب ، ما
رسولنا اوصى بالقرب 0
تحياتـــــــــــــى
ســــــــــــــــيد
|
Post: #16
Title: Re: اهداء للشباب الكبار 45 ربيعا وقدام
Author: jini
Date: 03-22-2006, 05:53 AM
Parent: #15
Quote: جنى كيف حالك
ياخى انت بتكون اصغر من كده
نحن لمن كنا فى فريق اللواء الأبيض مع الصينى
انت كنت يادوبك
تتاتى
راجع عمرك مره تانيه
البعيو |
تذكر لمن كنا صغار كنت بتمسكنا من يدينا وتقطعنا الزلط!
أحي فيك روح الفكاهة فقد تقبلت مداعبتى فى الجمع بين القصر والعوارة كما يقال فى المثل حشفا وسوء كيله!
انا زى خالتى ما بريد الكبر!
خالتى لو قلت ليها يا حاجة تقول ليك تحج فوق جمل أعور شايفنى فارشة فول مدمس!
لك تقديرى
جنى
|
Post: #18
Title: Re: اهداء للشباب الكبار 45 ربيعا وقدام
Author: نجود حسن عبد الرحمن
Date: 03-22-2006, 06:26 AM
Parent: #1
البعيو
ناس الخمستاشر ما معاكم
|
Post: #19
Title: Re: اهداء للشباب الكبار 45 ربيعا وقدام
Author: Haydar Badawi Sadig
Date: 03-22-2006, 04:09 PM
Parent: #18
دخلت هذه الحظيرة قبل شهرين، لا أكثر!
وأسجل حضوري هنا مكرهاً، لا بطل!
شكراً يا البعيو على الأغنية الحلوة، التي أثارت في النفس الكثير من الأشجان.
|
Post: #20
Title: Re: اهداء للشباب الكبار 45 ربيعا وقدام
Author: البعيو
Date: 03-23-2006, 01:10 AM
Parent: #1
هلا وغلا بالزول يازول احييك بتحية اهل نجد
التى التى تجاوز وجودنا بها ربع قرن
وما زاد عن ذلك لن اعلنه خوفاً من الحسد
حمده فى بطنه
وهذه ليست المشكلة
المشكلة متى سنرجع للوطن؟؟
..........
اذكر فى بداية الإغتراب
كنا بنروح المقابر لدفن سودانى فى السنه مرتين تلاته بالكتير
الآن كل يوم بيكون فى اتنين تلاته
المساكين بيموتوا محبطين وممغسين
ومشبعين بالشوق والحنين للبلد
الله يجازى الكان السبب
بالنسبه للصوره العتب على النظر
لكن تعال انت الفرينى ده مش ياهو
القرشين الفضية الصغيره
تحياتى وشكراً للمرور
|
Post: #21
Title: Re: اهداء للشباب الكبار 45 ربيعا وقدام
Author: البعيو
Date: 03-23-2006, 09:58 AM
Parent: #1
الأخ جنى
ما بيناتنا
وانتهز هذه الفرصة
وأطلب منك ونفسى
وكل من يعبر من هنا
أن يدعوا فى صلواتهم
العلى القدير
أن يعين كل ذو الإحتياجات الخاصة
فى حياتهم
وأن ندعم المؤسسات السودانية
التى تعمل لدعم هذه الشرائح
وأن يتقبل منا
ولك الشكر والتقدير
|
Post: #22
Title: Re: اهداء للشباب الكبار 45 ربيعا وقدام
Author: البعيو
Date: 03-25-2006, 00:25 AM
Parent: #1
ابو السيد
كيفك ياحبيب
شوف بالله الكلام السمح ده
طبعاًكلام من زمان:
انا الدابى إن لبد للزول بعيقو
وانا فرح الرجــال وقتين يضيقو
وانا المامون على بنوت فريقــو
وأنت كذلك ايها الفارس
|
Post: #23
Title: Re: اهداء للشباب الكبار 45 ربيعا وقدام
Author: البعيو
Date: 03-25-2006, 00:30 AM
Parent: #1
الأخت نجود
لاقنك وين
اهلاً بيك
وشكرلتعطير البوست بمرورك الكريم
|
Post: #24
Title: Re: اهداء للشباب الكبار 45 ربيعا وقدام
Author: البعيو
Date: 03-25-2006, 00:34 AM
Parent: #1
الدكتور حيدر بدوى
شرفت البوست
بعض اصدقائك واصدقائى هنا فى الرياض
بيطروك بالخير
زورنا مره
|
Post: #25
Title: Re: اهداء للشباب الكبار 45 ربيعا وقدام
Author: أحمد الشايقي
Date: 03-25-2006, 00:40 AM
Parent: #1
سلام للأخ انور,
بوست دافئ
بس العمر المحدد دا مشكلة
أنا محتاج اطبق لي زول وادخل عشان اكمل 45 ربيعاً,
يعني في تذكرة واحدة,
Quote: البعيو
ناس الخمستاشر ما معاكم |
ديل ما نحن ذاااااااااااتنا
تحياتي يا
باشمهندس,
|
|