Post: #1
Title: اها يا جماعة الخير فتناكم بعافية والعفو والعافية ونشوفكم باذن الله في السادس من ابريل الجاي؟؟
Author: هشام هباني
Date: 03-17-2006, 01:48 PM
الاخوان والحبان الضلاميين وغير الضلاميين
اهايا قبيلة العفو والعافية وزي ما يقول ابو جضوم او ابو شلاضيم احمد البلال ( اذا امد الله في الاجال) نشوفكم في يوم السادس من ابريل الجاي الذكري الواحدة والعشرين للانتفاضة المجيدة....وارقدوا عافية والزعلان والمغبون من اخوكم( البذيء) ود هباني اعفي ليهو وامسحها لينا في وشنا وانا عافي منكم تب.... وراضي منكم دنيا واخرة مع تمنياتي لكم بمنبر خال من( الشطة والبهارات) وكل ما هو مضر بالصحة.. يعني اكل استباليا نضيف وصحي ومسيخ والزارعة الله في الحجر بتقوم...
احبكم جميعالله وللوطن
اخوكم وعمكم هباني ظااااااااطو
|
Post: #2
Title: Re: اها يا جماعة الخير فتناكم بعافية والعفو والعافية ونشوفكم باذن الله في السادس من ابريل الجا
Author: معتز تروتسكى
Date: 03-17-2006, 01:55 PM
Parent: #1
هشام تمشى وتجى بالسلامه وماعندى معاك شى شخصى
ليك حقوق يجب ان تناضل من اجلها ..ماتنساها..
بس لمن تجى راجع ارجو ان تكون غيرته طريقتك دي ولاكلامك الماراكب عدولو ده..
لانو عمرها البذائه ماقدمت قضيه ..
واذا بتفتكر بانك صاحب قضية بارك تبقى غلطلن..
كلنا عندنا حقوق لكن عهد على نفسى انا حقى باخدو براى لاداير تجمع ولا شيطان رجيم..
ومابطريقتك دى كمان..
المهم..
ولمن تجى راجع قيل بعافية...
منتظرنك لو لقيتنا..
والتحايا النواضر..
|
Post: #3
Title: Re: اها يا جماعة الخير فتناكم بعافية والعفو والعافية ونشوفكم باذن الله في السادس من ابريل الجا
Author: فيصل محمد خليل
Date: 03-17-2006, 02:40 PM
Parent: #2
الكومندنتا هباني
رافقتك السلامة
فيصل محمد خليل
|
|