الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
شوفوا معاي النسوان السودانيات
|
إن بقيت بخيت .. ربنا يديك مرا هدية ورضية .. السماحة ماضروري لانو بعد شوية .. ما حتكون سمحة حاتكون عادية .. نصيحة ليك النسوان البقولن ليك ديل اوعك تعرس واحدة فيهن ، الفنانة والحنانة والحردانة والمدرسة والمدبرسة والمفلسة والنوامة والحوامة واللوامة والبوبارة والكوبارة والخبارة والفشارة والممحوقة ( والمطلوقة ) واللايوقة أها نمسكن واحدة واحدة 1- الفنانة :- حاتمرق معاها وتقعد تحوم .. في الحفلات .. وتشوف كرسي قدام وتقعد فيهو شايل عكازل وسكينك في ضراعك وعينك عليها .. إن راجل بشر ساكت تتحنفش وتتخنفش وتقوم .. إلا يهجروك اتنين علي الكرسي .. وتجوا نص الليل راجعين اهلكم والنهار كلو نائمين 2- الحنانة :- طول النهار برا البيت .. تحنن في نسوان الرجال وهي كرعينها يكونن ما شافن حنة ليهن سنين .. والنهار كلو إنت تحاحي في الشفع ما يلمسوا الصبغة . 3- الحردانة :- دي حا تكرهك حياتك اقل كلمة تتفنع توبها وتجري بيت ناس ابوها وتلحقها انت وتلقي ابوها تقعد في طرف العنقريب .. تطقطق في اصابعيك ومدنقر في ا########## وداير تراضيها ترجع البيت .. لكن احسن حل يا تسكنوا مع ناس ابوها .. ياتجيب ناس ابوها عندكم .. عشان توفر المشاوير والجري . 4- المدرسة :- اول حاجة دي ما بتقدر تفرق بينك وبين الطلبة .. وحتقعد تعيد وتكرر في الكلام مليون مرة .. زي برنامج من الامس في التلفزيون .. وممكن جداً تسرح وتقول ليك فاهم ياشاطر. 5- المدبرسة :- تلقاها طوالي زهجانة .. وشايلة اخلاقها في طرف نخرتها .. وان كلكلتها ماتضحك وفي النهاية حتوديك التجاني الماحي ..... نزيل اكتئاب .. 6- المفلسة :- مادايرة أي شرح . 7- النوامة :- تجي من الشغل نص النهار وزهجان .. تلقاها ( تانية المخدة ) وخاتها ايدها تحتها وتشخر .. وريالتها سائلة .. وحالتها بالبلا .. وتكره اليوم الفكرت انت فيهو في التكاثر 8- الحوامة :- طول اليوم فوق كرعينها .. في الحلة من بيت لبيت .. وتدخل البيت قبال ما إنت تجئ من الشغل بخمس دقائق .. وتجري تولع النار وتطبخ ليك ( القطر قام ) .. واول ما ينتهي الغداء تدخل في سفنجتها إستعداداً لرحلة جديدة . 9- اللوامة :- دا نوع مزعج جداً .. لو جبت سيرة اخوك ساكت .. تفتح فيهو ، الله بسألني سنتنا ديك وكت انت خليتنا بلا قروش وسافرت .. يدخل علينا مدلدل ايديهو .. كيس موز ساكت ما بيجي شايلو .. ولو جبت سيرة امك هي والله امك دي اصلها ما بتريدني من تشوفني تزعل والنيران تنطلق فيها .. وتمد قدومها .. ووليداتي ديل السلام يا الله ويا امين تسلم عليهم . 10- البوبارة :- دي تحملك فوق طاقتك تشريك المابنشري .. وجيت الناس في البيت تجري علي علبة الذهب وتتعنكش كلها من راسها لي لكرعيها .. وتقعد تنضم وتك*** بايديها وكرعيها ورقبتها واضنيها ,, عشان توري الذهب . 11- الكوبارة :- دي تكبر اي موضوع .. وتسوي ليهو توم وشمار .. وتقول ليك ناس القبور دقو الطنبور .. لو شافع من شفعك عتر ووقع تصرخ وتخت ايديها في نص راسها وبي طول حسها وووووووووووووووووووووووب علي ووووووووووب علي .. ماااااااااااااااااات خلاص ماااااااااااااااااااااااااات يسمعوها في الشارع والمصيبة لو انت كنت نائم وسمعتها .. تقوم مخلوع وتمرق من الاوضة لحدي نص الصالة .. اما لوكان عندك قلب مرضان .. اللحظة ديك ...... من المهد لي اللحد 12- المطلوقة :- واضحة وضوح الشمس 13- اللايوقة :- دي حكايتها تانية .. تمسك في موضوع يحلك منو الجليل الرحيم .. يادا هوي يادا الليلة يايمـــة طرشت ؟؟؟؟ وقدر ما تطنش هي مصرة .. وممكن تجئ وتخجك خجة جامدة عشان تنتبه .............................. للنقة
|
|
|
|
|
|
|
|
Re: شوفوا معاي النسوان السودانيات (Re: ايهاب نميري)
|
شـوفـن...ابعـدن مـن الراجـل النقناق...بيقصـر العمـر.. الراجـل البخبـل ..بيـقتلك بالجـوع... الراجـل البيشـخـر...تموتي تعب مـن النعاس... الراجـل الـدمو تقيـل ...أف... اللحظـة معاه بسـنة... الراجـل القلبه ومخـه فـاضـي...ملل مافي بعـده ملل... الراجـل ......... الراجـل ......... الراجـل ......... الراجـل .........
فيلم طـويل مابيخلص يا ايهاب.....
مـني
| |
|
|
|
|
|
|
Re: شوفوا معاي النسوان السودانيات (Re: ايهاب نميري)
|
Quote:
اوعك تعرس واحدة فيهن ، الفنانة والحنانة والحردانة والمدرسة والمدبرسة والمفلسة والنوامة والحوامة واللوامة والبوبارة والكوبارة والخبارة والفشارة والممحوقة ( والمطلوقة ) واللايوقة
|
ايهاب
والله بعد كده الا تفصل ليك واحدة تفصيل لانه مافى واحدة بتمرق من القائمة دى ؟؟؟؟؟
ياخى ضحكتنا والله من الصباح اضحك الله سنك
مع انه .....
ارجى الراجيك غايتو
| |
|
|
|
|
|
|
Re: شوفوا معاي النسوان السودانيات (Re: ايهاب نميري)
|
أخي إيهاب الموضوع شيق وجميل وطرح جديد وهو واقع ملموس وإن أتي في شكل سخرية بس شايفكم عصرتو شديد على النساء وإليكم بعضاً من أنواع الرجال العصبي الروتيني الموسوس النمطي النقال البارد الشكاك الصامت الطاغية المزواج
| |
|
|
|
|
|
|
Re: شوفوا معاي النسوان السودانيات (Re: almulaomar)
|
والله انته جيتني في الزمن الصاح من قبيل بعصر في راسي على اساس اكتب حاجه في الرجال شوف بعداك الجديع في الرجال كيف
كـويس يا ايهاب يا شـقي...يعني قبيل كـنت بتغشـني لما قلت
منى يا غاليه عارف انا قبلت شديد على النسوان لكن دا الحاصل وما عندك مشكله انا هسي ح اقبل ليك على الرجال عيونا ليك
وأوحـيت لي بإنك عنـدك رأي جـاهـز في الرجـال?!
مـني
| |
|
|
|
|
|
|
|