هذا ما اعرفه عن ....

الصلوعاب...
نسبة الصلوعاب للملك محمد صلوع
ينتسب جميع ابناء الصلوعاب للملك محمد صلوع ود عرمان ودعدلان ودالضليع ود النشا ودالمك محمد وينحدرمنهم محمد ودمسمار ومحمدودميرف ودمسمارودالمك محمد ونبدا باولاد ميرف ودالمك محمد فهم محمد حمد ادريس حامد سعد عماره محمد انجب حاج احمد ---محمد احمد الباشا حمد انجب اولادحاج احمد عبدالرحمن ادريس انجب عبدالله ابريم وبلال حامد انجب ودالشفيع وبنونه سعد انجب ودبله ودابوراس ودكسر ودعمار ودالموج ودسقا عماره انجب الحجاجيز

اما اولاد محمد ميرف ودالمك محمد فهم حاج احمد محمد البشير الماحى الخضر حاج احمد انجب الامين والخضر والبشير والماحى ومحمد وفاطمه--ابوقرجه-- زينب--ودحوه-- وادى النبى ام احمدودالخضر ابناء محمد هم الفكى حسن مدينه ستنا بره مكى ابناء البشير الحاج ودضويو ابناء الماحى البشير القريش ابوطيفور ابناء الخضر احمد ومحمد احمد

اما اولاد محمداحمد ودمحمد ميرف فهم على والباشا على انجب رابحه ودالتوم والزينه امونه الطاهر ومنانه اما زينب انجبت ام نفل محمدوداحمد والحمدى واحمد العقيد اما ام الحسن انجبت بنات عوض السيد وعمر الدفينه ودالنوقه اما ست الناس انجبت ودعبدالدائم وسمح الحكيم انجبت خلف الله ودالعقيد واخونه--الجريف-- اما فردوس فهى فى قبيله الكبابيش اما زريقه انجبت الحاج ودضويو وهنالك رذه

اولاد على محمد احمدودمحمد ودميرف فهم محمد هضلول احمد هضلول ست النفل -- رابح-- احمد ----بشيرودعمر فاطمه--عبدالرحمن--ودالماحى--البشيرودضويو حليتى-- الروضه --خديجه --ام العكريب حليمه بت على الشيخودحوه واخوانه وادى نب --قسم الله عبيد الباشا-- الفكى محمد --الخضر-- عبدالرحمن التومه

الخضر -البرمكى محمد الحسن بت الخضر امنه النعمه--عبدالله المدير اخ ودهضلول فاطمه عبدالتوم واخوانه منصور ودفضيل عبدالله الباشا

محمد على الجمل محمدصلوع(الجمل) وابناؤه هم حامدودعلى والزاكىودعلى

حامد انجب بابكر واحمد الزاكىودعلى انجب الامام وابناء الامامهم هلال موسى الزاكى ادريس النسيم اما هلال انجب بنات هلال موسى انجب عباس وحمد الزاكى انجب فاطمه واحمد والامام اولاد الامام اما ادريس فهم بابكر وفطينه وام بلينه النسيم انجبت بابكر واحمد عائشه وفاطمه والسريره

هلالودالامامودالزاكى ودعلى ودالجمل وبنات هلال هن حليمه>[اولادحسن ودبله حموده فاطمه[زينوبهوامونه ودعباس فاطمه بت عباس] امنه] عيشه] نفيسه] امنه بت نفيسه النسيم[ بتالامام]

هلال ودالامام [ بنات هلال] النسيم ]]ابنائها هم بابكر ودحامد [ محمد- الزينه- امنه] احمدودحامد[ زينوبه- امونه] عائشه يت حامد[زكريا- بت الحاج] فاطمه بت حامد ب السريره]


الادريساب
هم ابناء ادريس ود ميرف عبدالله {ابريم} واخوه بلال وسوف نقوم بذكر ابناء بلال واحفاده وبعد التشاور مع الاخ التاج ود ابريم سوف نكتب عن البريماب

بلال انجب وقيع الله ودفع الله وقيع الله ابناؤه هم احمد ومحمد وحسين وفاطمه

احمد وقيع الله ابناؤه هم الطيب والعبيد وحسن وسكينه محمد وقيع الله ابناؤه حمد وحنونه حسين ابناؤه احمد وعباس فاطمه بت وقيع الله ابنائها هم دفع الله واحمد وامنه وزينب الطيب احمد وقيع الله ابناؤه هم سالم و عبد الرحمن ووقبع الله وفاطمه وامنه ومؤمنين والروضه وعائشه العبيد احمد وقبع الله ابناؤه هم ابراهيم وجعفر والسره وفاطمه حسن احمد وقيع الله لديه ثلاث بنات هن فاطمه وسيده ونفيسه سكينه احمد وقيع الله ابنائها هم الامين وحرم والنعمه وحسونه حمد محد وقيع الله ابناؤه الريح وصندليه اما دفع الله ود بلال انجب الزبير وشروق الزبير دفع الله ودبلال ابناؤه هم دفع الله ودالزبير واحمد ودالزبير وامنه بت الزبير وزينب بتالزبير

دفع الله ابناؤه هم بلال وبلاله سكينه والروضه امنه وبخيته الزبير احمد ودالزبير ابناؤه هم عبدالرحيم وداحمدودالزبير ومحمد وداحمد ودالزبير وفاطمه بت احمد ودالزبير وست البنات ونقف هنا حيث وصلنا للجيل الحالى وسوف نذكرهم لاحقا بعد اجراء التصحيح ان كانت هنالك اخطاء
التحتاتيه

المقصود بها أرض زراعية و في منطقة الجزيرة تسمى ( الحواشات ) ويزرع فيها معظم مخاصيل القرية ومن أهمها الفول المصري - الفاصوليا - البصل - بجانب الخضروات .

الجيرات:

منطقة تقع بين التحتانية و الحلة وهي منطقة مرتفع يستخرج من الجير لطلاء البيوت وهذا قديماً والآن يستخدم الطلاء الحديث .



المسيح :

ويقصد به الرمال في الوادي الذي بفصل القرية وهناك مسيح صنقعت و مسيح حبوبه السريره .

الشَطب :

وهو وفرع من فروع الوادي يجلب جزء من السيل .

صٌلٌوعَاب دِيَارنَا الأصْبَحَنْ

عالـيات جِــبَاهن لوَّحَنْ

صٌلٌوعَاب منارْ

نِعْــمَ الديارْ

لمَّا القِليبْ بِيدُوبْ حَنِينْ صٌلٌوعَاب أحَنْ

كلَّ الشَــوارِدْ في هَــواهَا بيسـرحَنْ

أشْوَاقِي صَاحْـيَاتْ الفُـؤادْ الما غَـفَنْ

صلوعاب حِصِنْ صلوعاب حِضِنْ

صلوعاب طريقْ

نيرانو مُشْهَابْ الدَرِبْ

سَاعةَ الظلامْ إصبحْ رفِيْقْ

صلوعاب ضَهَرْ نَجْدَة غَرِيقْ

صلوعاب شَمِسْ

شَمْسْ الحَقيقة الما بتغِيْبْ

دارْ العُلومْ الما بتخِيبْ

صلوعاب نَبَـا

بَرقْ الظَلامْ الما خَبَا

سيفْ الحُصُونْ الما نَبَا

صلوعاب حُضُورْ شَايلاهَا سِيرة المُجْتبَى

تلقاهَا في مَدحْ الحَبِيبْ

تتهَادَى زَيْ نَسْم الصَبَا

نَشْوَانةْ بِتْحَلِّقْ رُؤَاهَا السَابْحَة في جَوْ أطْرَبَا

كـَاملْ الشَمَائلْ أعْجَبَا

السَارْ عَلى هَدْيُو الكَرِيمْ بحْلِفْ يَمِيناً ما كَبَا

التَاهْ فؤادُه بينهزِمْ

وحُرُوفو تَصْبِحْ زَيْ سَرَابْ

منْ غيرْ ظِلالْ منْ غيرْ رَسِمْ

الكَانْ شَتاتْ فقد الزَمنْ فقد المكانْ ما بِنحَزِمْ

النَكِرة ما بتصْبِحْ اسمْ

صلوعاب كيانْ صلوعاب وَسِمْ

صلوعاب وَعـــــدْ

صلوعاب رَعـــــدْ

النوبة ترعِدْ منْ زَمَنْ شايلة العَهدْ

ذكرى الحبيبْ زادْ السَعدْ

دِيْ الزَامْلة يُومْ ما فِيشْ بَعدْ

يومْ الحِسَابْ مِثـقال ذرَّة منْ العَمَلْ

مَحْسُوبَة عَــدْ

صلوعاب لسَانْ بـلهجْ حَبَابْ

وقِليبَهَا فاتحْ زَي بيوتهَا الفاتحَة بَابْ

صلوعاب بَلدْ كُلَّ الصِحابْ

جُوّاهَا مَا بتشوفْ غَريبْ

صلوعاب مِجافيَة الإغـتِرابْ

صلوعاب رحابْ القادِمِينْ

صلوعاب أمَانْ الخَائِفينْ

صلوعاب أهَلْ

صلوعاب ريَاضْ الشيخْ سِقايتو عَلى مَهَلْ

فَتّحْ جَدَاوِلها مِنْ زمانْ

مُمْتَدّة ما خلّتْ سَهَـلْ

جَابَتْ شَمَالْ شَقتْ غَرِبْ زَحَفَتْ شَرِقْ

والكُلْ نَهَلْ

صلوعاب وِسَامْ

صلوعاب حِزَامْ

حَزَمْ القـُلوبْ بِرِباطْ يقينْ

بلدْ التَسَامُحْ و التصافُحْ و التراحُمْ و الحَنِينْ

إيقاعها منْ أذكَارَها منْ أسْحارَها

مِنْ زَادْ السِنينْ

صلوعاب رِسَالَة مِنْ الأهـَلْ

بتضّوي مِنْ فُوقَ الجَبينْ

صلوعاب حُروفْ بتسَالمْ أشْواقنا وتَهِشْ

قبّالْ تَسَالِمْ في اليدينْ

صلوعاب نَفيرْ زي ما بتشارِك في السَمِحْ

تلقاهَا يُومْ قَلبَكْ حَزينْ

صلوعاب سِحـَابْ

بِرْحَلْ مَعاكْ سَاعة الهجيرْ

ساعةَ الجَفَا و سَاعْة الجفافْ بِصْبِحْ مَطيرْ

حَبَاتو مِنْ لالـُوبَا مِنْ مَهَيُوبَا مِنْ حَرْفْ القصِيدْ

صَيحاتو بتمَـزقْ ظَلامْ ليلاً شَديدْ

لكِنّو ليلْ صلوعاب سمِحْ شايلّو ضَوْ

أسْـتاذ نَا شمَّــرْ قَامْ حَفَرْ

خَتَّ الأسَاسْ مَا خَتَّ لَوْ

سمَّــاهَا صلوعاب

شَالتْ الاسِمْ في حينَها تَوْ

صلوعاب مَقامْ


صلوعاب صِلةْ

صلوعاب بَحَرْ صلوعاب غَرَقْ

غَرَقْ الصَلاحْ البِينشَكَرْ

صلوعاب تَشَعْلِلْ بالذِكِـرْ

البِيرْ بِضُخْ عَسَلاً حِلُو

الشيخْ وَقَفْ شايلْ الدَلُو

يسقِي الصَليحْ يسقِي العَدُو

الزَمَنُو طاعِنْ في العُمُرْ تَلـقاهُ دائماً بِوصَلو

حَقَّ البَعيدْ مَا بِوَدِّرُو

عَارْفِنُو مِنْ سَاسُو الغريقْ

قَادَ الرَسَنْ

صَانَ الفَرَائضْ و السُنَنْ

أحْيَا الفَضَائلْ مُجْمَلا

مَا رَدَّ حَدْ قـَالْ ليهُولا

لو طالْ غِيَابْنا عَنْ الوَطَنْ

رُوحِي في هَواكُمْ بَاذِلا

أشْوَاقِي في بَلَدْ الخليج مَا بَعْزِلا

مُرْسَالهْا ليكُمْ في السُطُورْ

أحْرُفْ هَوَايَ بَنَزِّلا


من شعراء القرية
سيف الدين بابكر محمد الحسن
بكره تتغير ظروفنا


بكره تتغير ظروفنا

وبكره يرحل كل خوفنا

وينبت الأمل المنور

وبيه تخضر كل جروفنا

وتبسم الأيام معنا

وتاني ما بنهاب ظروفنا

ونحصد العشم البيسعد

الكان قبيل عامل كسوفنا

وفي مباهج كرنفال يشهد العالم يشوفنا

فينا تاج العزه خايل

وبالمحبة تطيب ظروفنا

وشمس العديلة الطاله غيابه

بكره تشرق بالسعادة

ونمشي في الأيام حبايب

ونخلى للحب القيادة

ونخلي للحب السيادة



الحنينة



الحنينة الطال بعاده وفجاءة عاده اللي راده

جابها شوق هزم عناده وإستعاده

في وكت مدهش جميل لاهي صدفه وبقول عليها ولا إراده

دي الحنين ولهفة أشواق السنين لبو نداء القلب اللي نادى

تاني عادت و في العيون سجلت مياده

وايقظت بهجة عمر كان قبيل أعلنت سهاده .

ما كلو جايز الحنين و الصد و السعادة

و العيون ما بتعرف تداري ولا بتخبي في يوم سهاده

ولا هي صدفه بقول عليها ولا إراده






توهني في ريدك



توهني في ريدك توهني

لكنك برضو اسال عنى

خليني اعيش إنسان تاني

تسعدني ريدى وتسعدني

صدقني بحبك لكني خايف منك تهجرني

يا الحبك من بدري آسرني

توهني وبرضك ارعاني من حبك لا يودرني

وأحذر من هجري لاني بعادك يا ما بدردرني

ارعاني بقربك واسلمني

بدفء حنانك واسيني

مناي أسعادك صدقني





عناد



ما بسيب ريدك وحاتك

لو يطول زمن إبتعادك

سوى فيّ الدايروا كلو

بس شيل من قلبك عنادك

وقصر المشوار عليّ

وخليني أحقق ابلغ إمنياتك

وابقى أبلغ إمنياتك

وابقى أنهل من ودادك



المرجع كتاب سيرة الصلوعاب