Post: #1
Title: عهر الكلام و كذب النضم ... الإنقاذ و صبيتها مثالا ... فهل من مترجم ؟؟؟؟
Author: ABDELMAGID ABDELMAGID
Date: 03-11-2006, 11:57 PM
..................................................................................................................................................................................................................................................................................................................................................................................................................................................................................................................................
عبدالماجد
|
Post: #2
Title: Re: عهر الكلام و كذب النضم ... الإنقاذ و صبيتها مثالا ... فهل من مترجم ؟؟؟؟
Author: bayan
Date: 03-12-2006, 01:03 AM
Parent: #1
السيد عبدالماجد
بعد ان عرفنا عهر الكلام والنضم للانقاذ وصبيتها مما كتبته...
اجب على هذه الاسئلة..
هل ارسلت طاردتك بالماسنجرات؟
هل وصلك اكثر من هذا الماسنجر مني؟(ادناه)*
هل طاردتك بماسنجرات عاطفية حتى يقول لي صديق انك متزوج؟
هذا الموضوع تتوقف عليه كرامتك انت كرجل..
واعلم ان لا احد يصدق ان ارسل لك ماسنجرات
عاطفية لان الكل هنا يعرفني..
ولكن هذا محك لك. ويوم الامتحان يكرم المرء او يهان..Quote: Quote: Date: 26-02-2006, 03:59 ص
From: bayan
To: ABDELMAGID ABDELMAGID
Subject: قصتك شنو؟
اسمع انت قصتك شنو؟
عشان ما عايزة اعوقك والله.. حركاتك كدا غريبة جدا..
في اي مشكلة؟
بعدين عوض الجاز دا شنو البتقولو لي
فهممني بالله عشان اقدر اساعدك وافهم عايز شنو..
وموضوع سارة دا ما بيخصك وانت ما طرف فيهو.. هاميك كدا ليه؟
متحيرة شديد من حاجاتك . |
كتبت له هذا الماسنجر لانه هاجمني دون سابق معرفة وبدون سبب ظاهر..
فوددت معرفة ما مشكلته حتى نجنب البورد مشاكل يمكن ان تحل شخصيا
خاصة لو كان الطرف الآخر لا تعرفه ورجحت وربما هناك سؤ تفاهم..
ورد لي في المنبر التالي
Quote: عفوا ...
الرجاء من صاحبة هذا الإسم bayan الإقلاع عن مخاطبتى
عن طريق الماسنجر الداخلى ... فهنالك منتدى حر يمكن أن تطرح ما تراه مناسبا من خلاله ...
سلام |
عبدالماجد
احترمت رغبته وهذا حقه وخاطبته من خلال البورد كما ارد..
ليتحول هذا الامر في كفاية الى انني اطارد الرجال بالماسنجرات
ثم صار عماد الخير(ام احمد عزمي في كفاية)
يطاردني ناقلا حديثا رخيصا كما نبهني ان عبد الماجد متزوج
رفض عبد الماجد ان يوضح هذا الامر الذي يعد قذف واشانة سمعة
لآمرأة سودانية توهم انها عدو...
وانا هنا اطالبك يا عبد الماجد امام البورد
ان تأكد مطاردتي العاطفية لك..
او تكتب الحقيقة...
لان لو تحدث شخص عن النساء في اسرتك بما تحدث صديقك
لما رضيت. وايضا بما انك مناضل ومعارض .
يجب ان تكون شريفا امينا على عكس ما تعارضهم
فما الفرق الان بينك وبين الانقاذ؟
|
Post: #3
Title: Re: عهر الكلام و كذب النضم ... الإنقاذ و صبيتها مثالا ... فهل من مترجم ؟؟؟؟
Author: عبدالرحمن الحلاوي
Date: 03-12-2006, 01:50 AM
Parent: #2
ليت هنداً أنجزتنا ما تعد وشفت أنفسنا مما نجد !!
دكتور عبدالماجد
هذا الاستهلال البارع للبوست وما بين هند وليت يجب أن ترح نفسنا وترد على الأخت الدكتورة بيان بما عهدت فيك من حكمة واتزان بعيداً عن الشخصنة .
|
Post: #4
Title: Re: عهر الكلام و كذب النضم ... الإنقاذ و صبيتها مثالا ... فهل من مترجم ؟؟؟؟
Author: bayan
Date: 03-12-2006, 02:15 AM
Parent: #3
الاخ عبدالرحمن
ان نفسي مبرئة وليست مريضة...
الحمدلله والشكر لله
محل احترام وتقدير كل من اعرفهم
سايبريا او شخصيا...
اهمية هذا الامر ليست شخصية..
لآن هذا الامر غير شخصي
هذا امر يخص الاخلاق والعدل
وهي مبادئ عامة..
فقول الحق عمره ما كان امرا خاصا. دائما تعد من الامور العامة...
وكنت اتمنى الا اطالب بها بل تمنح لأن منحها وتصويب الخطأ
كما فعل الاخ ابو الريش والاستاذ مكي النور.
الذي رغم الاختلاف الفكري معهما الا انني احفظ لهما
احترام وتقدير.. لقولهم الحقيقة
التي رفعت اسهمهم في نظر كل من راي نفيهم
لما اتهمت به.. رغم الاختلاف..
وهذاما نود ان يكون ديدن الحوارات في هذا المنبر.ز
ما اسهل تلفيق القصص.. خاصة لشخص الكتابة هي احد هواياته
ولكن اخلاقي ومثلي تمنعني من ان افعل ذلك...
ادرب نفسي على الموضوعية واحترام الآخر المخالف..
دارت حوارات جميلة بيني وبين عدد كبير. من اخوة ينتمون لاحزاب
لا ترى ما اراه.. ولكن دائما هناك هذه المحبة والاحترام
اذكر منهم
( مستر كوستا ,جازلوت ,خالد العبيد. برير .دكتور مجدي اسحق ,ابو الريش .ياسر الشريف)
ان يقذفني احدهم في عرضي
ويشيع عني الشائعات و الافترات بموافقة
من ينصب نفسه معارضا ويريد ان يحارب نظام يتهمه
بالانحطاط الاخلاقي من باب اولي ان يكون اخلاقيا
اذ انه من المعروف فاقد الشئ لا يعطيه..
وانا لا ارضاه لي ولا لغيري..
وانا هنا اطالب بحقي اللهي .ز وهو الحقيقة والعدل
في امر موضوع مطاردة الماسنجرات العاطفية
كون انني هنا محصنة بتضاعف الذنب الاخلاقي
دينيا واجتماعيا..
واتمنى ان تكون الاجابة واضحة لا تقبل تاويل..نعم ام لا
|
Post: #5
Title: Re: عهر الكلام و كذب النضم ... الإنقاذ و صبيتها مثالا ... فهل من مترجم ؟؟؟؟
Author: bayan
Date: 03-12-2006, 10:33 AM
Parent: #4
فوووووووووووووووووووووووووووووووووووووووووووووووووووووووق
|
Post: #6
Title: Re: عهر الكلام و كذب النضم ... الإنقاذ و صبيتها مثالا ... فهل من مترجم ؟؟؟؟
Author: عبدالرحمن الحلاوي
Date: 03-12-2006, 11:06 PM
Parent: #5
Quote: ان نفسي مبرئة وليست مريضة...
الحمدلله والشكر لله |
الأخت الفاضلة الدكتورة نجاة
لا تحملي الموضوع أكثر مما يحتمل فقد تجاوز الزمن الأمر وطالما أنك نفسك مبرئة من كل عيب ونقيصة فلا داع ، ولسان حالك يقول الحمد لله والشكر لله . ودعي الدكتور عبدالماجد يعبر عن إرادته ويشفي غليله من عهر الإنقاذ ( استعارة مكنية) وكذب النضم ( مجاز حقيقي ) والصبية ( كناية عن الطيش وسوء التقدير للأمور) .
وهذا من باب البيان .
|
Post: #7
Title: Re: عهر الكلام و كذب النضم ... الإنقاذ و صبيتها مثالا ... فهل من مترجم ؟؟؟؟
Author: ABDELMAGID ABDELMAGID
Date: 03-13-2006, 00:57 AM
Parent: #6
السيده / د. بيان
صباح الخير
كما أخبرك صديقى عبدالرحمن الحلاوى فيما معناه أن الموضوع سياسه فى سياسه و كفانا الله دروب السياسه و اساليبها الخسيسه لأنى لست بسياسى فكلنا يكره شخصنة المواضيع ... فالخلاف بيننا سياسى و ليس بأخلاقى .. فلقد اختلفنا و ما زلنا نختلف فى بعض من موقف ...و مواقف ... و لكن !!!
عندما طلبت منك عدم مخاطبتى عن طريق ( الماسنجر ) لم يكن يدور بخلدى فى ذلك الوقت الا ذلك الخلاف السياسى و أن كل الموضوع هو ندية فى فن المحاورة بين أثنان يحترمان اخلاقيا بعضهما البعض بصرف النظر عن ال ( جندر ) بتاعم !!! و لكن فى ردك لى لم تتوانى أنت فاعملت فى شخصى معولك بشتائم لفظيه .. و لولا أنى لم أكن واثقا من نفسى فيما ذهبت اليه فى ردك على لأنتحرت كما يفعل ضعاف النفوس فأنا و الحمد لله أنى لست بالشخص العوير ابو رياله فالكل قي من عاشرنى و يعرفنى أنى أبعد ما أكون من هذه الصفات !!! الخلاف بيننا سياسى ... فانت لم تلاحقينى أو فلنقل تغوينى ... فكيف يعقل و بالمنطق أن يطارد او يغوى شخص شخص اخر يعيش فى النصف الآخر من الكره الأرضيه ؟؟؟
و اقول لك كما قلت من قبل أو كما يقول أهلنا الجعليين ( عندى الزيك ) و لا يمكن ان اطعن فى شرف أى أخت لى كانت شايقيه ام جعليه و لملا فانا جعلى و زوجتى الدكتوره فاطنه شايقيه و كاتلانى بشراب الشاهى و اكل السبروق و الملوخييييي ...
كسره
أنا مرات جعلى حار و مسدود ( قفل ) حبتين كدى بس اتحملونا و اتحملوا سخانتنا دى شويه كدى .. و عمر البشير ده زول جعلى عره ساى ... و مافعله بنا نظام الهوس و الدجل الإنقاذى لم يبرأ جرحه بعد !!! و سوف نقاوم و ( نناضل ) ضدذلك النظام العنصرى الآحادى بكل ماوتينا من قوة و كلمة الى أن يذهب هو و زبانيته و و مطبليه الى مزبلة التاريخ ... تحياتى لكم أخى عبدالرحمن الحلاوى و د. بيان
عبدالماجد
|
Post: #8
Title: Re: عهر الكلام و كذب النضم ... الإنقاذ و صبيتها مثالا ... فهل من مترجم ؟؟؟؟
Author: bayan
Date: 03-13-2006, 02:09 AM
Parent: #7
Quote: فانت لم تلاحقينى أو فلنقل تغوينى ... فكيف يعقل و بالمنطق أن يطارد او يغوى شخص شخص اخر يعيش فى النصف الآخر من الكره الأرضيه ؟؟؟
و اقول لك كما قلت من قبل أو كما يقول أهلنا الجعليين ( عندى الزيك ) و لا يمكن ان اطعن فى شرف أى أخت لى كانت شايقيه ام جعليه و لملا فانا جعلى و زوجتى الدكتوره فاطنه شايقيه و كاتلانى بشراب الشاهى و اكل السبروق و الملوخييييي ...
كسره |
الاخ الكريم عبد الماجد
سلام
شكرا لك على ما كتبته.. ونعم بالحيل ماذلي يجعلني اطارد عاطفيا رجل
لا اعرفه. كما ذكرت لك سابقا انني ارسلت لك الرسالة حتى اعرف سر غضبك علي
اذا كان هناك سؤ تفاهم فازيله دون مشاكل وانت اخترت الا اتخاطب معك عبر الماسنجر وهذا خيارك ...ولكن ليس خيارك ان تصمت على من حمل هذه القصة اكثر مما تحتمل.
فانا من اسرة محترمة ومتزوجة رجل محترم وانا نفسي امرأة محترمة..
كما اوكد لك انه لا يهمنب عمر البشير او غيره.. وانني لا انتمي الى اي حزب سوداني ولا يشرفني ان انتمي
الى اي حزب سوداني...
على العموم افهم من هذه العبارة
| Quote: فانت لم تلاحقينى أو فلنقل تغوينى |
انا عماد الخير قد كذب في ذلك. فلماذا لم تصحح هذه الاشاعة في حينها
لو عندك "الذي"
لقد تحارب السودانيون ورفعو السيوف و واشهروا البنادق...
في وجه بعضهم.. ومات من مات واعدم من اعدم ولكن على تأريخ هذه الامة
لم تستخدم الاعراض كسلاح ..ولم ياتي مناضلا ويقذف عرض شخص مختلف معه..
كانت الحروب لا تدخل البيوت ولا النساء.. فما الذي حدث؟
فهل ان الانقاذ تمسك البلاد يستبيح اعراض من كانت اختيارهم؟
اعوذ بالله من غضب الله اعوذ بالله من غضب الله.
وكا حريا بك يا اخي ان تنفي مثل ما قيل في ذات الوقت..
والاخ الحلاوي
اتمنى ان تبعد من هذا البوست.. فاعلم لم
يولد بعد الرجل الذي يعتقد انه ياخذني
على قدر عقلي..فانا امرأة بذكاء يوازي ذكاء
مليون راجل سوداني مجتمعين فارجو الا تعمم
نظريتك عن النساء لتشملني
انا خارج المقرر..(بغرور شديد اقوليك الكلام دا)
انت ما طرف قل خيرا او شتت ياخي..
|
Post: #10
Title: Re: عهر الكلام و كذب النضم ... الإنقاذ و صبيتها مثالا ... فهل من مترجم ؟؟؟؟
Author: ABDELMAGID ABDELMAGID
Date: 03-13-2006, 03:10 AM
Parent: #9
فليذهب نظام الهوس الإنقاذى الى مزبلة التاريخ ...............................................................................................................................................................................................
|
Post: #11
Title: Re: عهر الكلام و كذب النضم ... الإنقاذ و صبيتها مثالا ... فهل من مترجم ؟؟؟؟
Author: عبدالرحمن الحلاوي
Date: 03-13-2006, 03:17 AM
Parent: #9
الأخت الدكتورة بيان
ما كان قولي قد تعرضت لك فيه بأي نوع من السوء ، ما أردت إلا الإصلاح ، فكأنما قولي السوء !! وكونك خارج خارج المقرر لا يعني أنكي مبرءة من كل عيب كما وصفت نفسك ، ثم إن الذكاء نعمة ومنة من الله على عبده فإذا وهب هذه الهبة فيجب أن يحسن استغلالها استغلالاً يفيد به نفسه والآخرين ، ولا أدري من أين لك بهذه الفرية : عقل إمراة يعادل مليون عقل رجل ؟؟؟ وما ذنب 999999من الرجال ؟؟ ، على العموم صاحب البوست دكتور عبدالماجد له الحق في طردي من البوست إن شاء ، وأما أنت فلا يحق لك هذا الحق ... وأكرر بأنك أخت سودانية مثل أخواتنا .
|
Post: #12
Title: Re: عهر الكلام و كذب النضم ... الإنقاذ و صبيتها مثالا ... فهل من مترجم ؟؟؟؟
Author: bayan
Date: 03-14-2006, 09:03 PM
Parent: #11
شوف يا حلاوي
لو مفتكرين الكتابة في البورد
دا حصة انشاء غير رايك..
هنا تستخدم لغة تقريرية واضحة
. واذا حدث اي سؤ تفاهم
لأنك بتكتب انشاء دي مشكلتك
وعمره الانشاء ما كان نشاط معرفي...
ما تجي تلف وتدور معاي...
انا قلت ليك مافي
راجل سوداني تحديدا بلف ويدور علي
. فاهماكم وشارباكم موية..
واقرقش اجعص واحد فيكم بدون موية..
وكل الاسلحة الخفية والعلنية
بتاعتكم بعرفها
كويس جدا...ومحصنة جدا
ضدها عندي دفاعات لا تخترق.
عارف ليه لانه عارفة
نفسي والناس البيهمني امرهم عارفني
ولأنه الحروب الخوضتها
مع انواعكم دي تجعلني مشير...
يعني ربنا جاب ليكم السم القدركم
والشجرة بيقلعها عرقها...
واسع عبد الماجد دا سكت لم الموضوع
اخد لفته كويس وجا نفاه
دي اقدم حيلة في هزيمة النساء
لأن المسألة هنا سمعة
ومش تهمة
اسع كدا مفتكر السمعة حصلت
يجي يبرئ ضميره ابو عين واحدة وعمشة..
بعداك خلاص يا ناس الموضوع دا انا طلعت منه
رغم انه كلام الماسنجر دا تم في بوست يخصه
وهو كتب فيه مداخلات كثيرة بعد داك..
|
Post: #13
Title: Re: عهر الكلام و كذب النضم ... الإنقاذ و صبيتها مثالا ... فهل من مترجم ؟؟؟؟
Author: Deng
Date: 03-14-2006, 09:27 PM
Parent: #1
Quote: انا قلت ليك مافي
راجل سوداني تحديدا بلف ويدور علي
. فاهماكم وشارباكم موية..
واقرقش اجعص واحد فيكم بدون موية..
وكل الاسلحة الخفية والعلنية
بتاعتكم بعرفها
كويس جدا...ومحصنة جدا
ضدها عندي دفاعات لا تخترق.
عارف ليه لانه عارفة
نفسي والناس البيهمني امرهم عارفني
ولأنه الحروب الخوضتها
مع انواعكم دي تجعلني مشير...
يعني ربنا جاب ليكم السم القدركم
والشجرة بيقلعها عرقها... |
الجن بنداوا بس كعبة ال...
دينق.
|
Post: #14
Title: Re: عهر الكلام و كذب النضم ... الإنقاذ و صبيتها مثالا ... فهل من مترجم ؟؟؟؟
Author: bayan
Date: 03-14-2006, 09:37 PM
Parent: #13
| Quote: الجن بنداوا بس كعبة ال... |
مستر دينق تمشي اقرب مراية تقول المثل المكتوب
وتتمو للزول الفي المراية..
ما فاضية ليك اسع عندي سمكة اكبر..
|
Post: #15
Title: Re: عهر الكلام و كذب النضم ... الإنقاذ و صبيتها مثالا ... فهل من مترجم ؟؟؟؟
Author: Deng
Date: 03-14-2006, 09:55 PM
Parent: #1
بيان
يعني بتصطادي المشاكل ولا شنوا؟
جابت ليها سمك كمان.
دينق.
|
Post: #16
Title: Re: عهر الكلام و كذب النضم ... الإنقاذ و صبيتها مثالا ... فهل من مترجم ؟؟؟؟
Author: bayan
Date: 03-14-2006, 10:04 PM
Parent: #15
مشاكل شنو يا دينق يا ولدي
المشاكل بقت تجيني براها.. امشي
الخور بالله لكن سوق معاك جدو كوستا..
اقرا بوست عاملو عبد الماجد
حتعرف اصل الحكاية..
ما تنسى تسوق معاك جدك يحرسك..
|
Post: #17
Title: Re: عهر الكلام و كذب النضم ... الإنقاذ و صبيتها مثالا ... فهل من مترجم ؟؟؟؟
Author: Deng
Date: 03-14-2006, 10:21 PM
Parent: #1
يا حاجة بيان.
والله ولا مشاكل ولا حاجة دييل ناس طيبين, بس أنتي فهمتي غلط.
بعدين كوستا ده ذنبه شنو, الراجل هسع يكون نايم في بيتو مع وليداتو, ولا دايراني أصحيهوا ليك نص الليل ده؟
دينق.
|
Post: #18
Title: Re: عهر الكلام و كذب النضم ... الإنقاذ و صبيتها مثالا ... فهل من مترجم ؟؟؟؟
Author: عبدالرحمن الحلاوي
Date: 03-14-2006, 11:05 PM
Parent: #17
أخي دينق
طنش من كلام نسوة المدينة !! نحنا بنكتب إن شئن وإن لم يشئن فليشربن من دن الحنظل .. وحقاً إنه لزمن الاسترجال .
|
|