Post: #1
Title: حال مُعظم السودانيين ونظرتهم إلى بعضهم البعض.
Author: سامى عبد الوهاب مكى
Date: 03-07-2006, 08:31 AM
Parent: #0
احسن منك واشرف منك وافوقك نسباً وحسباً واصلاً وفصلاً.
انا مثال للكمال وانت....
انظر لانفي وهل اخبرتك عن اهلي؟؟
انا من اعرق المناطق وانت بالكاد تعلمت ماعرفة اجدادي قبل عشرات الاعوام قبل ايام.
جيت البلد دي سنة كم؟؟
انت عوير ولا شنو؟؟
شنو!
ياجماعة بالجد بالجد حالة تحزن ومفروض كلنا يفرمونا ويعجنونا ويخبزونا تاني احتمال ننفع ولا نرتاح.
قبلية.
جهوية.
نعرات ونعرات وتعالي ونفخة بت ستين الف كداب.
تمشي مناسبة خطوبة وهو مناسبة نظرياً يفترض فيها توخي الحذر فالقبول غالباً مايكون قد تم...فإذا باحد اهل العريس يقف ليتحث عن كيف ان الاصل من قريش وان ثلاث ارباع علماء السودان من الاسرة الشريفة !!
ياربي في كم ثلاث ارباع في واحد صحيح؟؟
يقوم ممثل اهل العروس فيحكي كيف ان الاصل من شمال افريقيا او من جزيرة العرب!! وكيف انهم يفوقونهم بانهم معروفين ومشهورين وكانه يشير إلى ان غيرهم غير ذلك.
في السوق ممكن اي واحد يصف الاخر بالجاهل.
ده كوم والتنظير كوم ادوني زولاً واحد مابيعرف سياسة وكورة وطب واقتصاد وفن وفلك في السودان!!
والقصة طويلة وانا خلاس فقدت الامل.
الموضوع ده ياناس ماسياسة مايجيني زول ناطي ويتبناه سياسياً انا اتحدث عن مجتمع يحتاج إلى إعادة تربية
|
Post: #2
Title: Re: حال مُعظم السودانيين ونظرتهم إلى بعضهم البعض.
Author: سامى عبد الوهاب مكى
Date: 03-07-2006, 09:04 AM
Parent: #1
ده كلو كوم ولمن كنا كوم تاني.
|
Post: #3
Title: Re: حال مُعظم السودانيين ونظرتهم إلى بعضهم البعض.
Author: Osman Malik
Date: 03-07-2006, 10:29 AM
Parent: #1
up
|
Post: #4
Title: Re: حال مُعظم السودانيين ونظرتهم إلى بعضهم البعض.
Author: elsawi
Date: 03-07-2006, 10:36 AM
Parent: #3
تعرف يا سامي لمن كنا في الدويم و يجينا زول يتفلهم زي فلهمتك دي كنا بنركبة عجلة بلا سرج ..
موضوعك في الصميم
الصاوي
|
Post: #5
Title: Re: حال مُعظم السودانيين ونظرتهم إلى بعضهم البعض.
Author: عمر الفاروق
Date: 03-07-2006, 10:55 AM
Parent: #1
سامي يا ود عبد الوهاب:
تعرف يا مان بوستيك ده في السلك بس المشكلة إني شايت عكسك المرة دي ..والمشكلة الأكبر إنو في ناس مممكن تجي طايرة طيران عشان شافتني جيت بي هنا ويقوموا يسيسو ليك الموضوع ..
في حاجات يا سامي ما بتستحمل ولازم الناس تكون فيها صريحة وواضحة ..
التفاخر بالنسب ما شي عيب والسؤال عن الاخر برضو ما شي عيب ..
ومرات كتيرة الناس بتلخبط بين حق الإنتماء وبين العجرفة والطنقعة ..
وبراك عارف باقي الناس بتهيج كيف لمن واحد يجي يقول ليك انا ود امدرمان ...
ويجو يطلعوا ليك امدرمان دي ما حقت زول وكلها تلاقيط ولحم راس وإنت سيد العارفين في الموضوع ده وياما إتكويت بي نارو ..
زي ما قلت ليك الموضوع دسم وحااااااااار بس المشكلة لو إتكلمنا فيهو بي صراحة الكلام بيجيب كلام فزي حا اقوم اقيف هنا ..
| Quote: ده كلو كوم ولمن كنا كوم تاني. |
دي بقا اسأل منها الجيل القبلنا العزبنا بي الحكاوي المستهلكة من الجنيه البي 3 دولار والبلد الرخية والناس الكانت اكثر تأدباً من الجيل الحالي الضايع ..
|
Post: #6
Title: Re: حال مُعظم السودانيين ونظرتهم إلى بعضهم البعض.
Author: abuguta
Date: 03-07-2006, 12:17 PM
انا طبعا
ود عشكوب ود امام
عشكوب ود محمد امام ود محمد زين ود ضياب ود المك مرزوق ود ابراهيم ود عرمان
جعلى كاهلى عاش فى القرن الثامن عشر من ناس غرب الجزيرة...كان له ثروة بقرية هائلة...وهو جدى الرابع
..ومثله مثل اهل المنطقة له صولات وجولات فيها وله علاقة مع البساطاب ...من جده اما م ود محمد زين....ودى قصيدة تحكى عن حياته والاماكن التى كان يتحرك فيها بدون رغيب ولا حسيب
فى الدوباى وقال فى جده قوافى
عديل متل قصائد المجذوب...
عشانك انت ياجنى
جيتنا من الخلا والصى
عشانك انت يالحبوب
بنحدثك عن مكارم العشكوب..
كان جدك السواى
وكان جدك العطاى
بقزغز للهوامل الشاى
عشان اته ما قدره
وما بتعرف جلال قدره
وييينك انت من سدره
البحر الموسع مجره
بس كل القلناه فيهو كلام مكضوب....
اسعال بحر اللبيض الفياض
عن زولا فضايله عراض
كان بلبس.... البياض
وكان اكله... بياض
دكك بقره لليلة اثارها قاعدة هناك
بنات خضرة بتلد تيمان
اللبن غرق الوديان
متلابا تقول غزان
ما ربطوه فى حيشان
وما نفخوه وسوه عبوب....
وناس حبوبتك فى التكل قاعدات
يجمعن فى الفرص والرووب...
يسون فى ملاح ويكاب
و يدرشن فى طحين اللوووب....
وكان بصلى فى الفجرى
وكان بشرب البكرى
وكتيييرا بصحى عند الهجعة
على شتمنا بعيييد مخنوق
واتحزم واتكبكب..و يشيل عكازه فى ايده
ويطبق صوته فى ابطه...ويلقى الجنيات
تطييير لااااااااااا فووووووووق..
و بنات الحلة ديل قاعدات
عشان يزغردن للجنى البتحمل ضرب الصوت
الا جدى زول معرووف حتى قالو عنو ردى
الدم بجرى من ضهره جداول وراس الصوت
فى الكتف مقطوع ولا تسمع منو كمة حى
ولا تسمع منو كلمة وووب....
حليلك انت يالعشكوب
منقول
http://www.abuguta.com/db/viewtopic.php?t=31
|
Post: #7
Title: Re: حال مُعظم السودانيين ونظرتهم إلى بعضهم البعض.
Author: سامى عبد الوهاب مكى
Date: 03-08-2006, 00:32 AM
Parent: #1
عجلة بلاسرج يالصاوي!!
ياخي سرج من غير عجلة ماكان اريح.
|
Post: #8
Title: Re: حال مُعظم السودانيين ونظرتهم إلى بعضهم البعض.
Author: سامى عبد الوهاب مكى
Date: 03-08-2006, 00:39 AM
Parent: #1
عمر الفاروق
اطلع من بوست حضرتنا...لانك بصراحة حا تطفش لي الناس.
مين الزول الجنو (لُبط) ده.
تمكنا بحمد الله من هزيمة فريق جيش الرب اليوغندي.
|
|