دكتورة بيان بمليـــــون رجل وامراة من المنبر

ويا ملاسي اوعك تجي تقول لي حدد او كيف وعشان ايه هي افضل منهم؟؟؟

لانو ما عندي اي مانع اتجرجر معاك للنهاية
واصل معاك لحدي ذكر الاسماء وافضل منهم كيف؟
بس بكري البوست دا ما يخفي من الوجود


اها رايك شنو؟؟

العزيز اخي الاصغر السنجك

كم انا سعيدة بظهورك بعد الغياب الطويل...

شكرا لك على انك تظن ذلك. واتمنى ان اكون عند حسن ظنك

لن يحضر احد لهذا البوست.. لأن العدو هذه المرة مخيف..
ويجيد تاليف القصص. غير ان العلاقات العامة خاصتي معطلة..

اثمن هذا البوست لانك انت فتحته لي.
ولاني اعرف معزتي عندك.
واتمنى ان تعرف انك ايضا مقدر عندي..

ولك كل الود
وتحياتي للاسرة الكبيرة...

Quote: لن يحضر احد لهذا البوست.. لأن العدو هذه المرة مخيف.. ويجيد تاليف القصص. غير ان العلاقات العامة خاصتي معطلة..

"والحقُ يـا اُخْتاه يَعْـلو فـوقَ كيـدِ المُعتديِ"

اخي العزيز عقيد

سلام

يا زول انت من زمن


[B

Quote: ]والحقُ يـا اُخْتاه يَعْـلو فـوقَ كيـدِ المُعتديِ"[/

B]

الحاجات دي يا زول انتهت زمان
يا ما كنا مثالين.. ونظن هذه الظنون..
ونصدق الشعر الذي اثبت ان السيف اصدق انباء منه...
وشكرا لك كثيرا
في مفردة "اختاه"
فيها جمل يجلب الدفء الى القلب..
ابشر يا ود العم...

السنجك تغيب دهور وتجي تهرطق بي النسوان؟؟

Quote: واصل معاك لحدي ذكر الاسماء وافضل منهم كيف؟

عندك 999999 اسم ومستعد تورينا كيف انو بيان افضل منهم ؟؟المنبر حصل مليون بلاي؟

حرم كان وريتنا راجل وكن ماوريتنا راجل ..
احب التحديات الخسرانة دي ..


شنو يامنقة..ماشي تحضر ماستر في ماليزيا؟؟

من زمان وانا قتافي نفسي : السنجك ده تربيتك فيهو حتمطر يا دكين ..
احبك وانتا متسلق ومصلحجي وانتهازي ..


ارقد عافية ولامن تمرقها بي هناك قول لي عوك..

سلام ايها الدكين
سلام

ياخي انت الذا زول في العالمين..

Quote: السنجك تغيب دهور وتجي تهرطق بي النسوان؟؟

ياخي اعرض داخل الدارة السنجك يقول راجل انت تقول نسوان..
تعرف يا دكين انا لما كنت صغيرة نفسي كان اكون ولد...
لجملة من الاسباب..منها تقعد ساكت لا تقش حوش لا تغسل عدة
لا يحموك تمرق الخ.. الخ...
اها زمن كان الولد عزيز وله منعة.. بس
بيان ما حضرت زمن البهلة والرخصة دا...

Quote: حرم كان وريتنا راجل وكن ماوريتنا راجل .. احب التحديات الخسرانة دي ..

موش بالله؟... بس السنج زول ضكران وصنديد ودخل التحدي دا..
تعرف الزول المشاتر احسن من بتاع الزفات..
ونشكر السنجك على حماسه لاجل اخته الكبيرة وبت عمه..
عشان يا دكين انت ما صدقت زول يجي ينصر بيان الوهم دي
الا يكون

Quote: ماشي تحضر ماستر في ماليزيا؟؟

بس يا حبة الدنيا دي طافحة عينات انتهازية. لكن السنجك ما منها..
لانه لو انتهازي كان جا ردم بيان بي الفيها والمافيها
عشان يهللو ليه المليون الفي المنبر..

وارقد عوافي..

Quote: عندك 999999 اسم ومستعد تورينا كيف انو بيان افضل منهم ؟؟المنبر حصل مليون بلاي؟

نبدأ بيك يا دكين

Quote: ارقد عافية ولامن تمرقها بي هناك قول لي عوك..

وباعتراف منك والحمدلله

عايز تلحقها فى ماليزيا تاني فى شنواكتر من كده

Quote: احب التحديات الخسرانة دي ..

تحديات خسرانة فى عينك امسك قوي فى ماليزيا دي وخلي وهم امريكا وكندا المخمر فى راسك
الصغير دا؟ اخر مرة قرب يجيب اجلك

Quote: احبك وانتا متسلق ومصلحجي وانتهازي ..

سوري شوف غيرها مجدع والحمدلله

بيان

لها محاسنها الكثيرة

ومعايب تحصى ولا تنتهى

ولكنها ليست بمليون راجل من المنبر الذى ليس فيه هذا العدد

مع احترامى لبيان

هل ترى أنها خير من جميع رجال المنبر ..

أعرف أن العدد للمبالغة فقط

ولكنها فى مداخلتها أعلاه كأنها رضت بالقول أنها خير منا أجمعين ..

للحديث عن السـيدة بيان وقفت بين امرين

احلاهما مر عندي

ان اقل خيرا ام اصـمــت

وبعد نزاع شـديد مع نفسـي قررت ان اصـمـت

دكتورة بيان نعم بمليون امراة ورجل
من المنبر وخارج المنبر

بيان حبيبة

ومن قلبى قريبة

بحبها جدا جدا جدا

Quote: بيان حبيبة ومن قلبى قريبة بحبها جدا جدا جدا

يا نادية يا حبيبة
احي فيك شجاعتك.. في زول نصيح بيقول احب بيان في ايام ذي دي؟

انا احبك كثيرا لانك انسانة راقية وصادقة ومحبة
ودا الطبع المقابل الزي
يا جميلة برة وجوة

يحفظك مولاي من كل غادر والزمن ما يبقى جائر

دخولك هنا بالدنيا...

Quote: دكتورة بيان نعم بمليون امراة ورجل من المنبر وخارج المنبر

دا الكلام الانا ممكن اوافق عليه بس لو زدت العدد..
وليد الله يديك العافية...

اخونا معتصم

Quote: ولكنها ليست بمليون راجل من المنبر الذى ليس فيه هذا العدد

كلامك صاح في دي..

Quote: ولكنها فى مداخلتها أعلاه كأنها رضت بالقول أنها خير منا أجمعين

انا رضيت تواضعا ياخي مليون شنو.. لو السودان فيهو 32 مليون
معقول اكون مليون واحد من رجال السودان..
دائما بفتكر اني احسن من تلاتة ارباع رجال السودان...

الى الان ما عندي سيد..
شوفتا كيف؟....حرة ذي الطيور الما بتعرف ليها خرطة..
الرجال التمام بيجرسو المشانق وانا بجرس المشانق..
شكرا ليك على الحضور ايها العزيز
وتحياتي للاسرة..

Quote: احلاهما مر عندي ان اقل خيرا ام اصـمــت وبعد نزاع شـديد مع نفسـي قررت ان اصـمـت

تعرف يا الخير نحنا بنشجع اللعبة الحلوة حتى لو ضدنا..
انبهال في الموضوعية وكدا...
انت زول حريف و أريب
عشان كدا حديثك نقف على سطحه
دون تهويلات او تأويلات...
ونقوليك شكرا لانك جيت البوست دا..
معناه برضو شايف بيان دي مهمة..احترام

سلام ياالسنجك


مليون بس؟!

يا اخوى حرام عليك..

بيان...

ولما نتكلم عن قوة الدفاع عن الحق حنقول بيان..

ولما نتكلم عن الصبر على المكاره حنقول بيان..

ولما نتكلم عن التفوق الاخلاقى حنقول بيان..

ولما نجيب سيرة السودان..

والستات الما خمج..

بنات الرجال..

حنقول بيان..

ولما نتذكر اخوات الرجال..

حنقول بيان..

ولما تحرقنا الدمعة..

والقصة (بضم القاف) تقيف فى الحلق..

ونتلفت فى نهار الحر..

حنلقى بيان..

ولما نحتاج لى نسمة هادئة..

وكلمة تجبر الخاطر..

تخلينا نقش الدمعة..

عشان نواصل المشى..

فوق الشوك..

و فى يوم هجير..

حنلقى بيان..

ولما يكون مزعلنا زول..

ما عنده حق..

ولئيم كمان..

حنحكى لى بيان..

ولما نفكر فى بكرة..

ونقول يا رب..

تعوج المايل..

وتصلح الحال..

عشان الواحد يمشى السودان..

ويقعد ليه فى ضل نيمة..

ويشرب فنجان شاى..

بالنعناع..

ويضحك من قلبه..

ويقول الحمد لله..

فرجت...

فى اللحظة ديك حيتذكر بيان..

بعد كل دا حيشعر بالراحة..

ويمشى ينوم..

وهو فرحان..

ويقول السودان دا...

الجاب بيان..

أتاريه بلدا مأأأأأأأأأ ساهل...


الله يديها العافية...

بيان

بت السودان

الأخ الفاضل ........السنجك
تحياتى
.........
أختنا الغالية ...نور تاور
الواحد تانى أى تعليق فى بوست، مفروض يكون قبلك أو فالصمت أولى.
أكفيتنى طول الكلام........
لكما معاً التحية
و لأختى الفاضلة د. بيان مثلها.
و السلام؛؛

الابن العزيز عزاز

شكرا لك كثيرا ربنا يجبر بخاطرك

وليك مني كل المحبة..

الله عليك يا بت بلدي

يا نور تاور..

منك تعلمت الكثير
ومنك استمد قوتي وعزتي كأمرأة سودانية

شكرا ولك مليون تحية..

من لقيت مراكيب بيان قدام باب البوست دورتّ كومر الكشة بتاعة العنف وجيت جاري لكن طلع البلاغ كاذب..
طيب.. تووووش نخُش في المفيد..
بيان شاكالة
حادة..
قعد تترصد.. (مرات مرات)

Probably Unforgiven person ويتخيل لي الحاجة دي جزء من مسبباتها علاقات الأسافير الجايطة دي..
لكن عندها حاجات قعد تعجبني
عضلاتها تِبِش
ولو قالت لي زول فيكم "كان راااجل طالعني الخلا" ما يفرح ويجيب جكسايتو معاهو الخلا ويقول ليها "تعالي النفرِّجك على شوارزنيجر على الخلاء مباشرةً"، وكان دايرين نصيحتي الزول فيكم طوالي يرد عليها زي ما أنا رديت على نادر عوض بلال (أب عضلات) لما كنا في سنة أولى متوسطة وقال لي ،قدام الناس كلهم "كان راجل بعد ما يفكونا بيوت طالعني"!!
فشمّرت عن ساعد الجد وأطلعته ،وأطلعتهم كشمشرجية، على ظلطة في بنصر يدي اليسرى وقلت له بصوت جهوري واثق "لغاية يوم الخميس العُوارة دي بِتكون بِرَت.. حضِّر كفنك من يوم الأربحا" ويوم التلاتا لما جا طارق جبريل بعد طابور الصباح عشان يشيل دفتر العيادة ويمشي يشوف حكاية ضرسو الحماهو النوم دا أستاذ لطفي قال ليهو "مشى بيهو زميلك قبل ساعة لي مركز سمير"
"راحة لمدة أسبوع".. هذا ما أوصى لي به الدكتور (جعل الله خميساته كلها صفقة ورقيص)، وكان كفيل بمحو هذا الخميس الخسيس من مذكرات توم براونز سكهول داييز.
أتخيل بيان خارج صلات الرحم السايبرية إنسانة ودودة وفاكهة مجالس، لأنو حس النكتة والسخرية عندها عالي (رغم إنها -مرات مرات- قعد تستغله في أغراض غير سلمية)، دا بالإضافة لغزارة المعرفه عندها (مسغفة وكدا).
بس كدا.

تحية محبة لبيان.

ــــــــــــــــــــــــــــــــ
ملحوظة: هذا الخطاب للاضطلاع فقط وغير قابل للرد من اتجاه بيان خسوساً لو كان الرد يحتوي على: "ورِّيني متين أنا قلت كدا" أو "أثبت لي كلامك دا"إلخ.." في حالة مخالفتها لهذا الشرط بمسح أُم المداخلة دي حتى لو عملت لي منها مليون كوبي وبنكُر إني كتبتها!! (موش علاقات سايبر!!).

Quote: ملحوظة: هذا الخطاب للاضطلاع فقط وغير قابل للرد من اتجاه بيان خسوساً لو كان الرد يحتوي على: "ورِّيني متين أنا قلت كدا" أو "أثبت لي كلامك دا"إلخ.." في حالة مخالفتها لهذا الشرط بمسح أُم المداخلة دي حتى لو عملت لي منها مليون كوبي وبنكُر إني كتبتها!! (موش علاقات سايبر

!!).

محمد السر
تعرف ما عارفة ليه يمكن خلاص الزول مقرب يموت..
لكن بدون اي سبب رغم انه ما بينا سابق معرفة
ولا بينا سلك ولا ايميل.. لكن بريدك لله كدا
واها انا البريدو دا ذنبو مغفور تب..
انت وحاتم الياس وغاندي بتاع سودانيات
بريدكم بلا سبب..
ما اجمل ان تكون عجوزا من غير ذوي الاربة
ممكن تصرح بهكذا تصريحات. دون ان تفهم خطأ..
وشكرا ليك على هذا الكلام المشاتر
عجبني جدا عذرك لعدم العراك..مع صاحبك ابو عضلات تبش..
اسع ما عندك دكتور ادعي ليهه بدعوتك الحلوة دي...
اها انا زمان لمن كنت في الابتدائي كنت بقرأ في مدرسة اولاد
لما اقول لولد استناني بعد البيوت
طوالي الاولاد بيهتفو يا فلان ودع امك..

Quote: محمد السر تعرف ما عارفة ليه يمكن خلاص الزول مقرب يموت.. لكن بدون اي سبب رغم انه ما بينا سابق معرفة ولا بينا سلك ولا ايميل.. لكن بريدك لله كدا واها انا البريدو دا ذنبو مغفور تب.. انت وحاتم الياس وغاندي بتاع سودانيات بريدكم بلا سبب..

أها.. الليلة يا نجوم السما جاك البحصيك عددا

Sis بيان
كدا شجعتيني أخت الملحوظة بتاعت غير قابل للرد دي شعار مع كل مداخلة وأدقُش البوستات من طرف..
في بوستات كتيرة الواحد بيتجنبها عشان ما يخش في المحاحاة والملاواة، وأنا كتير قعد استغرب الناس دي بتجيب الوكت من وين للمحاحاة دي.. معقولة تكون دنيتهم هينة كدا وعندهم فائض تِبِش قدر دا!؟ وأنا براي التبشو كملان في العتالة!؟

Quote: اسع ما عندك دكتور ادعي ليهه بدعوتك الحلوة دي...

خير.. دكتور شول بتاعك اتقطع!! (بهظِّر ياخ)

أنا زي ما قلتي إنتي فعلاً مشاتر.. وبشوف الزول كان ما أدى الدنيا بِت الذين دي بي شبشب النكتة حا يطرشق، أها عشان كدا بشترك معاكي في حب حاتم الياس دا.. واليومين ديل متوحشو. بالمناسبة حاتم الياس دا عندو بوست من مداخلة واحدة اسمه (كنا ساكين الحكم.. أو نوستالجيا سيئة الصنع) أو حاجة قريبة من كدا، لو ما قريتيهو حاولي أقريه.
وفي الختام الشكر للسنجك وإدارة الكافيتيريا

سؤال ضغير لصاحب البوست.............

هل انت مع المليون ديل ولا من ( فصيل تانى ) ؟؟؟؟

أكرر السؤال موجهه لصاحب البوست

Quote: سؤال ضغير لصاحب البوست............. هل انت مع المليون ديل ولا من ( فصيل تانى ) ؟؟؟؟ أكرر السؤال موجهه لصاحب البوست

منوووووووووووووو
يوسف الولي.. كيفك ياخي مسجل غياب ليك وحشة
انت ياخي شايلة تقيلة ليه من يوم بوست هكذا يفكر الرجل السوداني
ياخي انا كنت بمزح معاك ساكت..
ما تبقى حاقد ياخي
الفورة 10

وانا زولة غلبانة ومسكينة
واقعة لي في حفرة اسمها
عزت.. الجماعة ديل عايزين يجبرو بخاترى. .

بدل تجي تطبطب على من شاركتها في كتابة قصة
تجي تنفي اني بمليون راجل(وش باكي وسائل المخاخيط)
حن على عزيز قوم ذل ياخي..
وما تبقى كعب..
اها النبي كان ما جيت

مدام نجاة ( اسمحى لى بنجاة دى لانو اسم غااالى بالنسبه لى)......

Quote: انت ياخي شايلة تقيلة ليه من يوم بوست هكذا يفكر الرجل السوداني

لا والله لا شايله ولا خاتيها بدليل انى ما قلته حاجه تانى فيهو برغم من بعد ردك الواحد اصابعينو طارت على الكى بورت لكن لانو قلبى ابيض قلته يا ولد مافى داعى...... وما تنسى انى لسه فى سنه اوله هنا عشان كدا اكيد القلب ابيض ....... وبعدين انا اشكرك على بوستك المزكور اعلاه لانى عرفته كيف تفكر المراءه السودانيه ودى حاجه كنته فاهما بطريقه غلط لكن انتى ما قصرتى صلحتى افكارى فى الحته دى... وما تنكرى انا برضو وضحته ليك بعض الاشياء الكانت خافيه عليك.............

Quote: ما تبقى حاقد ياخي

اها دى الحاجه الوحيده المابعرف يشتروها من وين ولا يبيعوها فى ياتو سوق ... والناس البعرفوها يدلونا عليها عشان يمكن نحتاج ليها لى قدام............

Quote: (وش باكي وسائل المخاخيط)

اها كان كدا لازم ارسل ليك كميه مناديل تقشى بيها المخاخيط بالاول عشان الضيوف ما يقولو البنيه دى ما علمتوها النضافه ليه... وما تنسى انو فى ناس قالو انتى بى مليون راجل...

اما سؤالى البريء جدا كان موجه لصاحب البوست وكنته متوقع منو رد بنفس البراءه لكن شكلو لسه ما صحا.....
وغايتو النكرر السؤال تانى وبكل براءه برضو ولى صاحب البوست برضو
ومن غير ( حقد) ومن غير ( دموع ومخاخيط )

Quote: سؤال ضغير لصاحب البوست............. هل انت مع المليون ديل ولا من ( فصيل تانى ) ؟؟؟؟

ولكى وليهو الاحترام والتقدير

اخي الولي

كيف ما اتعلمت منك حاجة جديدة. بقت اي انحناءة ولا وقفة
جمب عامود ترفع اكثر من حاجب بالنسبة لي..

Quote: هل انت مع المليون ديل ولا من ( فصيل تانى ) ؟؟؟؟

أجاوب ليك السنجك أخوي دا ضو القبيلة الكلس
كونو يفتح البوست دا في وقت ذي دا
بيوري انه من فصيل تاني..
زول هامل* ما عنده سيد في المنبر دا
ولد بلد يقعد ويقوم على كيفو...
والتحية ليك وليه...
*مدح بما يشبه الذم يدلل على الحرية..

Quote: نادية بيان بت السودان بيان بت السودان بيان بت السودان

Gazo
الخردة أخدت الأوسكار
يا لهوي

VIVA
South Africa

Quote: Gazo الخردة أخدت الأوسكار يا لهوي VIVA South Africa

قول واحد

الشايقي

Quote: Gazo الخردة أخدت الأوسكار يا لهوي VIVA South Africa

الحسادة التغطسكم.. أنتظر لما اجي اكتب
خطبة الاوسكار....
يا مستر كوستا يا اريو شكلاتة من برة وابيض من جوة..



تنشيبة
ماذا حل بجيزو قاطع موية ونور.. بالله افقدو لينا..

السنجك..عاد ما بهت حسين ملاسي..أنت نسيت أنو أصلو من عطبرة. وبعدين بيان دي دفعة وراجل وليها موقف معاي من قبل كم سنة ما بتنسي ولكن ما بتحكي..موقف مشرف.

العزيز بناديها
الزول الجميل.. الما بتغيرو الظروف
تبقى دائما ذلك الاخ النبيل الذي أعتز به..

وشكرا على طلتك هذه بالدنيا وما فيها...
تحياتي للاسرة...

الدين العزيز
شكرا ليك يا اصيل...
ما بتقصر وربنا ما يقصر ايامك...

مودة دائمة

دكتورة بيان ازيك

Quote: ونشكر السنجك على حماسه لاجل اخته الكبيرة وبت عمه.. عشان يا دكين انت ما صدقت زول يجي ينصر بيان الوهم دي الا يكون

التواضع دا ما بعيد عنك ابدا وشئ متوقع


بس حابي ااكد ليك انو كلامي دا ما مجرد حماس بس
يا دكتورة



الاخ معتصم الطاهر

قلت

Quote: لها معايب تحصى ولا تنتهي

ممكن نعرف ماهية المعايب التى تحصى و لاتنتهي هذه؟

تحياتي للجميع وخاصة الدكتورة بيان

بيان الحق ..........

لها منى كل التجلى والإحترام والتقدير ..... والخ الكلام كتير ..



تلبيكة جانبية :

وبعدين يا شباب شنو حكاية البةرد ألايام دي
كل يوم في بوست عن ناس عادين وناس ما عادين
وبعد شوية طلعو لينا ناس أحسن من ملايين وناس
أحسن من مليون كورية وناس أحسن من مليون راجل
شنو الحكاية .
يا أخوان/ت كلنا في المنبر دا يكفينا أننا نتحدث
بلسان ال35 مليون سوداني وتنوعنا في الأفكار والإتجاهات
حقيقة تعبر عن السودان وعن ال35 مليون نسمة
إذن ناس المنبر بيساوى 35 مليون نسمة

ابو شهد

العزيز / سنجك ( الاكبر مني بيوم واحد )


لك التحية والتقدير


بيان تساوي د. نجاة وبسسسس .. ومني لها الف تحية وتحية ..

العزيز / محمد خليل .. الظاهر انت مطول من البورد يازول قبل فترة كلها كانت : تواصل مدرسة فلان ووووو وثم تواصل ابناء الكلاكلة ووووو وثم ناس الاقاليم وحاليا الزول العادي والماعادي وفلان يساوي مليون من فلان ..

والتحية للسنجك وبيان وجميع المتداخلين ..

Quote: يا لهوي

واحد فى المليــــــــــون

Quote: اها انا زمان لمن كنت في الابتدائي كنت بقرأ في مدرسة اولاد

وانا بقووول

جتكم انا الاشتر

وعندما تعلمت الحب تعلمته من بيان

اها رايكم شنو شترتها ليكم ولا لا

سيف ازيك..



أنت يااخ ما بتاخد حاجة جد كله كله؟!

هسه الكلمتين الكتبتهم ديل..

القال ليك الناس كلها حتفهمها زى ما انت قاصدها منو؟

بيان ماناقصة عليك الله..

Quote: القال ليك الناس كلها حتفهمها زى ما انت قاصدها منو؟ بيان ماناقصة عليك الله..

يا جماعة الخير
نجاة محمود دي حبيبة فقدت أثرها لطلاشتي وشتارة الزمن. لما أدخل البورد والقى الجماعة يقولوا بيان انتهازية وبيان شيوعية وبيان كوزة أقول بري دي زولة ثانية
لغاية ما عرفت انها نفس الشخصية.
يا جماعة بيان دي البيقول شيوعية يجيب لي الفرع الكانت فيهو والاجتماع الحضرتو معاهو ( وما حيقدر ) عشان ببساطة كضاب.
والبيقول نجاة كوزة يورينا كانت معاهو في ياتو تنظيم؟
برضو كضاب
نجاة انتهازية؟؟
عشان تعمل شنو؟؟
نجاة محمود بل كل بنات محمود ود أحمد معاييرهم أبدأ ما مال وللتاريخ التوزان الأخلاقي الشفتو على مدى 16 سنة في بيت العم الفاضل محمود أحمد لم يصادفني بكل هذا التماسك في أي بيت آخر.
أسرة حاشاها من إنتهازي وحاشاها من مايل ونجاة أكثر حظاً من أخواتها لأنها بفضل عمل زوجها في ماليزيا كانت الأكثر أستقراراً من الناحية المالية لكن مهما كانت ظروفها فهي ما النوع الممكن ولو في الخيال يبيع الغالي بالرخيص.
لكن السودانيين عندهم مشكلة التعميم والخيال الواسع لسة مصرين أنو اي زول مثقف لازم يكون مر بشارع الحزب الشيوعي وأي زول متدين لازم يكون مر بشارع الكيزان.
وأي زول مشى ماليزيا كوز وكمان انتهازي وأي زول مشى موسكو معناها شيوعي.
يا جماعة الزول ما ممكن يكون ناقد وفنان ومثقف وشجاع ومتدين وبس؟؟
بعدين ليه نحنا فالحين في الكراهية والحقد ليه ما بنقدر نحب عشان نقدر ننتقد بحب؟؟
حبيبتي بيان
أرجوك كوني كذلك دائماً
مستقلة في تفكيرك
طائر حر طليق
تقولي رايك في الحزب الشيوعي وفي التفكير الشيوعي من غير خوف من المحاكمة الفكرية واتهامات الردة
تقولي رايك في الكيزان من غير ما تخافي من التكفير
تقولي رأيك في الرجال من غير تخافي الطلاق
معظم الناس ما اتربوا على الشجاعة الفكرية ولا على الحرية الفكريةعشان كدة انتي ما محتملة

عفواً السنجك
لكن ليس بشرف كبير أن تساوي نجاة رل واحد أو مليار أو تتفوق عليهم يكفيها أنتفوقت على الخوف والسقوط يكفيها أنها نجاة الإنسانة
بكل ثقل الكلمة
فمن يضمن أن المليون راجل ديل يكون في قامة نجاة؟؟
نجاة أختي زولة فيهاحسنات الزول وفيها عيوب الزول
كسرة
البركة العثرت بيك يا نجاة يا نموذج مختلف في الصداقة والحب
تتذكري يا نجاة لما قلت ليك الزول المابيصدق بيكون ما بيصدق عشان كذاب؟؟

الخاله بيان

أضافه حقيقه للمنبر

حفظها الله ورعاها

ولها الحب والتقدير

شكرا كثيرا اخى السنجك


وفى امان الله

لا اله الا الله

دكتورة بيان نعم علم وفى رأسه نار أصبحت عضوا بالمنبر وهى شعلة مضيئة تساهم ومتداخلة عنيدة من أجل ان تظهر الحقيقة حتى عندما تعرضت الى هجوم عنيف كانت ترد الصاغ صاغين بأدبيات الحوار فلها كل الاحترام مع دوام الحضور بالمنبر العام
تحياتى

Quote: تلبيكة جانبية : وبعدين يا شباب شنو حكاية البةرد ألايام دي كل يوم في بوست عن ناس عادين وناس ما عادين وبعد شوية طلعو لينا ناس أحسن من ملايين وناس أحسن من مليون كورية وناس أحسن من مليون راجل شنو الحكاية . يا أخوان/ت كلنا في المنبر دا يكفينا أننا نتحدث بلسان ال35 مليون سوداني وتنوعنا في الأفكار والإتجاهات حقيقة تعبر عن السودان وعن ال35 مليون نسمة إذن ناس المنبر بيساوى 35 مليون نسمة

ابو شهد
والله بس ياهو الكعكة في يد اليتيم عجبة
بيان دي اصلو نادرا ما يجي زول يقول عنها كلام سمح..
بس وقفت على ياخي.. اسع الشتائم لاوية قربت ابقى سيدة الخور
بس دا بوست واحد مقابل كمية من الاسفاف من طراقبش الكي بورد..
الناس الخشت البوست دا كلها ناس امينة وصادقة مع نفسها وشجاعة
لان عادة في الاوقات الذي دي
اعز اصحابي بيعملو صننننننننننننننن وما شايفني..
وزننننننننننننننننننة يمشو بجاي وبجاي عشان ما يتحولو
لهدف لمرامي البذاءة والتفاهة..

كلامي دا مزاح عشان ما تزعل...

.
.

سأقول قولة حق أسأل عنها يوم الموقف العظيم
الدكتورة بيان أخت و صديقة عزيزة على الرغم من قصر معرفتى بها فأنا لست مثل الجميع هنا من اعداءها و اصدقاءها الذين يعرفونها منذ سنوات و يدخلون معها في نقاشات لا تنتهى
و لا أستطيع الحكم على تلك الامور لاننى لم أعاصرها لكن فيما يختص بشخص بيان ..
عرفتها منذ مدة ليست بالطويلة لكنها الآن صديقتى التى أعتز بها و استشيرها في أمورى الشخصية , ليس لانى طيبة وعبيطة بل لاننى أثق بنظرتى و انطباعى عن الآخرين و قد أنبأنى حدسي بأن هذه الانسانة شخصية استثناية جداو لم تخيب ظنى يوما , بل أثارت اعجابي وانبهارى بموضوعيتها الشديدة والنادرة حتى في أحلك ساعات الاحساس بالظلم .
الدكتورة نجاة إمرأه سودانية أصيلة , اختارت ان تدفع ثمن أن تكون الأنثى شجاعة وصريحةفي مجتمع لازالت تهيمن عليه العقلية الذكورية وهو ثمن باهظ جدا.
سأخبركم بالشئ الذي أجده نادرا في (بيان) هى انسانة (حقانية) جدا جدا
لدرجة أنها قد تبادر الى التطوع بالحديث عن محاسن و مميزات ألد أعداءها ..
أنا أعرفها قبل أن أسجل هنا وقد حدث كثيرا أن تطرقنادون تعمد الى بعض الشخصيات فسألتها عن بعضهم و أقسم بالله أننى أدين بالفضل في تقديري العميق لهم للدكتورة نجاة التى فوجئت بعد قراءاتى في هذا المنبر بكونهم من ألد خصومها!!
أما على الصعيد الشخصي فأنا أدين بالفضل لنجاة في كثير من الخيارات التى أقدمت عليها بنصحها و الحقيقة أنك لا يمكن ان تناقشها في أمر أمر دون أن ينتهى الحديث بشعورك بالتقدير العميق لشخصها.
و أنا أستغرب كل هذا الهجوم عليها عوضا عن الإحتفاء بها, ثم لماذا تتحول النقاشات الموضوعية في هذا المنبر الى عداوات بغيضة بين أشخاص يفترض انهم مثقفين , أسلوب الخطاب
في كثير من النقاشات خال من الموضوعية ويتطرق الى امور شخصية لا علاقة لهابجوهر الحوار
وهذاأمر يحزننى و يخجلنى كثيرا .
العشوائية و عدم الموضوعية هى مصيبة هذا البلد و هى العدو الذي يفترض ان يحارب عوضا عن التنكيل بالشرفاء .

.
.

جيت لقيت تلميع فى الفاضي

اها قلنا تلميع لتلميع احسن نقدم نموذج فى المليان يعني شئ يستحق
وحقيقي.


فووووووق

التحية ليك دكتورة بيان

وحفظك الله دوما لخدمة هذا الوطن

الاخ السنجك تحياتي:
اصبت كبد الحقيقة فالدكتورة بيان تجهر بالحقيقة في زمن بيع الضمائر في سوق جوازات السفر الاوروبية، واسمح لي من خلال هذا البوست اتوجه بالتحية الخاصة للاخت القلب النابض والاخت الكريمة نور تاور،والاخت الكريمة بنت الاحفاد ولجميع الاخوات الكريمات بالمنبر الحر.. مرة اخرى لك التحية..

العزيزة د. بيان

تحياتي

صوت بالحق صادح

صوت ربنا يديه العافية

أرجو أن نستفيد من علمك هنا , ومن فهمك هنا , لن يصدق أحداً عنك شيئاً ...

الحمد لله نسبة عالية جداً من اعضاء البورد لهم حس إجتماعي عالي يفرقون فيه بين البشر ...

كوني كما انت فنحن نحبك هذا

والأخ المحترم الدقم

باسمس واخواتي اللائي ذكرت لك التحية والإجلال وأنت تعرف قدر أخواتك

لك منا الإحترام.

الرِّجَالُ قَوَّامُونَ عَلَى النِّسَاءِ بِمَا فَضَّلَ اللَّهُ بَعْضَهُمْ عَلَى بَعْضٍ وَبِمَا أَنْفَقُوا مِنْ أَمْوَالِهِمْ فَالصَّالِحَاتُ قَانِتَاتٌ حَافِظَاتٌ لِلْغَيْبِ بِمَا حَفِظَ اللَّهُ وَاللَّاتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي الْمَضَاجِعِ وَاضْرِبُوهُنَّ فَإِنْ أَطَعْنَكُمْ فَلَا تَبْغُوا عَلَيْهِنَّ سَبِيلًا إِنَّ اللَّهَ كَانَ عَلِيًّا كَبِيرًا

"الرِّجَال قَوَّامُونَ" مُسَلَّطُونَ "عَلَى النِّسَاء" يُؤَدِّبُونَهُنَّ وَيَأْخُذُونَ عَلَى أَيْدِيهنَّ "بِمَا فَضَّلَ اللَّه بَعْضهمْ عَلَى بَعْض" أَيْ بِتَفْضِيلِهِ لَهُمْ عَلَيْهِنَّ بِالْعِلْمِ وَالْعَقْل وَالْوِلَايَة وَغَيْر ذَلِكَ "وَبِمَا أَنْفَقُوا" عَلَيْهِنَّ "مِنْ أَمْوَالهمْ فَالصَّالِحَات" مِنْهُنَّ "قَانِتَات" مُطِيعَات لِأَزْوَاجِهِنَّ "حَافِظَات لِلْغَيْبِ" أَيْ لِفُرُوجِهِنَّ وَغَيْرهَا فِي غَيْبَة أَزْوَاجهنَّ "بِمَا حَفِظَ" لَهُنَّ "اللَّه" حَيْثُ أَوْصَى عَلَيْهِنَّ الْأَزْوَاج "وَاَللَّاتِي تَخَافُونَ نُشُوزهنَّ" عِصْيَانهنَّ لَكُمْ بِأَنْ ظَهَرَتْ أَمَارَته "فَعِظُوهُنَّ" فَخَوِّفُوهُنَّ اللَّه "وَاهْجُرُوهُنَّ فِي الْمَضَاجِع" اعْتَزِلُوا إلَى فِرَاش آخَر إنْ أَظْهَرْنَ النُّشُوز "وَاضْرِبُوهُنَّ" ضَرْبًا غَيْر مُبْرِّح إنْ لَمْ يَرْجِعْنَ بِالْهِجْرَانِ "فَإِنْ أَطَعْنَكُمْ" فِيمَا يُرَاد مِنْهُنَّ "فَلَا تَبْغُوا" تَطْلُبُوا "عَلَيْهِنَّ سَبِيلًا" طَرِيقًا إلَى ضَرْبهنَّ ظُلْمًا "إنَّ اللَّه كَانَ عَلِيًّا كَبِيرًا" فَاحْذَرُوهُ أَنْ يُعَاقِبكُمْ إنْ ظَلَمْتُمُوهُنَّ

http://quran.al-islam.com/Tafseer/DispTafsser.asp?nType...=GALALEEN&tashkeel=0

كسرة:
علي سبيل التحية

يُوصِيكُمُ اللَّهُ فِي أَوْلَادِكُمْ لِلذَّكَرِ مِثْلُ حَظِّ الْأُنْثَيَيْنِ فَإِنْ كُنَّ نِسَاءً فَوْقَ اثْنَتَيْنِ فَلَهُنَّ ثُلُثَا مَا تَرَكَ وَإِنْ كَانَتْ وَاحِدَةً فَلَهَا النِّصْفُ وَلِأَبَوَيْهِ لِكُلِّ وَاحِدٍ مِنْهُمَا السُّدُسُ مِمَّا تَرَكَ إِنْ كَانَ لَهُ وَلَدٌ فَإِنْ لَمْ يَكُنْ لَهُ وَلَدٌ وَوَرِثَهُ أَبَوَاهُ فَلِأُمِّهِ الثُّلُثُ فَإِنْ كَانَ لَهُ إِخْوَةٌ فَلِأُمِّهِ السُّدُسُ مِنْ بَعْدِ وَصِيَّةٍ يُوصِي بِهَا أَوْ دَيْنٍ آبَاؤُكُمْ وَأَبْنَاؤُكُمْ لَا تَدْرُونَ أَيُّهُمْ أَقْرَبُ لَكُمْ نَفْعًا فَرِيضَةً مِنَ اللَّهِ إِنَّ اللَّهَ كَانَ عَلِيمًا حَكِيمًا

"يُوصِيكُمْ" يَأْمُركُمْ "اللَّه فِي" شَأْن "أَوْلَادكُمْ" بِمَا يَذْكُر "لِلذَّكَرِ" مِنْهُمْ "مِثْل حَظّ" نَصِيب "الْأُنْثَيَيْنِ" إذَا اجْتَمَعَتَا مَعَهُ فَلَهُ نِصْف الْمَال وَلَهُمَا النِّصْف فَإِنْ كَانَ مَعَهُ وَاحِدَة فَلَهَا الثُّلُث وَلَهُ الثُّلُثَانِ وَإِنْ انْفَرَدَ حَازَ الْمَال "فَإِنْ كُنَّ" أَيْ الْأَوْلَاد "نِسَاء" فَقَطْ "فَوْق اثْنَتَيْنِ فَلَهُنَّ ثُلُثَا مَا تَرَكَ" الْمَيِّت وَكَذَا الِاثْنَتَانِ لِأَنَّهُ لِلْأُخْتَيْنِ بِقَوْلِهِ "فَلَهُمَا الثُّلُثَانِ مِمَّا تَرَكَ" فَهُمَا أَوْلَى وَلِأَنَّ الْبِنْت تَسْتَحِقّ الثُّلُث مَعَ الذَّكَر فَمَعَ الْأُنْثَى أَوْلَى ( وَفَوْق ) قِيلَ صِلَة وَقِيلَ لِدَفْعِ تَوَهُّم زِيَادَة النَّصِيب بِزِيَادَةِ الْعَدَد لِمَا فُهِمَ اسْتِحْقَاق الْبِنْتَيْنِ الثُّلُثَيْنِ مِنْ جَعْل الثُّلُث لِلْوَاحِدَةِ مَعَ الذَّكَر "وَإِنْ كَانَتْ" الْمَوْلُودَة "وَاحِدَة" وَفِي قِرَاءَة بِالرَّفْعِ فَكَانَ تَامَّة "فَلَهَا النِّصْف وَلِأَبَوَيْهِ" أَيْ الْمَيِّت وَيُبْدَل مِنْهُمَا "لِكُلِّ وَاحِد مِنْهُمَا السُّدُس مِمَّا تَرَكَ إنْ كَانَ لَهُ وَلَد" ذَكَر أَوْ أُنْثَى وَنُكْتَة الْبَدَل إفَادَة أَنَّهُمَا لَا يَشْتَرِكَانِ فِيهِ وَأُلْحِق بِالْوَلَدِ وَلَد الِابْن وَبِالْأَبِ الْجَدّ "فَإِنْ لَمْ يَكُنْ لَهُ وَلَد وَوَرِثَهُ أَبَوَاهُ" فَقَطْ أَوْ مَعَ زَوْج "فَلِأُمِّهِ" بِضَمِّ الْهَمْزَة وَكَسْرهَا فِرَارًا مِنْ الِانْتِقَال مِنْ ضَمَّة إلَى كَسْرَة لِثَقَلِهِ فِي الْمَوْضِعَيْنِ "الثُّلُث" أَيْ ثُلُث الْمَال أَوْ مَا يَبْقَى بَعْد الزَّوْج وَالْبَاقِي لِلْأَبِ "فَإِنْ كَانَ لَهُ إخْوَة" أَيْ اثْنَانِ فَصَاعِدًا ذُكُورًا أَوْ إنَاثًا "فَلِأُمِّهِ السُّدُس" وَالْبَاقِي لِلْأَبِ وَلَا شَيْء لِلْإِخْوَةِ وَإِرْث مَنْ ذُكِرَ مَا ذُكِرَ "مِنْ بَعْد" تَنْفِيذ "وَصِيَّة يُوصِي" بِالْبِنَاءِ لِلْفَاعِلِ وَالْمَفْعُول "بِهَا أَوْ" قَضَاء "دَيْن" عَلَيْهِ وَتَقْدِيم الْوَصِيَّة عَلَى الدَّيْن وَإِنْ كَانَتْ مُؤَخَّرَة عَنْهُ فِي الْوَفَاء لِلِاهْتِمَامِ بِهَا "آبَاؤُكُمْ وَأَبْنَاؤُكُمْ" مُبْتَدَأ خَبَره "لَا تَدْرُونَ أَيّهمْ أَقْرَب لَكُمْ نَفْعًا" "لَا تَدْرُونَ أَيّهمْ أَقْرَب لَكُمْ نَفْعًا" فِي الدُّنْيَا وَالْآخِرَة فَظَانّ أَنَّ ابْنه أَنْفَع لَهُ فَيُعْطِيه الْمِيرَاث فَيَكُون الْأَب أَنْفَع وَبِالْعَكْسِ وَإِنَّمَا الْعَالِم بِذَلِك هُوَ اللَّه فَفَرَضَ لَكُمْ الْمِيرَاث "فَرِيضَة مِنْ اللَّه إنَّ اللَّه كَانَ عَلِيمًا" بِخَلْقِهِ "حَكِيمًا" فِيمَا دَبَّرَهُ لَهُمْ : أَيْ لَمْ يَزَلْ مُتَّصِفًا بِذَلِكَ


http://quran.al-islam.com//Tafseer/DispTafsser.asp?l=ar...pe=1&nSora=4&nAya=11

كسرة:
تحيه أخري

يَا أَيُّهَا الَّذِينَ آمَنُوا إِذَا تَدَايَنْتُمْ بِدَيْنٍ إِلَى أَجَلٍ مُسَمًّى

"يَا أَيّهَا الَّذِينَ آمَنُوا إذَا تَدَايَنْتُمْ" تَعَامَلْتُمْ "بِدَيْنٍ" كَسَلَمٍ وَقَرْض "إلَى أَجَل مُسَمًّى" مَعْلُوم "فَاكْتُبُوهُ" فَاكْتُبُوهُ اسْتِيثَاقًا وَدَفْعًا لِلنِّزَاعِ

فَاكْتُبُوهُ وَلْيَكْتُبْ بَيْنَكُمْ كَاتِبٌ بِالْعَدْلِ وَلَا يَأْبَ كَاتِبٌ أَنْ يَكْتُبَ كَمَا عَلَّمَهُ اللَّهُ فَلْيَكْتُبْ وَلْيُمْلِلِ الَّذِي عَلَيْهِ الْحَقُّ وَلْيَتَّقِ اللَّهَ رَبَّهُ وَلَا يَبْخَسْ مِنْهُ شَيْئًا فَإِنْ كَانَ الَّذِي عَلَيْهِ الْحَقُّ سَفِيهًا أَوْ ضَعِيفًا أَوْ لَا يَسْتَطِيعُ أَنْ يُمِلَّ هُوَ فَلْيُمْلِلْ وَلِيُّهُ

"وَلْيَكْتُبْ" كِتَاب الدَّيْن "بَيْنكُمْ كَاتِب بِالْعَدْلِ" بِالْحَقِّ فِي كِتَابَته لَا يُزِيد فِي الْمَال وَالْأَجَل وَلَا يُنْقِص "وَلَا يَأْبَ" يَمْتَنِع "كَاتِب" مِنْ "أَنْ يَكْتُب" إذْ دُعِيَ إلَيْهَا "كَمَا عَلَّمَهُ اللَّه" أَيْ فَضَّلَهُ بِالْكِتَابَةِ فَلَا يَبْخَل بِهَا وَالْكَاف مُتَعَلِّقَة بـ"يَأْبَ" "فَلْيَكْتُبْ" تَأْكِيد "وَلْيُمْلِلْ" يُمْلِ الْكَاتِب "الَّذِي عَلَيْهِ الْحَقّ" الدَّيْن لِأَنَّهُ الْمَشْهُود عَلَيْهِ فَيُقِرّ لِيُعْلَم مَا عَلَيْهِ "وَلْيَتَّقِ اللَّه رَبّه" فِي إمْلَائِهِ "وَلَا يَبْخَس" يُنْقِص "مِنْهُ" أَيْ الْحَقّ "شَيْئًا فَإِنْ كَانَ الَّذِي عَلَيْهِ الْحَقّ سَفِيهًا" مُبَذِّرًا "أَوْ ضَعِيفًا" عَنْ الْإِمْلَاء لِصِغَرٍ أَوْ كِبَر "أَوْ لَا يَسْتَطِيع أَنْ يُمِلّ هُوَ" لِخَرَسٍ أَوْ جَهْل بِاللُّغَةِ أَوْ نَحْو ذَلِكَ "فَلْيُمْلِلْ وَلِيّه" مُتَوَلِّي أَمْره مِنْ وَالِد وَوَصِيّ وَقَيِّم وَمُتَرْجِم "بِالْعَدْلِ"

بِالْعَدْلِ وَاسْتَشْهِدُوا شَهِيدَيْنِ مِنْ رِجَالِكُمْ فَإِنْ لَمْ يَكُونَا رَجُلَيْنِ فَرَجُلٌ وَامْرَأَتَانِ مِمَّنْ تَرْضَوْنَ مِنَ الشُّهَدَاءِ أَنْ تَضِلَّ إِحْدَاهُمَا فَتُذَكِّرَ إِحْدَاهُمَا

"وَاسْتَشْهِدُوا" أَشْهِدُوا عَلَى الدَّيْن "شَهِيدَيْنِ" شَاهِدَيْنِ "مِنْ رِجَالكُمْ" أَيْ بَالِغِي الْمُسْلِمِينَ الْأَحْرَار "فَإِنْ لَمْ يَكُونَا" أَيْ الشَّهِيدَانِ "رَجُلَيْنِ فَرَجُل وَامْرَأَتَيْنِ" يَشْهَدُونَ "مِمَّنْ تَرْضَوْنَ مِنْ الشُّهَدَاء" لِدِينِهِ وَعَدَالَته وَتَعَدُّد النِّسَاء لِأَجْلِ "أَنْ تَضِلّ" تَنْسَى "إحْدَاهُمَا" الشَّهَادَة لِنَقْصِ عَقْلهنَّ وَضَبْطهنَّ "فَتُذَكِّر" بِالتَّخْفِيفِ وَالتَّشْدِيد "إحْدَاهُمَا" الذَّاكِرَة "الْأُخْرَى" النَّاسِيَة وَجُمْلَة الْإِذْكَار مَحَلّ الْعِلَّة أَيْ لِتَذْكُر إنْ ضَلَّتْ وَدَخَلَتْ عَلَى الضَّلَال لِأَنَّهُ سَبَبه وَفِي قِرَاءَة بِكَسْرِ أَنْ شَرْطِيَّة وَرَفْع تُذَكِّر اسْتِئْنَاف جَوَابه

الْأُخْرَى وَلَا يَأْبَ الشُّهَدَاءُ إِذَا مَا دُعُوا وَلَا تَسْأَمُوا أَنْ تَكْتُبُوهُ صَغِيرًا أَوْ كَبِيرًا إِلَى أَجَلِهِ ذَلِكُمْ أَقْسَطُ عِنْدَ اللَّهِ وَأَقْوَمُ لِلشَّهَادَةِ وَأَدْنَى أَلَّا

"وَلَا يَأْبَ الشُّهَدَاء إذَا مَا" زَائِدَة "دُعُوا" دُعُوا إلَى تَحَمُّل الشَّهَادَة وَأَدَائِهَا "وَلَا تَسْأَمُوا" تَمَلُّوا مِنْ "أَنْ تَكْتُبُوهُ" أَيْ مَا شَهِدْتُمْ عَلَيْهِ مِنْ الْحَقّ لِكَثْرَةِ وُقُوع ذَلِكَ "صَغِيرًا" كَانَ قَلِيلًا "أَوْ كَبِيرًا" كَثِيرًا "إلَى أَجَله" وَقْت حُلُوله حَال مِنْ الْهَاء فِي تَكْتُبُوهُ "ذَلِكُمْ" أَيْ الْكَتْب "أَقْسَط" أَعْدَل "عِنْد اللَّه وَأَقْوَم لِلشَّهَادَةِ" أَيْ أَعْوَن عَلَى إقَامَتهَا لِأَنَّهُ يُذَكِّرهَا "وَأَدْنَى" أَقْرَب إلَى "أَلَّا" أَنْ لَا "تَرْتَابُوا" تَشُكُّوا فِي قَدْر الْحَقّ وَالْأَجَل

تَرْتَابُوا إِلَّا أَنْ تَكُونَ تِجَارَةً حَاضِرَةً تُدِيرُونَهَا بَيْنَكُمْ فَلَيْسَ عَلَيْكُمْ جُنَاحٌ أَلَّا تَكْتُبُوهَا وَأَشْهِدُوا إِذَا

"إلَّا أَنْ تَكُون" تَقَع "تِجَارَة حَاضِرَة" وَفِي قِرَاءَة بِالنَّصْبِ فَتَكُون نَاقِصَة وَاسْمهَا ضَمِير التِّجَارَة "تُدِيرُونَهَا بَيْنكُمْ" أَيْ تَقْبِضُونَهَا وَلَا أَجَل فِيهَا "فَلَيْسَ عَلَيْكُمْ جُنَاح" فِي أَنْ "لَا تَكْتُبُوهَا" وَالْمُرَاد بِهَا الْمُتَحَبَّر فِيهِ "وَأَشْهِدُوا إذَا تَبَايَعْتُمْ" عَلَيْهِ فَإِنَّهُ أَدْفَع لِلِاخْتِلَافِ وَهَذَا وَمَا قَبْله أَمْر نَدْب

تَبَايَعْتُمْ وَلَا يُضَارَّ كَاتِبٌ وَلَا شَهِيدٌ وَإِنْ تَفْعَلُوا فَإِنَّهُ فُسُوقٌ بِكُمْ وَاتَّقُوا اللَّهَ وَيُعَلِّمُكُمُ اللَّهُ وَاللَّهُ بِكُلِّ شَيْءٍ

"وَلَا يُضَارّ كَاتِب وَلَا شَهِيد" صَاحِب الْحَقّ وَمَنْ عَلَيْهِ بِتَحْرِيفٍ أَوْ امْتِنَاع مِنْ الشَّهَادَة أَوْ الْكِتَابَة وَلَا يَضُرّهُمَا صَاحِب الْحَقّ بِتَكْلِيفِهِمَا مَا لَا يَلِيق فِي الْكِتَابَة وَالشَّهَادَة "وَإِنْ تَفْعَلُوا" مَا نُهِيتُمْ عَنْهُ "فَإِنَّهُ فُسُوق" خُرُوج عَنْ الطَّاعَة لَاحِق "بِكُمْ وَاتَّقُوا اللَّه" فِي أَمْره وَنَهْيه "وَيُعَلِّمكُمْ اللَّه" مَصَالِح أُمُوركُمْ حَال مُقَدَّرَة أَوْ مُسْتَأْنَف "والله بكل شيء عليم"
http://quran.al-islam.com//Tafseer/DispTafsser.asp?l=ar...e=1&nSora=2&nAya=282
كسرة:
تحيه ثالثة

طبعا الكلام الفوق دا ناجرو من راسي ساكت .

كسرة:
كدي خليها تساوي واحد والــ 999999 بنتفق عليهم

بيان هي عدة شخصيات في شخص واحد، و إن كان دائما ،و ما يزال، يحلو
أن أخاطبها ببيان..أيا امرأة من وطني تعوس الكسرة و تتعاطى الأدب
و تتحدث في الهم الوطني
كدا بالله شوفوا إعتذارها كيف كان شجاع و كبير و مهذب، لما إعتذرت..
شوفوها و هي كيف بتصادم ذودا عن أفكار تؤمن بها رغم أنها(الأفكار) ضد تيار أغلبنا هنا..
نتفق معاها و نختلف حول الكثير، و يبقى احترامنا لها بلا حدود لشجاعتها و وضوح مواقفها..
أما مسالة بمليون راجل، كان من برة أو من جوةالحوش، فأراها من باب المحسنات البيانية

غايتو أكتر حاجة عجبتني من حاجاتها(مناضل كيبوردي) و ( مجاهد كيبوردي)
عارف نفسي جيت (الطيش)، لكن برضو ما (بخم اللين)
___________________________________________________
( مجاهد كيبوردي) دي من عندي ما من عندها

بيان شجاعة جميلة حين يتطلب
الموقف يكرهها البعض فيحاولون
النيل منها بى الكذب تارة
وبى انتسابهالى للجبهة مرة
اخرى تكسب كل الجولات ويتوارى
خصومها خجلا فى نهاية المعركة
لك التحية وانت تنتزعين حقوقك
وتنشرين ما تومنين بة
فمن اراد فليسمع ومن ابى فلا
يكذب


ودمتى ودمت اخى السنجك على قولة الحق

د /بيان رحبت بى من اول بوست لى فى المنبر ... وقادتنى فى طريق
المنبر الشائك ايام سياسة الكيمان ... ادين لها بالكثير ....

اجد نفسى لا استطيع ان اضيف شيئا على بوست الاخت نور تاور فما قالته
هو بيان ذاتها ......................................................

للعزيزة بيان التحية والتقدير والاحترام .

شكرا لك اخى السنجك .

احمد داود

دكتورة بيان
يا أخوانى دكتورة بيان تساوى نساء الدنيا كلهن، ورجال الدنيا كلهم إلا القليل (طعباً أنا من القيل حتى نجد لنفسى مكان وما يصفونى براجل أحسن منه أمرأة حسب ثقافتنا السودانية) ..

هذا الكلام خاص لبيان (أهى .. يا بيان، في البوست الأخير، الجماعة ما فضل إلا نطلعوهم بالشباك، واحد لما زنقتيهو أنتى هرب ودخل في خطى، حرشتو وقلته ليهو أرجع هارب من أرض معركتك ما شى وين عشان بيان أصتادتك.. فقد هرب بلا عودة) ..

للجميع:
ما يعجبنى تسخير بيان لمفردات اللغة في أسلوب أشبه بالفكاهة في مضامين تحمل الجد .. وصبورة فوق إنتهاء خط الصبر، جادة في محل الجد، هزلية في محل الهزل، فكاهية، ساخرة، مقاتلة، مكافحة .. يعنى تجمع كل الأضاد في بوتقة جميلة واسلوب رصين ..

بريمة

Quote: ولما نجيب سيرة السودان.. والستات الما خمج.. بنات الرجال.. حنقول بيان.. ولما نتذكر اخوات الرجال.. حنقول بيان..

العزيز السنجك
العزيزة بيان
تحايا الورد

انا اولادي وارف واياس نصهم شايقي
ونجاة شايقية من اوسلي نفس قرية زوجتي
لو جبت لي بنت حا أسميها بيان
ولو بقوا تيمان حا اسميهم
بيان رقم (1) وبيان رقم (2 )

وبيان بالرغم انني لم التقيها ابدا
لكن تعطيك انطباع بانها انسانة
تحياتي ليها