Post: #1
Title: ودالشوايقةكلمات صحفيتكم ناديةعثمان لحن وأداء صديق منصوري
Author: منصوري
Date: 03-03-2006, 06:22 AM
Parent: #0
|
Post: #2
Title: Re: ودالشوايقةكلمات صحفيتكم ناديةعثمان لحن وأداء صديق منصوري
Author: منصوري
Date: 03-03-2006, 03:43 PM
Parent: #1
لأنو ود شوايقة...عشان كدة جاء اللحن بإيقاع الدليب.. و مقدرة شاعرتنا في تلبس مفردات لهجة الشوايقة ..وصياغة قصة مفعمة بالشجن والود تحصل مع اي فتاة، ونحن مع مشاعر الناس الحقيقية بدون حواجز..
|
Post: #3
Title: Re: ودالشوايقةكلمات صحفيتكم ناديةعثمان لحن وأداء صديق منصوري
Author: فيصل نوبي
Date: 03-03-2006, 04:10 PM
Parent: #2
منصوري
اداء جميل و لا نتوقع اقل منه
لك التحية
كلمات النص
ود الشوايقة
كيف أعيش وأنا روحي ضايقي ؟؟
كنت قبل أشوف عيونك.. قلبي خالي وروحي رايقي
وهسي زاد قلقي وجنوني.. وسببي كان ود الشوايقي
* * * *
عافي منك لو تسيبني.. وليه تكون أسباب شقايا
ماني قدرك في المحبة.. يا النويت تهرد حشايا
كلمتك لسع في خاطري.. (نار شفايفِك سر دَوَايا)
* * * *
يا وِليد الناس وحاتك.. أنتَ ما تفتّح عذابي
يا العيونك مثلي رافضي.. كل قيد يسجن شبابي
خائفة لو اسمع كلامك.. يبقى مُر المُر شرابي
* * * *
قلت لي كلمة بحبِّك.. وارتجف قلبي وكياني
كنتَ شاعرة بكم حنانك.. وصدرك الدافئ احتواني
جد بموت بي همسة منك .. قول بحبكِ بس عشاني
بس عشان بت الدناقلة
قولها ياود الشوايقة
|
Post: #5
Title: Re: ودالشوايقةكلمات صحفيتكم ناديةعثمان لحن وأداء صديق منصوري
Author: نادية عثمان
Date: 03-03-2006, 04:34 PM
Parent: #3
اقايتو ياصديق
دقيقة .. الكلمات انا عارفاها ..حقتى !!
بس عايزة اسمع اللحن الشايقى الحنين ده واجي راجعة .. سمح؟!!
(اللهى ايدو باركيرو ياربينا) !!
دى من بت الدنقلة .. دعوة طيبة !
|
Post: #9
Title: Re: ودالشوايقةكلمات صحفيتكم ناديةعثمان لحن وأداء صديق منصوري
Author: نجود حسن عبد الرحمن
Date: 03-06-2006, 03:34 AM
Parent: #3
Quote: الشوايقة
كيف أعيش وأنا روحي ضايقي ؟؟
كنت قبل أشوف عيونك.. قلبي خالي وروحي رايقي
وهسي زاد قلقي وجنوني.. وسببي كان ود الشوايقي |
وسببى كان ود الشوايقى
قصيدة روعه والله ما مجاملة
تسلمى ياندوية
ويسلم لينا منصورى ود الشوايقه
|
Post: #17
Title: Re: ودالشوايقةكلمات صحفيتكم ناديةعثمان لحن وأداء صديق منصوري
Author: منصوري
Date: 03-06-2006, 02:44 PM
Parent: #9
نجود..بنتنا الصميمة..التي لاتهزها ريح.. إنطباعك له وزنه عندي لعلاقة النسب والجوار
|
Post: #15
Title: Re: ودالشوايقةكلمات صحفيتكم ناديةعثمان لحن وأداء صديق منصوري
Author: Sahar Abdelrahman
Date: 03-06-2006, 01:17 PM
Parent: #3
الأخ الكريم منصوري...تحيّه عامره بالمودّه...
صوت حنون ...لحن رائع ومتميز...كلمات بسيطه وعميقه...
أهلي الشوايقه بالجد مبدعين...
Quote: قلت لي كلمة بحبِّك.. وارتجف قلبي وكياني
كنتَ شاعرة بكم حنانك.. وصدرك الدافئ احتواني
جد بموت بي همسة منك .. قول بحبكِ بس عشاني
بس عشان بت الدناقلة
قولها ياود الشوايقة |
تحياتي للشاعره المرهفه ناديه...
مع معزتي
|
Post: #16
Title: Re: ودالشوايقةكلمات صحفيتكم ناديةعثمان لحن وأداء صديق منصوري
Author: منصوري
Date: 03-06-2006, 02:31 PM
Parent: #15
سحر إنطباعك محل تقدير..نحاول نفرق على الناس هموم الغربة.. عشان ربنا يبعثر همومناجميعاً..
|
Post: #18
Title: Re: ودالشوايقةكلمات صحفيتكم ناديةعثمان لحن وأداء صديق منصوري
Author: نادية عثمان
Date: 03-06-2006, 02:52 PM
Parent: #15
الغالية سحر
Quote: تحياتي للشاعره المرهفه ناديه...
مع معزتي |
تسلمى ياغالية وليك منى الف وردة ومنتهى التقدير
|
Post: #4
Title: Re: ودالشوايقةكلمات صحفيتكم ناديةعثمان لحن وأداء صديق منصوري
Author: منصوري
Date: 03-03-2006, 04:31 PM
Parent: #1
| Quote: اداء جميل و لا نتوقع اقل منه |
عزيزنا فيصل نوبي..لك الود والإحترام وشكراً لك بإيراد نص القصيدة.. وتستاهل الأخت نادية ذات المواهب المتعدده تستاهل منك هذا الإعتبار وهي تعبر في هذه القصيدة عن مشاعر إنسانية..
بعدين نجي لى كلمتك( أداء جميل لانتوقع اقل منه) وأنت كما أعرفك صاحب إحساس متعدد وتفهم كثيراً في الفن.. واشعار نادية هي تجذب الواحد غصباً عنه..( ولانتوقع اقل منه) منك لنا.. فيها تقدير ومعرفة بأصول الفن..... وإن شاء الله دائماً نرضى طموحكم.. ولكن هي ليس تحدي ولكن هو مجال الفن.. واقول ببساطة...أتحدى أي فنان من كبار الفنانين الي صغارهم أن يعزف هذا اللحن بالعود اي واحد منهم وبنفس الرزم ونفس التون ونفس السلم والحكم هو أن يادي نفس هذا العمل بإيقاع الدليب على العود بعد أن يوزنه وزنة خاصة والجائزة خمسين دولار لمن يستطيع..
بالطنبور طبعاً ساهل لأي فنان شمالي أو شايقي حتي صغار الفنانين الشوايقة لسهولة العزف على آلة الطمبور ولتعمق الفنانين هنالك وتشبعهم بإيقاع الدليب.. بالموسيقي العامة من بيانو أو أو آلات نفخ برضو ساهل..
شاهدنا كبار الفنانين يأدون أغاني دليب بالموسيقى العامة في ذكري النعام آدم أو حسن الدابي.. أو غيرهم يخرجون كثيراً بره الزمن.. ويصححهم ويعيدهم الى الزمن الكورس العادي المتمرس على هذا الإيقاع..
وقد إستطعم إيقاع الدليب في الفترة الأخيرة كل أهل السودان تقريباً لعذوبته ولرقته ولرقة الكلمات التي يحتويها..ومن يأدي غناء بإيقاع الدليب تضمن له زمن محكم في الإيقاعات الأخري وتطريب..
|
Post: #6
Title: Re: ودالشوايقةكلمات صحفيتكم ناديةعثمان لحن وأداء صديق منصوري
Author: نادية عثمان
Date: 03-03-2006, 07:03 PM
Parent: #4
| Quote: واقول ببساطة...أتحدى أي فنان من كبار الفنانين الي صغارهم أن يعزف هذا اللحن بالعود اي واحد منهم وبنفس الرزم ونفس التون ونفس السلم والحكم هو أن يادي نفس هذا العمل بإيقاع الدليب على العود بعد أن يوزنه وزنة خاصة والجائزة خمسين دولار لمن يستطيع.. |
ممكن الموصلى ود خالى وخدر ومبيوع وضياء يشاركوا فى المسابقة دى .. والخمسين دولار مكسب والله فى الزمن الكعب ده !!(وجه بيقول البيكسب نص بالنص )!!
|
Post: #7
Title: Re: ودالشوايقةكلمات صحفيتكم ناديةعثمان لحن وأداء صديق منصوري
Author: منصوري
Date: 03-06-2006, 00:55 AM
Parent: #1
أها يا حبايب اللحن والطرب.. وصلنا لى وين.. أنا كنت غايب شوية بسبب ظروف العمل
|
Post: #8
Title: Re: ودالشوايقةكلمات صحفيتكم ناديةعثمان لحن وأداء صديق منصوري
Author: محمد السر
Date: 03-06-2006, 01:54 AM
Parent: #1
منصوري
اللحن جميل والأداء قمة التطريب
بس أكتر حاجة عجبتني هي قدرة نادية على محاكاة وكتابة أغنية الشوايقة رغم إنها (نادية) دُنقلاونـchـي وعايشة فترات طويلة برة السودان. دا بيأكد ذكاء نادية وموهبتها.
تحية لها ولك.
|
Post: #11
Title: Re: ودالشوايقةكلمات صحفيتكم ناديةعثمان لحن وأداء صديق منصوري
Author: Rakoba
Date: 03-06-2006, 03:41 AM
Parent: #8
Quote: قلت لي كلمة بحبِّك.. وارتجف قلبي وكياني
كنتَ شاعرة بكم حنانك.. وصدرك الدافئ احتواني
جد بموت بي همسة منك .. قول بحبكِ بس عشاني |
نادية
يا سلام القصيدة جميلة وعجبني جداً المقطع ده.
استاذنا المنصوري والله بقيتوا ثنائي فني رهيب، ومنتظرين تسجيل وسي دي ماستر للأعمال.
|
Post: #14
Title: Re: ودالشوايقةكلمات صحفيتكم ناديةعثمان لحن وأداء صديق منصوري
Author: نادية عثمان
Date: 03-06-2006, 01:13 PM
Parent: #8
الاخ العزيز محمد السر
Quote: بس أكتر حاجة عجبتني هي قدرة نادية على محاكاة وكتابة أغنية الشوايقة رغم إنها (نادية) دُنقلاونـchـي وعايشة فترات طويلة برة السودان. دا بيأكد ذكاء نادية وموهبتها.
تحية لها ولك. |
ودى شهادة انا اعتز بيها شديد والله
كتر خيرك وشاكرة لحسن استماعك
|
Post: #10
Title: Re: ودالشوايقةكلمات صحفيتكم ناديةعثمان لحن وأداء صديق منصوري
Author: منصوري
Date: 03-06-2006, 03:35 AM
Parent: #1
محمد السر تسلم على المرور بي جاي... وملاحظاتك عن نادية فعلاً ملاحظة دقيقة..
|
Post: #12
Title: Re: ودالشوايقةكلمات صحفيتكم ناديةعثمان لحن وأداء صديق منصوري
Author: منصوري
Date: 03-06-2006, 04:45 AM
Parent: #1
راكوبة.. ما إنت راجل فنان..بعدين الزول لما يكون عندو موهبة يقسمها على الناس ويصقل ما عندهم ويكون واسع الطيف من غير ما يؤثر ذلك على سلوكة الشخصي بفتكر شي جميل..
.........
تعرف يا محمد السر زي مالاحظت اللهجة الشايقية تتأثر بالبعد عن محيطها بصورة أو بأخري.. ولكن نادية قدرت تجيبها.. تعرف إتذكرت لى قصة.. واحد صاحبنا من ريفي مروي بالقرب من الخزان.. بعدين ابوه أخذهم الى الأبيض وسكنوا هناك.. كان لما يمشي الأبيض يدقوهو أهلو ولمان يجي مروي يدقوه أهلو؟... لمان يجي ريفي مروي موسم التمر يدقوهو عشان بيجي من الأبيض يتكلم وسط ناس البلد بي كلام المدن.. رفع التاء المكسورة.. لازم أي حاجة تكسرها لى تحت وتمطها شوية.. وإذا تكلمت بي كلام ناس الصعيد في البلد يعتبروا قرضمة وفنطسه ويعتبروا الولد ماع وعشان كدة حبوباتو يقطعن جريدة من التمرة ويدوهو بيها علقة جامدة حتى يكسر التاء المربوطة.. وبعدين إجازة الصيف ثلاثة شهور لمان يرجع الأبيض تكون لغتو تأثرت بي لهجة البلد يمشى كمان في الأبيض الأولاد يضحكوا فيهو أمو كمان هناك تدقو لغاية ما يرفع التاء المربوطة المكسورة.. ويبقى هو هناك علقة وهنا علقة..
|
Post: #13
Title: Re: ودالشوايقةكلمات صحفيتكم ناديةعثمان لحن وأداء صديق منصوري
Author: منصوري
Date: 03-06-2006, 08:08 AM
Parent: #1
قال ليها شوف يا بت.. إنت عروس جديدة وأنا موديك الخرطوم.. والناس هناك كلامهن غير..أوعك هناك تكسري كلمة.. بديك قاعدة ساهلة جداً تعينك أي كلمة تكسر في لهجتنا إنت ترفعيها لى فوق .. قاعدة ساهلة وبسيطة.. ونحن هسه راكبين قطر كريمة ودي المحطات...
..........
الكاسنجر.. أم رهو.. أب حراز.. أب غربان.. الدغفيلي.. الكاب..كحيلة.. محيسة.. نمرة عشرة.. أبوحمد.. دقش.. أب ديس..أب هشيم.. ندي.. الكربة.. مبيريكة.. الشريك.. العبيدية.. دار مالي.. بربر.. عطبرة..الدامر..الزيداب..العالياب.. وهكذا...... لمان جات عند شندي عايزة توري إنها فهمت القاعدة.. فقالتها مرفوعة بأعلى صوت.. فضحكت فيها عربية القطر كلها..( نكته معروفة)( شنده)
|
Post: #19
Title: Re: ودالشوايقةكلمات صحفيتكم ناديةعثمان لحن وأداء صديق منصوري
Author: منصوري
Date: 03-06-2006, 03:27 PM
Parent: #1
نادية عثمان. رفعت من أسهم الشوايقة هنا.. ودا فخر..كنا عايزين واحد من الشوايقة يتبرع يسألها عن قصة القصيدة.. ربما يحصل في منحى مسارات هذا البوست وربما يحصل الرد أو لا.. وكل شي مفهوم ضمنياً..وربما يكتب الشاعر متقصماً أو متلبساً..
ونادية وقتما تكتب وتمجد جهة معينة ليس هو أفضلية مطلقة وإنما لحظات وقتية زمانية معينة لها إطارها المقدر عند الجميع، وإلا فنادية هي دنقلاوية تهوى السودان كله، وقد شاركت ببوستات كثيرة، عن الكبابيش والوسط والغرب والشرق والجنوب.. وإن كنا لانبخس الوزن الكثافي والسكاني والكم والنوع لأثر الشايقية في الثقافة العامة السودانية ..
|
Post: #20
Title: Re: ودالشوايقةكلمات صحفيتكم ناديةعثمان لحن وأداء صديق منصوري
Author: منصوري
Date: 03-07-2006, 01:41 AM
Parent: #19
ما يفعله اللحن والكلم أحياناً من تنغيم النشاز الداخلي يكاد يفوق معظم الأعمال والإصلاحات في النفس .. ويعتبر علاجاً لحالات كثيرة.. والأطباء يأخذون أجورهم ويطيبون خواطر العباد.. والشفاء من الله تعالى..
|
Post: #21
Title: Re: ودالشوايقةكلمات صحفيتكم ناديةعثمان لحن وأداء صديق منصوري
Author: Ahmed Abdallah
Date: 03-07-2006, 01:47 AM
Parent: #1
| Quote: نار شفايفِك سر دَوَايا |
|
Post: #22
Title: Re: ودالشوايقةكلمات صحفيتكم ناديةعثمان لحن وأداء صديق منصوري
Author: منصوري
Date: 03-07-2006, 02:41 AM
Parent: #1
والله يا أحمد عبدالله..دي إلا تشرحا ليك نادية.. أنا ما بعرف عنها حاجة..
|
Post: #23
Title: Re: ودالشوايقةكلمات صحفيتكم ناديةعثمان لحن وأداء صديق منصوري
Author: منصوري
Date: 03-07-2006, 11:00 AM
Parent: #1
الشعر لاتحده وقتما يسترسل لاتحده قيود.. واللحن وعاءه الذي يحمله لمائدة القراء.. وهضمه يحتاج لمعرفة حسب مقتضى الحال..
|
Post: #24
Title: Re: ودالشوايقةكلمات صحفيتكم ناديةعثمان لحن وأداء صديق منصوري
Author: منصوري
Date: 03-07-2006, 04:14 PM
Parent: #1
موية عكرة.. وكورية مركب مفلحة مقددة تشرب بيها من صرة الكير لأنها تفك الحواطة..
...................
جاقووس.. وباطووس...ودير مركب.. وحجاب معداي.. وقميرية دفة مركب طمست..ومدري دفرت زول يمدر بيها لأنو ما بيعرف يمدر.. وتلقيحي في لواية شيمي..
............
دفيقات مغمول واقعات تحت شتلة ليهن يومين بدا نصهن يغبش تفوح منهم رائحة الدفيق الأخضر.. واعلى التمرة ريحة شطر قروعة تحول التميم فيهو من الأبيض الى الأخضر..
..............
تعرف سرعة الرياح ليس بعقدة بحرية ولا رادار إرصاد.. تعرفها بسرعة تحريك جريد نخلات باسقات ساميات.. تسمع حفيف جريدهن وأنت على سريرك تغالب النوم من عناء يوم حافل بالعمل الشاق في البوغة.. والإنقاي.. والفريدي.. والكونشبر.. كانت تعرف سرعة الرياح وحركتها حبوبتي اكثر من بتاع الإرصاد الجمبنا الذي يطلع تقريره بيومين بعد.. وكانت تعرف مصدر البرق وكرير الرعد وتحدد بالضبط اي ارض سيسقيها في عتمور بيوضة وعرب المناصير..
.........
لم يأكلوا فتات الخبز.. من دول العالم.. ولم يأكلوا أموال الزكاة..كما قال عليه الصلاة والسلام( الصدقة أوساخ الناس، لاتجوز لمحمد ولا لآل محمد) لم يأكلوا معونات العالم.. افقرهم كان يملك الضحية من حر غنمه.. يعشقون ارضهم ويعرفونها حجراً حجراً وجحراً جحراً وجبلاً جبلاً.. ويشمون ريحة الطين في ترابها.. لايبدلونها بغيرها ولو اعانوهم لعمروها.. كما عمر الخليل غفار مكة..ولكن ولات حين مناص.. والدعاء سلاح المؤمن..
.............
لما تكسر قافية الشعر..تنكسر معها حشاشة النفس فتذكر عبقها الخاص وتشتمه ينبعث من اي مصدر..مشتت الخواطر كشعر انثى غير مرتب بعثرته نسمة هواء حالمةأو ريح عاتية.. ينبعث طائراً في الأعماق.. غائصاً في الآفاق.. مرفرفاً في الدياجير والعتمة..يشكو لواعج الهوى ولذاذات الترياق..
|
|