|
Re: لا خير فينا إن لم نقلها ( فلتكـن السيـادة في كـف عفريـت ولتذهـب الوطنيـة إلى الجحيـم ) (Re: عبد الله عقيد)
|
ود عقيد
Quote: وليبقى الوطن وسيادته وأمنه واستقراره فوق كل ضعيف وحفظ الله الوطن وحفظ أبناءه الذين تحرقهم ناره ويطأون جمره عاش السودان حرا أبيا عصيا على العملاء والدخلاء وعاشت وحدته وحريته وسيادته ولا نامت أعين العملاء |
والله بتضحك انت يا زول
الوطن ده قايله وطنك براك؟؟؟؟؟
اين وطنك هذا البتدعي انه آمن ومستقرQuote: الوطن وسيادته وأمنه واستقراره |
من وطن مقبوله المحترق؟؟؟؟
واين هو الون لرجلا مثل اسحاق او آدم حرق نخيله بكتم
او افنيت حدائقه العارفها انت ما بتنبت في يومين
او اين هو من بشاره الذى نزعت ارضه وشرد في الصحاري.
قال ود عقيد بيقول :Quote: وحفظ الله الوطن وحفظ أبناءه |
وهل تعتبره كان حرا او ابيا او عصيا عند هؤلاء؟؟؟؟؟
ام قول الحقيقه
انه وطنك غير وطنه؟؟؟؟؟
ولا يهمك يا زول بدخل لك واسطه مع الامريكان واقول لهم
بس حرروا دارفور ام بقية السودان حق ود عقيد ده ما تهبشوه
لانه بخير وفيه سياده وفيه وطنيه.
اما دارفور فعندما استبحيت لم تتركوا لها سياده ولا وطنيه.
والموت واحد يا ود عقيد
كان برصاص اخوك او بني الشيطان
حسه نحن جربنا الموت برصاص الاخوة ما تجرب انت الثاني ده؟؟؟؟؟؟؟؟
ايه رأيك في (الاتفاق ده)
هي الحياة دي وقت سمحه كدي ومتمسكين بيها قدر ده
مالكم حرمتم الآخرين من نعمتها؟؟؟؟؟
تراجي.
| |
|
|
|
|
|
|
Re: لا خير فينا إن لم نقلها ( فلتكـن السيـادة في كـف عفريـت ولتذهـب الوطنيـة إلى الجحيـم ) (Re: Tragie Mustafa)
|
Quote: واقول لهم اوعكم من نخلات ودعقيد
وتمرات اهله |
أها يا تراجي علي الطلاق بالتلاتة ما عندي نخلة ولا شجرة ولا حواشة ولا حتى فدان ولا أبوي عندو نخلة ولا شجرة ولا حواشة ولا حتى فدان
ومغترب لي 8 سنين لكين لا هسي ما عندي بيت لا في البلد ولا في الخرطوم أي والله يعني عايش في السودان Homless شريد سكن ما شريد وطن. بدون أملاك، انا ووليداتي على باب الله. زيي زي اي واحد عايش في اي بلد غريبة
وبعد دا كلو إن جو الأمريكان بمشي اكاتلم واموت بي رصاصهم العايش ليها شنو؟
ناس بشارة وعمارة والكنداكة ديل يا تراجي الأمريكان ما ساعلين فيهم ولا بياخدو خبرم سمعتي بالعراق؟ ابو غريب.. علي الإيمان يا تراجي ما بنخليهم يملصونا عرايا ويشوفو عوراتنا.. وبعد نموت تعالوا انتي وعبد الفتاح خمّو وصرّو قشّة ما تعتر ليكم.
الناس ديل ما جايين لي دارفور امشي شوفي محمد سليمان بي غادي قال شنو؟ جاب دليل على أنو الحكومة الأمريكية مصرة على استثناء صلاح غوش من لائحة المحكمة الدولية.. اي والله ، الحكومة الأمريكية، ناس بوش ورايس تقولي لي مقبولة وبشارة؟ ديل ناس مصالح يا تراجيييييييييييي ناس مصالح بس يا اخواننا انتو عايشين وين؟
| |
|
|
|
|
|
|
Re: لا خير فينا إن لم نقلها ( فلتكـن السيـادة في كـف عفريـت ولتذهـب الوطنيـة إلى الجحيـم ) (Re: عبد الله عقيد)
|
ود عقيد
سلام
والله ضحكتني ضحك الله يديك العافيه
Quote: علي الإيمان يا تراجي ما بنخليهم يملصونا عرايا ويشوفو عوراتنا..
|
وحياتك يا ود عقيد كان جوا ياهو المليص الجايكم(وجه ضاحك)
وحياتك لا انتو ارجل من العراقين ولا اقوى
وما تفتكرهم عشان ناس حمر ماهم رجال
وحاتك رجال(اقصد العراقين)
لكن الحصل حصل والمليص حصل.
ثانيا يا اخوي
هو موضوع المليص ده الجديد فيه شنو؟؟؟؟؟
ما ناس الجبهه ملصوا الناس من زمان وانتهوا!!!!
ولا عامل ماك عارف؟؟؟؟؟؟
وحياتك يا ود عجيب في ناس وفي المنبر ده معانا
والله حقيقه وماهو كذب واسماهم شفتها بعيني دي
مكتوبين في كتب عالميه ضمن ضحايا التعذيب
ومكتوب باليوم والمكان ونوع الفعل الحصل عليهم
هل تعتقد سوداني يكتب كل هذا عن نفسه لولا انه حصل؟؟؟؟؟
ويا ود عقيد الله بيسألك وانا وانت في البورد ده
اعضاء الم تقرأ عن الطالب الدارفوري الذي تم اغتصابه
في نيالا ونشر باسمه في هذا البورد؟؟؟؟؟؟؟؟
اها باقيلك الاغتصاب ده تم بعد مليص ولا بالستره
اها واحتك الملصوه ديل الله يملصهم قدام العالم كله
وناس العراق ديل ما تفتكرني عويره عشان اتعاطف من طرف
هم منو؟؟؟؟؟؟
ما يمكن هم نفس العساكر الشفناهم في شريط منشور
هنا في بوست اسامه خلف الله ,وهم من كان يضرب في شعبهم
حتى يغمى عليهم بالضرب.
او هم مجانين الزرقاوي القتلوا السائقين السودانين بلا سبب.
ود عقيد
لا تحدثني عن الطغاة.
انت يا صديقي وانا من عامة الشعب
لا تدعهم يخدعونك باسم الوطنيه
انا شخصيا لن يخدعونني
وفي سبيل الثأر لمقبوله ورجالنا الذين اغتصبوا
واطفالنا الذين احرقوا امام اعين امهاتهم
اقول لك فليكن الطوفان
حتى يتعلم الشعب الايسكت مره اخرى
والا ينتظر حتى تأتي النار لمنزله حتى يعرف ان هنالك حريق في الوطن.
مالم يحس الجميع ان العرض عرض الجميع
والشرف شرف الكل
والكرامه كرامة الكل
والسياده لا تتجزأ
والوطنيه ليست صكوكا تبيعها لنا الجبهه وقت تشاء
حتى وقتها لابد من القوات الدوليه.
بس عشان تاني نتشوبر ونغني :
يا العملاء و الامريكان لكم تسلحنا.
ووبرجع لكم.
تراجي.
| |
|
|
|
|
|
|
Re: لا خير فينا إن لم نقلها ( فلتكـن السيـادة في كـف عفريـت ولتذهـب الوطنيـة إلى الجحيـم ) (Re: عبد الله عقيد)
|
العقيد : عبدالله
Quote: لا خير فينا إن لم نقلها
لا مرحبا بالقوات الدولية، ولا بعملائها والممهدين لها وليبقى الوطن وسيادته وأمنه واستقراره فوق كل ضعيف وحفظ الله الوطن وحفظ أبناءه الذين تحرقهم ناره ويطأون جمره عاش السودان حرا أبيا عصيا على العملاء والدخلاء وعاشت وحدته وحريته وسيادته ولا نامت أعين العملاء |
يكفينا فخراً أننا لم نكن في يوم من الأيام صناع الطغاة أو حلفاء الغزاة مثل الذين خانوا الوطن وفتحوا أبوابه للإستعمار .
يكفينا فخراً أننا أصل السودان ووحدته ، ولسنا دعاة تجزيئه أو تشظيه أو فصله ولكم في جريدة الإنتباهة آية .
يكفينا فخراً عندما نعمل بالقول المأثور : إذا كنت قاعداً بين الحلم والجهل ساعة وخيرت أنى شئت فالحلم أفضل ولكن إذا أنصفت من ليس منصفاً ولم يرض منك الحلم فالجهل أمثل
أما العمالة والإرتزاق فهذه زمانك يا مهازل فأمرحي !!!
| |
|
|
|
|
|
|
Re: لا خير فينا إن لم نقلها ( فلتكـن السيـادة في كـف عفريـت ولتذهـب الوطنيـة إلى الجحيـم ) (Re: عبد الله عقيد)
|
ود المايقوما
انت يا ولد ما تحترم نفسك
وخليك في مسح وجليط الشعر يوم تقسمه يمين ويوم توديه شمال
غير كده بتعرف شنو؟؟؟؟؟؟؟؟؟؟؟؟
ويا ربي ما ناوي تعمل لك مكتبه في سودانيز اون لاين خاصه
بانتاجك الفريد؟؟؟؟؟؟؟؟؟؟
وتخلي ناس الكونجرس يضحكوا شويه.
في التحف بتاعتك البتنجرها دي.
نفسي اقرأ لك بوست خاص بك ان شاء الله في الكوره
لكن هيهات!!!!!
اليوم الوحيد الكتبت بوست
لقيتك سميه هشام هباني....... يعني موضوع بمليم
ما عندك وقال فرحان لقى خطأ لتراجي.
حسه خلينا في الجد
انا بالجد عندي عدد من اللقاءات المهم في الشهر الجاي
وعشان نسبت عروبة السودان, قدام الاجانب والصور تطلع حلوه يا ريت لو بتوصف لي بتلمع شعرك ده بشنو؟؟؟؟؟؟؟؟؟؟؟
واوع تعمل لي فيها عشان ود عرب وحر ودي جيناتك ادينا السر.
يا خواي وليد صفوت الابيض عديل في البورد ده ما بلمع زيك
كدى بس ادينا الوصفه ولو في الماسنجر.
تراجي.
| |
|
|
|
|
|
|
Re: لا خير فينا إن لم نقلها ( فلتكـن السيـادة في كـف عفريـت ولتذهـب الوطنيـة إلى الجحيـم ) (Re: Tragie Mustafa)
|
ودالمايقوما تحياتي وتقديري ،،،
الليله يا ود المايقوما وقعتك وقعه .. وقعت في يد تراجي ..
بعد دا امامك خيارين اما المحكمة الجنائية واما غوانتانامو .. واذا هربت من الاثنين بترسل ليك امريكان في السودان ياخدوك .. واسه ده بتكون قاعده تكلم احدى المحققات بتاعات لاهاي ..في موضوعك اصلها عندها خط مفتوح مع لاهاي ومجلس الامن ..
شوف اسه ما قالت ليك عندها لقاءات مهمة مع اجانب الشهر الجاي .. اصلا هي مافاضيه ومشغولة جدا بالنضال واللقاءات تجي انت تخش ليها في النص غايتو يا اخوي من اسه اكتب وصيتك ..في الجيب وخليك جاهز ..
الله يعينك
| |
|
|
|
|
|
|
Re: لا خير فينا إن لم نقلها ( فلتكـن السيـادة في كـف عفريـت ولتذهـب الوطنيـة إلى الجحيـم ) (Re: luai)
|
لؤي يا مستهبل
وده المايقوما شنو؟؟؟
ده راجل مسكين
وعلى قدر حاله
كله مشاركاته يا نبذ تراجي يا محمد سليمان يا بقال.
انا بجد لو واصله شد حيلك انت
لاني ما عويره وعارفه الكيزان الخطرين منو وانت منهم!!!!
اها شد حيلك
على فكره انت في اية ولايه لاني جاياكم
اديني ايميلك بس عشان ابلغك بالنشاط الحيكون في ولايتك
لاجل حشد القوات الاجنبيه وسرعة ارسالها للسودان.
تخريمه:
معليش ما شكرتك لانك كتبت من قبل انك ترفض اقصائي رغم اختلاف الرأي.
شكرا يالك يا كوز يا غربي, شفت الوجود في الغرب ده سمح كيف
حتى الكيزان بيجعلهم نسخ معدله.
تراجي.
| |
|
|
|
|
|
|
Re: لا خير فينا إن لم نقلها ( فلتكـن السيـادة في كـف عفريـت ولتذهـب الوطنيـة إلى الجحيـم ) (Re: عبد الله عقيد)
|
يا ود عقيد
انت ود المايقوما ده خليك منه
موضوعه ساهل
وحد كلامه الكي بورد ده,انا عارفاه
لكن انت كيف لسه ما حتلبي نداء الدفاع الشعبي؟؟؟؟؟؟؟؟؟؟؟
ولا برضه مسؤلية الدفاع عن السياده و الوطن حتخلوها للمهمشين
يموتوا هم وتحكموا انتو!!!!!!!!!!
حسه عندي لك وظيفه افضل من الاغتراب
عايزين ناس في التوجيه المعنوي للدفاع الشعبي
وطبعا انت صحفي سابقا ولا تنقصك
القدرات الخطابيه والمقدره على تعبئة الجماهير
الاجر قالوا اعلى من اي اغتراب يتيح لك
امتلاك نخلات واطيان,بالاضافه للاجر في الآخره
وطبعا حتعمل لي فيها بهمك بتاع الآخره
وانه ده وطنك وما عايز قروش للزود عنه
وانا حاعمل طرشه ومصدقاك المهم انت استعد.
اما انا
فوحاتك في عرض رهيب
عايزين موظفين (لتنوير) للجيش الامريكي
عن ثقافة اهل دارفور
عربهم وزرقتهم
وناويه اقدم
ولك على مادتي للتدريس كلها اجيبها من سودانيز اون لاين دوت كم
وكان اخدوني حاحكي لهم عن موضوع (المليص) واقول لهم السودانين
قالوا كله الا سراويلنا!!!!!
ولك على افهم انه موضوع السروال ده ليه علاقه جوهريه بالثقافه
المحليه وانجر لك لهم اي قصه اعملها اسطوره محليه تخليهم
يصرفوا نظر تماما عن موضوع( المليص).
بالله بكون قصرته معاك؟؟؟؟؟؟؟؟؟؟؟؟؟؟
وعلى فكره اكيد حالقى
عشرات الشوايقه والجلعين قدموا قدامي للوظيفه
بس منافستي اقوى لاني من دارفور والشرق
وسكنت الوسط يعني بعرف السودان كله.
وتحياتي لك.
تراجي.
| |
|
|
|
|
|
|
Re: لا خير فينا إن لم نقلها ( فلتكـن السيـادة في كـف عفريـت ولتذهـب الوطنيـة إلى الجحيـم ) (Re: Tragie Mustafa)
|
عيب لمن تكون واحدة في سنك وتجي تكتب في منبر عام عن سراويل الرجال اعترفي بي غلطك وسيبك من المكابرة البتسوي فيها دي قولي زلة لسان انا كنت في حالة غير طبيعية زهجانة أي حاجة اطلعي بيها من كلامك الشين الفوق دا وانتي ما بتوريني الفرق بين الحياء والخجل ومحسن شنو دا العامل ليهو لي مرجع محسن بتاع السحاقية !!!! محسن دا بتاعكم انتو الفاهمين ديل ال بي كل بجاحة وقوة عين تتكلموا عن السحاق والسراويل وبالمناسبة انتي الخجل ما عندك والحياء ما اصلو ما بجيك وتربيتي مالها في ناس هنا في المنبر دا بتعرف انا منو وولد منو وكيف اتربيت وما تتكلمي عن حاجة انتي ما بتعرفيها خليك في نضالك الكرتوني واظبطي كلامك يا سيدة النضم الاشتر
| |
|
|
|
|
|
|
Re: لا خير فينا إن لم نقلها ( فلتكـن السيـادة في كـف عفريـت ولتذهـب الوطنيـة إلى الجحيـم ) (Re: abdelfattah mohammed)
|
العزيز / احمد حنين
لك التحية ...
اولا : اذا حدث بيني وبينك اي مخاشنة فانا اعتذر لك بشدة وياريت تقبل اعتزاري ..
اما عن الاحترام والله محترمين جدا ومتربين احسن تربية والكثيرين من اعضاء الرياض يعرفونني جيدا فممكن جدا تسال عني ..
اما الاخت تراجي لواحترمت كل الاعضاء واعتزرت للجميع وعرفت ان كل الاعضاء اولاد تسعةومافي فرق بين العضو الموجود في كندا والعضو الموجود في الرياض ساعتها سوف احترمها جدا ..
سؤال : مارايك في مداخلتها في الاعلى ؟
لك مني الف تحية .. وتسلم والعتبى لك حتى ترضى
| |
|
|
|
|
|
|
Re: لا خير فينا إن لم نقلها ( فلتكـن السيـادة في كـف عفريـت ولتذهـب الوطنيـة إلى الجحيـم ) (Re: شمس الدين محمد العوض)
|
شمس الدين كتب :
Quote: الاخ عبد الفتاح هون عليك ...... وجفف دمعك الغالي..... ودارفور أمانة في أعناقكم لن يحل مشاكلها غير أهلها.... لو إجتمع لذلك أهل الدنيا جميعابكل عدتهم وعتادهم.... وأنت أدرى مني بذلك. (ولابد من حسكنيتة وإن طال السفر) |
أولاً أشكرك على المرور والتعقيب ثانياً لن أحيد عن هذا الطريق إلى أن يتحقق الحلم المرجو والهدف المنشود ثالثاً لن تجف دموعي إلا وهي ترى إنسان دارفور بل والإنسان السوداني عموماً يعيش في رفاهية رابعاً نعم دارفور أمانة في أعناقنا ولن نحيد عنها أو نتهاون فيها أو نساوم في قضيتها خامساً يكمن الحل في إعطاء شعب دارفور حقه العادل وفق كثافته السكانية وحقوقها عند المركز الذي يملك زمام الأمور الآن ولسنا نحن سادساً أعتقد أنه بالضغوطات المصحوبة بالترغيب تارة وبالترهيب تارة أخرى لربما تعجل بالحل بغية تدارك أزمة دارفور ولنا في نيفاشا آية سابعاً حسكنيتة وما أدراك ما حسكنيتة فهي جملة في غير موضعها أرجو أن تبحث لها عن موضع يليق بها
| |
|
|
|
|
|
|
Re: لا خير فينا إن لم نقلها ( فلتكـن السيـادة في كـف عفريـت ولتذهـب الوطنيـة إلى الجحيـم ) (Re: abdelfattah mohammed)
|
Quote: فلتكـن السيـادة في كـف عفريـت ولتذهـب الوطنيـة إلى الجحيـم |
عبدالفتاح ..
تأكد ملياً أن للوطن قوم يحموه ..
وكن سادراً في هذا الوهم اللا منتاهي ..
تهدر ما تملك ..
تقولون الفريات ثم تصدقونها ثم تروجونها وتبنون عليها ..
واعلم أن كل ما بني على الباطل فهو باطل ..
وعندما تأتي القوات الأجنية ستقولوا حين إذٍ يا ليتها لم تأت ..
لأنكم لن تجدوا مكاناً تصوروا فيها هذه "النساء الشريفات" للتاجروا بصورها ..
ولن تجديكم نفعاً سياسة "جلداً ما جلدك جر فوقو الشوك" ..
ولا تلك المبادئ الرخيصة التي تعيشون بها ..
وسيكون زمام الأمور بيد أهل دارفور الحقيقيون أهل الحل والعقد ..
فهم القوم الكرام الذين يفضلون الموت الزؤام على أن تدنس أرض أجدادهم أقدام اليهود والصليبيين..
| |
|
|
|
|
|
|
Re: لا خير فينا إن لم نقلها ( فلتكـن السيـادة في كـف عفريـت ولتذهـب الوطنيـة إلى الجحيـم ) (Re: JAD)
|
jad
Quote: تأكد ملياً أن للوطن قوم يحموه .. |
هل تظن أن الذي فتح أبواب الوطن للغزاة وصنع الطغاة هو حريص على الوطن ؟؟ وبما لا يدع مجالاً للمماحكة أننا أكثر الناس حرصاً على هذا الوطن ووحدته
Quote: وكن سادراً في هذا الوهم اللا منتاهي .. |
عفواً جاد ـ لعلك لم تفهم ما كتبته أرجو أن تمعن القراءة ثانيةً
دارفور تستحق أن نقدم لها الأرواح والأنفس وليس الزمن فحسب
Quote: تقولون الفريات ثم تصدقونها ثم تروجونها وتبنون عليها .. |
عن أية فرية أنت تتحدث ـ الإغتصاب وقع ، والتهميش باين ، والظلم مستشري ، والإبادة الجماعية والتطهير العرقي مشهود ، أية فرية تدعيها ؟
Quote: واعلم أن كل ما بني على الباطل فهو باطل .. |
أن لـ دارفور قضية وهذا لا ينكره إلا جاهل !!
Quote: وعندما تأتي القوات الأجنية ستقولوا حين إذٍ يا ليتها لم تأت .. |
ما دراك بهذا ، ولم نفعل ولن نفعل ، فلتنهنأ بمجيئهم
Quote: لأنكم لن تجدوا مكاناً تصوروا فيها هذه "النساء الشريفات" للتاجروا بصورها .. |
لم ولن نتاجر أو نزايد ولكنها الحقائق التي توضح مدى تخبط الجبهة والإنقاذ في ترويع المواطنيين وقذف قراهم وتشريدهم وإغتصاب الحرائر من نسائهم
Quote: ولن تجديكم نفعاً سياسة "جلداً ما جلدك جر فوقو الشوك" .. |
ولن ننتهجها من قبل حتى لا تنفعنا أو دونه .
Quote: ولا تلك المبادئ الرخيصة التي تعيشون بها .. |
الذي نفسه بغير جمال لا يرى في الوجود شيء جميلاً ، إذا كنت ترى في مبادئ العدل والمساواة والحرية والديمقراطية والفيدرالية والتنمية المتوازنة والمواطنة ـ مبادئ رخيصة فهذا زمانك يا مهازل فأمرحي !!!!!
Quote: وسيكون زمام الأمور بيد أهل دارفور الحقيقيون أهل الحل والعقد .. |
نحن منهم وهم منا وسننتزع لهم حقهم رغماً عن كيد المترجفين وعن أنف الخادعين
Quote: فهم القوم الكرام الذين يفضلون الموت الزؤام على أن تدنس أرض أجدادهم أقدام اليهود والصليبيين.. |
هم لا يحتاجون منك إلى شهادة براءة ، فهم الذين سطروا هذا التأريخ وهم الذين طردوا المستعمر ولن يألوا لهم جهد إلى أن يرسوا القيم التي يتطلعون لها.
أما اليهود وما أدراك ما اليهود فهذه ريتوريكا مستترة وراء ترميز تضلليلي للمحافظة على سدة الحكم ولن تصلح معنا الآن دغدغة المشاعر أو إستمالة العاطفة كما ذكرت في طيات هذا المقال أعلى البوست
| |
|
|
|
|
|
|
|