Post: #1
Title: مشاهد من بيت العرس..
Author: عمر الفاروق
Date: 02-28-2006, 10:04 AM
صوت الزغاريد بي شغلة وبدون شغلة وفي اي وقت خلال اليوم قبل كم يوم من العرس..
|
Post: #2
Title: Re: مشاهد من بيت العرس..
Author: عمر الفاروق
Date: 02-28-2006, 10:05 AM
Parent: #1
ريحة الفطير والسكسكانية ..
|
Post: #3
Title: Re: مشاهد من بيت العرس..
Author: عمر الفاروق
Date: 02-28-2006, 10:06 AM
Parent: #2
زحمة في شاي الصباح ومحل ما تمشي تشوت لي كباية ..
|
Post: #4
Title: Re: مشاهد من بيت العرس..
Author: عمر الفاروق
Date: 02-28-2006, 10:12 AM
Parent: #1
فرش أسنان فاضية ورحلة البحث عن المعجون ..
|
Post: #5
Title: Re: مشاهد من بيت العرس..
Author: عمر الفاروق
Date: 02-28-2006, 10:15 AM
Parent: #4
كمية من الشعور المنكشة والعيون المحمرة بعضها بسبب السهر في حفلة الحنة امبارح وبعضها محمر بسبب (كريستال البلح)
|
Post: #6
Title: Re: مشاهد من بيت العرس..
Author: ود الباوقة
Date: 02-28-2006, 03:45 PM
Parent: #5
ويقوم كدا يا ود الفاروق العريس يسوق عروستو في نص الحفلة بي ديك الاتوس الما خمج ..... ويتوارى عن الانظار ...
ود الباوقة
|
Post: #7
Title: Re: مشاهد من بيت العرس..
Author: القلب النابض
Date: 02-28-2006, 04:20 PM
Parent: #6
| Quote: صوت الزغاريد بي شغلة وبدون شغلة وفي اي وقت خلال اليوم قبل كم يوم من العرس.. |
وعارف دي الذ حاجة
لو انتهي عجن الخبيز بيزغردوا وانتو بتكونوا ما عارفين الحاصل شنو بي لرة علشان كدة بتقول بي شغلة وبيدون شغلة.
لو انتهي فريش الملايات الناس بتزغرد
ولو انتهت حلة ملاح الناس بتزغرد
ولو قطعوا السلطة الناس بتزغرد
ولو جو جماعة من السوق الناس بتزغرد
.
.
.
.
ولو حتى اتكسرت كباية الناس بتزغرد
القال ليك منو بدون شغلة يا ود الفاروق
تحياتي
|
Post: #8
Title: Re: مشاهد من بيت العرس..
Author: Ahmed Abdallah
Date: 02-28-2006, 04:58 PM
Parent: #7
عااااااااااااااااااااااااااادي ?????????????/
|
Post: #9
Title: Re: مشاهد من بيت العرس..
Author: bob
Date: 03-01-2006, 01:13 AM
Parent: #8
يعــنى الجديد شنو فى كدا يا عمر ؟؟
|
Post: #10
Title: Re: مشاهد من بيت العرس..
Author: عمر الفاروق
Date: 03-01-2006, 01:31 AM
Parent: #1
يا ريس ود الباوقة :
| Quote: ويقوم كدا يا ود الفاروق العريس يسوق عروستو في نص الحفلة بي ديك الاتوس الما خمج |
ياخ نحن لسة في مشاهد الصباح ما جينا لي مشاهد الحفلة لسة ..
الشفقة شنو
يا قلب :
ياخ الزغاريد دي حاجة سمحة خلاص..
اخو العريس يجي قاطع بي حوش النسوان الناس تزغرد ..
ام العريس تجي شايلا ليها صحن الناس تزغرد ..
ابو العريس لو قال عايز زيادة فول الناس تزغرد ..
اليوم داك كان اديت المرا كف تزغرد ليك
أسة ما تدينا زغرودة في البوست ده عليك الله
احمد عبد الله :
| Quote: عااااااااااااااااااااااااااادي |
زيييييييييييي الزباااااااااااااااااااااااادي ..
نكورك ليهم ما يجو ..نجيهم يكوركوا ..
|
Post: #20
Title: Re: مشاهد من بيت العرس..
Author: Ahmed Abdallah
Date: 03-01-2006, 02:21 AM
Parent: #10
| Quote: نكورك ليهم ما يجو ..نجيهم يكوركوا .. |
تاني ما تكورك .... عيب.....أركز شوية
|
Post: #11
Title: Re: مشاهد من بيت العرس..
Author: عمر الفاروق
Date: 03-01-2006, 01:45 AM
Parent: #1
يا بوب:
| Quote: يعــنى الجديد شنو فى كدا يا عمر ؟؟ |
ولا شي..
|
Post: #12
Title: Re: مشاهد من بيت العرس..
Author: bob
Date: 03-01-2006, 01:47 AM
Parent: #11
برضو قالوا كدا
|
Post: #13
Title: Re: مشاهد من بيت العرس..
Author: عمر الفاروق
Date: 03-01-2006, 01:55 AM
Parent: #12
عشان كده انا زاتي قلت كده ..
|
Post: #14
Title: Re: مشاهد من بيت العرس..
Author: bob
Date: 03-01-2006, 01:58 AM
Parent: #13
| Quote: عشان كده انا زاتي قلت كده |
تانى ما تقول
|
Post: #15
Title: Re: مشاهد من بيت العرس..
Author: عمر الفاروق
Date: 03-01-2006, 02:07 AM
Parent: #14
سمح ..
|
Post: #16
Title: Re: مشاهد من بيت العرس..
Author: bob
Date: 03-01-2006, 02:10 AM
Parent: #15
تسلم
|
Post: #17
Title: Re: مشاهد من بيت العرس..
Author: ترهاقا
Date: 03-01-2006, 02:12 AM
Parent: #14
الرجال عرفناهم، عيونهم محمرة بى كريستال البلح لكن النسوان عيونن محمرة من شنو؟
|
Post: #18
Title: Re: مشاهد من بيت العرس..
Author: عمر الفاروق
Date: 03-01-2006, 02:14 AM
Parent: #1
بهذا اعلن توقفي عن تصوير المشاهد ..
راحة بوب تعب الناس ..
|
Post: #19
Title: Re: مشاهد من بيت العرس..
Author: bob
Date: 03-01-2006, 02:17 AM
Parent: #18
يا الفاروق
عليك النبى كان تواصل حلفتك فى زمتك ....شنو العليك
|
Post: #21
Title: Re: مشاهد من بيت العرس..
Author: عمر الفاروق
Date: 03-01-2006, 02:27 AM
Parent: #19
| Quote: عليك النبى كان تواصل حلفتك فى زمتك |
حلوووووووووقك ..يقطع روووووووووووقك ..
|
Post: #22
Title: Re: مشاهد من بيت العرس..
Author: bob
Date: 03-01-2006, 02:30 AM
Parent: #21
| Quote: حلوووووووووقك ..يقطع روووووووووووقك .. |
|
Post: #24
Title: Re: مشاهد من بيت العرس..
Author: صلاح الدين عبدالله محمد
Date: 03-01-2006, 02:50 AM
Parent: #22
عمر فى حاله استرخاء
وذكريات ختام ايام العزوبيه
بوب ينتشل عمر من سرحانه
ويقول خليك فى الواقع
شيل القفه دى امشى السوق جيب ليك( توم وماتنسى الشمار)
|
Post: #23
Title: Re: مشاهد من بيت العرس..
Author: فيصل نوبي
Date: 03-01-2006, 02:43 AM
Parent: #1
بوب و عمر
( قدمنا بوب عشان ما يجينا طاير عمر بوب )
اشد حاجة في بيت العرس حق الفاروق ده الشكلة المفتعلة من بوب
اها يا شباب !! الخيمة وين !!
و بوب عامل زي ام العروس
الفاروق
هي سموها ام العروس ليه !!
ليه ما قالو ام العريس !!
|
Post: #25
Title: Re: مشاهد من بيت العرس..
Author: عمر الفاروق
Date: 03-01-2006, 02:52 AM
Parent: #23
الزول السمح ترهاقا ود ساطور:
حميرة العيون عند النسوان بيكون عندها سببين :
في حميرة العيون حقت الهرشة ديك ...
وفي حميرة العيون حقت السهر في الحفلة ..
اها يا اخوي احسن ياتو تحميرة ؟
فيصل نوبي:
ياخ أسة في زول قال ليك ليييييي ما بيقولوا (سيد الودع ؟؟؟)
ما برضو الرجال بيرموا الودع
Quote: هي سموها ام العروس ليه !!
ليه ما قالو ام العريس !! |
يا زول أم العريس بيكون قافلة معاها لأنو شالوا منها ولدا البيدفع ليها الشرتيت وتاني يا مان التياب والقروش مسارها بيتحول بي هناااااااااااااك ..
|
Post: #54
Title: Re: مشاهد من بيت العرس..
Author: Omar Bob
Date: 03-02-2006, 02:38 AM
Parent: #23
Quote:
( قدمنا بوب عشان ما يجينا طاير عمر بوب )
[[/ |
حلوه وملعوبه يا نوبي ( المن اندينا)
لكن برضها ما حلتك لانو انا جيتك طاير
ففي الحالتين انت ضايع
|
Post: #55
Title: Re: مشاهد من بيت العرس..
Author: فيصل نوبي
Date: 03-02-2006, 02:49 AM
Parent: #54
Quote: حلوه وملعوبه يا نوبي ( المن اندينا)
لكن برضها ما حلتك لانو انا جيتك طاير
ففي الحالتين انت ضايع |
لووووووووول
في ناس قاعدة علي الهبشة ما تشوف اسمها تجي طايرة
عمر بوب ( انت من أندينا !!! )
هاك المشهد ده:
واحده قاشطة وشها لونو غير باقي الجسم و ماشة تتجدع و اولاد الحلة الضهب واقفين جنب الخيمة يشاغلو فوقها
|
Post: #26
Title: Re: مشاهد من بيت العرس..
Author: عمر الفاروق
Date: 03-01-2006, 02:56 AM
Parent: #1
مشهد مرا شايلة ليها عمود (بي اللبادي) ومودياهو لي ابو العيال لأنو ما قدر يجي بيت العرس ..
|
Post: #27
Title: Re: مشاهد من بيت العرس..
Author: bob
Date: 03-01-2006, 02:59 AM
Parent: #26
| Quote: مشهد مرا شايلة ليها عمود (بي اللبادي) ومودياهو لي ابو العيال لأنو ما قدر يجي بيت العرس |
وجايك وجاية ابرشو معاك
|
Post: #28
Title: Re: مشاهد من بيت العرس..
Author: bob
Date: 03-01-2006, 03:02 AM
Parent: #27
Quote: بوب ينتشل عمر من سرحانه
ويقول خليك فى الواقع |
فى الواقع سوا
سنة يا انا
|
Post: #30
Title: Re: مشاهد من بيت العرس..
Author: صلاح الدين عبدالله محمد
Date: 03-01-2006, 03:05 AM
Parent: #27
مشهد
اثنين بيتمحرقوا قدام بنات الشاى عشان يتونسوا مع هنايه الظريفه
واحده اخرى خالفه رجلها وتنظر لهم وتبتسم بخبث
|
Post: #29
Title: Re: مشاهد من بيت العرس..
Author: صديق الموج
Date: 03-01-2006, 03:05 AM
Parent: #1
لكن يا عمر شفت العريس بكون ما عندو شخصية اليوم داك كيف.
اى شافع يجرو من ايدو يقول ليه خالتى هناية دايراك يقوم العوير(اقصد العريس) يمش وبعدين يرسلوا ليه شافع بوم كده يقول ليه:دالو ليك تعال سوف السفغ بعملوا فى شنو برضو ويجرجروا من ايدو برضوا يمش.غايتو عالم بدون شخصيات بشكل،،،
|
Post: #31
Title: Re: مشاهد من بيت العرس..
Author: صلاح الدين عبدالله محمد
Date: 03-01-2006, 03:09 AM
Parent: #29
مشهد
مجموعه شباب (متكله ) خلف الصيوان يدخنون (بالدس)
|
Post: #32
Title: Re: مشاهد من بيت العرس..
Author: محمد أبوجودة
Date: 03-01-2006, 03:13 AM
Parent: #1
إزايــَّك آ عمـر الفاروق
يازل انت وصـّاف وصفاً شديد ، لدرجة انّك اعدت لينا صـُور شعبية محبّبة
كادت ان تضيع مع توالي الأيام ، وقِلة حضور الأعراس في سنواتنا الأخيرة، او
ربما قِـلّة الأعراس " بالطريقة الفيها مشاهدك دي ! " ولسـّه حالتك في الفترة الصباحية !
ما تنسى بالله ، تنفحنا بي تحليلات عن بعض الشخصيات الما بكون عندها هَـمْ
غير الإغراق في توفير حالة ترف شخصاني " لي رِقيباتم/تِنْ !! " ، فتجد الواحد/ة ، يسـأل عن الفطور! وقبله عن صابونة الحمّام والبشكير والمرايا والمُشط ! وممكن مكنة الحلاقة ، والكركار والكِريم ، ودا كلّو في طلعةودخلة وقولة وسكتة ؛ دون ان يدير/تدير
باله/ها على اولويات ناس " بيت العِرس " ! .. وآخرين واخريات ، يتجلـّون ويصدقون
في تهوين القسا وتراهم/نّ أشــغل من " أمّ العروس " ، مهمومين بي صِـحّهم ، وفايرين
وغايرين في انجازات يتكاسل عنها بعض اهل العرس ذات نفوسهم ! .. هادول الأخيرين ،
هم مِلح الأرض ، وفواح الفضائل ، واهل المرووّات ، الجاّدّين في إخلاصهم ومساعداتهم ، والجّادّات ..
---
بس ما تقوم تقليبا لينا محزنة ، وتدلف بينا لي مشاهد " بيت بكا " ؟!!
مع التحايا ،،
|
Post: #33
Title: Re: مشاهد من بيت العرس..
Author: عمر الفاروق
Date: 03-01-2006, 03:24 AM
Parent: #1
يا ابو صلاح :
ياخ والله طلعت وصاف جنس وصف؟؟؟؟
أظنك كنت من النوع البيكون لابد بتيييييين الصبارة حقت الشاي تفضا وجري علي محل الشاي
| Quote: اثنين بيتمحرقوا قدام بنات الشاى عشان يتونسوا مع هنايه الظريفه |
والغريبة إنو الشاي دائماً بيمسكوهو البنات الشابات الجميلات ..
يعني ما عارف ليي النسوان الكبار ما بيمسكوا الشاي في المناسبة !!!! طيب ما ممكن البنات السمحات ديل يقعدوا في صاج الضلع ؟؟؟؟
|
Post: #35
Title: Re: مشاهد من بيت العرس..
Author: صلاح الدين عبدالله محمد
Date: 03-01-2006, 03:32 AM
Parent: #33
مشهد
جزء من الصيوان فى زاويه بعيده بداخله الطباخ بجوارة شويه عجايز خاصين به
الطباخ بصوت مكسور (ما عاوز اى واحده حايمه بى هنا)
| Quote: أظنك كنت من النوع البيكون لابد بتيييييين الصبارة حقت الشاي تفضا وجري علي محل الشاي |
شغلنا كان لقيط الحجارةوكنس ورش الماء بالصيوان ورص الكراسى
| Quote: ديل يقعدوا في صاج الضلع |
صاج الضلع بقى يمسكوا هناى الطباخ ومعاه ست النفر وكلتوم وبداخل القفه بجوارة (وزن الراس )ياخد( بقه) كل شويه
|
Post: #36
Title: Re: مشاهد من بيت العرس..
Author: عمر الفاروق
Date: 03-01-2006, 03:37 AM
Parent: #33
صديق يا موج :
Quote: لكن يا عمر شفت العريس بكون ما عندو شخصية اليوم داك كيف.
اى شافع يجرو من ايدو يقول ليه خالتى هناية دايراك يقوم العوير(اقصد العريس) يمش وبعدين يرسلوا ليه شافع بوم كده يقول ليه:دالو ليك تعال سوف السفغ بعملوا فى شنو برضو ويجرجروا من ايدو برضوا يمش.غايتو عالم بدون شخصيات بشكل،،، |
كل ما أتزكر قصتك مع الشفع اضحك جنس ضحك ..
تتزكر لمن قلت إنك قاعد في كوشة العرس سمعت ليك شافعين بيتحدوا بعض وبيقولوا (تعال نشوف منو البيسلم علي العريس اكتر ؟؟)
قلت اليوم داك سلمت علي اي واحد تلتين مرة ؟؟؟
والغريبة ما بتقدر تقول ايهو اي شي !!!!!! بس تمد يدك تسلم زي البوم
الله يجازيك يا موج ياخ انا يوم العرس قطعتوا مع الشفع ناشف وقلت إمكن يكونوا ديل متشارطين
الجميل في الموضوع مش الشفع الكبار زاااااااااتهم بيكونوا عايزين يظهروا والواحد يجيك يقول ليك :
اها يا عريس جبنا العيش خلاص !!!
ياخ انا مالي ومال العيش طيب ؟؟؟؟
لا ويقوم يجيك واحد تاني يقول ليك دقيقة يا عريس ..ويسوقك بعييييييييييييد علي جنب كده وفي النهاية يقول ليك :
الكراسي جبناها الف كرسي بدل سبعمية مش كده احسن يا عريس !!!!!؟؟؟؟
|
Post: #34
Title: Re: مشاهد من بيت العرس..
Author: فيصل نوبي
Date: 03-01-2006, 03:27 AM
Parent: #1
عمر
Quote: ياخ أسة في زول قال ليك ليييييي ما بيقولوا (سيد الودع ؟؟؟)
ما برضو الرجال بيرموا الودع |
مثال حي
لوووووووووووووووووووووووووووووووووووووووووووووووووووووووووووووووووول
مشهد من بيت العرس:
قوم يا عريس الفطور جاهز ...
( العريس بكون قرفان و اخلاقو في نخرتو من الصرف التقيل )
سمح !!
لكن دي اول و اخر مرة اعرس فيها
ما قلتو نوبة
|
Post: #37
Title: Re: مشاهد من بيت العرس..
Author: سامى عبد الوهاب مكى
Date: 03-01-2006, 03:40 AM
Parent: #34
Quote: والغريبة إنو الشاي دائماً بيمسكوهو البنات الشابات الجميلات ..
يعني ما عارف ليي النسوان الكبار ما بيمسكوا الشاي في المناسبة !!!! طيب ما ممكن البنات السمحات ديل يقعدوا في صاج الضلع ؟؟؟؟
|
ياحاقد ضلع شنو بالبمسكو ليهن.
بشرية غير الحقد ماعندها حاجة....
وكمان هلالابي.
|
Post: #38
Title: Re: مشاهد من بيت العرس..
Author: صديق الموج
Date: 03-01-2006, 03:46 AM
Parent: #1
| Quote: اها يا عريس جبنا العيش خلاص !!! |
عمر كان كرستال العيش تكون معقولة!!لكن العيش مبالغة ياخى عيش راسك
حاشية :جبنا سيرة الكريستال هسع ترهاقا بظهر
|
Post: #39
Title: Re: مشاهد من بيت العرس..
Author: عمر الفاروق
Date: 03-01-2006, 03:55 AM
Parent: #1
محمد ابو جودة :
الرجل الجميل ..
وين الحي بيك ياخ ؟؟؟
متلومين معاك لا صوت لا صورة ...
عاش من شافك وين ايامك ..
| Quote: فتجد الواحد/ة ، يسـأل عن الفطور! وقبله عن صابونة الحمّام والبشكير والمرايا والمُشط ! وممكن مكنة الحلاقة ، والكركار والكِريم ، ودا كلّو في طلعةودخلة وقولة وسكتة ؛ |
ياخ جنس ديل بيقفلوها معاك قفلة ؟؟؟؟ الواحد يكون شغال ليك يا ولد شيل الإبريق داك ويا ولد تعال كب لي عمك موية ويا شافع تعال شيل الصينية دي وهو تلقاهو اخر قيفات واخر ارياح ..
في الشق الاخر تلقا النسوان شغالات في الفحم والنار وتقوم تجي واحدة تكشكش في الدهب وتقول ليهم إنتو ضلعتكم دي مالا نييية كده ؟؟؟؟
اما الجكس فحدث ولا حرج ..
انا كاوية شعري ما بقدر اطلع بيهو ..والمنكير بيتوسخ كان قطعت السلطة والكريمات الشمس ما بتنفع معاها ..
ياخ كمية من الزحمة في البرندات والغرف اليوم داك ..مبااااااااااااااااالغة ..
Quote: وآخرين واخريات ، يتجلـّون ويصدقون
في تهوين القسا وتراهم/نّ أشــغل من " أمّ العروس " ، مهمومين بي صِـحّهم ، وفايرين
وغايرين في انجازات يتكاسل عنها بعض اهل العرس ذات نفوسهم ! |
والله يا ابو جودة ده أجمل مشهد يتصور في البوست ده وصدقني ما أظن يجي مشهد أروع من ده ..
يا زول والله داير تبكيني عدييييييييل كده ..
لا تعليق على هذا المشهد ..
|
Post: #40
Title: Re: مشاهد من بيت العرس..
Author: عمر الفاروق
Date: 03-01-2006, 04:01 AM
Parent: #1
| Quote: جبنا سيرة الكريستال هسع ترهاقا بظهر |
يا صديق الموج والله إنت كان ما يوم جننتنا ما بترتاح !!!!!
ياخ والله العظيم انا أسة زي المجنون بضحك وبي أعلي حسي ...
يازول براحة علينا الله يرضى عليك ..
|
Post: #41
Title: Re: مشاهد من بيت العرس..
Author: عمر الفاروق
Date: 03-01-2006, 04:08 AM
Parent: #1
| Quote: ياحاقد ضلع شنو بالبمسكو ليهن. |
يا مريخابي يا وهم !!! بالله إنتو بتعرفوا تعرسوا؟؟؟؟ العرس ده خلوهو لينا نحن الهلالاب ديل اللينا تلاتة سنة بنعرس
بعدين عشان ما عندكم رائدات زي رائدات الهلال تكون ما عايز تخليهم يعملوا الضلع وداير توديهم اعضاء في النادي مش؟؟؟
والله يا سامي تلقاك إنت من النوع الفي العرس جنو يرسل الشفع الدكان ..
|
Post: #42
Title: Re: مشاهد من بيت العرس..
Author: عمر الفاروق
Date: 03-01-2006, 04:19 AM
Parent: #1
مشهد من بعيييد :
رغماً عن إنو بيت العرس بعيد جداً من شارع الظلط تلقا ناس نازلين من المواصلات بي شنطهم وأول زول يلاقوهو :
لو سمحت في عرس قريب بي جاي؟؟؟
يرد عليهو كل الشباب المتواجدين في ضل الشجرة : ايوة عرس ناس فلان ؟؟؟ امشي طوالي وخامس لفة علي يدك اليمين تاني بيت علي يدك اليسار !!!!!
مشهد اخر:
حركة نشطة للركشات في بيت العرس ..
الركشة البتنزل ليها زول جايي العرس بتشيل ليها جكس ماشي الكوافير ..
|
Post: #44
Title: Re: مشاهد من بيت العرس..
Author: القلب النابض
Date: 03-01-2006, 05:29 AM
Parent: #42
كوم بتاع صحبات متلمين في اوضة بعيدة متهربين من أي مسؤوليات ووشوش ملطخة بي حاجات كتيرة.
وبعض النسوات المتشببات يسجلن ليهن زيارة كل مرة ويقولن ليهن تتجازن انت بتسون في شنو يا بنات الجامعة. قومن على الشاي دا ... واتنين يتغامزن كبو الزوغة...
اثنين متقادودات من بيت الجيران لي بيت العرس وبالعكس زي عشرين مرة.
|
Post: #45
Title: Re: مشاهد من بيت العرس..
Author: سامى عبد الوهاب مكى
Date: 03-01-2006, 05:55 AM
Parent: #1
اها والمقيلين كيف؟؟.
|
Post: #46
Title: Re: مشاهد من بيت العرس..
Author: صلاح الدين عبدالله محمد
Date: 03-01-2006, 06:35 AM
Parent: #45
يلا يا اخوانا قوموا الغدا
الصينيه دى الناس كتار
لالا قوم تعال بى جاى
كيف يا شباب
عاوزين اى زياده ؟؟
ايوه عاوزين دا (يشير باصبعه لصحن الضلع الفارغ)
|
Post: #47
Title: Re: مشاهد من بيت العرس..
Author: hatim
Date: 03-01-2006, 06:44 AM
Parent: #46
سلام ..
وصف جميل
لم تجو لقطع الرحط بالله أدونا خبر عشان نشارك معاكم...
مشاركة بالمشاهدة...
|
Post: #49
Title: Re: مشاهد من بيت العرس..
Author: ابو جهينة
Date: 03-01-2006, 07:00 AM
Parent: #47
عمر الفاروق
سلام بعبق الضريرة
تعرف يا عمر دايما بيكون في واحد في العرس ( إما من أهلو أو من أصحابو ) واقف بعيد و بيفكر : يا ربي الزول دة بيقدر يسدد ال قروش ال إتدينا مني ؟ ولا قاعد يهجج و ما جايب خبر الديون ال على راسو ؟
|
Post: #48
Title: Re: مشاهد من بيت العرس..
Author: JAD
Date: 03-01-2006, 06:57 AM
Parent: #1
:..:
مبروك يا شاب .. استمتع بحياتك ..
:..:
|
Post: #50
Title: Re: مشاهد من بيت العرس..
Author: سامى عبد الوهاب مكى
Date: 03-01-2006, 07:28 AM
Parent: #1
ياولد امشي قول لي امك مفتاح الدولاب ختتو وين.
اجري سريع.
|
Post: #51
Title: Re: مشاهد من بيت العرس..
Author: عمر الفاروق
Date: 03-01-2006, 09:27 AM
Parent: #1
يا زول يا زول :
يا اخوي نحن لسة ما عقدنا وإنت جاري لي شهر العسل ؟؟؟
يا قلب:
| Quote: اثنين متقادودات من بيت الجيران لي بيت العرس وبالعكس زي عشرين مرة. |
ياخ ده مشهد مباااااااااااالغة والعجب لمن يكونوا البتين ضيوف في الحلة ويقوموا كده شباب الحلة يشغالهم
سامي يا ود عبد الوهاب:
ياخ لمن تبطل الكورة قاعد تكون زول لذيييذ كده مالك ؟؟؟
دمك الليلة دم هلالاب عديييييييييييييييييل..
Quote: ياولد امشي قول لي امك مفتاح الدولاب ختتو وين.
اجري سريع. |
وفي النهاية تفلس الدولاب بي معلقة ولا سكين ..
|
Post: #52
Title: Re: مشاهد من بيت العرس..
Author: عمر الفاروق
Date: 03-01-2006, 09:36 AM
Parent: #51
استاذنا ابو جهينة :
| Quote: تعرف يا عمر دايما بيكون في واحد في العرس ( إما من أهلو أو من أصحابو ) واقف بعيد و بيفكر : يا ربي الزول دة بيقدر يسدد ال قروش ال إتدينا مني ؟ ولا قاعد يهجج و ما جايب خبر الديون ال على راسو ؟ |
تعرف يا ابو جهينة الناس الفي البورد ديل كللللهم مركزين علي إنك زول كاتب قصة من الدرجة الأولى لكن اغفلوا إنك كاتب ساخر من الدرجة الاولى عديييييييل كده ..
كل كتاباتك وتعليقاتك الطريفة لا ينافسها إلا عمنا المسخوووت ود الموج ..
إنتو الإتنين يوم بتقطعوا قلبنا ده ..
تعرف والجميل في الموضوع تلقا زولك يطنطن في سرو ويقول :
" العريس ده ينطط فرحان كده ما كلللللللو بي حقنا .."
والأغرب إنو كل الناس البيكون العريس متدين منهم بعدين لمن يجي يحضر شريط العرس يقول ليك :
" والله فلان ده ما قصر معاي في العرس " فدي معناها الراجل قروشو تاني ما بترجع ليهو ..
تخريمة :
يا حاتم :
| Quote: لم تجو لقطع الرحط بالله أدونا خبر عشان نشارك معاكم... |
عرسنا ده حدو العقد
يا جاد :
ابشششششششششششششششر ..
|
Post: #53
Title: Re: مشاهد من بيت العرس..
Author: عمر الفاروق
Date: 03-01-2006, 09:50 AM
Parent: #1
مشهد قمة التناقض:
الرجال اول ما تجي صينية الغدا يقولوا ليك طلّع امرقيقة دي برة لأنها دي التحلية ويقعوا ليك في الضلع ده من قولة تيت وبعدين ما بيرجعوا للكسرة زاتو ..
النسوان عكسهم تماماً بيطلعوا الضلعة برة وبيجوها اخر شي !!!!!
يا قلب ورينا الحنك شنو بالضبط من حركتكم دي ؟؟؟
|
Post: #56
Title: Re: مشاهد من بيت العرس..
Author: JAD
Date: 03-02-2006, 02:53 AM
Parent: #1
في عرسان ما بعرفوا يزينوا ربطة العنق ..
تلقاهم لآخر لحظة والناس منتظرين عشان عربات السيرة تتحرك .. وهو جوه البيت يعافر في الكرفتة .. وكمان معاه الوزير .. والوزير برضو يكون كيشة ..
المهم بعد لولوة وعرق .. يطلع بيها مربوطة أم صفيحة ..
إن شاء الله تكون كربتها من بدري وخليتها جاهزة متل شرك أمابريش ..
بتعرف أمابريش .. دي بشركوا بيها للطير ..
قرقرقرقر
خليت الواحد يردد :
ويا ريت أيامي تعود تاني وتعود تاني
والقاك يا حبيب روحي وتلقاني
وتلقى الريد معاي ولحطة ما نيستك ولا نساني ..
تتتتت تيرري
|
Post: #57
Title: Re: مشاهد من بيت العرس..
Author: نادية عثمان
Date: 03-02-2006, 11:23 AM
Parent: #56
Quote: مشهد
جزء من الصيوان فى زاويه بعيده بداخله الطباخ بجوارة شويه عجايز خاصين به
الطباخ بصوت مكسور (ما عاوز اى واحده حايمه بى هنا) |
عرفنا الصحان والكبابى البايركس بيتكسروا فى بيت العرس ..لكن الطباخ ده الكسر صوته شنو ؟!!
عمر
الو الو
تيست تيست
السيرة قربت ياجماعة وصلت لفة الشعبية هسة ..يلا يابنات اطلعوا لى برة
القلب
جيبى الدلوكة وحصلينى فى حوش النسوان ديلك !!
|
Post: #58
Title: Re: مشاهد من بيت العرس..
Author: عمر الفاروق
Date: 03-04-2006, 03:33 AM
Parent: #57
نادية بت عثمان :
| Quote: السيرة قربت ياجماعة وصلت لفة الشعبية هسة ..يلا يابنات اطلعوا لى برة |
يا زولة الناس لسة ما ضايرت عدة الغدا ونفيسة ما شالت حلتا الكبييييرة والمنقد حق نفيسة لسة بي نارو وسارمس الشاي ما رجعوها والكباكي إتكسر نصها ..
كدي أول حاجة غسلوا العدة دي ولملموها كوييييييييييييس بعد داك شيلو دلوكتكم واركبوا البصات ..
|
Post: #59
Title: Re: مشاهد من بيت العرس..
Author: صلاح الدين عبدالله محمد
Date: 03-04-2006, 03:39 AM
Parent: #58
مشهد بعد الغدا
واحد لابس جلابيه وكل توابعها
يتحرك الى اخر الشارع ويعود
وكل مرة يمسك جيبيه الاثنين معا ويعود
زى الرايحه ليه حاجه
يكون الرايح ليه شنو ؟؟
|
Post: #60
Title: Re: مشاهد من بيت العرس..
Author: Ahmed Mohammed Osman
Date: 03-04-2006, 06:15 AM
Parent: #1
عمر الفاروق : الف مبروك وبيت مال وعيال انشالله
المتداخلين : شايفكم شابكين في العريس العريس ،، انتو عارفين اكتر زول بكون مطحون في العرس دا منو؟ اخو العرووس...
اييييييييييييييييييييييييييك
بكون مدور من دق الريحة
والصلصة نقصت
والتوم ما لاقينو
والعربية ال ح تودي فطور العريس
والعقد الفي الجامع مع الخبايز والغدا والعروس البيودوها للمرة تجلبطا
والعشا اترص في النادي ولا لسه والاستديو وووووووووووووووو
مطحون طحن
|
Post: #61
Title: Re: مشاهد من بيت العرس..
Author: عمر الفاروق
Date: 03-04-2006, 09:03 AM
Parent: #60
يا ابو حميد ..
وين الحي بيك ..
يا اخوي اهل العروس لو الشرتيت جاهم تمام بينوموا قفا لكن لو العريس طلع زول مخستك ونظام قال ليهم هاكم دي قروشكم ومتكفي ووووو ويعمل اخخخخخخخخخخخخخخخخخخخ نايم ..
يقوموا ناس العروس الشفوت لو القروش ما كفت يظبطوا ليك صحن العشا قدر قروش العريس..
مخلل وبيضة وبطاطساية وقطعة جبنة
|
Post: #62
Title: Re: مشاهد من بيت العرس..
Author: Ahmed Mohammed Osman
Date: 03-04-2006, 09:14 AM
Parent: #1
| Quote: مخلل وبيضة وبطاطساية وقطعة جبنة |
ومـــوزة
ههههههههههههههههههه
الله يجازيك يا عمر
انت عارف مشكلتنا سودانيين
يعني الناقص بنتمو بنتمو
كسر رقبة الصحن بطلع مليان
عشان كدا اخو العروس بكون
مطحووووووووووووووووووون
اوع تكون وديتو متكفي بس
|
Post: #63
Title: Re: مشاهد من بيت العرس..
Author: عمر الفاروق
Date: 03-04-2006, 09:26 AM
Parent: #1
| Quote: اوع تكون وديتو متكفي بس |
يا زول إنت قايلو بعد ده كفاهم !!!!!!!!!!!!!!!
|
Post: #65
Title: Re: مشاهد من بيت العرس..
Author: Sobajo
Date: 03-04-2006, 09:51 AM
Parent: #63
أخير اخو العروس يكون مطحون ياخوي .. من انو يكون فرحان ...
و يتنطط في نص الساحة و يعزم على الناس عشان ترقص معاه ...
دي الشينة بالجد ...!!!
ولة شنو ؟؟؟؟
|
Post: #66
Title: Re: مشاهد من بيت العرس..
Author: Ahmed Mohammed Osman
Date: 03-04-2006, 09:58 AM
Parent: #65
هههههههههههههههههههه
هههههههههههههههههه ههههههههههههههههه
وااااااااااااااااااااااااااااك كااااااااااك
ياخوي جنس كلامكم دا البخلينا ما نعزمكم
ههههههههههههههههههه
|
Post: #64
Title: Re: مشاهد من بيت العرس..
Author: ايوب عبدالرحيم
Date: 03-04-2006, 09:37 AM
Parent: #1
عمر الفاروق
تسلم للكلام السمح
لمة الاهل والاحباب حلوة
واكيد فيها سلبيات
بس احسن من انو الناس ما تتلما
ولا كيف
واصل ياحبيب
|
Post: #67
Title: Re: مشاهد من بيت العرس..
Author: عمر الفاروق
Date: 03-04-2006, 10:00 AM
Parent: #64
سوباجو :
ده كان زمان ..
ايوب :
اللمة حلوة والله وخصوصاً بعد نهاية الحفلة
|
Post: #68
Title: Re: مشاهد من بيت العرس..
Author: عمر الفاروق
Date: 03-04-2006, 10:12 AM
Parent: #67
مشهد اخر:
الغدا خلاص شطب والناس الكانت بتوزع في الغدا عملوا ليهم أحسن صينية فيها ضلعتين وتلاتة صواني تحلية واخر ضحك وإنبساطة وقطيعة في الناس ..
ياخ شفت الراجل الجلكين داك جنو مراسيل كيف؟؟؟
ياخ عمك عبد الله رسلتي لي سلطة الأسود مرتين ..
الزول ابو جلابية سكروتة داك هداف ولقمتو كبييييرة ..
عمك داك شبكني ليك تعال غسل لي يديني ..
وتجي واحدة من بنات العائلة تشاغل ليك الشباب (غالباً بيكونوا ناس البيت ) وتلبع ليها واحد في ضهرو وتقول ليهو براحة بتخنق ..
عموماً إنتهت جوطة الغدا ...
شويتين كده ونشوف برنامج المغرب كيف ؟؟
|
Post: #69
Title: Re: مشاهد من بيت العرس..
Author: نادية عثمان
Date: 03-04-2006, 09:51 PM
Parent: #68
Quote: عموماً إنتهت جوطة الغدا ...
شويتين كده ونشوف برنامج المغرب كيف ؟؟ |
اااى انت اقعد اتلايق لى كده لحدى الساعة حداشر تجى وزبيدة الانقاذ تلهف الملايين بتلاتة غنيات بس !!
|
Post: #70
Title: Re: مشاهد من بيت العرس..
Author: عاصم ابوبكر حامد
Date: 03-04-2006, 10:31 PM
Parent: #1
والله يا عمر
اخوك عاصم متابع الموضوع من الالف الى الياء
لكن فى شئ غريب
يا اخوى الفنان منو بالتحديد ...
اسمعنى انت قصة بيت العرس ده تنبيه للعريس ولا شنو ولا الحكاية
شوية جدعات من الزمن الصعب ...
احسم لينا موضوع الفنان سريع
والله تقول لى اجيب الفنان ( حمادة بت ) ولا (حمادة شعبية) مع احترام اخواننا واهلنا فى الشعبية تبقى الامور طارت طيرة شديدة ...
اعمل حسابك يا عمر والحكاية شكلها لعلاءالدين لكن نضع نقاط على كل حال ......
تسلم اخى
|
Post: #71
Title: Re: مشاهد من بيت العرس..
Author: mahmed alhassan
Date: 03-05-2006, 07:38 AM
Parent: #70
تعلق أحد الحبوبـــات وهي متكئة علي عكاز بعد أن شاهدت العروس
في منصــة الكوشــة ولم تروق لها 0 غايتو بس السعد من الله وكل شئ
قسمة ونصيب 0 الله يسعدهم 0
تحياتي عمر الفاروق وشكرا (للنصرة )
|
Post: #72
Title: Re: مشاهد من بيت العرس..
Author: عمر الفاروق
Date: 03-05-2006, 10:42 AM
Parent: #1
العد التنازلي بدا والشمس خلاص بدت تغيب مما يتيح الفرصة للجلبطة في الوشوش وكل البنات القابلتهم في الغدا ما حا تعرف فيهم ولااااااااااا واحدة اللهم إلا إذا جيت شايل معاك خرطوش موية وتدي الواحدة رشة في وشها حتى تقدر تسلم عليها..
الخيمة مليانة بي الشفع ومعظمهم متلمين في خشبة المسرح والكراسي مرصوصة جزء للنسوان وجزء للرجال وحلبة الرقيص في النص قصاد محل الفنان وكوشة العروسين مواجهة للفنان من الجانب الاخر وجريد النخل يحفها بالجوانب وكرسيين جلوس شادنهم من صالون ناس اللمين الزول المرطب ..
|
Post: #73
Title: Re: مشاهد من بيت العرس..
Author: صلاح الدين عبدالله محمد
Date: 03-08-2006, 00:26 AM
Parent: #72
سامعين الزغاريد
بص السيره جاء
يلا اطلعوا
التومه شيلى الدلوكه دى لبره
(زحام فى الباب)
كل المختبئات فى بيوت الجيران بدان يتسللن الخارج بسرعه
الشباب يقفون بعيدا
صمت
كانهم ينظرون الى منفرد بحارس المرمى
|
Post: #74
Title: Re: مشاهد من بيت العرس..
Author: عمر الفاروق
Date: 03-08-2006, 00:59 AM
Parent: #73
يا ابو صلاح :
صباحات الله بي خيرا ..
ويبد التنافس بين اهل العريس واهل العروس ..
اهل العريس ما بينزلوا من البص إلا اهل العروس يطلعوا ليهم برة وينزلوهوم ..
اهل العريس يغنوا :
حسي حسي يا ام العروس..
حسي وجهزي البيبسي يا ام العروس..
سلااااااااام سلاااااام يام العروس..
سلام جاييك عريس تمام يا ام العروس..
والرد يجي سريع من اهل العروس:
عريسكم ده الله ادا..
اداهو (هناية) تحبو برا ..
ويكون الرد من اهل العريس اعنف المرة دي:
يا نسيبتو شن بتدوري ..
جبنا ليك عقييد اللولي..
وتنهتي المشادة الغنائية بنزول اهل العريس وتبدا المقالدة بين اهل العريس واهل العروس في مشهد جمييييييييييييييييل ..
مجموعة من النسوان بيصلحوا في التياب بعد النزول من البص إستعداداً للدخول
|
Post: #75
Title: Re: مشاهد من بيت العرس..
Author: صلاح الدين عبدالله محمد
Date: 03-08-2006, 01:57 AM
Parent: #74
تييت تييت تييت تيتي تيتيت
وتستمر اصوات العربات
| Quote: وتنهتي المشادة الغنائية بنزول اهل العريس وتبدا المقالدة بين اهل العريس واهل العروس في مشهد جمييييييييييييييييل |
تفضلوا
تفضلوا
|
|