الـغَـبِـيـنَـهْ الـرّاسَـمَـه حِـنّـهْ !!

الغـبـيـنه الراسمه حـنه !

عزه ليه قصرت مسايرك
والبياض جرى فى ضـفايرك
والعـِكـيكـيزه الطـويله
والظـنون الجرحنك
والعـيون المـشـتهـنك
والأحاسـيـس البتبكى
والسعاده المستحيله
مالبيوت تكلانه هين
لو حياتك إسـتـقـرت
كم أناس سألونى عـنك
والغـريبه يجـيـبـوا سـيرتك
أو كمان يحكولى عـنك
عن أسودك
عن صدودك
عن اعـتـزازك بى مقامك
عن دروب الثوره لو طال بيك العذابْ
عزه لعـب الطين ده مُـقـْـر ِفْ
لو عـزيزنا النيل بـيعـز ِفْ
كل يوم نغـمه سرابْ
عزه بس يكفـيهو دمك
سال كتير
جـفـتْ عـروقـو الشاقه نـُـص الليل وجـِـيـعه
ومـيـن يلمك
بالتهاليل الخديعه
الشارده مِـنك
عزه يـتـلـفـتْ قِـلـيـبا
وليى وليداتا بتهاتى
وفارشه ليهم كم سباته
وفاتحه ليهم باب حنانا
وماده إيديها التعاين
عايزه تحكى لـُـمْ حكايه
بس حكاية الـسّـاسـه طالتْ
والسـنـيـن شـدت مَـقِـيلا
ولـسه نحنا دروبنا باهـته
وبالكلام أوراقـنا حاته
والأفق حيران دليلو
ونحنا حـيـرانين وسيله
بس تـقول رحلة عـقـوبه
وضحكه فى الزمن الرطوبه
من حكاية عـمى أحمد
أو كمان حـبوبه آمـنه
والغـبـيـنه الراسمه حنه
وراقـده فى كل الشـوارع
والمراكب
والسواقى
والجروف الباكيه للتربال يجـيها
ويروى ضحكاتا
وزغاريدا
ومـشـيها
ليى عـيون أطفالنا فى دارفور شكيه
لقمه واحده
ونومه هادئه
وجريه للطابور شهـيه
و من شرقـنا الكان مشرق سـبعـمـيه
وكان ضحـيه
ما بصـدق شادى غـُـلـْـبُـو سنين طويله
وبرضـو لـسه جُـرُوحُـو حَـيَّـه


http://www.maktoobblog.com/majidmusa?mm=192902031