Post: #1
Title: شهادات المحترفين طلعت كلها ضاربة!!!
Author: سامى عبد الوهاب مكى
Date: 02-26-2006, 03:42 AM
Parent: #0
كتب مزمل ابو القاسم .
فجر رئيس الاتحاد النيجييري لكرة القدم ابراهيم قلاديما مفاجاة من العيار الثقيل عندما اكد امس (للصدي)ان اتحاده لم يصدر شهادات الانتقال الدولية الخاصة بالاعبين البيجيريين الثمانية الذين انتقلوا الى السودان خلال فترة الانتقالات الرئسيية الاخيرة وفى مقدمتهم نجما المريخ ايفوسا وايداهو ونجما الهلال كلتشى ويوسف محمد بجانب لاعبي الاهلي شندي
وذهب رئيس الاتحاد الى ابعد من ذلك وشكك صراحة فى صحة هذه الشهادات مؤكدا ان التاريخ المكتوب عليها يؤكد عدم صحتها لانها صدرت فى وقت كانت فيه مكاتب الاتحاد النيجيري مفلقة وكان سكرتير الاتحاد المخول بالتوقيع على شهادات الانتقال الدولية قابعا فى السجن بامر الوزير.
ونفي قلاديما ان يكون المستشار القانوني للاتحاد المستر اوكي اوبيس قد وقع على هذه الشهادات موضحا انه بصفته رئيس الاتحاد لا يعلم الكيفية التى صدرت بها هذه الشهادات المذكورة.
ويرفض تحمل مسئوليتها وينصح بعدم الاعتماد عليها .
ولا ستجلاءالامر اكثر اتصلت الصدي بالمستشار القانوني للاتحاد النيجيرى المستر اوكي اوبي الذي قيل انه مهر الشهادات بتوقيعه واشرف على استخراجها فنفى ان تكون له اى علاقة بها كما انكر ان يكون قد وضع توقيعه على الشهادات التى صدرت يوم 26/2/2006
مؤكدا انه لم يدخل مباني الاتحاد النيجيري من 29/12/2005
عقب اغلاقه من قبل الوزير النيجيرى بقرار
|
Post: #2
Title: Re: شهادات المحترفين طلعت كلها ضاربة!!!
Author: ALGARADABI
Date: 02-26-2006, 04:07 AM
Parent: #1
دي آخر صيحات الصحاف؟؟؟
يعنى هدف كلاتشى و الوكلاء ملغى ولا شنو؟؟؟
الكويسة المرة دى مدخل معاهم ايفوسا البوال و ايداهو الله أداهو معاهم..
دى على طريقة على و على أعدائى....
|
Post: #3
Title: Re: شهادات المحترفين طلعت كلها ضاربة!!!
Author: Al Sunda
Date: 02-26-2006, 04:10 AM
Parent: #1
جنس حسادة
الغُلب حار للدرجة دي؟؟
لو عارفين المسألة بتصل لكده
كنا خلينا المغاربة
يغلبونا 3 صفر وتفرح انت وهو وحسن بسبوسة
غايتو القرعة باكر
وانشاء الله
المبارة الاولى تكون عندهم
عشان تحٍضروا نقارتكم في مبارة العودة لتشجيع الرجاء
ونفرح نحن في الآخر بهزيمتكم قبل الرجاء
تخريمة ( حسب القول )
انت ما كنت تنقل لينا غزل مزمل في تيم المريخ قبل بداية الدوري
| Quote: * وقد تابعت أداء المريخ في مباراتيه أمام أهلي عطبرة ونيل الحصاحيصا ومن الواضح أنه شهد تطوراً ملحوظاً.. وأصبح الفريق أكثر تنظيماً وأوفر قدرة على التحول من الدفاع إلى الهجوم.. والعكس صحيح. |
بعدين كتب امبارح
| Quote: وشد حيلك يا محمد عمر.. ففريقك يحتاج إلى شغل كبير ومكثف! |
وين رحلة الدوحة
وغلبنا او تعادلنا مع الشمال
وين الإعداد الجيد الذي كان يكتب عنه يوميا في الصدا
غايتو
ربنا يعين
|
Post: #4
Title: Re: شهادات المحترفين طلعت كلها ضاربة!!!
Author: عمر الفاروق
Date: 02-26-2006, 09:35 AM
Parent: #1
لحدي الليلة الساعة 12 ماف اي شكوى جات للإتحاد العربي بخصوص المحترفين النيجرين بالهلال من الوداد المغربي وده كلام زول من جوة ..
الشكاوى مدتها 48 ساعة بعدها تروح شمار في مرقة وحسب المعلومات ال 48 ساعة قربت تتم شهر والناس ما جات ..
مبروك للهلال العظيم وإن شاء الله ما فارقة معانا الأولى هناك الأولى في الخرطوم خلاص إتعودنا وأي مباراة لعبناها في الخرطوم أول وبعدين رجعنا ما خزلنا جمهورنا ..
هاك الإتحاد مدني ده ..
|
|