Post: #1
Title: ردعلى الرسومات بقصيدة نبويةجديدةمموسقةبإيقاع الدليب
Author: منصوري
Date: 02-24-2006, 01:53 PM
كلمات لحن وأداء صديق منصوري
|
Post: #2
Title: Re: ردعلى الرسومات بقصيدة نبويةجديدةمموسقةبإيقاع الدليب
Author: bint_alahfad
Date: 02-24-2006, 04:59 PM
Parent: #1
الاخ الفاضل منصورى
السلام عليكم ورحمة الله وبركاته
رغم أيمانى بحرمه الموسيقى حتى لو كانت مصحوبه بنشيد أو مديح, الا اننى لم أستطع منع نفسى من سماع هذه القصيده الجميله والمؤثره جدا, جزاك الله كل خير وزادك حبا لرسول الله صلى الله عليه وسلم وجمعنا الله واياكم مع الحبيب المصطفى صلى الله عليه وسلم فى الفردوس الاعلى
وفى امان الله
لا اله الا الله
|
Post: #3
Title: Re: ردعلى الرسومات بقصيدة نبويةجديدةمموسقةبإيقاع الدليب
Author: Abureesh
Date: 02-24-2006, 05:48 PM
Parent: #2
| Quote: رغم أيمانى بحرمه الموسيقى |
الأخت بنت الأحفـاد،
يعجبنى صـدقك هـذا مع نفسـك، مثل ما يعجبنى صـدق بن لادن مع نفسـه (فى الحالاات التى لا يفارق فيهـا الشـريعـة)
لكن أسمحى لى القول، أن هـذا الفهـم للإسـلام، هـو الذى أتى بكل صنوف المأسـى للمسلمين.
|
Post: #4
Title: Re: ردعلى الرسومات بقصيدة نبويةجديدةمموسقةبإيقاع الدليب
Author: منصوري
Date: 02-24-2006, 09:57 PM
Parent: #1
أختنا الغالية بت الأحفاد سلام عليكم والرحمة.. وهنا تاني نبارك ليك الحجة.وربنا يزيدك من فيوضاته...
قلتي لي كيف؟ غلبك تقاومي اللحن.. هذا يدل على محبتك الشديدة للنبي عليه أفضل الصلاة والسلام..المهم ما تنسينا من صالح الدعوات وكلنا نجتمع في محبة نبينا وما نحمل فيهو اي دقشة...
أخونا أبو الريش..السلام ومحبة النبي عليه السلام العامة والخاصة.. العامة التي تعم والخاصة التي تخص..
|
Post: #5
Title: Re: ردعلى الرسومات بقصيدة نبويةجديدةمموسقةبإيقاع الدليب
Author: منصوري
Date: 02-25-2006, 05:01 PM
Parent: #1
|
Post: #6
Title: Re: ردعلى الرسومات بقصيدة نبويةجديدةمموسقةبإيقاع الدليب
Author: bint_alahfad
Date: 02-26-2006, 10:28 AM
Parent: #5
Up
لأنى أتكسرت فى القصيده ده شديد
وصلى الله على سيدنا محمد وعلى آله وصحبه وسلم
وفى امان الله
لا اله الا الله
|
Post: #7
Title: Re: ردعلى الرسومات بقصيدة نبويةجديدةمموسقةبإيقاع الدليب
Author: منصوري
Date: 02-26-2006, 03:30 PM
Parent: #1
| Quote: لأنى أتكسرت فى القصيده ده شديد |
إنت عارفة يا أختنا الحاجة بت الأحفاد.. عاد الكسير هنا مرغوب ومطلوب ومحبوب وكلو في محبة النبي عليه السلام.عاد دا كسير حفلات والله كسير قعدات والله كسير سكسكة.إنت ما شفتي الدرويشات واحدات قاعدات يهترشن كيف؟ لكن إنت هنا كلو في النبي ومحبة النبي..
ذكرتيني في المديح في ليليات أهلنا أولاد حاج الماحي في البلد.. الرقيص اليوم داك للرجال دون الحريم .. ولما تنتهى الرقصة.. صف الرجال الواقف يقول ليهو( أخلص يا حاج) يعني إتفشا في محبة نبيك.. وصف الحريم يكون واقف طرف في الليلية يزغردن كل واحدة تزغرد لى راجلا.. والنسوان يعلقن يقولن ( وكت إنتو بي ترقصوا زي دا.. ليه محرمين علينا الرقيص في حفلات العرس؟ وفي دقات على الطار معينة تمشي مع إيقاع الدليب الرقيص فيها يكون تماماً كما لو كان بآلة طمبور..مثلاً مدحة لأولاد حاج الماحي تقول(البعاد طال منو زاد الشوق علينا... الكريم راجنو يورينا المدنية)أو مدحة( أخير يا نفسي توبي من المعاصي... راجيكي الحساب يوم القصاص) أو مدحة( أحمد صادق الميعاد..بهجة الإسياد) او مدحة( على كل يوم يزيد شوقك.. متين يا الخدرة أشوف سوقك) أو مدحة( متين يا الخدرة امشي ليكي وازور في سهوة نبيكي) الخضرة هي قبة النبي عليه الصلاة والسلام.. وغيرها وغيرها.. حتى إيقاع العرضة عندهم له رقصات أخرى وغيرو وغيرو..
دحين يا أختنا بت الأحفاد الكسير هنا عاد( نفرو براه .. )اي دا كسير من نوع تاني..ومحبوب.. وأنا أموت في الكسير الزى دا..في أمان الله..
|
Post: #8
Title: Re: ردعلى الرسومات بقصيدة نبويةجديدةمموسقةبإيقاع الدليب
Author: منصوري
Date: 02-27-2006, 03:26 PM
Parent: #1
الماعندو محبة... ما عندو الحبة
والعندو حبة محبة ما خلا الحبة...
الشيخ فرح ود تكتوك..
|
Post: #9
Title: Re: ردعلى الرسومات بقصيدة نبويةجديدةمموسقةبإيقاع الدليب
Author: نادية عثمان
Date: 02-27-2006, 04:24 PM
Parent: #8
صلى اللهم وبارك على حبيبنا المصطفى
انتو الجمال ده ماكلمتونى بيهو ليه ياناس منصوووووووووووووووووووووووووووورى ؟!!
|
Post: #10
Title: Re: ردعلى الرسومات بقصيدة نبويةجديدةمموسقةبإيقاع الدليب
Author: منصوري
Date: 02-28-2006, 06:37 AM
Parent: #1
| Quote: انتو الجمال ده ماكلمتونى بيهو ليه ياناس منصوووووووووووووووووووووووووووورى ؟!! |
الإنسانة الرائعة.. صحفيتنا نادية...
والله يا استاذة الجمال دا ما مني أنا.. الجمال دا جابتو معاها الحاجة بت الأحفاد وجات.. والبوست لما يكون صافي ناقع ممتد تتخلله خطوط أضواء تأتي الأفكار المتسلسلة وتأتي الإبداعات والذكريات الطيبة.. وإنت يا نادية مدعوة لهذا الجمال .. أنا ما قلت ليك قبل كدة إنو إنت معجونة بخٌٌمرة( ضم الخاء) الدين.. ومحبة كل الناس.. والماشايف النزعة الدينية في حركاتك ما شايف حاجة لأنك حرة وتحبي الحرية... كذلك الحاجة بنت الأحفاد هي صادقة في كل شي وهي اللي جابت الجمال دا معاها موش أنا..وموعدك معاي لحن دليب من ديوانك قريب إن شاء الله
|
Post: #11
Title: Re: ردعلى الرسومات بقصيدة نبويةجديدةمموسقةبإيقاع الدليب
Author: نادية عثمان
Date: 02-28-2006, 09:20 PM
Parent: #10
العزيز منصورى
Quote: الإنسانة الرائعة.. صحفيتنا نادية...
والله يا استاذة الجمال دا ما مني أنا.. الجمال دا جابتو معاها الحاجة بت الأحفاد وجات.. والبوست لما يكون صافي ناقع ممتد تتخلله خطوط أضواء تأتي الأفكار المتسلسلة وتأتي الإبداعات والذكريات الطيبة.. وإنت يا نادية مدعوة لهذا الجمال .. أنا ما قلت ليك قبل كدة إنو إنت معجونة بخٌٌمرة( ضم الخاء) الدين.. ومحبة كل الناس.. والماشايف النزعة الدينية في حركاتك ما شايف حاجة لأنك حرة وتحبي الحرية... كذلك الحاجة بنت الأحفاد هي صادقة في كل شي وهي اللي جابت الجمال دا معاها موش أنا..وموعدك معاي لحن دليب من ديوانك قريب إن شاء الله |
تسلم على الاريحية والكلام الطيب فى حقى اخى الاكرم ..وجزاك الله انت والحاجة بت الاحفاد عن الرسول الكريم كل خير ..وجعلنا من امته المغفور المشفوع لها يوم الدين ان شاء الله
وفى انتظار وعدك يامنصورى قريبا جدا (وجه منتظر )!
|
Post: #12
Title: Re: ردعلى الرسومات بقصيدة نبويةجديدةمموسقةبإيقاع الدليب
Author: منصوري
Date: 03-01-2006, 11:47 AM
Parent: #1
الشيخ فرح ود تكتوك قال الأجر تلاقيط) يعني الدين ماهو شدة ولا رجالة ولانتر في الصلاة.. تجي لى الله بي ضعفك يملاك قوة.. ونبينا عليه الصلاة والسلام قال( لايشادد الدين أحداً إلا غلبه) يعني لاتتحدي ولا تفترض الكمال في نفسك... وكلمة تلاقيط عند الشيخ فرح..هي من هنا شوية ومن هنا شوية الله ينميها ليك وتبقى قوة.. ولكن هذه الدنيا لامة.. وعشان كدة قال الشيخ فرح ود تكتوك( الدنيا مريسة والآخرة صفاية)
|
|