دة كلام دة يا عالم؟؟ دغت..سكري..وجع قلب = الفضائية المدفوعة من جيوب المغتربين! ((طوف و شوف))!!

الدغت
السكري
الريطوبة
القرحة
ضربة القلب
وجع الراس
وهلم جرا
ديل كلهم تورتهم لي مذيعة الفضائية السودانية في برنامج" استوديو المنوعات "حسة ما قبيل

و"تورهم" أكثر ضيفها الموقر حين قال مدللاً على بداوتنا كمجتمع سوداني "صرار وشوش"كبداوةالشاعر قبل أن تهذبه الحضارة و بعد أن هذبته:
(("كما قال الشاعر:"عيون المها بين الرصافة و الجسر..جلبن لي الهوى من حيث أدري ولا أدري"))
وأنا من حيث أدري لا من حيث لا أدري عرجت على ((قوقل بيه)) لا ألوي على شىء سوى أن أستوثق من صحة بيت الشعر الذي خلت ألا أحد"يجرؤ" على مغالطتي فيه
إلى أن هدأ روعي و اكتشفت أن الأستاذ الضيف المتخصص لخبط بيت الشعر الروعة وزاد كلمة "لي" و لربما راوده إحساس طاغ أنه الشاعر وقتئذ و أن الموصوفة حالته!!!

"الجدية في المجتمع السوداني"

كان موضوع حلقة البرنامج الذي جزمت فيه المذيعة ببسمة عريضة و لهجة حاسمة باترة واثقة أن البيت السوداني لا يتبادل فيه أفراد الأسرة عبارة"صباح الخير"ومرادفاتها
ك"أصبحتو كيف"أو"طيبين"أو"سلام جاكم"؟؟؟
بزاوية كاميرا مباغتة سألت المذيعةأحد المداخلين هاتفياً:"رأيك شنو في صرة الوش و التكشيرة الملازمة لينا نحنا السودانيين"
المداخل تليفونياً أفتى
أن الدين و الأخلاق يحتموا أن
(الزول ما يكون هازل حتى مع أولادو)
وهنا "اتكيفت" المذيعة وسألته
أنت أب يا محمد؟؟بتتعامل مع أولادك كيف؟"
فصححها مراراً:
"أي نعم أحمد أحمد أنا أحمد"
أنا بتعامل تعامل لطيف جداً معاهم عشان لازم أكون جادي جدا معاهم ما هازل"
وهنا يعلق الضيف الذي اكتشفنا أنه "دكتور" و ليس "أستاذاً"كما أظهره شريط التعريف(
من حديث الأخ "محمد"أصر الضيف إن المداخل هاتفياً هو محمد"
الموضوع مرتبط بالتربية))
الذي اتضح لي أن المذيعة و ضيفها و السادة المشاهدين في حالة خلط بيّن بين الجدية والعبوس،الجدية لا تعني "صرة الوش" بل تعني التعامل مع الحياة بقدر عالي من الكفاءة و الإنضباط والإصرار على بلوغ الأهداف بدأب و صبر و عزيمة لا تعرف الكلل..الأمر الآخر أنه لا يصح في حالة المجتمع تعميم ظواهر وإدغامها في حالات فردية أو العكس أو الإتيان بأحكام مسبقة و إطلاق الكلام على عواهنه.. ودي الحالة كل مغترب ب"يجبوا" منه رسوم تحسين فضائية!!!
وين التحسين دة؟؟
وأنا تاعبة روحي لييه؟؟؟؟البرنامج ما خلص فتابعو براكم .
أأصاب وحدي بحزمة الأمراض الستلايتية أعلاه؟
لنا

لنوية حبيبتى

انتو الدش بتاعكم مافيهو روتانا سينما ؟!! (وجه بستعبط وبيقول لى لنا انتى الوداك هناك شنو تستاهلى )!!!

Quote: لنوية حبيبتى انتو الدش بتاعكم مافيهو روتانا سينما ؟!! (وجه بستعبط وبيقول لى لنا انتى الوداك هناك شنو تستاهلى )!!!

نادية الحبيبة
عندنا روتانا بس أنا من ما رجعتا من السودان و إحساس إني مالكة للفضائية السودانية متلبسني(مش دافعة لجهاز شئون تأديب السودانيين العاملين بالخارج الشي الفلاني كرسوم فضائية؟؟؟؟؟!!!)
وحاتك يا غالية كل يوم بعد المغرب وشي مقابل الفضائية السودانية ما بغير القناة و كأن عندي فيها أسهم!
أستــــــــــــاهل..
لكن يبدو و الله أعلم"أن ما سأدفعه لعلاج أمراض ساتلايتية سيفوق ما دفعته لتحسين الفضائية السودانية"
لذلك و بناءاً على كل ما تقدم:
شلت الريموت و حولت على روتانا سينما
"وعنّي ما غمدتا عيني"!!!

الغالية لنا..

أنا كتبت ليهم: تلفزيون السودان 43 عاماً من البث التجريبي..

القيامة قامت وما قعدت

بعدين الموضة اليام دي فتح بلاغات

يعني هسة انتي مفتوح فيك بلاغ جنائي 100%..

أخي الحبيب دكتور معز
مشرف البوست

Quote: أنا كتبت ليهم: تلفزيون السودان 43 عاماً من البث التجريبي.. القيامة قامت وما قعدت

وعشان تقوم تاني حسة بقو 44 عاماً من البث التجريبي...

Quote: بعدين الموضة اليام دي فتح بلاغات يعني هسة انتي مفتوح فيك بلاغ جنائي 100%..

يا ربي بعد إدراج اللنك دة ح ترتفع النسبة لي 200%؟؟؟

تلفزيون السودان و43 عاماً من البث التجريبي..

ازيك اختنا لنا
والله بنحاول نجتهد عشان ما ننقطع عن سودانيتنا فنعمد لمتابعة بعض البرامج
بقناتنا المسكينة وبالطبع اي حاجة غير الاخبار لانها فى الغالب قدييييمة.
وتتخيلي مرة خلوني اشك فى ذاكرتني التي دائما ما افتخر بيها
د حسين عبدالله ذاته وبشحمه ولحمه امامى بالشاشة وفي عز الضهرية
الدكتور الذي درسني بالجامعة مادة علم النفس الاجتماعي
واخوك قابض الجو بانه دا استاذه وكدي وافاجأ بان المزيعة تناديه بدكتور احمد
وبقيت قدر السمسمة وطلعونى كذاب
لولا ان المخرج استدرك الامر وكتب اسفل الشاشة اسمه الحقيقي دكتور حسين
ما كنت عارف اودي وشى ويين
حتي الاسماء ما بقدروا اكتبوها اسفل المتحدثين يعنى تتابع البرنامج
حتي النهاية وما تعرف البتحدث ده منو
لنا
خلينا بعيد عن قناتنا وعافين ليهم الدفعناهو من رسوم

Quote: وتتخيلي مرة خلوني اشك فى ذاكرتني التي دائما ما افتخر بيها د حسين عبدالله ذاته وبشحمه ولحمه امامى بالشاشة وفي عز الضهرية الدكتور الذي درسني بالجامعة مادة علم النفس الاجتماعي واخوك قابض الجو بانه دا استاذه وكدي وافاجأ بان المزيعة تناديه بدكتور احمد وبقيت قدر السمسمة وطلعونى كذاب لولا ان المخرج استدرك الامر وكتب اسفل الشاشة اسمه الحقيقي دكتور حسين ما كنت عارف اودي وشى ويين حتي الاسماء ما بقدروا اكتبوها اسفل المتحدثين يعنى تتابع البرنامج حتي النهاية وما تعرف البتحدث ده منو

كان موقف مهبب لولا تدارك المخرج للأمر..وقس على هذا الإحراج!!

Quote: لنا خلينا بعيد عن قناتنا وعافين ليهم الدفعناهو من رسوم

قدر يا معاذ يا أخي الحبيب ما سألتا في جهاز تأديب المغتربين عن الرسوم دي بيسووا بيها شنو..ما ردت علي غير نظرات غاضبة ووجوه ممتعضة!!!!
عجبي

الأستاذة لنا...
للأسف البيت صحيح، وهو مقدمة أشهر قصيدة لعلي بن الجهم التي أنشدها هرون الرشيد.. ولها قصة. فعلى عهدة أبو الفرج الأصفهاني أن علي بن الجهم جيء به من البادية، فكان من بين ما أنشده الخليفة العباسي في قصيدته الأولى:
أنت كالكلب في الوفاء.....وكالتيس في قراع الخطوب
فهاج عليه من في مجلس الرشيد يريدون تأديبه، فكفهم الخليفة بهدوء، وقال لهم ما معناه أن الرجل من "الضهاري" ونزلو اللوري هسع دي.. ورجاهم أن يتركوا الرجل قليلاً في بغداد لينال شيئاً من تحضرها. فكان أن أنشده القصيدة المشهورة.

ثم تانياً..
إنتي البوديك شنو للمرض بعيونك؟ تفتحي القناة السودانية= تستحملي النتيجة.. أعملي زي وأحذفيها من الدش، يصفو لك العش... (شفت السجع دا كيف؟

Quote: الأستاذة لنا... للأسف البيت صحيح، وهو مقدمة أشهر قصيدة لعلي بن الجهم التي أنشدها هرون الرشيد.. ولها قصة. فعلى عهدة أبو الفرج الأصفهاني أن علي بن الجهم جيء به من البادية، فكان من بين ما أنشده الخليفة العباسي في قصيدته الأولى: أنت كالكلب في الوفاء.....وكالتيس في قراع الخطوب فهاج عليه من في مجلس الرشيد يريدون تأديبه، فكفهم الخليفة بهدوء، وقال لهم ما معناه أن الرجل من "الضهاري" ونزلو اللوري هسع دي.. ورجاهم أن يتركوا الرجل قليلاً في بغداد لينال شيئاً من تحضرها. فكان أن أنشده القصيدة المشهورة.

أخي الحبيب سرينادر
البيت الصحيح بدون كلمة "لي" التي أقحمها ضيف البرنامج:
عيون المها بين الرصافة و الجسر..جلبن الهوى من حيث أدري ولا أدري
فقد قال الضيف:"عيون المها بين الرصافة و الجسر...جلبن لي الهوى من حيث أدري ولا أدري"..
فأنا مغالطاهو في "لي" وليس في مناسبة القصيدة
والقصة عاليه التي أدرجتها في مداخلتك صحيحة طبعاً

Quote: ثم تانياً.. إنتي البوديك شنو للمرض بعيونك؟ تفتحي القناة السودانية= تستحملي النتيجة.. أعملي زي وأحذفيها من الدش، يصفو لك العش... (شفت السجع دا كيف؟

مش بالله؟؟
يومتا كنتا في حلتكم Dubai Media City
وكنتا بفكر للفضائية السودانية في مبنى و مستقبل زي حق الmbc
يجو بعد أيام يصدموني الصدمة دي؟؟
شكراً أخي الحبيب

Quote: وهلم جرا

عاد ( هلم جرا ) مااااااا حقتكم
لنا الغالية

أولاُ حمداً لله بسلامة الوصول
وأتمنى أن تكوني قد وجدت الأهل والأحباب وتركتيهم بكامل الصحة والعافية

وأقول ( وبرضها حقتكم )

في إجازتي العام الماضي للسودان وجدت أحد أقربائي وهو ( إداري ) قد
تخصص في تركيب الدش بصورة تجارية كعمل إضافي له . وكان برنامجه مشغول
بدرجة كبيرة . ولأن هناك الكثير ما يربطني به فقد إضطررت لمرافقته لأكثر
من منزل لتركيب الدش . الذي فوجئت به أنه لا يبرمج القناة السودانية مطلقاً .
تنبهت لذلك وظننت أن هناك خلل فني وسألته عن مغزى عدم برمجته للفضائية
السودانية فأجابني ضاحكاً

(( كنت أفعل ذلك وأضعها القناة رقم 1 كمان في الريسيفر . لكن حدث في أحد
المنازل وعند تجريبي لصاحب المنزل للقنوات التي برمجتها له وعندما رأى
الفضائية السودانية في الريسيفر غضب غضبة مضرية وهم بضربي وانتهرني قائلاً ياخي
احنا لو الــ ( --- ) دي عاجبانا كنا اشترينادش وريسفر )) لذلك ومنذ ذلك التاريخ
حرمت برمجتها لأى زبون .

ملحوظة

استعملت الــ ( --- ) بدلاً من كلمة عمنا رغم أنه ليس بها ما يخدش الحياء
فقط خوفني كلام د. معز عن القضايا و ( هلم جرا )

وفي أحوال الفضائية السودانية المضطربة..ودروبها الخربة ...أخي الحبيب عاطف..من دائماً بجانب الحق واقف....سبع ملاحظات"دي برضو حقتنا"..أرجو ألا تثير بلاغات
1. غم بعد فرحة تعم
2. ضيق يسبقه تحديق
3. تلويح بالرؤوس و من ثم حمل الفؤوس
4. ترديد الشهادة و العمل الصالح عبادة
5. مذيعة بسامة في أستوديو مرسومة على جدرانه غمامة
6. ومذيع شاهق ..لا طولاً بل قولاً
7. وضيف مسكين..رهينة في يد التمكين
ومحبتي

قبل سنوات معدودة كنت أحتسي قهوتي و أنا جالسة في رحاب الفضائية السودانية
لا أدري السر وراء شرب القهوة أثناء مشاهدتها
لربما كان الصداع الوشيك منها قابع في اللاشعور
المهم
كان هنالك برنامج يقدمه مذيع و مذيعة
المذيع لم يكن ممن اجتاحته بعد نوبات الشهيق"جمل قصيرة تعقبها شهقة فجمل قصيرة و هكذا"،
أما المذيعة فكانت تلك التي تكاد تشرق بالضحك أثناء حديثها حتى و إن لم يكن به ما يضحك...
قرأت مذيعتنا "المتمكنة" قصيدة لصلاح أحمد إبراهيم و علقت:"هذه القصيدة لصلاح أحمد إبراهيم..رد الله غربته و أعاده لوطنه سالماً".
إمتقع وجع المذيع و هو يقول لها مصححاً بلهجة يشوبها غيظ مكتوم:"لاكين صلاح أحمد إبراهيم مات الله يرحمو..""!!!
ولم تعد هذه المذيعة تظهر كثيراً إلى أن اختفت تماماً..
وأواصل

دي بسموها في السودان
قانون الجزاء أو العقوبات السوداني
إنت عملت حاجة (عفواً) أغضبت الوالدين ولا حاجة خلتك تحكمي على نفسك بهذا الجزاء
----------------------------------------------------------------
إنت عارفة لو حضرت آخر حلقة لمحمد اليلال الطيب مع
(--------------) كان على طول إنفلونزا الطيور
(أعازنا الله وإياك)
قال الضيف مولانا قال
فعلاً شعب عظيم يسوده الأقزام دائماً

Quote: دي بسموها في السودان قانون الجزاء أو العقوبات السوداني إنت عملت حاجة (عفواً) أغضبت الوالدين ولا حاجة خلتك تحكمي على نفسك بهذا الجزاء ---------------------------------------------------------------- إنت عارفة لو حضرت آخر حلقة لمحمد اليلال الطيب مع (--------------) كان على طول إنفلونزا الطيور (أعازنا الله وإياك) قال الضيف مولانا قال فعلاً شعب عظيم يسوده الأقزام دائماً

أخي الحبيب عثمان
من بركة رضا الوالدين إني لسة بكم برج مخ
بعد المداومة على المشاهدة..
بتقصد الضيف "دأأأأأأأك" الكل ما يسألوه عن حاجة إبان وزارته يقول"كنت في مصر".."كنت في بلغاريا".."ما عارف"..؟؟؟؟؟؟؟

والله ياهو ذاتو!!!!!!!!!!!!!
وكمان
حل مشاكل السودان في إزالة الطائفية
الأنصار ما بعرفوا الشيوعية
-------------------------------
قال نسيت فرشة الأسنان يا جماعة
نميري قال ليه:
You will not need it
وتم إعدامه على طول
--------------------------------
وبرضوا فخور بعمله مع مايو
قال مولانا قال
--------------------------------
إنت عارفة المشكلة ما في القناة
المشكلة فيمن يتقوقعون خلف العدسات ويترنمون بالأمية الفائقة فيما بعد أفق الإنحطاط، الكذابون الأفاكون الحاسبين الشعب أغناما وشاه
لله درك يا وطني
--------------------------------
وجانا في شكل منقذ كرفعين ضللنا
بفروة حمل لما آمنا بيه أكلنا
--------------------------------
أرحمنا يا ود البلال

و الله الاخت لنا انا ما عارف الجابركم شنو
انا لو لقيت زول في البيت فاتح السودان بشاكلو

لدرجة اني سجلت للتلفزيون حلقات متخصصة 8 حلقات
في برنامج اسبوعي طبعا ما شاهدتهم الايكلموني الناس
يقولوا لي شفناك في التلفزيون

Quote: و الله الاخت لنا انا ما عارف الجابركم شنو انا لو لقيت زول في البيت فاتح السودان بشاكلو لدرجة اني سجلت للتلفزيون حلقات متخصصة 8 حلقات في برنامج اسبوعي طبعا ما شاهدتهم الايكلموني الناس يقولوا لي شفناك في التلفزيون

أخي الحبيب والي الدين
وكما إنتا جريمتك أكبر..مسجل ليهم حلقات عن طب الأطفال..وما شفتهم بعد إذاعتهم..حسة الضمنك شنو ما يكونوا منتجوا كلامك و قولوك الما قلتو؟؟؟

Quote: والله ياهو ذاتو!!!!!!!!!!!!! وكمان حل مشاكل السودان في إزالة الطائفية الأنصار ما بعرفوا الشيوعية ------------------------------- قال نسيت فرشة الأسنان يا جماعة نميري قال ليه: You will not need it وتم إعدامه على طول -------------------------------- وبرضوا فخور بعمله مع مايو قال مولانا قال -------------------------------- إنت عارفة المشكلة ما في القناة المشكلة فيمن يتقوقعون خلف العدسات ويترنمون بالأمية الفائقة فيما بعد أفق الإنحطاط، الكذابون الأفاكون الحاسبين الشعب أغناما وشاه لله درك يا وطني -------------------------------- وجانا في شكل منقذ كرفعين ضللنا بفروة حمل لما آمنا بيه أكلنا -------------------------------- أرحمنا يا ود البلال

في لقاء الصحافة و السياسة الذي ينظم دورياً ببيت الملازمين و يخاطبه السيد الصادق..أخذ أحمد البلال فرصة للمداخلة فقال:"يا جماعة أنا ما مؤتمر وطني..الناس قايلني أنا مؤتمر وطني..لكن أنا ما مؤتمر وطني" بدون أن يكون هنالك داعي لكلامه أو مناسبة.فمالت على جليستي و قالت"حسع هو في زول غالطو؟؟؟"
حسة يا عثمان محمدين:قصدك هو مؤتمر وطني يعني؟؟؟؟

Quote: عاد ( هلم جرا ) مااااااا حقتكم

لنا كدي بعدين نرجع للمزيعة والقناة وتاديب المغتربين ( المغربلين )

حسع دي محتاجة مساعدة ولا حاجة في ناس ما حقتكم ديل

عاطف عمر كتب/

Quote: Quote: عاد ( هلم جرا ) مااااااا حقتكم

فرد ود العمدة:

Quote: لنا كدي بعدين نرجع للمزيعة والقناة وتاديب المغتربين ( المغربلين ) حسع دي محتاجة مساعدة ولا حاجة في ناس ما حقتكم ديل

يا حبيب

Quote: مااااااا

دي ما للنفي..دي

Quote: ماااااا

حقت تثبيت الكلام بلهجتنا الدارجية يعني مثلاً ممكن الزول يقول:
عاد إنتا يا ود العمدة ماااااا شكال جنس شكلللللللللل

الاخت لنا

كل الكلام القلتيهو صحيح


بس ياهو تلفزيونا ما بنقدر نخليهوا ونتفرج في غيروا

Quote: الاخت لنا كل الكلام القلتيهو صحيح بس ياهو تلفزيونا ما بنقدر نخليهوا ونتفرج في غيروا

أخي الحبيب عبدالله
هو الحقيقة الخيارات كتيرة:
منها مسك الريموت بعنف و تغيير القناة
ومنها مسك الريموت برفق و تغيير القناة
ومنها رمي الريموت
ومنها رمي التلفاز نفسه
ومنها "الإستمتال" و متابعة مشاهدة الفضائية
ومنها مشاهدة الفضائية من باب "سلمبويتنا ولا كديكاي زول"
ومنها النقد و الضغط على مسئوليها لأجل تحسين الأداء
محبتي

سلام الي الحبيبه لنا
عارفه يا لنا لو بتذكري تلك الحمله الاعلانيه التي كان يقوم بها الممثل المصري الراحل محمد رضا عن البلهارسيا)
في نهاية كل حملة توعيه يقول كل ما تدي ضهرك للترعه عمر الناموس فس جتتنا ما ترعي

اها
بس ادي ضهرك للقناه السودانيه فلا دغت لا سكري ولا حزن ولا الم
السماوات الان مليئه بالقنوات من كل جهات الدنيا فلما تلقي بنفسك للتهلكه؟
فلا تولي وجهك الي قبلة لا ترضيها وامتثلي لنصيحة محمد رضا
تحياتي لك وليعقوب

Quote: عارفه يا لنا لو بتذكري تلك الحمله الاعلانيه التي كان يقوم بها الممثل المصري الراحل محمد رضا عن البلهارسيا) في نهاية كل حملة توعيه يقول كل ما تدي ضهرك للترعه عمر الناموس فس جتتنا ما ترعي اها بس ادي ضهرك للقناه السودانيه فلا دغت لا سكري ولا حزن ولا الم السماوات الان مليئه بالقنوات من كل جهات الدنيا فلما تلقي بنفسك للتهلكه؟ فلا تولي وجهك الي قبلة لا ترضيها وامتثلي لنصيحة محمد رضا تحياتي لك وليعقوب

أخي الحبيب الصادق
يبدو أن الحل يكمن في أن نعطي ظهورنا لترعة الإعلام السوداني خشية بلهارسيا الساتالايت!!
محبتي و تقديري لمرورك الكريم

Quote: وكما إنتا جريمتك أكبر..مسجل ليهم حلقات عن طب الأطفال..وما شفتهم بعد إذاعتهم..حسة الضمنك شنو ما يكونوا منتجوا كلامك و قولوك الما قلتو؟؟؟

هو ممكن يحصلو يعملوا كدة ؟ .......... والله فكرتيني... كدة امشي اتحري في الموضوع

Salam Lana wo kolo sana wo inty 6yba
wo salmtek men al dha'3e6 wo al sokary
hak al nokat de 3ashan tad7aky ya sity
wa7ed modayen 7edr al LBC wo tab3an lebnanyat wo banat wo ragees , gam 7assa bel zanb shadeed wo masha ly shee'7 wo gal lyho ya maowlana ana 7edrta al LBC wo 7assy bel zanb al shadeed akfer 3an al zaanb da kaif , al shye'7 gal lyho 3ashan takafer 3an al zanb da owal 7agga ma ta7dar al LBC tany wo ta7da 10 sa3at men qanat al sodan


wa7da tanya
wa7da men soorya kolo ma awalada ma yesma3o kalama wo yemsho yenomo , tagool lyhom 7atamsho tanoomy wala afta7 lykom qanat al sodan
heheheh

inshAlah yeko da7akok
salam
Fe Aman ALah
Rawan

العزيزة بت المهدي عبدالله

انا كان محيرني السكري دا جاني وين !!!!! فيك الخير والبركة

الحمد لله انا اتوقفت من مشاهدة القناة السودانية والا كان جاني الدغت ذاتو.

تفتكري المرور عليها خمس ثواني كل 6 شهور بيسوي حاجة؟

العزيزه لنا

سلام

جزاك الله خير يادوب أنا عرفت الكلوسترول الضار المرتفع عندى ده سببه شنو أتاريه من المعاينه و التبحلق فى تلفزيون الجن ده.

Quote: قال نسيت فرشة الأسنان يا جماعة نميري قال ليه: You will not need it وتم إعدامه على طول ¿

وهكذا كان يحكم السودان

الاهي يورينا فيهم يوما اسودا فى الدنيا قبل الاخرة.

الضغط كان فى السماء مساء الجمعة من تلك الحلقة المههبه و الضيف العميل لمصر ( حسب إعترافه بنفسه).

قال قاضى قال.

up