Post: #1
Title: بهية الرسمية والشرعية ذهب وحنـاء واحمر شفاه بلا قيود؟؟
Author: هشام هباني
Date: 02-17-2006, 08:42 AM
بالامس وانا عائد الي البيت من رهق الرزق الصعب في بلاد العم سام لاتناول كوبا من القهوة ليعطيني ( دفرة) نشاط وحيوية وبعدها اواصل استئناف ذات النزف اليومي المرير....وجدت بنتي (نضال) فاغرة فاهها مبحلقة في تلفزيون السودان ( الرسالي) وهي صائحة(واواواواواو) وتشير الي ان اسرع قبل فوات اللقطة....وهي شامتة في وتقول لي: (ياابوي كل يوم مكرهنا السودان..والحالة صعبة والناس فقرانة .. والناس جوعانة... تعال شوف الملكة ولا الاميرة السودانية دي؟؟ ) وفي ذات الوقت انضمت ( ام احمد) عندما سمعت صراخ وولولة بنتها نضال مسرعة لتلحق ( اللقطة)...وايضا ما ان وقعت عين (ام احمد) علي هذه الانثي السودانية (اللقطة) حتى رمقتني بعين شامتة وهي تقول تقول لي نضال وكفاح وفقر شوف النسوان في بلدنا مروقات ومعنكشات بالدهب كيفن.. يا زول البلد ما كويسة شديد؟؟) وما ان وقعت عيني علي السيدة ( اللقطة) وهي في كامل حلتها وهيئتها الرسميةوالانثوية وتبرج بلا قيود وكانت ايضا هي ثالثة الاثافي في هذه الحلقة كما كانت مثلها في الزمان التعيس وهي ذاتها الانثي ( تالتهم) والتي وضعت خازوق الخوازيق في خاصرة الشعب السوداني... ليؤمنا السفهاء والقوادون وليقطع ويصلب البؤساء والفقراء ويشنق المناضلون الشيوخ ويترك اللصوص الكبار والفاسدون... وهاهي اليوم في (ربـــــــة) جديدة وبمكياج جديد لزوم( واما بنعمة ربك فحدث) وهي الدين والتبرج والاسراف بلا قيود في وطن ينزف جهلا وفقرا ومرضا وهوسابلا قيود وقوات الاحتلال قد تجاوزت الحدود؟
فقلت لنضال وامهاولله في خلقه شئون) ؟؟
|
Post: #2
Title: Re: بهية الرسمية والشرعية ذهب وحنـاء واحمر شفاه بلا قيود؟؟
Author: هشام هباني
Date: 02-17-2006, 09:10 AM
Parent: #1
سالتني (ام احمد) بتعجب: طيب ياخوي معاك حق ...لكن الحكاية شنو زول مسئول رسمي وفي تلفزيون عام وبناقش قضية حساسة لزومو شنو البهرجة الشديدة وكمان المستفزة لمشاعر الناس الفقرانة والجوعانة دي؟؟؟
قلت لها: انت عارفة الليلة الدنيا خميس ...... تكون ماشة بعد الحلقة دي بيت عرس ولا ماتم ولا بيت طهور ولا نفاس ولا رايك شنو؟؟
واجابت (ام احمد): والله الا كان كده
|
Post: #3
Title: Re: بهية الرسمية والشرعية ذهب وحنـاء واحمر شفاه بلا قيود؟؟
Author: هشام هباني
Date: 02-17-2006, 09:43 AM
Parent: #2
قبل دقائق اتصلت بي قريبة لي وقد قرأت البوست وهي تقول لي بالحرف الواحد : شفته يا هشام الغويشة اللابساها دي قدر شنو...اول مرة اشوف لي غويشة بالشكل ده زي العربية المصفحة ولا الدبابة بتاعة الديش؟؟
فأجبتها: انت عارفة يا قريبتي تكون دي اول دقة لغويشة في السودان اسمها ( اليخت الرئاسي)؟؟
فضحكت وقالت: والله الا كان كدة نحيا ونشوف.............انتهي
|
Post: #4
Title: Re: بهية الرسمية والشرعية ذهب وحنـاء واحمر شفاه بلا قيود؟؟
Author: ABDELMAGID ABDELMAGID
Date: 02-17-2006, 02:42 PM
Parent: #3
ود هبانى اخوى
نهارك سعيد
عليك الله شفت جنس ( القهاره ) دى ...و ما تنسى كمان انو البرنامج اسمو ( بلا قيود ) ..
عبدالماجد
|
Post: #5
Title: Re: بهية الرسمية والشرعية ذهب وحنـاء واحمر شفاه بلا قيود؟؟
Author: Kostawi
Date: 02-17-2006, 02:43 PM
Parent: #3
up
|
Post: #6
Title: Re: بهية الرسمية والشرعية ذهب وحنـاء واحمر شفاه بلا قيود؟؟
Author: هشام هباني
Date: 02-17-2006, 03:22 PM
Parent: #5
عبد الماجد اخوي وكوستاوي العزيز
تاني النسمع قرد اكلمنا عن تبرج الجاهلية........و(القهارة) العينك عينك دي تقولوا عليها شنو .........عالم ما بيختشوش..........والمصيبة انها كانت ثالثة الاثافي في مهزلة قوانين سبتمبر...عالم ما يختشوش.....هاك الحشمة دي؟؟
|
Post: #7
Title: Re: بهية الرسمية والشرعية ذهب وحنـاء واحمر شفاه بلا قيود؟؟
Author: Saifeldin Gibreel
Date: 02-17-2006, 03:41 PM
Parent: #6
يا ودهبانى دى اسمها ببدا بحرف الباء وبنتهى بالتاء المربوطة
|
Post: #8
Title: Re: بهية الرسمية والشرعية ذهب وحنـاء واحمر شفاه بلا قيود؟؟
Author: هشام هباني
Date: 02-18-2006, 11:14 AM
Parent: #1
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
|
Post: #9
Title: Re: بهية الرسمية والشرعية ذهب وحنـاء واحمر شفاه بلا قيود؟؟
Author: ABDELMAGID ABDELMAGID
Date: 02-19-2006, 01:23 AM
Parent: #8
دى مستشارة الفلاشا و لا غيرا .... صاحبة عوض الجيد ( العوض هوى !! ) و النيل و المكاشفى و فؤاد الأمين و كبيرهم الذى علمهم السحر ( حسن ) المعضوض بفأر ( تلميذه ) نافع ابو شلوخ ( سيد الأشباح )..
كسره :
هاك ( الحنه ) دى ... و دقة الترابى ( اوبس ) ..اليخت الرئاسى ...
عبدالماجد
|
Post: #10
Title: Re: بهية الرسمية والشرعية ذهب وحنـاء واحمر شفاه بلا قيود؟؟
Author: هشام هباني
Date: 02-19-2006, 12:08 PM
Parent: #9
عبد الماجد اخوي
هازول ات اظنك مودر ولا حلمان ساكت..........ما اظنها تكون الزولة دي الحرمة بتاعة الشريعة ظاااااطها.........هي الشريعة دي فيها احمر شفايف كتير كدي وحنا مدنكلة كدي ودهب لبك لبك كدي...ولله في خلقه شئون؟
|
Post: #11
Title: Re: بهية الرسمية والشرعية ذهب وحنـاء واحمر شفاه بلا قيود؟؟
Author: ABDELMAGID ABDELMAGID
Date: 02-20-2006, 02:13 AM
Parent: #10
ود هبانى اخوى
صباحك سعيد
انت الشغل ال فى ( شلاليف ) الوليه العامله فيا مستشاره دى و عامله فيا ( جاهله ) ما ( يتكبر ) ده أحمر شفايف و لا أسود شفايف ...
كسره :
يا خوى ما مشكله كان الإجابه فيا صعوبه ممكن نستنجد بالنيل ابو قرون او المكاشى او عوض الجيد او فؤاد الأمين او الترابى و كان كلهم طلعوا ( فشوش ) ممكن نستعين بتوجيهات الإمام النميرى رضى الله عنه نقلا عن تلميذه ( حسن ) معضوض الفأر ...
عبدالماجد
|
Post: #12
Title: Re: بهية الرسمية والشرعية ذهب وحنـاء واحمر شفاه بلا قيود؟؟
Author: هشام هباني
Date: 02-20-2006, 12:29 PM
Parent: #11
عبد الماجد اخوي
ات يا زول اظنك متخلف ات من زمن ( دق الشلاليف) يا زول الزمن ده زمن عجايب؟
والله انا المحيرني كيفن الشريعة دي تكون جات من الدامة ( المتبرجة) دي...زمن نحيا ونشوف وقالوا الاستحوا ماتوا؟؟
|
Post: #13
Title: Re: بهية الرسمية والشرعية ذهب وحنـاء واحمر شفاه بلا قيود؟؟
Author: ABDELMAGID ABDELMAGID
Date: 02-20-2006, 10:49 PM
Parent: #12
ود هبانى اخوى
انت ازول ( بحلقة ) الكمبيوتر الكتيرة خلنك ما بتشوف و لا شنو ... بقولك الوليه داقينلا ( شلوفتا ) عديل كدى !!!!!
كسره :
اظهر انو انت ركزت فى ايدين الوليه ( المكنكشه ) دهب و غويشات التقول عليو ( صير !!! ) شوايات المورده !!!!
عبدالماجد
|
|