Post: #1
Title: الفنان كاظم الساهر ..مدينة لك بالكثير أيها البلبل العراقى ..وشكرا للمستبدة ايمان!!!
Author: نادية عثمان
Date: 02-13-2006, 04:50 PM
ايمان
ابنتى
بحكم مولدها فى مصر ونشأتها الاولى ..فهى مصرية اللهجة ..
تتحدث ب(ماما التلك ماشفتوش ..مااعرفوش ..مابحبوش ..مابكلوش ..لوش ..لوش ..)الخ !!
وبذلت قصارى جهدى لتتحدث مثلى بلهجة سودانية وليست مصرية مثل ابيها الذى ولد وترعرع فى مصر هو الاخر !!
اللهجة المصرية لااعتراض لى عليها ..وقد وعيت عليها منذ الصغر ايضا من خلال الدراما التلفزيونية المصرية التى تتوفر بكثرة من خلال اعلامنا ..ولكن ماضايقنى هو ان والدى لايفهم من حديث ايمان شئيا عندما نهاتفه فى الخرطوم بحرى الشعبية (لفة صيدلية السنجك) لنطمئن عليه ..تأخذ ايمان السماعة (جدو ازى صحتك دلوقتى ..ماقولتليش عملت ايه فى الدواء اللى التلى انك ماتعرفوش ..وماتاخدوش )!! ويبدأ مسلسل ال(اوش) وتنتهى المكالمة ويضيع الرصيد دونما فائدة !!
اليوم سمعتها تغنى لكاظم الساهر
بلغة عربية فصحى
وتقول فى نهاية الاغنية ومنتصفها
(يامستبدة) كما يقول كاظم فى اغنيته !!
سألتها ..ايمان انتى عارفة مستبدة يعنى شنو ؟!!
(ايوة ياماما يعنى اللى تحب تكوش على كل حاجة) !!
زى بعضه!!
المهم ان ايمان ابنتى الدنقلاوية المصرية الميلاد ..الافريقية الملامح ..تنطق العربية وتردد اغنيات كاظم الساهر بكل فصاحة نزار قبانى وتردد..بى فهم ..يامستبدة !!
|
Post: #2
Title: Re: الفنان كاظم الساهر ..مدينة لك بالكثير أيها البلبل العراقى ..وشكرا للمستبدة ايمان!!!
Author: Adil Osman
Date: 02-13-2006, 05:13 PM
Parent: #1
نادية
سلامات.. تحياتى لبنتك ايمان المستبدة
|
Post: #3
Title: Re: الفنان كاظم الساهر ..مدينة لك بالكثير أيها البلبل العراقى ..وشكرا للمستبدة ايمان!!!
Author: نادية عثمان
Date: 02-13-2006, 05:37 PM
Parent: #2
عادل عثمان (ود ابوى وامى زاتها ياخ)!!
ماعارفة اشكرك كيف والله
ياعادل والله انت انسان حلو من جواك شديد خلاص
ويامستبدة ياايمان ..دقيقة امشى اناديها تغنى مع كاظم وتصلح لغتها العربية اكتر واكتر
وياكاظم الساهر تسلم من كل شر يارب
|
Post: #4
Title: Re: الفنان كاظم الساهر ..مدينة لك بالكثير أيها البلبل العراقى ..وشكرا للمستبدة ايمان!!!
Author: نادية عثمان
Date: 02-13-2006, 06:45 PM
Parent: #3
وتغنى ايمان لكابلى
(أحلى من لؤلؤة بضة صيدت من شطء النهرين )
وكانت تردد اولا (لؤلؤة بطة)
ثم عدلتها وعرفت المعنى !
|
Post: #5
Title: Re: الفنان كاظم الساهر ..مدينة لك بالكثير أيها البلبل العراقى ..وشكرا للمستبدة ايمان!!!
Author: نادية عثمان
Date: 02-13-2006, 07:21 PM
Parent: #4
وتغنى مع ود الأمين(اولاد اب جويلى ) وتنطقها قويلى ..!! تعجبها الاغنية ولم تسألنى من هم (اولاد اب جويلى) !!
(من هم صحى )؟!!(وجه ماعارف)!!
|
Post: #6
Title: Re: الفنان كاظم الساهر ..مدينة لك بالكثير أيها البلبل العراقى ..وشكرا للمستبدة ايمان!!!
Author: عبد الغفار عبد الله المهدى
Date: 02-13-2006, 07:33 PM
Parent: #1
ندويه اللذيذه العزيزه
كل عيد حب انت وايمان وباباها على قولها تكون بخير والف خير
انتى عارفه اول ما جيت مصر كنت بضايق من الجلجل او ناس الجاليه الهنا البتكلموا مصرى
وبعد فتره اكتشفت ان لغوة المصريين مؤثره فينا لقوة مدهم الاعلامى علينا عشان كده لما تتكلم مع مصرى بقوليك بتؤل ايه مع اننا نتحدث الدراجه افضل منهم
فما بالك بايمان المولوده هنا يعنى جلجلايه ما تزعلى وهى كمان الجميل فيها هو انها بتسمع وتحفظ لكاظم الساهر
والله ان كمان بقولو كتر خيرك اجنا على العملتو معبت بت عثمان
وعوافى اندويه
|
Post: #8
Title: Re: الفنان كاظم الساهر ..مدينة لك بالكثير أيها البلبل العراقى ..وشكرا للمستبدة ايمان!!!
Author: نادية عثمان
Date: 02-13-2006, 07:54 PM
Parent: #6
الغالى عبد الغفار المهدى
| Quote: وبعد فتره اكتشفت ان لغوة المصريين مؤثره فينا لقوة مدهم الاعلامى علينا عشان كده لما تتكلم مع مصرى بقوليك بتؤل ايه مع اننا نتحدث الدراجه افضل منهم |
دى حقيقة وانا زاتى لما بتكلم مع مصرى ولامصرية بلقى لسانى قلب غصبا عنى طوالى .. من عاشر القوم ياسيدى ..!!
كل عيد حب وانت بالف خير وتقبل التحايا من ايمان وابوها (الجلاجل) ههههههههه
|
Post: #7
Title: Re: الفنان كاظم الساهر ..مدينة لك بالكثير أيها البلبل العراقى ..وشكرا للمستبدة ايمان!!!
Author: Adil Osman
Date: 02-13-2006, 07:39 PM
Parent: #1
ندوية. شكرآ على "تشقيقى" . كنت اخوك ود ابوك.. الان بقيت شقيقك.. أو شأيئك على قول ايمان.
اغلى من لؤلؤة بطّة لايمان المستبدة!
|
Post: #9
Title: Re: الفنان كاظم الساهر ..مدينة لك بالكثير أيها البلبل العراقى ..وشكرا للمستبدة ايمان!!!
Author: نادية عثمان
Date: 02-13-2006, 09:17 PM
Parent: #7
شقيقى لزم عديل كده عادل عثمان مختار
ايمان لؤلوتى البطة ترسل لك باحر التمنيات القلبية وبتقول ليك (متشكرة اوى ياخالو عادل وانت ليه مابتجيش الكاهرة ؟)!!
|
Post: #10
Title: Re: الفنان كاظم الساهر ..مدينة لك بالكثير أيها البلبل العراقى ..وشكرا للمستبدة ايمان!!!
Author: نادية عثمان
Date: 02-13-2006, 09:51 PM
Parent: #9
من اراد (تصليح) لغة ابنائه ولغته العربية فعليه بالكابلى وكاظم الساهر !
|
Post: #11
Title: Re: الفنان كاظم الساهر ..مدينة لك بالكثير أيها البلبل العراقى ..وشكرا للمستبدة ايمان!!!
Author: Yasir Abdulhai
Date: 02-14-2006, 00:08 AM
Parent: #10
اختي الغالية جداً ..ندوية
وهذا ألق جديد من ندوية المرهفة التي عودتنا دائما ان تسري كالنسمة في حنايا المشاعر .. وهذه المرة انداحت المشاعر .. أمومة رقراقة نحو إيمان الزهرة المشرقة التي خرجت كالنور والبلور من بين الميسم والطالع .. دعيها تقطف الزهر وتتنسم الفل من كل رياض الدنيا .. فهي في نهاية المطاف ستكون ابنتنا ايمان الدنقلاوية السودانية الأصيلة بت .. محمد .. وندوية بت عثمان
ولك ولها وله الود والتحية
ومن عمار وعلاء وسماهر وأمهم الف تحية
ياسر
|
Post: #21
Title: Re: الفنان كاظم الساهر ..مدينة لك بالكثير أيها البلبل العراقى ..وشكرا للمستبدة ايمان!!!
Author: نادية عثمان
Date: 02-14-2006, 02:57 PM
Parent: #11
ياسر الغالى
ياااااااااااااه اخيرا ظهرت ياابو عمار ؟!!
بركة انك بخير
Quote: اختي الغالية جداً ..ندوية
وهذا ألق جديد من ندوية المرهفة التي عودتنا دائما ان تسري كالنسمة في حنايا المشاعر .. وهذه المرة انداحت المشاعر .. أمومة رقراقة نحو إيمان الزهرة المشرقة التي خرجت كالنور والبلور من بين الميسم والطالع .. دعيها تقطف الزهر وتتنسم الفل من كل رياض الدنيا .. فهي في نهاية المطاف ستكون ابنتنا ايمان الدنقلاوية السودانية الأصيلة بت .. محمد .. وندوية بت عثمان
ولك ولها وله الود والتحية
ومن عمار وعلاء وسماهر وأمهم الف تحية
ياسر |
الله عليك
اعرف ان لك لغة ساحرة مؤثرة ولكنك تبخل على (خلق الله ) بها (وش فرحان) الا انا طبعا (وجه بعين غامزة)!!
اسمعنى انا عايزاك فى موضوع مهم لاقينى على الماسنجر بعد ماتسلم لى على عيالك الحلوين وامهم الجميلة سمح؟
|
Post: #12
Title: Re: الفنان كاظم الساهر ..مدينة لك بالكثير أيها البلبل العراقى ..وشكرا للمستبدة ايمان!!!
Author: منصوري
Date: 02-14-2006, 01:21 AM
Parent: #1
الله يخليك ليها.. ويخليها ليك..الباقي هين بيتعالج..ولوش دي بي تنتهي يوماً ما..
|
Post: #23
Title: Re: الفنان كاظم الساهر ..مدينة لك بالكثير أيها البلبل العراقى ..وشكرا للمستبدة ايمان!!!
Author: نادية عثمان
Date: 02-14-2006, 03:26 PM
Parent: #12
الشفيف الموسيقار منصورى
يسعدنى مرورك من هنا ايما سعادة والله
| Quote: الله يخليك ليها.. ويخليها ليك..الباقي هين بيتعالج..ولوش دي بي تنتهي يوماً ما.. |
لا كلو الا (اللوش) بتفضل فى اللسان زمن طويل خلاص اسالنى انا (وجه ماتعرفوش)!!
|
Post: #13
Title: Re: الفنان كاظم الساهر ..مدينة لك بالكثير أيها البلبل العراقى ..وشكرا للمستبدة ايمان!!!
Author: ود المايقوما
Date: 02-14-2006, 02:03 AM
Parent: #1
|
Post: #24
Title: Re: الفنان كاظم الساهر ..مدينة لك بالكثير أيها البلبل العراقى ..وشكرا للمستبدة ايمان!!!
Author: نادية عثمان
Date: 02-14-2006, 07:30 PM
Parent: #13
الاخ الكريم ود المايقوما (حلة ناس عبده خالى)
تسلم على المرور الباهى
وهدية من ايدك مقبولة وايمان بتقول ليك (ميرسى) خالص ياعمو ود المايقوما !
|
Post: #14
Title: Re: الفنان كاظم الساهر ..مدينة لك بالكثير أيها البلبل العراقى ..وشكرا للمستبدة ايمان!!!
Author: ايوب عبدالرحيم
Date: 02-14-2006, 02:05 AM
Parent: #1
[I]الاستاذة القديرة نادية.....
اولا : اسمحي لي ان اعبر لكي عن كامل تقديري واحترامي لقلمك الساحر
ثانيا : سرناقمندو
لو ما عرفتي معنى الكلمة دي اسالي ( ابو ايمان ) عن معناها .
تحياتي للامورة ايمان وربنا يخليها ليكي
عارفة يا نادية موضوع تنشئة الابناء خارج البلد موضوع كبير وخطير لانه يظهر تاثرهم الكبير بالبيئة العايشين فيها وجهلهم لكثير من معالم وكلمات بلدهم والدليل ( اوش )
بس لها من ناحية تانية ايجابيات كبيرة منها اكتسابهم لثقافات واجتماعيات متنوعة
عموما ربنا يخليها ليكي
وبمناسبة كاظم الساهر وقباني يا ريت انتي وايمان تشرفونا بحضوركم هنا :
استمتعوا بمذاق قهوة الصباح مع نزار قباني ....
لانه في موضوعات وصور كثيرة لنزار وكاظم ويا ريت تستمتعو فيها .....
اول مداخلة لي معكي استاذة نادية واتشرف بذلك طبعا
وتسلمي وايمان وابو ايمان من كل شر
مودتي .....
|
Post: #25
Title: Re: الفنان كاظم الساهر ..مدينة لك بالكثير أيها البلبل العراقى ..وشكرا للمستبدة ايمان!!!
Author: نادية عثمان
Date: 02-14-2006, 09:00 PM
Parent: #14
الاكرم ايوب عبد الرحيم
كمبو شديد
ان هال مندى ؟
سعدت بمرورك الباهى يااخى الاكرم والله وبمداخلتك الحنينة وساذهب للاستمتاع مع قهوة نزار وكاظم
وارجو ان تدوم المواصلة بيننا فى الخير دوما يارب
|
Post: #15
Title: Re: الفنان كاظم الساهر ..مدينة لك بالكثير أيها البلبل العراقى ..وشكرا للمستبدة ايمان!!!
Author: نهال كرار
Date: 02-14-2006, 03:50 AM
Parent: #1
يا سلاااااااام
إيمان ذوقها جميييل جدا
بتحب كاظم , خلاص أنا وهي بقينا صحبات 
|
Post: #27
Title: Re: الفنان كاظم الساهر ..مدينة لك بالكثير أيها البلبل العراقى ..وشكرا للمستبدة ايمان!!!
Author: نادية عثمان
Date: 02-15-2006, 08:07 AM
Parent: #15
نهااااااااااااااااااااااااااااااااال الغالية
تسلمى ياحبيبة والزوق الجميل عندك انت والله
ايمان بتقول ليك ..متشكرة اوى ياابلة نهال وكاظم الساهر اصل اغنياته حلوة خالص..
|
Post: #16
Title: Re: الفنان كاظم الساهر ..مدينة لك بالكثير أيها البلبل العراقى ..وشكرا للمستبدة ايمان!!!
Author: bashir adam abdalla
Date: 02-14-2006, 04:38 AM
Parent: #1
الاخت نادية والامورة المستبدة ازيكم
والله يا نادية دي ضريبة المهجر عموما
وبتعاني منها كل الجاليات السودانيه
الغربه..لكن معا اصرار التحدث بالسوداني
معا ابنائنا بالتاكيد حيجيب نتيجه
كل الود..
|
Post: #28
Title: Re: الفنان كاظم الساهر ..مدينة لك بالكثير أيها البلبل العراقى ..وشكرا للمستبدة ايمان!!!
Author: نادية عثمان
Date: 02-15-2006, 11:17 AM
Parent: #16
الاكرم بشير ادم عبد الله
Quote: والله يا نادية دي ضريبة المهجر عموما
وبتعاني منها كل الجاليات السودانيه
الغربه..لكن معا اصرار التحدث بالسوداني
معا ابنائنا بالتاكيد حيجيب نتيجه |
ومااكثر ضرائب وجبايات المهجر يااخى !!
لااعتراض ان يتحدث الابناء بلهجة البلد التى ولدوا وترعرعوا فيها ولكن القول قولك لابد من ان يكون هؤلاء الاطفال ملمين ولو بالقليل من لهجة بلادهم المحلية وهذا مانسعى اليه..
|
Post: #17
Title: Re: الفنان كاظم الساهر ..مدينة لك بالكثير أيها البلبل العراقى ..وشكرا للمستبدة ايمان!!!
Author: طارق جبريل
Date: 02-14-2006, 04:41 AM
Parent: #1
استاذتنا الفاضلة نادية
التحية لايمان عبرك
والله فكرتيني بي مشكلتي بنتي (ريم) كلامها كله مغربي ومرات كتيرة انا بكون مسطح معاها.. شفتي وجعة اكتر من دي...
الله يجازي الكان السبب وخلانا مرقنا من السودان..
|
Post: #29
Title: Re: الفنان كاظم الساهر ..مدينة لك بالكثير أيها البلبل العراقى ..وشكرا للمستبدة ايمان!!!
Author: نادية عثمان
Date: 02-15-2006, 01:16 PM
Parent: #17
الاكرم طارق جبريل
Quote: والله فكرتيني بي مشكلتي بنتي (ريم) كلامها كله مغربي ومرات كتيرة انا بكون مسطح معاها.. شفتي وجعة اكتر من دي...
الله يجازي الكان السبب وخلانا مرقنا من السودان.. |
لاحولاااااااااااااااااااا
مغربى؟
لا كان كده الله يكون فى عونك جد جد
المغربى ده اهلو زاتو بفهموا كيف انا ماعارفة والله(وجه محتار)!!
|
Post: #18
Title: Re: الفنان كاظم الساهر ..مدينة لك بالكثير أيها البلبل العراقى ..وشكرا للمستبدة ايمان!!!
Author: انعام عبد الحفيظ
Date: 02-14-2006, 04:57 AM
Parent: #1
ندويه
كل عام وانتي الحب
ربنا يخلي ليك ايماااااااااااااااااان وابو ايمان على قولك (الجلاجل)
|
Post: #19
Title: Re: الفنان كاظم الساهر ..مدينة لك بالكثير أيها البلبل العراقى ..وشكرا للمستبدة ايمان!!!
Author: khaleel
Date: 02-14-2006, 05:33 AM
Parent: #18
تحياتي
ام ايمان
كاظم فعلا فنان
كبير ومنضبط
وحتي كلباتو مع الحسنوات
ناس سلاف فواخرجي
وحنان ترك
وبعدين
اوعي من حافية القدمين
|
Post: #31
Title: Re: الفنان كاظم الساهر ..مدينة لك بالكثير أيها البلبل العراقى ..وشكرا للمستبدة ايمان!!!
Author: نادية عثمان
Date: 02-15-2006, 05:42 PM
Parent: #19
الاكرم خليل
Quote: كاظم فعلا فنان
كبير ومنضبط
وحتي كلباتو مع الحسنوات
ناس سلاف فواخرجي
وحنان ترك
وبعدين
اوعي من حافية القدمين |
شهادة طيبة فى حق الرجل
فعلا كاظم الساهر كبير بفته الراقى جدا
تقبل تحيات ايمان المستبدة اوى!!
|
Post: #30
Title: Re: الفنان كاظم الساهر ..مدينة لك بالكثير أيها البلبل العراقى ..وشكرا للمستبدة ايمان!!!
Author: نادية عثمان
Date: 02-15-2006, 02:52 PM
Parent: #18
الحبيبة انعام عبد الحفيظ
نعومة السكرة
وكل عام حب وانتى حبيبة وبالف خير
ايمان بتسلم عليك وبتقول ليك ..ماقلولتليش رايك فى كاظم الساهر ياابلة انعام !!!
|
Post: #20
Title: Re: الفنان كاظم الساهر ..مدينة لك بالكثير أيها البلبل العراقى ..وشكرا للمستبدة ايمان!!!
Author: Dr.Abbas Mustafa
Date: 02-14-2006, 11:56 AM
Parent: #1
المحترمة الاستاذة نادية ,,,
وابنتك الجميلة خاطف ثقافتين ,, هذه اضافة ,,
وفي يوم قال لي ابني الصغير انه مضطر ,, وضغط على الضاد والطاء طويلا لتخرج من حلقه معبرة عما يعانيه ,, هو مضطر ( يحكي ) بست لغات في مدرسته الخليجية المتعددة الثقافات ,, هو مضطر ( يحكي ) بالعربي واللبناني!! والسوري!! والمصري بجانب الفرنسي والانجليزي , (الانغليزي , الانقليزي , الانكليزي ) .. هو في البيت لسان سوداني ولكنه خالي تماما من عيوب القاف والغين والظاء والسين والذال وهي الاسباب (الطيرت) السودانيين من الكثير من الوظائف التي تتطلب التواصل اللغوي مثل التدريس ,, اما في المدرسة فهو يتواصل مع كل بلغته وقد تعلم اخيرا لغة الاوردو وشيئا من لكنة الهنود للتعامل مع 80 بالمائة من سكان الخليج .. تحياتي وربنا يكبر بتك الحلوة
|
Post: #32
Title: Re: الفنان كاظم الساهر ..مدينة لك بالكثير أيها البلبل العراقى ..وشكرا للمستبدة ايمان!!!
Author: نادية عثمان
Date: 02-15-2006, 06:44 PM
Parent: #20
الاكرم د. عباس مصطفى
Quote: وابنتك الجميلة خاطف ثقافتين ,, هذه اضافة ,,
وفي يوم قال لي ابني الصغير انه مضطر ,, وضغط على الضاد والطاء طويلا لتخرج من حلقه معبرة عما يعانيه ,, هو مضطر ( يحكي ) بست لغات في مدرسته الخليجية المتعددة الثقافات ,, هو مضطر ( يحكي ) بالعربي واللبناني!! والسوري!! والمصري بجانب الفرنسي والانجليزي , (الانغليزي , الانقليزي , الانكليزي ) .. هو في البيت لسان سوداني ولكنه خالي تماما من عيوب القاف والغين والظاء والسين والذال وهي الاسباب (الطيرت) السودانيين من الكثير من الوظائف التي تتطلب التواصل اللغوي مثل التدريس ,, اما في المدرسة فهو يتواصل مع كل بلغته وقد تعلم اخيرا لغة الاوردو وشيئا من لكنة الهنود للتعامل مع 80 بالمائة من سكان الخليج .. تحياتي وربنا يكبر بتك الحلوة |
سعيدة جدا بهذه الاريحية يادكتور والله
وربنا يكون فى عون ابنائنا الصغار لانهم فعلا بيتعبوا اكتر مننا فى حكاية اللغات واللهجات دى خاصة لما يكون معاهم فى المدرسة اصحاب من مختلف الجنسيات !!
عموما هى مراحل يتعلم فيها الابناء ثقافات اخرى كما قلت وهذا مفيد لهم جدا دون شك..
|
Post: #22
Title: Re: الفنان كاظم الساهر ..مدينة لك بالكثير أيها البلبل العراقى ..وشكرا للمستبدة ايمان!!!
Author: عبد الله عقيد
Date: 02-14-2006, 03:08 PM
Parent: #1
نادية
بالله داسّة مننا إيمان دي وين من زمان
سلميلي على العسولة إيمان
وقولي لي ليها خطبناك لي جعلي مستعرب امسو مشعل
وبعدين الوصية دي من شاعر عربي
ليت هندا أنجزتنا ما تعد
وشفت أنفسنا مما تجد
واستبدت مرة واحدة
إنما العاجز من لا يستبد
قول ليها خليك مستبدة
ولك التحية
|
Post: #33
Title: Re: الفنان كاظم الساهر ..مدينة لك بالكثير أيها البلبل العراقى ..وشكرا للمستبدة ايمان!!!
Author: نادية عثمان
Date: 02-15-2006, 07:12 PM
Parent: #22
الرائع عبد الله ود عقيد
Quote: ليت هندا أنجزتنا ما تعد
وشفت أنفسنا مما تجد
واستبدت مرة واحدة
إنما العاجز من لا يستبد |
الله عليك ياخى
عليك الله نزل القصيدة كلها عشان ايمان وام ايمان يستمتعوا ويحفظوها كمان !!
|
Post: #26
Title: Re: الفنان كاظم الساهر ..مدينة لك بالكثير أيها البلبل العراقى ..وشكرا للمستبدة ايمان!!!
Author: sumah
Date: 02-14-2006, 11:43 PM
Parent: #1
Quote: اليوم سمعتها تغنى لكاظم الساهر
|
****
*****
انت اسع بتسمعي في منو??
***
|
Post: #34
Title: Re: الفنان كاظم الساهر ..مدينة لك بالكثير أيها البلبل العراقى ..وشكرا للمستبدة ايمان!!!
Author: نادية عثمان
Date: 02-16-2006, 06:38 AM
Parent: #26
sumah
طبعا حيرتنى عديل .. انا قعدت اقول متين لبست السماعات ديل واصورت بيهم ونسيت !!
اقايتو حكمة الله التكنلوجيا دى والله
| Quote: انت اسع بتسمعي في منو?? |
بسمع فى زاد الشجون
|
Post: #35
Title: Re: الفنان كاظم الساهر ..مدينة لك بالكثير أيها البلبل العراقى ..وشكرا للمستبدة ايمان!!!
Author: طارق جبريل
Date: 02-16-2006, 07:09 AM
Parent: #1
لاحولاااااااااااااااااااا
مغربى؟
لا كان كده الله يكون فى عونك جد جد
المغربى ده اهلو زاتو بفهموا كيف انا ماعارفة والله(وجه محتار)!!
اختنا الفاضلة نادية
امال لما تشوفيها شغالة فرنسي نضيف حا تقولي شنو..
والله اخوك بقطعها في مصارينه ويسكت
|
Post: #36
Title: Re: الفنان كاظم الساهر ..مدينة لك بالكثير أيها البلبل العراقى ..وشكرا للمستبدة ايمان!!!
Author: نادية عثمان
Date: 02-16-2006, 07:19 AM
Parent: #35
طارق جبريل سلام
Quote: امال لما تشوفيها شغالة فرنسي نضيف حا تقولي شنو..
والله اخوك بقطعها في مصارينه ويسكت |
عارف؟
احلى حاجة لمن يعقدونا عيالنا بسماحة لغتهم وثقافتهم العالية ..الزول مابتمنى السمح الا لجناهو ومابتمنى زول يبقى احسن منو الا جناهو موش كده ولاايه بقى ؟!!
|
Post: #37
Title: Re: الفنان كاظم الساهر ..مدينة لك بالكثير أيها البلبل العراقى ..وشكرا للمستبدة ايمان!!!
Author: طارق جبريل
Date: 02-16-2006, 07:32 AM
Parent: #36
بتنا الغالية نادية
سمح الوليدات ما مابنو علا طرطيشتنا وسطهم لامن يخلونا مقهيين صعبة خلاس..
على فكرة الشعبية دي فيها اهل والدتنا ناس ابودية بتاعين ثنائي العاصمة الله يرحمه..
يعني جيرانكم خيلاني انا والقلب النابض شفتي كيف
|
Post: #41
Title: Re: الفنان كاظم الساهر ..مدينة لك بالكثير أيها البلبل العراقى ..وشكرا للمستبدة ايمان!!!
Author: نادية عثمان
Date: 02-17-2006, 09:21 AM
Parent: #37
النبيل طارق جبريل
Quote: على فكرة الشعبية دي فيها اهل والدتنا ناس ابودية بتاعين ثنائي العاصمة الله يرحمه..
يعني جيرانكم خيلاني انا والقلب النابض شفتي كيف |
بالله هى القلب النابض (الظلامية ) دى قريبتك ؟(وجه ماكاان عارف)!!
وبعدين كمان اهلكم ناس شنة ورنة والله ناس ابو دية سمعتهم زى الجنيه الدهب ..
لكن انتو الشعبية شمال ولاجنوب ؟
|
Post: #38
Title: Re: الفنان كاظم الساهر ..مدينة لك بالكثير أيها البلبل العراقى ..وشكرا للمستبدة ايمان!!!
Author: Eng. Mohammed al sayed
Date: 02-16-2006, 08:23 AM
Parent: #1
| Quote: (لفة صيدلية السنجك) |
يعني يا إيمان جدو جاري
.....................................................................................
تحياتي لإيمان,ول(سنجك400) د/أحمدالسيد
|
Post: #43
Title: Re: الفنان كاظم الساهر ..مدينة لك بالكثير أيها البلبل العراقى ..وشكرا للمستبدة ايمان!!!
Author: نادية عثمان
Date: 02-17-2006, 12:01 PM
Parent: #38
الاكرم محمد السيد
| Quote: يعني يا إيمان جدو جاري |
ايمان بتقول ليك ياعمو هو جدو بيمشى بالعافية حايجرى ازاى ؟!! (وجه فاهم لكن ايمان مافهمت انو جارى يعنى حيطة بالحيطة )!!!
|
Post: #39
Title: Re: الفنان كاظم الساهر ..مدينة لك بالكثير أيها البلبل العراقى ..وشكرا للمستبدة ايمان!!!
Author: sumah
Date: 02-16-2006, 10:48 PM
Parent: #1
****
| Quote: حكمة الله التكنلوجيا دى والله |
دى حكمة والله وحكاية ..
ادهشتنى من البداية..
انت بتتكلمى جد..
نسيتى لمن اخدته ليك الصورة دى.
وانا بسالك انتى بتسمعى فى شنو..
اكتشفت انك بتغنى مع الباشكاتب وهو بقول..
******
|
Post: #40
Title: Re: الفنان كاظم الساهر ..مدينة لك بالكثير أيها البلبل العراقى ..وشكرا للمستبدة ايمان!!!
Author: مدثر محمد ادم
Date: 02-16-2006, 11:28 PM
Parent: #39
الرائعة نادية
انا لي قريب ثلاث سنوات وما بعرف بتكلم مصري
ولكن بحب كاظم واحب واعشق اكثر بنتك ايمان
مع حبي لي ايمان
تيف تف
|
Post: #45
Title: Re: الفنان كاظم الساهر ..مدينة لك بالكثير أيها البلبل العراقى ..وشكرا للمستبدة ايمان!!!
Author: نادية عثمان
Date: 02-17-2006, 06:41 PM
Parent: #40
مدثر محمد ادم
Quote: انا لي قريب ثلاث سنوات وما بعرف بتكلم مصري
ولكن بحب كاظم واحب واعشق اكثر بنتك ايمان
مع حبي لي ايمان
تيف تف |
بالغت والله
ثلاثة سنوات فى القاهرة وانا وايمان بتى ماعارفين ؟!!!
|
Post: #44
Title: Re: الفنان كاظم الساهر ..مدينة لك بالكثير أيها البلبل العراقى ..وشكرا للمستبدة ايمان!!!
Author: نادية عثمان
Date: 02-17-2006, 03:19 PM
Parent: #39
sumah
Quote: نسيتى لمن اخدته ليك الصورة دى.
وانا بسالك انتى بتسمعى فى شنو..
اكتشفت انك بتغنى مع الباشكاتب وهو بقول.. |
والله كده بصدق بعد ده ياخ !!!!
|
Post: #46
Title: Re: الفنان كاظم الساهر ..مدينة لك بالكثير أيها البلبل العراقى ..وشكرا للمستبدة ايمان!!!
Author: نادية عثمان
Date: 02-17-2006, 09:02 PM
Parent: #42
نهاااااااااااااااااااااااااال الغالية
ايمان بتقول ليك (ميرسى) اوى اوى ياابلة نهال ربنا يخليك لبابا وماما يارب ..
اما ام ايمان فبتقولك ..ماتختفيش وبانى على الشاشة عشان وحشانى اوى اوى (وجه عاوج لسانو وعامل فيها مصرى ولكن هو مامصرى )!!
|
Post: #47
Title: Re: الفنان كاظم الساهر ..مدينة لك بالكثير أيها البلبل العراقى ..وشكرا للمستبدة ايمان!!!
Author: طارق جبريل
Date: 02-18-2006, 08:25 AM
Parent: #1
بالله هى القلب النابض (الظلامية ) دى قريبتك ؟(وجه ماكاان عارف)!!
وبعدين كمان اهلكم ناس شنة ورنة والله ناس ابو دية سمعتهم زى الجنيه الدهب ..
لكن انتو الشعبية شمال ولاجنوب ؟
الفاضلة نادية كيفنك
القلب النابض بنت خالي رسمي وشعبي..
والله انا ما بعرف ياتو شعبية فيهم انا كنت بركب من ميدان ابو جنزير ولمن يصل اجزخانة الشعبية بعد محطة واحدة بنزل بلقى ناس خالي في وشي طوالي...
تحياتي..
|
Post: #48
Title: Re: الفنان كاظم الساهر ..مدينة لك بالكثير أيها البلبل العراقى ..وشكرا للمستبدة ايمان!!!
Author: نادية عثمان
Date: 02-18-2006, 09:39 AM
Parent: #47
| Quote: ولمن يصل اجزخانة الشعبية بعد محطة واحدة بنزل بلقى ناس خالي في وشي طوالي... |
اسمها محطة الجامع فبل المركز الصحى بشوية كده ؟!!
لو دى يبقى قبل بيتنا بشوية !!
|
Post: #49
Title: Re: الفنان كاظم الساهر ..مدينة لك بالكثير أيها البلبل العراقى ..وشكرا للمستبدة ايمان!!!
Author: نادية عثمان
Date: 02-18-2006, 10:43 AM
Parent: #48
ولد صغيرونى جاء طازة من السودان وبقى يتكلم مصرى
قال لوالدته
ماما ..الاديسة شربت اللبن اوللللللللللللللللللللللللللو !!!
دى مانكتة دى بالجد !!
ال هوية ال!!!
|
Post: #50
Title: Re: الفنان كاظم الساهر ..مدينة لك بالكثير أيها البلبل العراقى ..وشكرا للمستبدة ايمان!!!
Author: عبد الله عقيد
Date: 02-18-2006, 11:02 AM
Parent: #1
| Quote: وعامل فيها مصرى ولكن هو مامصرى |
بس تفاح كوميثري..
كِدة كِدة..
|
Post: #51
Title: Re: الفنان كاظم الساهر ..مدينة لك بالكثير أيها البلبل العراقى ..وشكرا للمستبدة ايمان!!!
Author: نادية عثمان
Date: 02-18-2006, 11:13 AM
Parent: #50
يخربنى التفاح الكوميثرى ده لاطقتو لاسمعت بيهو ..اجنا هووووووووووى انت اتحنكشتا فى دول الخليج دى ولاشنو ؟ 0وجه يشتهى التفاح الكومثرى ده )!!
عامل قال سعودى ..سعودى ..لكن هو سودانى !!!
وكده كده .........
|
Post: #52
Title: Re: الفنان كاظم الساهر ..مدينة لك بالكثير أيها البلبل العراقى ..وشكرا للمستبدة ايمان!!!
Author: محمد الامين محمد
Date: 02-18-2006, 03:43 PM
Parent: #1
ناديه بوسي لي ها الاموره(يعني جضميها من شدقتها)
هذا الكاظم حطم قلوب الكبار قبل الصغار اسمعيها بغداد اسمعيها اغاني كاظم القديمه واسمعي معها
|
Post: #53
Title: Re: الفنان كاظم الساهر ..مدينة لك بالكثير أيها البلبل العراقى ..وشكرا للمستبدة ايمان!!!
Author: نادية عثمان
Date: 02-18-2006, 05:07 PM
Parent: #52
محمد الامين محمد
| Quote: يعني جضميها من شدقتها |
انجليزى ده يامرسى ؟(وجه ضاحك لمن حنكو واجعو )!!
|
Post: #54
Title: Re: الفنان كاظم الساهر ..مدينة لك بالكثير أيها البلبل العراقى ..وشكرا للمستبدة ايمان!!!
Author: نادية عثمان
Date: 02-26-2006, 10:42 PM
Parent: #53
يامستبدة !!
|
Post: #55
Title: Re: الفنان كاظم الساهر ..مدينة لك بالكثير أيها البلبل العراقى ..وشكرا للمستبدة ايمان!!!
Author: نادية عثمان
Date: 02-27-2006, 12:13 PM
Parent: #54
أنتى التى اسميتها تاج النساء
اقسى على قلبى ومزقيه لو اساء
الويل لى
يامستبدة
الويل من خنجر طعن المودة
الويل لى
كم نمت مخدوعا على تلك المخدة
الويل لى
من فجر يوم ليتنى ماعشت بعده
يامستبدة
انى اعانى
انى اموت
انى حطام
حاشاك عمرى
ان افكر بانتقام !!!
|
Post: #56
Title: Re: الفنان كاظم الساهر ..مدينة لك بالكثير أيها البلبل العراقى ..وشكرا للمستبدة ايمان!!!
Author: نادية عثمان
Date: 02-27-2006, 06:12 PM
Parent: #55
انيسة
لو راتها الشمس
ماطلعت من بعد رؤيتها
يوم على أحد !!
الكابلى يافنان !!
|
Post: #57
Title: Re: الفنان كاظم الساهر ..مدينة لك بالكثير أيها البلبل العراقى ..وشكرا للمستبدة ايمان!!!
Author: نادية عثمان
Date: 02-28-2006, 09:38 PM
Parent: #56
من اجل صغيرتى المستبدة !
|
|
