Post: #1
Title: سفارة السودان بالرياض
Author: خالد العطا
Date: 02-12-2006, 05:57 PM
في زيارة قصيرة جدا لمدينة الرياض لانهاء بعض الاعمال
قادني جوازي قصير العمر (الوحيد والله اعلم الذي يتم تجديده كل سنتين ) الي حي السفارات بالرياض ولزيارة السفارة السودانية وتجديد الجواز رغم انني قاطع علاقتي مع السفارة والقنصلية في جدة منذ قدومي الي المملكة لانني ببساطة اسافر للسودان سنويا واقوم بدفع الضرائب الباهظة والزكاة الجبرية والحاجات الاخرى الماعرفها. في السودان وكل ذلك خوفا مما اسمعه عن الاخوات (السفارة واختها الشاحبة القنصيلة بجدة ) وكنت اتوقع ان اجد المبنى كئيبا كمثل مبني جدة ولاكن خاب ظني فالمبني جميل وراق ويشرف كمان المهم الملاحظة الوحيدة التي لفتت انتباهي اعلان في الاستقبال ينبه مراجعي السفارة الى الالتزام بالزي المشرف سواء الزي الوطني او الافرنجي وشكا لي موظف الاستقبال من ان بعض السودانين ياتي للسفارة وهو ينتعل (السفنجة وبعضهم بالعراقي والسروال . كذلك لفت انتباهي اعلان عن فرصة للدراسة عن بعد في جامعة النيلين وجماعة القراءن وفرص اخرى في كليات متعددة وهي فرصة للجميع وبشروط ميسرة جدا ..................
|
Post: #2
Title: Re: سفارة السودان بالرياض
Author: ghariba
Date: 02-12-2006, 06:19 PM
Parent: #1
اخوي خالد
مرحب بيك
وبتعريفك المحايد عن السفارة بالرياض
|
Post: #3
Title: Re: سفارة السودان بالرياض
Author: الحارث سرالختم عبد الله
Date: 02-13-2006, 02:43 PM
Parent: #2
الأخ غريبـــــة تحياتى
ياخى اخبار الضرائب او المساهمه شنو سمعت قالوا لغوها ارجو الأفادة لأنو
عندى كم سنه لو وراء عايزة تسديد ولك الشكر.
|
Post: #4
Title: Re: سفارة السودان بالرياض
Author: خالد العطا
Date: 02-13-2006, 05:27 PM
Parent: #2
الاخ غريبة
سعيد جدا بطلتك البهية على البورد ومن متابعتي للمنتدى اعرف اهتمامك بالسفارة وانك قريب جدا من السفارة . كما انني توقعت ان التقي بك في السفارة رغم انني لا اعرفك ولم نتقابل ابدا ورغم ذلك سالت احد العاملين بالسفارة منك وهو الاخ مجاهد سكرتير الملحق العسكري تحياتي الى ان نلتقي
|
Post: #5
Title: Re: سفارة السودان بالرياض
Author: سيد محمد احمد سيدنا
Date: 02-14-2006, 07:04 AM
Parent: #1
اخونا خالد العطا0000000000 شكرى للموضوع
لو سكنت جده او المدينه او مكه كنت بتغير الجواز والجنسيه
هناك كثيرين لا يفرقون بين الحى فى ضواحى السودان والاماكن
المقدسه وبعضهم ينوم ويقوم ويمشى الصلاه غير عابىء بسمعة
الوطن بالعراقى والسفنجه والاسوء شفافيه اللبس غير الغبار
المتكون على الارجل0
وهناك الاسوء لو عرجت على بعض الاحياء تجد تكدس البعض امام
البوفيهات او المحال التجاريه غير عابئين0
اخى الحارث نحن نحارب لارجاع الضرائب احسن لينا من اعفاء
العفش المستعمل انت لسع تسال؟
تحياتـــــــــــــــى
ســـــــيد مســــى
|
Post: #6
Title: Re: سفارة السودان بالرياض
Author: albagir altahir
Date: 02-14-2006, 09:18 AM
Parent: #1
يا ابو النسب شنو تجي الرياض وما تتصل علينا
ناس جدة شردوك عديل كدي منهم
والله ديل تباريهم بخلوك تدق خروج نهائي من السودان
وموضوعك ده اسع علقته عليهو في بوست محمد احمد محمد سيدنا ده
يا خي الجواز تنوم وتصحي تلقاهو انتهي
تمشي السفارة يملصوك ما دايرة اتنين تلاته
|
|