ممكن نضحك شويه

اسمعو و اقرو عن الاخوة المساطيل ...........

- اسمعو دى جديييييييدة لنج واحد (طبعا مسطول) جابو للقاضى وهو لسسسسسسسسسه في باقي خرمه قال ليو لو قلت لى عشره حاجات بتعملا من الصباح بتبدا بى حرف با بخليك قام بسرعه شديدة قال ليوبجيبها بختها بفتفتها بلفها بولعهابشربها بتكيف بتسطل بطفيها بنوم



- مسطول شييييييييييين
خطب ليهو واحدة وقاعد يشرح ليها في ظروفو
- انت عارفة انا اعتمدت على نفسي من صغير
كنت بشتغل وبقرا
وفي الجامعة برضو
وبعد داك بديت شغل في السوق بامكانياتي
وما اعتمدت علي اي زول
يعني باختصار
خلقت نفسي براي
قامت عاينت ليهو من فوق لي تحت وقالت
(انا ذاتي قلت دي ما خلقة ربنا)

- ادرووووووب مسطول سايق تاكسى فى الصين كل ما يأشر ليهو صينى يقول ليهو هسة دى مانزلتك

وكمان واحد شايقي مسطول سألوهو الخروف عملتوا فيهو شنو ؟ قال: اللحم أكلنا والراس عملنا باسم والكرعين كوارع والجلد مصلاية ... وكان في طريقة (باااااع) زاتا كان عملناها نغمة للموبايل

-كمسرى مسطول ماشى فى جنازة بيقول يا جماعة الجنازة فضيا قدام

-
سباك مسطول مشى عرس حلف مافي زول ينقط


-
شافع مسطول قال لي صاحبه : قول اتنين ؟؟ قال صاحبه : اتنين !! قال : عربية ابوك مقربعه


واحد مسطول مسكوا ناس الامن وسالوه,انت شارب؟
قال ليهم انا زول مؤمن وحافظ القران والحمد لله
قالوا ليهو:طيب سمع لينا سورة النمل؟
المسطول بعد ما حك راسه سالهم ياتو فيهم ابو ريش والا عادى؟

-مسطول سالوهو شنو الفرق بين الرقشه والكارو؟
قال الكارو:الحمار بي بره ..
والرقشه: الحمار بي جوه......



مسطول متفلسف سألوة
إنتربول يعني شنو؟
قال ليهم يعيني كفر جواني

- مسطول بيضرب بوهية
قالو ليهو خت جريدة تحتك
قال: لا لا كدة محصل


-أنصار سنه مشو رحلة
الأولاد مشو الجريف شرق
والبنوت مشو الجريف غرب


-سأل كوز: إيه مواصفات فتاة أحلامك؟
قال: عاوزا والعياذ بالله زي شكيرة!


-شايقيه راجلها اتاخر قالت لامها الراجل دة يكون عرس فينى امها قالت ليها اتفالى خير يا بتي يمكن ضربتو عربيه.................


ممرضة مسطوله خشت على المريض وهو نايم ورشتو بالموية قام مخلوع وقال ليها في شنو
قالت ليهو أصحى مواعيد الحبوب المنومة



-مسطول بيقول لصاحبه ( اتصدق انك شبه الحمار ) قاله ( ياجدع قول ماشاء الله)



سالوامسطول ما هو الفرق بين الحيره والدهشة ,
فقال الحيره ان يختوك فى دائره ويقولو ليك اقيف فى الركن ,والدهشه هى انك تجد الركن .




-مسطول غرق في تنكر المويه..صاحبو مشى استناهو يطلع من الماسورة
-
-
-
-
-

ألف مرحب بالأخ إيهاب

وشكرا على كل هذا المرح

Quote: -سأل كوز: إيه مواصفات فتاة أحلامك؟ قال: عاوزا والعياذ بالله زي شكيرة!

شـكـرا يا ايهاب شـكـرا علي الضـحك مـن القلب ..

كـلهم ضـحكـوني شـدبد لكـن ديـل أكـتر...


- ادرووووووب مسطول سايق تاكسى فى الصين كل ما يأشر ليهو صينى يقول ليهو هسة دى مانزلتك

دي أكـتر...

وكمان واحد شايقي مسطول سألوهو الخروف عملتوا فيهو شنو ؟ قال: اللحم أكلنا والراس عملنا باسم والكرعين كوارع والجلد مصلاية ... وكان في طريقة (باااااع) زاتا كان عملناها نغمة للموبايل

مـني

Quote: ادرووووووب مسطول سايق تاكسى فى الصين كل ما يأشر ليهو صينى يقول ليهو هسة دى مانزلتك

ايهاب نميري

لكن دي رهيييييييييييييييييييييييييييييييييييبه

صباح الخير عليكم هاكم دي

واحد كان بسطل عاملين معاه لقاء بمناسبة تركه للسطلة ، قالوه أطلب أغنية في نهاية اللقاء ، قاليهم : ونعود تااااني





تقول لي سليتك..
تقول لي جفيتك...
تقول لي عفصتك..
بعفصك وبعفص حنانك
دبايب عقارب تداعب بنانك..
وكيفن هو حالك؟؟
سالت التمرجي البطاطس بيعادي؟؟!!
تخيل تجاهل وقبل لي غادي!!
مساطيل عاملين امسية شعريه

بعد الترحيب يا أخونا إيهاب نميري، نكاتك حلوة حلاوة سيدها ياوجيه إنت لكن قول لي حكايتك شنو مع المساطيل يازول؟

عزالدين آدم علي

و ترحيبا بالأخ إيهاب نواصل الضحك مع عالم المساطيل


************************************************** *****************************
مسطول سالوهو منو من الانبياء كان بتكلم مع الحيوانات قال ليهم طرزان
************************************************** ********************************
· اثنين مساطيل .. راكبين عربية الأول سايق والثاني راكب ورا .. الراكب ورا سطل سطلة شديدة .. ماشين في شارع النيل .. السايق شاف الشجرة (مضروبة جير أبيض نصها التحت) أفتكرها عسكري حركة .. راح واقف .. لما شافها شجرة ضحك وطلع طوالي .. بعد مسافة الثاني من ورا .. قال ليه .. التافه دا قال ليك شنو ؟
************************************************** *******************************

· واحد مسطول قالو ليهو مراسل الجزيرة مات فى العراق قال ليهم هو المرقو من مدني شنو
************************************************** *******************************
· مسطول سايق عربية وراكب جنبو صاحبو قام قال ليهو لف يمين فرد عليه المسطول وقال ليه لف انت انا سايق.
***************! *********************************** **********************************

· غراب مسطول جالس في شجرة بياكل في قطعة جبنة الثعلب وقف تحت الشجرة وقال ليهو غني لينا ياغراب الغراب طلع الجبنة وختاها جنبو في الشجرة وقال للثعلب انت قايلني غراب سنة رابعة العوير الزمان داك
************************************************** ************************************
· فلاتي مسطول بيضرب في تركين كارب، كل ما ياكل ليهو لقمة يلحس صوابعه ويقول : هلو لكن أفن
************************************************** ***********************************
· مسطول قاعد فى البيت والكهرباء قاطعة طبعا فاتح الشبابيك جات طيرة دخلت من الباب وخرجت من الشباك بحلق فيها كدا قال ليها يعنى عملتى شنو
************************************************** ***********************************
· مسطول قال : بعد ما رفعت الفاتحة إتذكرت إنهم أقباط ، قمت رشيتهم بـ يا أيها الكافرون
************************************************** *************************************
· واحد قال لي مسطول أنا بردان من المك! يف... قال ليهو تشرفنا وأنا علي محمود من عطبره
************! ******** ****************************** ************************************
· واحد مسطول سال ناس بيتهم جيرانا ديل ضابحين ولا شنو قالو ليهو ليه قال ليهم ريحة الابرى ده شنو
************************************************** *************************************
· فيه اثنين محششين مسافرين وقفوا عند محطة نزل واحد منهم وقال اخوه : شو اجيبلك ؟ قال له : أي شي .... راح جاب لنفسه عصير ولاخوه قلم
************************************************** ***********************************
مسطول يعدل في موبايلو بعد إضافة الرقم 9

ا9حمد
ن9وال
ب9در
ط9لال
ع9ثمان

حلوه يا عمده تاني عليك الله تاني

الاعتذار للشوايقة

ادروب سألو تمش الجنة والا النار قال ليهم الشوايقة ماشين وين ؟؟ قالو ليهو ماشين النار قال خلاس بامش معاهم النار يا ادروب الكلام ده كيييف بس؟؟ قال ليهم: الشوايقة ديل ما بمشو حتة الا يكون فيها كّدة ولا منفعة



شايقي لقو بدق في اولاده الاتنين - سالو مااالك - قال لقيتهم فاتحين المروحة في تلاتة وهم كلهم اتنين بسسس



شايقي دخل مع ابليس في جمعية . . . شال الصرفة الاولى وقال بسم الله


شايقية عجوز في محو الأمية.... سألتها المدرسة: قولي لي جملة فيها إدغام بغنة ؟
قالت ليها : عمن يعميك



شايقي قال لابوه : ابوي عايز اكمل دراستي بره . . ابوه قال ليهو مافي مشكلة خلي امك تفرش ليك السرير في الحوش بس اوعى البرد ما يطقك


واحد شايقي جاتو ليلة القدر قالو ليه اي حاجة دايرة بتتحقق ليك بشرط انه الجعلي جارك تتحقق ليه نفس الحاجة مرتين قال ليهم قدو لي عيني


قالو ليكم شايقي قاعد قدام قبر ويبكي بكاء شديد
الجماعة شافو ليك وقالو الشايقي ده مجنون ، ما عارف القبر ده حق الجعلي .. قامو قالو ليهو هاااااااااااا زول نعل ما في عوجة انت ما عارف القبر ده قبر الجعلي
قال ليهم :آي بالحيل عارفوا قبر الجعلي ... لكن أنتوا ما سمعتوا البكاء بعذب الميت ... عشان كده أنا ببكي عشان الجعلي أتعذب أكثر وأكثر



كان في شايقي راكب في مركب في النيل ومعاهو ابوهو وامو وناس تانيين غيرم وما كان في زول بيعرف يعوم غير الشايقي دا اها قامت المركب غرقت في نص البحر والشايقي ما عندو طريقة يمرق معاهو غير زول واحد بس اها قام الشايقي مرق معاهو واحد غير ابوهو وامو لما جا مارق في القيف الناس سالوهو انت كيف تخلي ابوك وامك وتمرق الزول الغريب ؟؟ رد عليهم: نان ماني طالبو!!!

شايقي عندو سبعة اولاد سما نفسو سفن اب


شايقيتين ماشين الحج اول مرة يمشو المطار فى مطار الخرطوم شمو ليهم ريحة ما حلوة واخدة سالت اختها الريحة دى شنى قالت ليها ما تفضخينا امكن فى طيارى ميتى


الشايقي في القطر ينبح ويعيط
نحن الشوايقة وحبوبتنا مهيرة و و و
الجعلي جنبه قام يقول
نحن الجعليين ولاد المك نمر -- هيع هيع ويحمر في الشايقي
احتكموا للرباطابي : أيهم أحسن
الرباطابي : قال لهم والله يا جماعة
الرباطاب جدهم جاب له ولدين تيمان كمان
ربيط وبريط
ربيط دا جدنا نحن الرباطاب
وبريط دا جد البريطانيين الفي لندن



نكات من مختلف القبائل


واحد حلفاوي معارض للحكومة نزل أجازة بعد مدة للسودان أول ما وصل صالة الوصول عجبتو شديد
قال والله هكومة دا ما كعبه .. عاين فوق لقي أيات قرأنية معلقة في الصالة في كل فجة قال أييييه والله
هكومة تلعت دين ناس وعلقتو في الهيطة ..



واحد حلفاوي ما بصلي ولا بعرف الجامع محلو ووين حنسو اصحابوو شديد يجي مرة يصلي معاهم
المهم يوم كدا صادف يوم الجمعة قال يمشي يصلي صلاة الجمعة قام مشي الجامع من بدري قبال الأذان
وصل الجامع لقي ناس جماعة الدعوة والتبليغ شارين هدومهم وشادين حلة الغدا قام رجع بيتو سألوه
مالك جيت راجع قال والله الجامع قلبوا بيت عزابة ..



حلفاوي طلبت المحكمة منه شي يثبت ملكيته للبيت
جاب لهم صورته وهو يغسل الحوش!!



حلفاوى عندو مسجد صغير جنب بيتو الناس بيصلو عندو جارو جعلى عمل ليه مسجد الناس كلها مشت مسجد الجعلى الحلفاوى زهل شديد كتب فى المسجد تخقيضات هائله الظهر والعصر والمغرب ركعتين ركعتين والجمعه اجازة رسمية



حلفاويه راكبه القطر قالو ليها لمن تصلى أبوحمد خشمك عندك ماتنضمى إقوموا إرزعوك بى كلمه ملتدليها قالت ليهم سمح ياوليداتى والحاجه دخلت فى نومه عميقه واساعه أربعه صباحاً القطر وقف فى محطه فتحت الشباك شافت ليها بت صغيره شايله شاى وتكورك شاى بى لبن قالت ليها تعالى يابتى شايك ده بى لبن شنو البت قالت ليها لبن عشر الحاجه إستدركت قالت ليها سجمى دى أبوحمد البت قالت ليها لا دى أبوظبى


رباطابى نادى بنت صغيره بتبيع بيض قال ليها يابت البيضه بى كم قالت ليهو بخمسميه قال ليها لى شنو أصلو جدادتكم دى بتلد فى الدايات

إلى الذين لم يسطلوا بعد .. خمسييييين


1/ واحد صعيدي شغال في شركة بتاعة طرق وجسور ووظيفته بس يرسم الخط الأبيض
المتقطع البيفصل الشارع الماشي من الجاي قام اليوم الأول كمل 5 كلم ..
قاموا صرفوا ليهو حافز تاني يوم رسم 3 كلم .. اليوم التالت رسم كيلومتر
واحد بس ... قام المهندس ناداهو قال ليهو يا هريدي إيه اللي حصل لك ...
بقى عشان ماحنا كافئناك تقوم تبطل شغل ؟ قال له يا باشمهندس ... أنا
فين والعلبة فين !!!؟


2/ كان في واحد مشىالمستشفى يزور صاحبه وبعد ما اتونس مع صاحبه سأله منو دا اللي معاك في الاوضة فقاله دا واحد صيني عيان ابوه امبارح فقال خليني اسلم عليهوه بالمرة واول ما وصل جنبه قام الصيني يصرخ "شون شا شووكما شنن شاو" فصاحبنا قال دا شكله بيموت وكلامو دا شكلو وصيته >فقام وكتب الكلمات اللي قالها عمك الصيني وبالفعل بعدها بشوية مات الصيني وجاء اهله علشان يستلموا الجثة فراح صاحبنا سلمهم الوصية وسالهم عن اللي قاله فقالوا له ان الصيني كان بيقول: "ابعد يا زول انت واقف على انبوبة الاوكسجين

3/ عمك حلفاوي قديم جاي من البلد لقي واحد من الحلفاويين اولاد الخرطوم
قال ليه بتعرف ترطن؟ قال ليه بفهم بس لكن ما بعرف اتكلم ...قال ليه
شايلين منك الزيرو؟

4/ فى واحد تمارين الهلال تمارين الهلال المشجعين
قاعدين برة بتفرجو على التمرين فقام واحد كورك للمحترف البرازيلى
ايمرسون يا اميرسون يا ميرسون فقام اميرسون اتلفت عليه
مشجع تانى قال للجمبو بالله البرازيلى دة بعرف عربى؟؟؟؟؟؟

5/ مسطولين واقفين فى برج عالى
الاول فقال للتانى :- اسمع هسة انا اذا نطيت من البرج دة بصل الواطـة بعد كم؟
التانى قال ليه : - بتصل بعد تلاتة يوم
داك قال ليه :- اها وبموت؟
التانى :- تلاتة يوم بدون اكل وشراب اكيد ح تموت

6/ واحد مسطول قاعد جنب سقالة البنطون , والبنطون بدا في الحركة
جات حاجة كبيرة شايلة قفتة وماشه سريع , قالت ليهو هي ياولدي
البنطون ده بالفاء , قال ليها .. يا حاجة البنطون ده بالباء ؟؟؟

7/ واحد مسطول سألوه مالك زعلان ولا شنو ؟ قاليهم لا بس الوالد شوية متوفي

8/ مسطول وقف تاكسى .. و قال للسواق: " يا إبن
"..العم .. تودينى وين .. و أدفع ليك كم ؟
.. بتاع التاكسى زاتو طلع مسطول
".. فقال ليه : " أنزل هنا و أدفع البتدفعه

9/مسطول سالوهو منو من الانبياء كان بتكلم مع الحيوانات
قال ليهم طرزان:

10/ واحد مسطول شايل لوح ثلج وتعبان بيفتش فيه واحد سأله
ما لك يا زول قال ليه بينقط وبشوفه مقدود من وين

11/ اثنين مساطيل .. الأول قال للتاني .. القطر دا مهم ليه ؟
رد عليه .. عشان تحتو خطين

12/ اثنين مساطيل .. راكبين عربية الأول سايق والثاني راكب ورا .. الراكب
ورا سطل سطلة شديدة ..
ماشين في شارع النيل .. السايق شاف الشجرة (مضروبة جير أبيض نصها
التحت) أفتكرها عسكري حركة .. راح واقف .. لما شافها شجرة ضحك وطلع
طوالي ..
بعد مسافة الثاني من ورا .. قال ليه .. التافه دا قال ليك شنو ؟

13/ مسطول نايم في الحوش .. أمو بتصحي فيهو .. يا ولدي قوم الشمس طلعت ..
قال ليها : دخليها وأقفلي الباب .


14/ في مسطول قال لي زميلو: أمبارح اليوم كلو بالي مشغول
رد عليهو زميلو : يمكن يكون في زول رافع السماعة

15/ واحد مسطول سايق عربية قام صدم عامود عاين وراه و لقى دم على العامود
نزل ربط العامود بي شاش و مشى

16/واحد مسطول قال لصاحبه.. ارسم على ظهري مربعات .. ورقمها من 1 الى 20
لما خلص ..قال ليهو " حُـك لي المربع رقم 15

17/ واحد مسطول جا يطلع بي باب العربية لقى المطر صابة طلع بالباب التاني

18/ مساطيل قالو عايزين يعملوا مظاهرة ضد أمريكا، قام لبسوا واحد صورة بوش
و حرقوه

19/ واحد مسطول قاعد جنب ابوهو الاب قال لي ولدو يا ولد جيب لي مويه اشرب
الولد ابي وعمل مصهين المسطول قال لي ابوه ده ولد قليل ادب امشي اشرب
وجيب لي معاك يا ابوي

20/ بتين وقفوا ليهم بتاع ركشة مسطول وقالوا ليهو ماشين المنشية
قاليهم خلاص امشوا لكن ما تتأخروا

21/ واحد مسطول رجع بيتهم ما قادر يفتح الباب نادى لي ولدو قالو مين ؟رد
عليه انا ابوك الباب ما فتح معاي، قالو ارسل ليك المفتاح ؟ رد لا
المفتاح معاي رسلى لى خرم الباب

22/ في مسطول قاعد جنب ست شاي: قالت ليهو : أديك جبنا؟؟؟
قال ليها: والله ما عارف، لكن الجداد جا نزل الطوب حسي ومشي

23/ مسطول قامت ليهو حبه في عينو وقف قدام المراية وقال : دي (ع) وله (غ) أصلو ؟

24/ مسطول سأل مسطول: أمك حية ؟ قاله : لأ عقرب .. قا له لأ قصدي عايشة !؟ قاله لأ فاطمة

25/ مسطول صلي الصبح ركعة واحدة المعاهوا استغربوا لما رفعوا المصلاية لقوهو خاتي ورقة كربون

26/ له جناحين ولا يطير ! له عينين ولا يشوف! له رجلين ولا يمشي ! فما هو ؟!!
عصفور ميت

27/ إتنين لقو ليهم بيضة في طريق القطر بقو يتغالطو واحد بيقول دي بيضة
دجاجة والتاني بقول لأ بيضة حمامة ، جا واحد مسطول ماري بيهم سألوه دي
بيضة شنو ؟ قاليهم لقيتوها وين ؟ قالو في سكة القطر ، شال البيضة عاين
ليها كدة وشمّاها قاليهم دي عايزة ليها كلام ، دي بيضة قطر

28/ مسطول سألوه ما هي قمة الألم !؟؟
قالهم : قمة الألم هى ان تتزحلق على جبل كله أمواس وتقع بعدها فى بحر
كولونيا

29/ واحد مسطول كل ما يجيب سيجارة أبوه واقف ليه في حلقو ومشاركو فيها ،
يوم كدا أبوه أتوفى وصاحبنا ما صدق خلص منو وإنبسط جدا بس بعد دفنو
أبوه والشمس غابت صاحبنا مشى المقابر عشان يضرب السيجارة قعد جنب قبر
أبوه وبمزاج بدأ يضرب فيها ولا مؤاخذه مشى يسير موية وخلى السيجاره
مولعه فوق قبر أبوه لما رجع لقاها خلصت
قال لي ابوه ينعل ميتينك أنت حي ما مريحنا وميت برضو مشاركنا

30/ واحد مسطول قالو ليهو مراسل الجزيرة مات فى العراق
قال ليهم هو المرقو من مدني شنو

31/ في مسطول بلع ليه نص حبة منومة نام بعين واحدة

32/ واحد بيسف قال لي اخونا المسطول ( اديك ,سفة قال لية ( والله ماشفتو )

33/ مساطيل قاعدين يعوموا في نص الظلط جا واحد ماشي واستغرب واتلفت يمين
وشمال لقي واحد قاعد بعيد يتفرج عليهم قال ليه يا ابن العم انصح
الجماعة ديل
صاحبك طلع مسطول قال ليه والله أنا قلت ليهم المكان ده غريق ما تعوموا فيه

34/ واحد مسطول جا في بالو إنو لازم يشرب قزازة بيبسي ..

لمن فتحا قالت : تيش..
قال ليها : يرحمك الله ..

35/ واحد مسطول دخل ملعب كورة قدم ، قعد يطل في السماء سألو مالك؟؟ قال
بدور على كلمة مباشرlive

36/ واحد مسطول سألوه الفرق شنو بين الركشة والكارو ؟
قاليهم الكارو الحمار بي برة
لكن الركشة الحمار بي جوة

37/ مسطول دخل محو الأمية
الأستاذ قال ليهم أكتبوا واحد واملوا بيها الصفحة كلها
كتب واحد طويلة من أول الصفحة لحدي نهايتها وقطعها بالأستيكة

38/ مسطول سايق عربية وراكب جنبو صاحبو قام قال ليهو لف يمين
فرده عليه المسطول وقال ليه
لف انت انا سايق.

39/ مسطول مشى البحر يغسل وشو .. ظهر ليهو تمساح قال ليهو أديني طماطماية
المسطول: إنت عوير قايلني محامي!!!!!

40/ واحد محشش رجع البيت اخر الليل
اختو فتحت ليهو الباب قام صفعها كف قال:وين كنتي لاخر الليل


41/ محششين وقفو في نقطة تفتيش السواق طلع الاثبات قال الثاني علي الطلاق ماتدفع

42/ سواق تاكسى محشش
اشر له واحد فى الشارع ..تاكسى تاكسى قال عارف عارف

43/ قالوا في مسطول قعد جنب النيل واخر ابساطة وبدأ يلف في سجارتوا وبعدين
ولعها قام في بتاع حركة جا ماري جنب النيل قام شم الريحة بتاعت السجارة
قام جا للمسطول وقال ليهوا هي انتا دا شنوا البتسوي فيهوا دا قام
المسطول قال ليهوا اها بالله عليك الله قطعني ايصال علشان لافيها بي
بدل فاقد (ورق زي البرنسيس وهو داخل علبة السجاير)


44/ عمكم راجل كبير وسايق تاكسي قديم وساكن الصحافه شرق وبعدين بتاع سجارات
بيشرب البانجو يعني الراجل مما يقوم الصباح اول شئ بيلف سجاره بتلاته
كروت وينظف عربيتو التاكسي ويدور علي بال ما العربيه سخن بيكون شرب
الشاي وخلاص طالع يترزق اول مشوار ده من البيت لي الخرطوم خاص بالسجاره
الملفوفه مابشيل زول لقايت مايصل الخرطوم لانو بكون مولع السجاره وهو
سايق في يوم وهو بيشرب في سجارتو وماشي لقه حاجه كبيره بتاشر قال يا
اخي الواحد يشيلها ويلقي سواب بعدين العجوزه دي ما اظنو تفهم في
السجاره حاجه المهم عمك وقف للحاجه والحاجه ركبت وتعال شوف وتشيل
وتتدعو لعمكم وعمك ماشقال بيها سجارتو مدوره ان كان فجاتا ظهرن
غنمايتين قاطعات الشارع المهم عمكم حاول اتخارج من الاولي وهنا العجوزه
مخلوعه طبعا وعمكم بحاول المخارجه من الغنمايه التانيه العجوزه مخلوعه
اي اي ايي ياولدي كتلتها عمك قال ليها لا ياحاجه لسع فيها نفس
ههههههههههه طبعا قاصد السجاره:

45/فار قاعد مع عذابة بسطلوا والجماعة ولعوا ليك المزاج
واحدة بعد واحدة والمكان كلوا اتملا بالأريج المعبق
والفار ذاتو أنسطل وطلع بره الجحر وقال :
أرجل كديس يجيني طالع


46/ في واحد مسطول قطع راس صاحبه وهو نايم قال حيموت من الضحك اذا صحا ولقى راسه مافي

47/ مسطول بيحضر في مباره هلال مريخ واثناء ما المباره شغاله قال بالله
الناس ديل بدل ما كلهم يشاكلو في كوره واحده كده لو كل زول ادوه كوره
مش المشكله كانت اتحلت

48/ ثلاثه مساطيل اتحدو بعض قالو نقعد نسطل سوه ونشوف البيسطل اول منو
المهم لفو ثلاثه سجارات والسجارات دورت انته تفك السجاره التانيه تجيك
واحد فيهم سطل وقام برد سجارتو والتانيه جاتو ونسه سجارتو والسجارتين
مدورات لقايت ماخلصو قام المسطول المبرد سجارتو قال للشباب المعاهو
انتو سطلتو الجماعه قالو لي طيب الانت مبرده تحته

49/ حلفاوي مغترب دخل ولدو المدرسة جاهم في اول حصة مدرس الدين المدرس سال الولد قاليهو
من نبيك : قال الولد : نبيي فراون (فرعون )
المدرس طوالي طلعو برا قال ليهو امشي نادي ابوك طوالي مشى الولد نادى
ابوهو وجاؤ للمدرس
المدرس قال للابو ولدك ما بعرف نبيو ؟ قال الابو : كيف الكلام دا قام
المدرس سال الولد :
من نبيك . قال الولد فراون (فرعون)
قال الابو : صلى الله عليه وسلم.


50/ واحد سأل مسطول كيف اقدر اتعلم الصبر قال ليه امش البيت وافتح قناة
اقرأ وانتظر يجيبوا ليك نانسي عجرم

حلوه جدا يا عمده الله يديك العافيه تاني تاني

سلامات يا نميري* ومرحب بيك،

يا حلاوي شكلك نسيت دي:

مسطول وما مسطول لِحْقو ليهم جنازة في المقابر لمَّا وِصْلو الما مسطول قال للمسطول: ياخ أطفي سجارتك دي ما شايف الناس قاعدين يصَلُّو على الجنازة. المسطول قال ليهو: يعني خلاص بِقَت علي سجارتي أنا، ما شايف ديل لافِنَّها قَدُر شِنو.


*سمعت نكتة ترباس والنميري؟!

***مسطول دخل المقابر و لقا جماعة بحفرو لجنازتهم ... فسألهم : ان شاء الله خير ؟
رد عليه و احد منهم قال ليه : بنطّلع في صارقيل


***مسطول لقي كنز , قال الحمد لله باقي الخريطه

***شوايقة بصلوا كلو يوم المغرب جماعة في السهلة ساي.. و الشفع و النسوان بجوا مارين قدامهم
جاهم ضيف جعلي غزَ عصايتو قدامو نظام حاجز و صلى بيهم امام

وحداة من النسوان الجوا مارات قامت زغردت و قالت لي المعاها الجعليين الفي صلاتهم باينين
الجعلي قطع الصلاة و سلى عصايتو و قال ليها ابشري دي الحالة بلا وضوء

***وحدة مكسرة في جورج قرداحي.. مشت للفكي قالت ليو اربطو لي (رباط جزمة بس)
اداها حجاب كبيييييييير ملفوف.. قالت ليو: وب علي دة البسو كيف
قال ليا: القال ليك تلبسو منو .. دة تألقو في الدش

***مسطول لصاحبه يا سلااام القمر ده لونه جميل خلاص... رد المسطول التانى ( و الله بالذات في الليل)


***أبكر رسل جواب غرامي لي حفصه وكل كلمتين يكتب اه قالت والله يا ابكر كلامك شائري وهلو
لكن بس الواحد وخمسين دي ما ارفتا مساريف ولا شنو؟

** رباطابي مدخلنو عملية لبسوهو لبس العمليات

واحد قال ليه خلاص داخل العمليه


الرباطابي قال ليه لا ماشي ارمي الجمرات

** رباطابى متشاكل مع مرته ..قالت ليه

والله كان عرستَ إبليس كان أخير منك

قال ليها .. معاك حق ... لكن بس حرام الواحدة تتزوج أخوها

** راجل لما رجع من السفر قال لمرته تعالي سريع دايرك ... ولما جات

قال ليها ختى الغتاء فوقنا ... قامت ضحكت وختت الغُتا قال

ليها شفتى اشتريت ساعه بتضوي

** مجنون خاتى اضانه فى الحيطه يتصنت ساله الدكتور فى شنوالمجنون قاليه اشششششش وكررالدكتورالسؤال المجنون قاليه خت اضانك معاي وشوووف الدكتور خت اضانه قاليه ما سامع شي المجنون قاليه ما دا المجننى

** مسطول طالع من الدكتور بتكلم مع روحو:
ضب في صحن؟
لا لا
سحلية في جك؟
لا لا
قعونجة في جردل؟
لا لا
تمساح في بانيو؟
لا لا
جرادة في حلة؟
لا لا
رجع تاني للدكتور قال ليهو انت قلت عندي شنو؟
الدكتور قال ليهو: سرطان في الحوض !

** رباطبية مشت الحج .. تعبت من (الطواف)قالت لى ولدها :- نمشى نرتاح شويه فى المنزل ونرجع نكمل ... قاليها : كان قطعنا الاشواط الا نبدا من الاول ؟ قالت ليهو : لى سنو ..؟ هو حج ولا حقن سعر ...

** قال ليك رباطابي واقف جنب المقابر ، فجأة كدة جو نفرين يفتشوا في قبر (أظنو قبر أبوهم) فتشو يمين وشمال أصلو ما لقوهو ، وأخونا الرباطابي يعاييين سااااكت!!!
المهم بقو يفتشو دا ياهو !!!! ال ما دا نحنا عاملين ليهو طوبة كبيرة ...لا ما دا داااك ... لا (طبعاً القبيبور كتييييرة ..
المهم الرباطابي الحكاية دي زهجتو زهج شديييييد، قال ليهم أسمعوا : إنتو دايرين تدوهو فاتحة واللا مصاريف؟؟؟

** حفاوي طلبوا منو دعم او تبرع لبناء سور للمقابر وحددوا ليه انه يدفع مبلع الف جنيه
بقت ليهو كتيرة قال ليهم يا جماعة عليكم الله شوفو ليكم شغلة هسع يوم سمعتوا ليكم بمرحوم
شرد من المقابر

يا خي انته انته


























































انت عسل عديل

تاني يا حنين تاني
انته سمعته نكت الحمار و الببغاء








نظف لي الطريق من الجكس

واحدة عانس سالوها: أغنيتك المفضلة شنو؟؟
قالت ليهم: "شباب العزة يتقدم"

اسمع المجموعه دي

مسطول دخل المقابر و لقا جماعة بحفرو لجنازتهم ... فسألهم : ان شاء الله خير ؟
رد عليه و احد منهم قال ليه : بنطّلع في صارقيل


قالو واحد شايقى بخيل شديد و فوق لى العلى احمق كمان....فات اتوضأ جنب الجامع الكبير

بعد ما انتهى من الوضؤ قال لى الوضؤ بى ميتين جنيه...قال ليهم ياخ مش داهو وضوكم اها..

طوووووووووووووووووووووووووووووووووووووط....



مسطول لقي كنز , قال الحمد لله باقي الخريطه

شوايقة بصلوا كلو يوم المغرب جماعة في السهلة ساي.. و الشفع و النسوان بجوا مارين قدامهم
جاهم ضيف جعلي غزَ عصايتو قدامو نظام حاجز و صلى بيهم امام

وحداة من النسوان الجوا مارات قامت زغردت و قالت لي المعاها الجعليين الفي صلاتهم باينين
الجعلي قطع الصلاة و سلى عصايتو و قال ليها ابشري دي الحالة بلا وضوء

وحدة مكسرة في جورج قرداحي.. مشت للفكي قالت ليو اربطو لي (رباط جزمة بس)
اداها حجاب كبيييييييير ملفوف.. قالت ليو: وب علي دة البسو كيف
قال ليا: القال ليك تلبسو منو .. دة تألقو في الدش

مسطول لصاحبه يا سلااام القمر ده لونه جميل خلاص... رد المسطول التانى ( و الله بالذات في الليل)


أبكر رسل جواب غرامي لي حفصه وكل كلمتين يكتب اه قالت والله يا ابكر كلامك شائري وهلو
لكن بس الواحد وخمسين دي ما ارفتا مساريف ولا شنو؟

يقولك رجل من ناس ابو ظبى كان قاعد في أمان الله يقرا الجريدة.. وبعد شويه
وزوجته ضربتو بالطوه التيفال على راسه، طررررررررااخ!!!
الزوج: مالك يا بنت الحلال؟
الزوجه: شنو الورقه دى الفى جيبك المكتوب عليها العنود؟؟؟
الزوج: يا بنت الحلال، ده الحصان اللي رشحته الاسبوع اللي فات
في سبق الخيل!
الزوجه صدقته وراحت لحالها...
مر اسبوع ، اخونا في الله قاعد يقرا الجريده،
وتيجي مرته وتديهو بالطوه ‏بالتيفال على راسه!!
الزوج: خير يابنت الحلال مالك جنيتى في شنو؟؟
الزوجه:حصانك على التليفون


مسطول بقول شعر :
دي الجراده القاعــــــــــده بترضِّعْ دوام ودَّ الكديسه
صاحبت الدِّيك والجداده الحــايمه بتكوس في المريسه
والذَّبابه الزَّغردت فرحــــــــــــــــانه بي جيَّت عريسها
والجريوْ الخاتِّي سفَّه يشكي من كلِّ الظروف الأصبحت دوماً عصيَّه

واحد مسطول تاني قال :
دا البنيبر قــــــــــــــــــــــال من مصدِّع من قعاد طول النهار
وفردتو المفراكه تشكي وتشكي من حـــــــــــــــــالة الدَّوار
والملاح حارقــــــــــــــــــــاهو شطَّه وصارِّي ما داير هزار
والرَّغيف فقــــــــــــــــــران وناشف وشادِّي صف الإنتظار[/align]

**** واحد صياد مشي لفكي قال عايز ليهو حجاب يحميه من الاسد الفكي قال ليهو
ما عندك مشكلة انا بعمل ليك حجاب (( الاسد ما يشوفك وكان شافك ما يقرب
ليك وكان قرب ليك ما يحبشك وكان حبشك ما ياكلك وكان اكلك انشاء الله
ما تنفعوا ))

قال ليك ادروب ضاع منو حمارو قعد يفتش فيو من الصباح لغايت المسا بس وهو بفتش جه جمب بيت عرس قام خشه ادو العشا اكل اد
و الشاي شرب يعني ملا بطنو ونعس خشا جوه -طبعا الناس كلهم في العرس-لقليك اوضة وخشا رقد تحت السرير . الاوضة طلعت بتاعت العريس والعروسة قام العريس قال لي العروسة :انا شايف الدنيا كلا في عيونك . ادروب سمعوا قام قاليهو : عليك الله ما تشوف لي حماري معاك.


قال لبك ادروب مشى لي بتاع الدكان قليو انت الزيتون ده اسواااد قليو اي قليو بيللمع قليو اي قليو عندو ستة كرعين قليو لالا قليو اذن انا اكلت خنفسانة.


قال ليك أدروب جنو أفلام الكاراتية
وصادف أن اتي بعض الأخوة الصينين لشرق السودان لدراسة بعض المشاريع ...اهن
أدروب لقي ليك واحد منهم حايم في السوق
وجا ماشي بي جنبوا قام الصيني حرك يدو
أدروب طوالي لمه ليك في الراجل ورقد بيو واطة
الجماعة الفي السوق اتلموا وهاك يا تحنيس
وأدروب رافض تماما
أحد الموجودين :يا أدروب كان فكيتوا بحصل شنو يعني
أدروب : كان فكيتو بطير


ابكر:بالله يا هبصة ما تتأخري..اول ما تسمئي بيب..بيب،تتلئي توالي.
هبصة:ماشالله! إشتريت أربية؟
أبكر:هأأأه...إشتريت:

صفارة!!



أدروب سمع بموت قرنق ،،، قال لا اله الا الله ،،،
ماهية واهد ماصرف




أدروب شغال حارس في مخزن دقيق يوم شاف في التلفزيون في ساحات الفداء واحد مجاهد بيقول : والله كتلنا الخوارج و كانت معركة شرسة و كنا جيعانين ، بس فجأة السماء نزلت فينا دقيق و قمح . أدروب رجع المخزن وشال القمح باعو و نام في عنقريبو . ناس الحكومة جو تاني يوم لقو الدقيق مافي ، سألوه : يا أدروب الدقيق وين . قال ليه : أدروب ليل كلو أمبارح ما نام ، الملائكة تشيل دقيق تودي جنوب



أدروب ركب سمبوك سافر السعودية
مسكوا ناس جوازات الميناء يحققوا معاهو
" بالله إنت جاى السعودية تعمل أيه ؟؟."
أدروب " جاى أشتقل "
" ممكن تشتغل أيه يعنى ؟؟"
أدروب: إنشاالله هتى كفيل




ادروب سالوهو تدخل الجنة ولا النار ؟
قال القريبة من كسلا ندخل


إتنين من أهلناالهدندوة جو الخرطوم في زياة أول مرة .. وقفوا ليهم تاكسي أجرة لى أمدرمان وأثناء ما التاكسي ماشي بهم هاك يافرجة وتعليقات .. في الناس في اللبس في الحدائق لمن وصلوا المقرن وشافوا مبني الهيلتون فأندهشوا لكبره فصاح أدروب .
- يا أوشيك عمارة دي كم تكلف؟
فرد أوشيك : وتاج السر كان 50 ألف كان مية ألف..
فجأة توقف سائق التكسي عن المسير وإلتفت إليهم
ياجماعة إنتو حتدفعوا لي كم في امشوار ده.