Post: #1
Title: مقام فاضي
Author: محمد محي الدين
Date: 02-10-2006, 03:23 AM
الي الذي بيني وبينه كل الفواصل والمتاهات والزمن!!! لك كل ما تملك النفس مما تملك الروح والجسد!!! كل الحواضر القديمه التي تتنازل عن ثقلها كل المساحات!!!وكل وكل!!! والدليل باقي الصفحه فاضيه!!!
|
Post: #2
Title: Re: مقام فاضي
Author: Tumadir
Date: 02-10-2006, 03:43 AM
Parent: #1
محمد محى الدين ده ولدنا..وود كبدتنا
البرشو بالسوفت وير ..نحن بنعمل ليه داون لوود عديييييل كده..
ورينى الزعلك منو...
وأجراكا...
|
Post: #3
Title: Re: مقام فاضي
Author: محمد محي الدين
Date: 02-10-2006, 03:59 AM
Parent: #2
الخبر الاكيد من جاي قريب مو بعيد........................
الحنينه بت الحنان المقام كان فاضي <<<الكلام كان فاضي>>>
علا مليتيهو ست لمان طقطق!!! هيييع عافي منك وراضي عليك بت ابوي الشيخ !!!
ارح ابنيه الدايرنا يبرانا...
|
Post: #4
Title: Re: مقام فاضي
Author: Tumadir
Date: 02-10-2006, 04:17 AM
Parent: #3
زمان كان فى نظام التوقيع..
العضو بيكون عندو توقيع زى اسمو وزى صورتو كل ما يكتب ..يظهر التوقيع..
قام بكرى قال بيهدر الباندويدث..
وقف التوقيعات.
فى كانت توقيعات جميلة، والله الزول يقراها كده، يلقى روحو طال شبر لى فوق..
وفى توقيعات قلبك ده يقعد يدقدق، من الخوف وواحدات من الحب والمحنة "روحى تسيل عواطف وقلبى يدوب حنان"...
كلهم اتمسحوا..
قمت الليلة من النوم بفكر فى انه اعمل بوست ..للتوقيعات..اقول لو عندك فرصة تختار توقيع "ولوعندك فرصة تختارى توقيع" بتختار شنو؟؟ "بتختارى شنو؟"
اها لما لقيت البوست "بوست حلتنا"..وفاضى ومجدوع ساى، وسيدو زهجان بس فاقد ناس بيتهم وبدل ما يقول مشتاق لى ناس امى ..يعمل فيها قريحتو حقة الشعر مضايقاهو..وانه البوست فاضى لانه فيلسوف..
المهم بوضع الكيبورد، قلعت منه البوست..وعملتو للتوقيعات..
اها يا محمد محى الدين، داير تجى معانا ..ولا داير تتبكا؟؟
|
Post: #5
Title: Re: مقام فاضي
Author: محمد بهنس
Date: 02-10-2006, 07:14 AM
Parent: #4
يا محمد وتماضر سلام وشوق, بقت الصفحه الفاضيه; فاضيه ناصيه.
|
Post: #6
Title: Re: مقام فاضي
Author: محمد محي الدين
Date: 02-15-2006, 03:52 AM
Parent: #4
مديت علي ايد الامل ايدي وبكيت وكتبت في اخر المقال اني انتهيت!!!
اها شنو ليك يا طمطم ده كان توقيعي والباقي ما فاضي لاي زول
|
Post: #7
Title: Re: مقام فاضي
Author: محمد محي الدين
Date: 02-16-2006, 02:01 AM
Parent: #6
بكل الاحتمالات الوارده
يكون التوقيع قراءه نفسيه
لا رابط لها الا الفصل الجسدي
مع احتمال توارد للاتصال بين
الفكره ومثيلاتها؟؟؟
|
Post: #8
Title: Re: مقام فاضي
Author: Yaho_Zato
Date: 02-17-2006, 10:25 AM
Parent: #7
إنت قاعد هنا من سنة 2005؟
وانا كنت فاكر إنو مقامك في المنبر ده لسه فاضي..
مدسوس وين إنت الزمن ده كلو؟ ولا ده أنا الما بشوف؟
قصي همرور
|
Post: #9
Title: Re: مقام فاضي
Author: محمد محي الدين
Date: 02-17-2006, 09:50 PM
Parent: #8
انا موجود بس انت ((قصي)) ومعاك ما اظن المقام بفضي لي زول تاني!!!
|
Post: #10
Title: Re: مقام فاضي
Author: محمد محي الدين
Date: 02-17-2006, 09:59 PM
Parent: #8
في درب الحياة ضيعت نفسي ثم وجدتها في فناء الله وفي متاهات الطريق فقدت غايتي ثم الفيتها في كتاب الله وفي زحام الموكب ضللت رحلي ثم وجدته عند رسول الله
توقيع (مصطفي السباعي)
|
|