الما عرس السنه دى تانى ماحيعرس لى يوم الدين

شنوياجماعه العرس الكاشحنو فينا دا والله عقدتونا عديل كده ياخى خليك من البورد والله عندنا فى الحله فى العيد الفات دا تلاته وعشرين شافع وشافعه أهلم قبضوهم عرسو ليهم والغريبه ودا والله حقيقه أعمار العرسان ما بين واد وعشرين وسطاشر النا دى جنت والله شنو وان جيت للعروسات والله قالو بين اطناشر لى سبعطاشر انتو عا رفين الشفع ديل خاصه العروسات خليناهم فى الابتدائ سنة الفين
ما عندى مانع الناس تعرس لكن فى العمر دا وبالكتره دى الحكايه فيها إنة انا ما عارف لكن فعلا ادونا احساس بانو قطرنا فات الواحد يا دوب كده عرف نفسو بائر لكن دا احساس بالجد سئ عشان كده يا عزابه الما بلحق روحو فى السنه دى والله حقو راح
بعدين الحكايه دى كرهتنا الاتصال بالسودان كلما تضرب تلفون البرفع أيمان
التلفون كلو يديك محاضره البقولك ياخى ماتلحق روحك والبقولك بس داير
يعرفك انت مستنى شنو قايتو الواحد ما عارف يضحك والله يبكى معاهم خصوصا
وانهم بتكلمو معاك بى جديه شديده والفى كلو بنهى كلامو معاك زعلان ياخى انت
ما جادى اصلك والله حيرونا عديييييل كده وانا عندى إحساس جادى جدا انو
الدنيا دى باقى ليها كم سنه كده وتحصل فيها كفوه ياخى دى أكتر سنه
الله خلقا يحصل فيها عرس ودا يا دوبك لسه شهرين ما تمو والصيف لناس امريكا
واوربا ما جا إجازات المدارس لناس الخليج ماجات وعييييييك

الاخ wadelgaali4
مرحبا و اهلا بعودتك

دى بس حسادة منك

"ملحوظة"
هذا و نتقدم بالشكر و التقدير للاخ بكرى ابو بكر لالغائه حكاية التوقيعات اسفل كل مداخلة...

قريبي يا حليلك
لاكن يا جنا مسعول من الخير ما كبرنا .......؟؟
كل البسالك ها ما بدور نعقد لك .... قولو تاني
وان سالك تاني ياتو
قولو غير الاول
كدي يادوب يعرفو انك ما جادي

أخونا المبدع خواض كيفنك يابا
شنو الحكايه غتست كدى الحاصل شنو برضو طلعتليك بى مره من بيت بكورى اصلو ان عارف الواحد من يغيب بكون مسويلو كفوه يا راقدلو فوق راى
ياخى والله فقدناك وفقدنا كل الناس الحلوييين ناس وجن وحنين وغدي كلهم اختفو الحاصل شنو ما عارف

الدكتوره ندى كيفك وكيف راجلك كودى والله أنا مبصوط منك قدرتى تجيبى خالد كودى الرجل المبدع فى السلك
أما بخصوص التوقيع فانا كنت ندمان عليه وهو زاتو كان سبب كل الشواكيش الانا اترصعت بيها فوق دومتى لكن بركه الجات من بكرى
وانتهز هذه الفرصه واتقدم للدكتوره زوله بالتهنئه بمناسبة الخطوبه وانشاء الله ربنا يتم على خير
طيب نجى للخاص شنو يا دكتوره متين حتبقو ثرى
كل الود والتقدير لك وللاخ الدكتور خالدكودى

الدكتوره ندى كيفك وكيف راجلك كودى والله أنا مبصوط منك قدرتى تجيبى خالد كودى الرجل المبدع فى السلك
أما بخصوص التوقيع فانا كنت ندمان عليه وهو زاتو كان سبب كل الشواكيش الانا اترصعت بيها فوق دومتى لكن بركه الجات من بكرى
وانتهز هذه الفرصه واتقدم للدكتوره زوله بالتهنئه بمناسبة الخطوبه وانشاء الله ربنا يتم على خير
طيب نجى للخاص شنو يا دكتوره متين حتبقو ثرى
كل الود والتقدير لك وللاخ الدكتور خالدكودى

مش ماحيمتو لو ماعرسوا الباقي هين عرس ناس الطاشرات اخير قلو انت حتربي ولاتعرس بعدين ده عرس جهجه ساي ركز كويس واحسبها صح والعب اللعبه الحلوه

ود الامين كيفك يا معلم آها انت معانا والله مع التانيين شايفك قبل فتره كدا كنت متحسس أهاوصلتا وين على كل حال فى التأنى الندامه

والله دي حقيقه


تعرف انا قايتو اهلي لما شافو حكايتي طالت


قامو عقدو لي قايتو

بكده مش بكون مرقت من البايركس بتاعك ده


قايتو نحن بلدنا بقي فيها الناس الما بالغين بس

ود الجعلى....

مساءت الورد .... كل سنه وانت طيب


غدى

ياسلاااااام غدى سخصيا والله أشرقت الانوار وأشواقنا مش بحر بس شنو الحكايه يا خى إختفيتى كده مالك ووين وجونه العسوله أخباركم اتقطعت الاتنين شنو الحكايه عملتو عرس جماعى والله الحاصل شنو غايتو جنس شوق مباااالغه وبلغى تحياتى للما بجيب اسمو الباندوث بقسمو
مع كل الحب

يا ابووشاح البقرأ اسمك يقول مجوز زى ما بقول اخونا عماد المصرى الشغال فى المطعم العربى البتغدى فوقو
لكن يازول مالك ماكلمتنا بالعقد نقوم ننزلك بوسط تهنيه
والله ده عقد اسمى ساكت

ود الجعلى ما تخاف الجماعة بى غادى وقفو عرس الشهيد ..بنات الحور طالت بورتن..وقالوا شهيد والا فطيسة بقن يرضن بيه المهم مسلم وذكر،،،

أخونا رجل الأعمال ودالموج كيف أخبارك ومشتاقين والله
قلت لى كيف وقفو عرس الشهيد وفتحو عرس التعيس ربنا يكفينا شر البوره آخوى
كيف أخبار صاحبك المهندس شايفو طوالى فاتح لى ماعارفو مالو

Quote: الما عرس السنه دى تانى ماحيعرس لى يوم الدين

استغفرتك يا مالك يوم الدين
إحنا من الراجنو، يا ود الغالي، يوم الدين دا

يا أبوعسل أمال عسل دى تبقى منو ياساتر يازول والله أخيرلك انت أصلك ما بتعرفنى كويس والله إلا اكلم أم عسل وأخليك تفتش لى التخارجك
بعدين انا قاصد الناس العزارى أما ناس الدبل ما فينا
شفت كيف

يعني يا ود الغالي الجعلي أخوي
( شفت خوتنا نحنا الغرابة مع الجعليين أصيلة كيف)

يعني
لا يموت الحاكم و لا حمارو و لا جحا لحد يوم الدين؟