Post: #1
Title: دحين اهلنا الانصار مقاطعين سودانيزاونلاين ولا شنو؟؟
Author: هشام هباني
Date: 02-08-2006, 10:48 PM
Parent: #0
يا جماعة الخير مساكم الله بالخير
دحين منبركم ده لي اكتر من اسبوع ما شايف لي زولا انصارياعديل قاعد فوقو لا اختنا لنا الانصارية بت المهدي ( جوكر البوستات الحارة) ولا ود العمدة( المثير للجدل) ولا ود العجيل( الكيك الكمل بلادو فريك) ولا محمد عبد الرحمن( الانصاري المستنير) ولا ود وراق
( الانصاري اليساري) الحاصل شنو يا جماعة .. اهلنا الانصار المزعلن شنو...... دحين في زول مغلت عليهم واخونا بكري ما جايب خبر عشان كدي هم زعلانين والا اكون كمان اخونا بكري عندو معاهم حساسة اليومين ديل وعامل شغل الصالح العام بالجملة..... والكلام ده انا تب بزعلني انا زول ود انصار علي السكين ..... والله لا اتور علي ضرسي الوراني .... كدي اتروهم يا جماعة الخير قبل ما نغلت عليكم..............محبتي واحترامي.
|
Post: #2
Title: Re: دحين اهلنا الانصار مقاطعين سودانيزاونلاين ولا شنو؟؟
Author: Tragie Mustafa
Date: 02-08-2006, 11:09 PM
Parent: #1
ود هباني الغالي
والله طلعت ود انصار بالحيل
يا اخوي انت الحاضر الغائب
الجماعه قاعدين ومنورين
بس انت ما عندك خبر.
اولا اسماعيل وراق كان عنده بوست في السلك من يومين ولسه مدور
ومن شويه نزل بو جهينه مقال للصادق المهدي
وكل احبابك بهنا فيه
محسن عبد القادر
خالد عويس
محمد عبد الرحمن
الا فعلا المسجلين غياب
الكنانيه (لنا مهدي)
وود العمده
وده لانهم في اجازة في السودان عقبالك يا بختهم
بشوفة الاهل طبعا ومش شوفة ناس الانقاذ.
ود العمده غالبا بيكمل في نصف دينه
باين الفالنتين حايم اليومين دي
واعراضه حمى وانهيار وعرس طوالي.
لك الود.
اختك مندوبة شؤن الانصار العاليه.
تراجي.
|
Post: #3
Title: Re: دحين اهلنا الانصار مقاطعين سودانيزاونلاين ولا شنو؟؟
Author: هشام هباني
Date: 02-08-2006, 11:32 PM
Parent: #1
اختنا الزولة الجدعة وارجل من رجال عديل قاعدين في البورد ده
تراجي بت مصطفي
سلامات
باين عليك كمان طلعت انصارية علي السكين ونحن ما عارفين زي جدك الامير عثمان دقنة المشي بايع الامام المهدي ركب حمارو عديل ولا طيارة ولا سيارة ولا قطر ولا بابور من سنكات لحد قدير في غرب السودان وهو لا بعرف المهدي ولا كمان قرا معاهو ولا لاقاهو في البالتوك ولا المنبر العام ولا اتلاقو في لوس انجلوس...وصل ولاقي الامام المهدي وتم البيعة وشال تكليفو بالثورة في الشرق... ومشي الشرق وجهجه الانجليز وكسر المربع وهزمهم في كل المعارك..... وكمان جاء حارب في كرري في ام درمان ........... ولمن قبضوه في الشرق كان الاكل البياكلو ووجدوه في جرابو ( دوم ..دوم) ولا هامبرجر ولا كنتاكي..........تقولي لي القوات الدولية..... مرقوها ناس المهدي ودقنة وابو عنجة والنجومي والزاكي طمل ومحمود ود أحمد وودحلو ود جار النبي وكل اهلنا الشجعان من كل بقاع السودان....وهسع القوات الدوليةوالاستعمار جانا عديل بالباب وهسع حاكم السودان (زوليك) قاعد في الخرتوم ظاااطها ووكلاء الاستعمار الليلة تخيلي هم منو ؟؟؟يا هم اخوان نسيبة وناس عرس الشهيد والدبابين وعمر العوير وسبحان مغير الحال من حال الي حال....
اها كتر خيرك اختنا تراجي الطمنتينا علي اهلنا الانصار مع تحياتنا لخالد عويس وراشد الحاج وابو جهينة وبقية العقد الفريد وبيت مال وعيال لود العمدة..
|
Post: #4
Title: Re: دحين اهلنا الانصار مقاطعين سودانيزاونلاين ولا شنو؟؟
Author: lana mahdi
Date: 02-12-2006, 02:16 AM
Parent: #1
ما نتحرمش منك يا هشام هباني و من سؤالك عننا دائماً
لكن يا تراجي طلعتي خطيرة
ح أوصي بتعيينك وزيرة الاعلام و المعلومات في حكومتنا المقبلة
|
Post: #5
Title: Re: دحين اهلنا الانصار مقاطعين سودانيزاونلاين ولا شنو؟؟
Author: ABDELMAGID ABDELMAGID
Date: 02-12-2006, 02:33 AM
Parent: #4
انصار ... انصار ... نخود النار ...
الله و اكبر و لله الحمد ...
ود هبانى اخوى / مساك الله بالخير
بالرغم من انى لست بانصارى ... و اهلى اتحاديين ( جزير ه ) ماهم ختمية ... و العبد لله كمان لا انصارى و لا اتحادى و لا امه ... لكن ... اهلنا الأنصار و حزب الأمه وجودهم مهم ليس فى هذا البورد فحسب لكن لمصلحة كل السودان و التداول السلمى الديمقراطى للسلطة ... فليعش السودان حرا مستقلا ...
عبدالماجد
|
Post: #6
Title: Re: دحين اهلنا الانصار مقاطعين سودانيزاونلاين ولا شنو؟؟
Author: إسماعيل وراق
Date: 02-12-2006, 03:20 AM
Parent: #5
Quote: ولا ود وراق
( الانصاري اليساري) |
هشام ود عمنا
عايز تجيب لي الهوا مالك...
زي ما قالت الأخت تراجي أها قاعدين وبنجابد من هنا ومن هناك..
لكن بيني وبينك المنبر ما عاد زي زمان..
شكراً على إهتمامك يا عزيز
|
Post: #7
Title: Re: دحين اهلنا الانصار مقاطعين سودانيزاونلاين ولا شنو؟؟
Author: عبد السلام أبوشنب
Date: 02-12-2006, 03:46 AM
Parent: #1
العزيز هشام هبانى
عندك فكى كارب ولا شنو
اها هاك الخبر ده
400 ينسلخون من المؤتمر وينضمون للاتحادى
القياديان البارزان فى المؤتمر الوطنى(موسى عيسى ومحمد صالح محمد على )يعلنان انسلاخهما من المؤتمر الوطنى وعودتهما الى الى حزبهما القديم الاتحادى الديمقراطى
الاول معه عدد 200 من قبيلة الأمرار والثانى معه مجموعه من قبيلة المعاليا والدائرة 185
جريده الخرطوم العدد5043 يوم الاحد تاريخ 02/12/2006
----------------
ود وراق اها الخبر ده كيف معاك
|
Post: #8
Title: Re: دحين اهلنا الانصار مقاطعين سودانيزاونلاين ولا شنو؟؟
Author: محمد حسن العمدة
Date: 02-13-2006, 01:48 PM
الاحباب هشام هباني والحبيبة الاميرة بنت الامراء تراجي كتر خيركم كتير والله انتو البتسالو عن الناس وتتفقدو اخبارهم نحمد الله ان من علينا بزيارة الاهل والاحباب وبالجد البلد طيبة واهلها طيبون ولكن سلط الله عليها عبادا حسادا ظلمة كفارا بحقوق اهلهم في التمتع بالحياة الكريمة ينهبون كل ما تقع عليه اعينهم وما تتحسسه اياديهم الملطخة بدماء الابرياء يغطون اذانهم وقلوبهم عن قوم ضعاف يتضرعون جوعا ويتجشأون هواء ساخنا سخونة امعائهم الخاوية بينما عصابات وشفته ولاية الخرطوم متنعمة بتحالفها المشبوه مع من خدعوا الشعب والضعفاء والمهمشين باسمهم فلا دين ترك هؤلاء ولا مظلومين نصروا يتخاتفون عوائد بترول الشعب واذا اختلفوا في امر علا صوت بعضهم فيخرس بملاليم سعى من اجلها طيلة عمره في احراش الغابات وقواحل الشرق والغرب !!!!!!
هؤلاء عبدة الفساد الا قبح الله وجوههم وارانا فيهم يوما اسودا
فارتقبوا ايها المتحالفون الشررة ليوم حساب قريب
|
Post: #9
Title: Re: دحين اهلنا الانصار مقاطعين سودانيزاونلاين ولا شنو؟؟
Author: Abureesh
Date: 02-13-2006, 02:03 PM
Parent: #8
| Quote: ح أوصي بتعيينك وزيرة الاعلام و المعلومات في حكومتنا المقبلة |
لنـا،
انتو قايلين الناس بتخاف واللا شنـو؟
|
Post: #10
Title: Re: دحين اهلنا الانصار مقاطعين سودانيزاونلاين ولا شنو؟؟
Author: محمد حسن العمدة
Date: 02-13-2006, 02:19 PM
Parent: #9
| Quote: انتو قايلين الناس بتخاف واللا شنـو؟ |
بسم الله الرحمن الرحيم
|
Post: #11
Title: Re: دحين اهلنا الانصار مقاطعين سودانيزاونلاين ولا شنو؟؟
Author: Abureesh
Date: 02-13-2006, 02:30 PM
Parent: #10
الأخ الكريـم محمـد الحسن العمــدة.
سعـدت جـدا لزواجك الميمـون، وإن شـاء الله ربنـا يتمم لكم على خيـر.
الكلام الفوق دا بلغـة جيلنـا، ما جيل التشبب فى الرقـاب!..
جيت هابـر طوالى وما اديت الناس فرصـة.. قايلهـا مهـديـة؟ :-)
|
Post: #12
Title: Re: دحين اهلنا الانصار مقاطعين سودانيزاونلاين ولا شنو؟؟
Author: محمد عبدالرحمن
Date: 02-13-2006, 03:49 PM
Parent: #11
ودالناظر
حبابك والله ..وكتير خيرك كتير ..
انا ماغبت بالمناسبة بس بجى داخل
فى انصاص الليالى ..وبينى وبينك الايام
دى زمنك يضيع فى المنبر ده تهانى اعراس
بس ..وربنا يجعل ايامنا كلها افراح ...
انت عارف انت حسيت بالغياب ده بس لانو
الناس البتجيب الاقوان غائبة وديل ناس
مهندس العجيل والعمدة ولنا ونحن فى جاهم
انذكرنا ...
كتير الود ياهشام ..ونلتقى
|
Post: #13
Title: Re: دحين اهلنا الانصار مقاطعين سودانيزاونلاين ولا شنو؟؟
Author: Tragie Mustafa
Date: 02-13-2006, 04:22 PM
Parent: #8
ود العمده حبابك ومنور البورد والله
وبركه الله كمل بخير
ونحن ناس عملين جدا
طوالي بنقفذ للنتائج ونقول لك ما قربتوا تبقوا ثلاثه
لك الود وراجنك انت ولنا تورونا الحاصل شنو في السودان
ان شاء الله زي ما قال صحبك ود الباوقه
قال السودان بقى جنه
وحياتك ما عارفه علاقة السودان بالجنه شنو!!!
الا اذا كان حرف النون!!!
تراجي.
|
Post: #14
Title: Re: دحين اهلنا الانصار مقاطعين سودانيزاونلاين ولا شنو؟؟
Author: Tragie Mustafa
Date: 02-13-2006, 09:24 PM
Parent: #8
ود العمده حبابك ومنور البورد والله
وبركه الله كمل بخير
ونحن ناس عملين جدا
طوالي بنقفذ للنتائج ونقول لك ما قربتوا تبقوا ثلاثه
لك الود وراجنك انت ولنا تورونا الحاصل شنو في السودان
ان شاء الله زي ما قال صحبك ود الباوقه
قال السودان بقى جنه
وحياتك ما عارفه علاقة السودان بالجنه شنو!!!
الا اذا كان حرف النون!!!
تراجي.
|
Post: #15
Title: Re: دحين اهلنا الانصار مقاطعين سودانيزاونلاين ولا شنو؟؟
Author: هشام هباني
Date: 02-14-2006, 09:58 AM
Parent: #14
الاحباء/ لنا, ود العمدة, ود وراق, ابو شنب,محمد عبد الرحمن وابو الريش وتراجي
حمدا لله علي سلامة عودة اهلنا الانصار لليوم الحار واليوم الحار ما بندار ويا البشير
جاياك النار..
العزيزة لناالانصارية...بركة الشفناك.... واديك العافية يا جسورة يا هصورة.. وسلام ليعقوب الانصاري..
ود العمدة الف مبروك وبيت مال وعيال وحياتك تب ما سمعت بالخبر السعيد ده.. والعفو والعافية
الحبيب ود وراق/ يا زول الهوا شنو البجيك ات ما نصيح وانت سيد الناس
الفنجري ود عبد الرحمن/ عوافي الطليت ونشوف منك كتير يا جميل
ابو شوك الرائع/ دايرين شوكك ده للحارة الجايةوات زولا نجيض تب وارقد قفا..
ابو الريش/شايف الريش اليومين ديل بقي شوك عديل والجبهجية منو قالو الروب ولي قدام
تراجي/هييييييييييييييع عوافي عليك واديك الصحة والعافية يا الهميمة والنجيضة
محبتي واحترامي
|
|