|
Re: زمان بنتقابل فى المحطة الوسطى ، هسه فى البالتوك (Re: يازولyazoalيازول)
|
الاخ يا زول تحية طيبة بمناسبة زمان دى وزكريات امدرمان وكما حكت لى الوالدة متعها اللة بى الصحة ان اول راديو كان فى امدرمان فى مبنى البوستة وهو كان وسيلة الترفية الوحيدة لهم فكانو يحملون البنابر من المسالمة كل عصر مرورا بى شارع الكنيسة المشهورة فى المسالمة حتى مبنى البوستة ليستمعو للبث المباشر هناك وزكرت فيما زكرت ان مجلة الصبيان كانت توزع فى المدارس وان اول عدد كان بى قرش .
كم هى جميلة امدرمان
ودمت
| |
|
|
|
|
|
|
Re: زمان بنتقابل فى المحطة الوسطى ، هسه فى البالتوك (Re: يازولyazoalيازول)
|
تحياتي يا زول،
ذكرتني...بالمحطة الوسطى...فهاجت شجوني!!! ففي اعوام الستينيات، كانت المحطة الوسطى ملتقى كل الطوائف والاجناس، والملل والاديان، حتى كبار الساسة، كانوا يرتادون المقهى. لقد ذكرتني يا زول،بالمحطة الوسطى، فتذكرت لحظات اعتقالي ...ومظاهرات ناس حلفا فيها ...(ادندان ادندان..ولا لبنان)و(ديبرة ديبرة ..ولاالريفيرا)و(انعل!!!...يا ابوت-عبود). تحياتي ومودتي
| |
|
|
|
|
|
|
|