Post: #1
Title: يا بكري ابوبكر بالله رجع لينا الحمــار ده؟؟
Author: هشام هباني
Date: 02-08-2006, 09:06 AM
Parent: #0
العزيز بكري
صباحاتك بالف خير
بعد فشل المحاولات من خلال الماسنجر الداخلي للاتصال بك ولم اعرف السبب بعد ادخال اسمك لا يتم الاستجابة....
المهم في الامر لدي طلب في ان تعيد لي الي المنبر العام ثلاثة مواضيع لا زالت حية ولم تكتمل بعد وذلك نسبةلاتصالات من اخوة واصدقاء لي يلحون علي بقائها لتواصل اثرائها وهي الان في الارشيف والمواضيع هي:
1/ مهووس يغتال حمارا بزعم ارتكابه الفاحشة
2/ كيف يمكن ان تكون لاجئا سياسيا وفي ذات الوقت مدافعا عن الانقاذ
3/احب الدويم شات والركوب عجلات
محبتي واحترامي
سندة: طبعا في شمشارين من حكاية عنوان البوست ده طوالي انحشروا توش في البوست الملهلب ده دايرين ليهم فرصة شمشرة في موضوع الزول (الحمار ) الشاتمو هباني ده وعايز كمان بكري ارجعو ليهو..... غايتو ما بتلقوها دي؟؟؟؟؟ المقصود يا اخوانا الحمار الشهيد بتاع الخالة المرحومة حاجة مستورة.
|
Post: #2
Title: Re: يا بكري ابوبكر بالله رجع لينا الحمــار ده؟؟
Author: هشام هباني
Date: 02-08-2006, 11:05 PM
Parent: #1
ولا زلنا في انتظار عطاياك يا سيد الدار بكري
|
Post: #3
Title: Re: يا بكري ابوبكر بالله رجع لينا الحمــار ده؟؟
Author: ABDELMAGID ABDELMAGID
Date: 02-08-2006, 11:34 PM
Parent: #2
ود هبانى اخوى
مساك الله بالخير
و الله فى البدايه ( مخولت ) عقلى و قلت شنو حكاية ( الحمير ) البطالب بيا ود هبانى فى انصاص الليالى دى !!!! لكن اذكرت انك بتقصدحكاية ( الحمار ) ( الفدن ) و ( لتيت ) المطولين ليو فى نجيلة القصر الجمهورى !!!!
عبدالماجد
|
Post: #4
Title: Re: يا بكري ابوبكر بالله رجع لينا الحمــار ده؟؟
Author: حيدر حماد
Date: 02-08-2006, 11:52 PM
Parent: #3
الأخ الدويمابى ود هبانى
رغم نشأتى ببخت الرضا" درة الدويم " .. إلا أننى إفتقدت هذا البوست التوثيقى الهام و الذى لم أتداخل فيه رغم كثرة مرتاديه الذين لم يتركوا لى شيـءاً من رومبيك و توحيد و باكمبا و نفيسة و الهلبة غرب و وطن و أشبال وهلم جرا .. لكن إن ظهر المرة دى لن أدعه ينزل.. سأداهمه لأن لى بعض الذكريات فى تلك المدينة الباعوضية الحنينة أم كهربتن قاطعة طوال العام
أرفع يا بكرى .. رفع الله شأنك و مقامك
| Quote: 3/احب الدويم شات والركوب عجلات |
|
Post: #5
Title: Re: يا بكري ابوبكر بالله رجع لينا الحمــار ده؟؟
Author: أسامة خلف الله مصطفى
Date: 02-09-2006, 02:00 AM
Parent: #4
ألأخ الفاضل هشام هبانى
حرصت على عدم الدخول فى بوستاتك لان صورة الراحل جيفارا تخيفنى..مع إنه كان مفجر للثورات
بس حبيت أقول ليك إنو إختيارك لعنوان مواضيعك الجديدة فيه لمسة إبتكار مدهشة
وأحب أن أقول لك إنك راجل مبدع فى هذا المجال
ولك خالص التحايا، أخوك أسامة خلف
|
Post: #6
Title: Re: يا بكري ابوبكر بالله رجع لينا الحمــار ده؟؟
Author: JAD
Date: 02-09-2006, 02:41 AM
Parent: #1
| Quote: مهووس يغتال حمارا بزعم ارتكابه الفاحشة |
بالله لما يرجع البوست دا أدونا خبر ..
أبو الشمشرة .. 
|
Post: #7
Title: Re: يا بكري ابوبكر بالله رجع لينا الحمــار ده؟؟
Author: هشام هباني
Date: 02-09-2006, 04:29 PM
العزيز/ بكري ابو بكر
لك التجلة والاحترام ايها الصديق الودود ورب الدار الوطن الصغير
تشكر يا عزيز علي ارجاعك لبوستي ( الدويم شات وكيف تكون لاجئا) الي المنبر ولكن فيك الخير بالله ترجع لي حماري الشهيد الحبيب ( ابو كدر ) ولك كل المحبة
.
بن العم دكتور ماجد
يا زول انته البصحيك انصاص الليالي شنو تفتش فوق البوستات الشي يا خوي شغال ديدبان في بيوت الاشباح ولا شنو ونحن ما عارفين ولا كمان تكون في جوانتنامو القريبة من بيتك ديك ؟؟
محبتي والتحية للعصابة الصغيرة والاخت الفضلى فاطمة.
صديقي الجسور /اسامة خلف الله
تحياتي ايها الصديق الجديد الجميل وانا اتابع لك بوستاتك الجهنمية والمتخصصة في فساد ( بغل الفلاشا وصاحب التشاشة) وهو موقف شفاف وشجاع في زمن شح فيه الرجال ايها الاخ الجسور النبيل
وتشرفني صداقتك واهلا بك اسامة..
الحبيب/ حيدر حماد
اهلا بيك ايها الدويمابي الجميل والبيت بيتك واتضرع وسوي الدايرو وحبابك الف يا جميل
وعاشت المودة بيننا.
اخي جاد الجاد
وباذن الله تعالي عندما ( يهنق حماري) الشهيد المظلوم معلنا عودته هذه الديار سابلغنك هذا الخبر اليقين وفي امان الله,
مودتي واحترامي
|
Post: #8
Title: Re: يا بكري ابوبكر بالله رجع لينا الحمــار ده؟؟
Author: هشام هباني
Date: 02-12-2006, 05:09 AM
Parent: #1
ولا زلنا في انتظار الشهيد ( ابوكدر) يا بكري يرحمك الله .
|
Post: #9
Title: Re: يا بكري ابوبكر بالله رجع لينا الحمــار ده؟؟
Author: هشام هباني
Date: 02-16-2006, 08:30 AM
Parent: #8
ولا زلنا يا بكري في انتظار عودة الشهيد ابوكدر حمار الحاجة مستورة
|
|