Post: #1
Title: شهامة فرصة ذهبية .. 9 فبراير آخر يوم .. والأرباح فوق 20%
Author: JAD
Date: 02-08-2006, 02:05 AM
الإخوة الأفاضل:
ذهبت بالأمس إلى السفارة .. واشتركت في صندوق شهامة ..
يعتبر صندوق شهامة الأفضل في قائمة الصناديق المحلية ..
الاشتراك ميسر جداً..
وللراغبين:
ما عليكم سوى مقابلة الزميل البوردابي محمد الحسن .
مكانة في مكتب الأسواق الحرة ..
وسيجده كما يتمنى هاشاً باشاً "وهلبفلاً" ..
فقد وجدته كذلك ..
يا لؤي ألحق .. الجنيه برتفع وبخلي ليك الريالات زي أمات قرشين 
تحياتي،،
فاعل خير (جاد)
|
Post: #2
Title: Re: شهامة فرصة ذهبية .. 9 فبراير آخر يوم .. والأرباح فوق 20%
Author: قرشـــو
Date: 02-08-2006, 02:30 AM
Parent: #1
العزيز جاد
لك التحية
بس ما قلت لينا اخر ارباح كانت كم
هل هى 20% حقا أم دون ذلك ؟؟؟
بالمناسبة حسب معلوماتى ان أكثر ارباح الان توجد فى السودان
بنك البركة مثلا ارباحه فاقت 30%
وليس على عهدتى الكلام ... سمع ساكت ...
|
Post: #3
Title: Re: شهامة فرصة ذهبية .. 9 فبراير آخر يوم .. والأرباح فوق 20%
Author: luai
Date: 02-08-2006, 02:43 AM
Parent: #1
جاد تحياتي ..
وشكرا لك المشكلة اليوم 9/2
ارجو بالله مدنا بالمزيد عن صندوق شهامة وكم الحد الادنى للاشتراك وكم مدة الصندوق ؟
تحياتي ،،،
|
Post: #4
Title: Re: شهامة فرصة ذهبية .. 9 فبراير آخر يوم .. والأرباح فوق 20%
Author: البعيو
Date: 02-08-2006, 03:32 AM
Parent: #1
العزيز جاد...تحياتى....بالنسبة لى وانا على اعتاب المعاش ارى ان بقية العمر ستكون مع شهامة وما شابهها لانه تعرف واحد قضى كل حياته فى العمل الوظيفى من الصعب عليه ان يمارس عمل تجارى بعد هذه السن وفى ظروف كظروف السودان ناس تديك نصائح تلحقك امات طه وحكومه زارعه محليات مهمتها نتف الريش....اخى جاد لو تزامن مع انخفاض سعر الجنيه مقابل العملات الصعبة انخفاض اسعار السلع الرئيسية....والاشياء المتعلقة بحياة الناس الغبش على وجه الخصوص فهذا هو المطلوب ولكن هذا لا ياتى عبر قرارات وانما عبر تخطيط وتنفيذ همه المصلحة والفائدة العامة..ومثلك جاد يعرف ما اعنيه....سلام
|
Post: #5
Title: Re: شهامة فرصة ذهبية .. 9 فبراير آخر يوم .. والأرباح فوق 20%
Author: JAD
Date: 02-08-2006, 04:50 AM
Parent: #1
الحبيب قرشو ::
حياك الله .. وشكر سعيك أتابع ما تكتب دفاعاً عن رسول الله صلى الله عليه وسلم ..
Quote: بس ما قلت لينا اخر ارباح كانت كم
هل هى 20% حقا أم دون ذلك ؟؟؟ |
حسب إفادة الأخ محمد الحسن الأرباح السنوية أكثر من 22% .
Quote: بالمناسبة حسب معلوماتى ان أكثر ارباح الان توجد فى السودان
بنك البركة مثلا ارباحه فاقت 30% |
يا زول الكلام دا 100%؟؟ بالله تأكد لينا ما تلاوز لي .. براي ملاوز
خالص الود
جاد
|
Post: #6
Title: Re: شهامة فرصة ذهبية .. 9 فبراير آخر يوم .. والأرباح فوق 20%
Author: JAD
Date: 02-08-2006, 04:54 AM
Parent: #1
Quote: وشكرا لك المشكلة اليوم 9/2
ارجو بالله مدنا بالمزيد عن صندوق شهامة وكم الحد الادنى للاشتراك وكم مدة الصندوق ؟ |
العزيز لؤي ..
تحية طيبة،
أفو آ زول الليلة يوم 8 فبراير ..
ما تكون مغترب على ضفاف البحر الأصفر .. كدا بتكون سابقنا بي يوم يا كابتن
الصندوق 6 شهور .. وسنة.
أسعار الوحدات من مشتقات الـ 500 ألف جنيه ..
حياك الله ..
جاد
|
Post: #7
Title: Re: شهامة فرصة ذهبية .. 9 فبراير آخر يوم .. والأرباح فوق 20%
Author: JAD
Date: 02-08-2006, 05:46 AM
Parent: #1
الأخ العزيز البعيو::
تحية عطرة..
| Quote: العزيز جاد...تحياتى....بالنسبة لى وانا على اعتاب المعاش ارى ان بقية العمر ستكون مع شهامة وما شابهها لانه تعرف واحد قضى كل حياته فى العمل الوظيفى من الصعب عليه ان يمارس عمل تجارى بعد هذه السن وفى ظروف كظروف السودان ناس تديك نصائح تلحقك امات طه وحكومه زارعه محليات مهمتها نتف الريش |
يا سيدي ليه تقول كدا .. ما إنت لسع لشباب ..
الكلام الزي دا بخوف .. تعرف معظم المغتربين مجمدين الآمال والطموحات وكل الأشياء الجميلة في فريزر لحين العودة والاستقرار في البلد ..
تقول معاش .. بالله غير بدل .. تمش هناك إن شاء الله تقوم ليك براعم جديدة
| Quote: أخى جاد لو تزامن مع انخفاض سعر الجنيه مقابل العملات الصعبة انخفاض اسعار السلع الرئيسية.. والاشياء المتعلقة بحياة الناس الغبش على وجه الخصوص فهذا هو المطلوب ولكن هذا لا ياتى عبر قرارات وانما عبر تخطيط وتنفيذ همه المصلحة والفائدة العامة..ومثلك جاد يعرف ما اعنيه....سلام |
مازال السوق بتاعنا شغال خارج منظومة الاقتصاد لذلك الأسعار لا تتفاعل بتناغم مع تغير سعر العملات ..
يا سيدي الشيء الحاصل في البلد Hit & Flee مسئولي المؤسسات والبنوك أصبحوا يضربوا ضرب مودع .. على وزن صلاة مودع.
إن شاء الله يفجر الورادين ويقطع المصارين .. آمين .
مشكور على المرور والإضافة..
|
|