هل يجب على الفنان ان يجدد رخصة العربيه ورخصه صوته فى يوم واحد !!!!!!!

اجازه الاصوات ولجنه الاجازه !!!!!!

خلونا نتناقش فى المساحه دى عن لجنة اجازة الاصوات من الجوانب دى:
1- هل هى لجنه محايده
2- هل تمتلك العتاد الفنى الاكاديمى المطلوب عشان تقوم بالمهمه دى؟؟؟
3- الواقع بيقول انو فى علاقه بين ما يقدم فى كل الاوساط الاعلاميه المرئيه والمسموعه ولجنه اجازه الاصوات يعنى ما ممكن جهاز مسموع او مرئى يقدم فنان صاحب صوت غير مجاز!!!
طيب الكلام دا ويين الان من الواقع المعاش اليوم؟؟؟؟
4- الجمهور او المتلقى هو واحد من اعمده الفن او الهرم الغنائى لاى عمل غنائى مقدم!!! طيب الجمهور او المتلقى قناعته بتقول ليه شنو حول لجنه اجازه الاصوات؟؟؟ هل الجمهور او المتلقى مقتنع بحياد هذه اللجنه؟؟؟؟
5- هل شروط اجازة الاصوات مرنه مرونه الزمن البنعيش فيه وتغيير بتغير زوق المتلقى؟؟؟؟
6- هل تفتكروا انو الرخصه بتاعة اجازه الصوت تكون صالحه للابد والا ايضا محتاجه الى تجديد؟؟؟؟ ودا ممكن يكون فى صالح بعض المغنيين العندهم مشكله الاعتزال وهم فى القمه!!!!
7- لجنه الاجازه عملها خطير واستراتيجى وممكن يكون متحكم فى اذواق المتلقيين وايضا بتحدد مسار الغناء وشكله اليس من الافضل ان يكون ايضا عليها رقييب !!!!!
دى عباره عن محاور نقاش خلونا نتحدث فيهاومرحب بكل المداخلات


لكم التحيات جمال سعيد

جمال سعيد
تحياتي
دخولي هنا بالرجل الشمال يعني زول غير متخصص وإن كنت بسمع وعند تلفزيون بحدود إمكانياتي المادية والأدبية والثقافية والمعنوية. الكثير من الأصوات في الساحة اليوم وبرضو بحدود إمكانياتي المعرفية نشاز يعني لا علاقة لها بالفن والإعلام لا من قريب ولا من بعيد وهذا لا يمنع أن الساحة فيها الكثير أيضاً من الأصوات الجيدة.
أما عن لجنة الحكم فإذا إستطعنا أن نجيب على سؤالك التالي:
هل تمتلك العتاد الفنى الاكاديمى المطلوب عشان تقوم بالمهمه دى؟؟؟
نكون قد وضعنا النقاط على الحروف لكين هسع وحاتك الحكاية بقت زي زيادة الملاح ووصلةالكسرة نجيب النقط الحروف تكمل نرسل للحروف النقاط تتلحس.

أها يا جمال سعيد دي قدرتي ودي معرفتي لا تقول لي محاور نقاش ولا محاور دفاع

Quote: جمال سعيد تحياتي دخولي هنا بالرجل الشمال يعني زول غير متخصص وإن كنت بسمع وعند تلفزيون بحدود إمكانياتي المادية والأدبية والثقافية والمعنوية. الكثير من الأصوات في الساحة اليوم وبرضو بحدود إمكانياتي المعرفية نشاز يعني لا علاقة لها بالفن والإعلام لا من قريب ولا من بعيد وهذا لا يمنع أن الساحة فيها الكثير أيضاً من الأصوات الجيدة. أما عن لجنة الحكم فإذا إستطعنا أن نجيب على سؤالك التالي: هل تمتلك العتاد الفنى الاكاديمى المطلوب عشان تقوم بالمهمه دى؟؟؟ نكون قد وضعنا النقاط على الحروف لكين هسع وحاتك الحكاية بقت زي زيادة الملاح ووصلةالكسرة نجيب النقط الحروف تكمل نرسل للحروف النقاط تتلحس. أها يا جمال سعيد دي قدرتي ودي معرفتي لا تقول لي محاور نقاش ولا محاور دفاع

الملا مشكور على المداخله الجميله.
الموضوع طبعا طويل وشايع وكل نقطه فيه تعتبر مشروع لموضوع طويل
الساحه مليانه زى ما قلته بالاصوات (بالفنانيين) او بالاصح الناس البيغنوا عشان ما نظلم زول

وخلونا نسمعكم