بني ضنقل عبر الفضاء الاسفيري ، موقع قرية سوري علي الشبكة

قرية سوري ، احدي قري الشمالية تدشن موقعها علي الانترنت

ندعوكم احبائنا لزيارة الموقع ، و ابداء الرائ .


http://www.soury.net/






0

اخونا في الله حمد ..
حمد لله علي السلامة ..
والموقع جميل ..
خلينا نبحر فيهو ونجيكم بقراءة اشمل ..


تسلم يا ذوق ..

Quote: اخونا في الله حمد .. حمد لله علي السلامة .. والموقع جميل .. خلينا نبحر فيهو ونجيكم بقراءة اشمل .. تسلم يا ذوق ..

حميدة

ما عرفتك و الله ، يا خي انت الليله في قمة الزوق و الله ،


دا نيو لوك و لا شنو ؟


شكلك رايق يا حبيب ، ان شاء الله دايمة .



مشكور علي المرور و التعليق يا منقة

دناقلة يا بيل قيتس

ابننا المشاغب حميدة عمك حمد دا ما عارف مواهبك المدفونة

ابن اخونا بدري

Quote: ابننا المشاغب حميدة عمك حمد دا ما عارف مواهبك المدفونة

حميدة دا الخير و البركة ، يا محسكو الزول دا رباطابي يعني مولود مسيخ ، اها الزول دا جاني اول زول و زار موقع بني ضنقل ، و اظهر كمية من الذوق و حسن الادب ، علي هذا الاساس انا اتعاملت معاه علي انو زول ظريف و لطيف .

باقي مواهبوا ربنا يزيدوا و يباركلو فيها ، او ما تستعجل عليها الابداعات دي ان شاء الله حتطلع مع مرور الوقت .



.

يحملني شوق جارف لمعرفة رأي أخونا بشاشا في الموقع خصوصاً في البانر الذي يحمل عرباً نحن حملناها ونوبة.

انتو يعني الواحد ما يتكلم معاكم كويس ..
لقيتوني الليلة مبسوط بالسيرك العالمي البقدمه عمنا جحا ..


شوفتوهو قلب الهوبة كيف ...!!!!!

العزيز حمد

هذا عمل رائع وتشكر عليه جداً..زرت الموقع وأعجبت به كثيراً..
بداية طيبة لعمل يمكن أن يكون مفيدا لبلدتنا الجميلة..
شكراً مرة أخرى عزيزي حمد على جهدك المقدر

الزاكي عبد الحميد

استاذ الزاكي عبد الحميد

تحياتي يا محترم

قرانا بالشمالية تحتاج للكثير و الكثير ، لتكون بيئة صالحة للعيش ، نحن نسعي بكل جهد لتطوير مدارسنا و مستشفياتنا ذاتيا و كذلك منشات المياه و الكهرباء ، و المشاريع الزراعية و غيرها من ادوات تطوير انسان الشمال .

بالمناسبة يا استاذ الموقع دا اجتهدوا فيهو كل من الاستاذ عبد الله بن عوف ، و اخونا المهندس بدري محمد بدري ، و انا لست سوي شخص معجب بالفكرة زيك ، و قمت بعرضها علي الاخوة هنا لتكون احدي النماذج مع باقي مواقع القري المختلفة .


اشكرك يا عزيزي علي حسن ظنك بي .

اهلي وعشيرتي يا ابناء سوري
وملواد وسالي
مبروك هذا الموقع الانيق
يا احفاد ترهاقا وبعانخي
فليس بغريب عليكم ان تخرجوا لنا هذه التحفة الرهيبة

يا حمد اخوي
انت من سوري ولا القولد
حدد

ركز يااااااااااااخ

حمزاوي عمي التَلب

ار سي ويي بونا ؟؟

Quote: يا احفاد ترهاقا وبعانخي

يا عمنا انا مع ديل بس ، اذا كانوا في القولد ولا في اوربي او في كرمة في عبري و السكوت في حلفا . سوري و سالي و سلقي و ملواد ملن اندر .

بصراحة روعة بس الصفحة عرضهاكبير
فيصل محمد خليل

يا فيصل تحياتي و تقديري

بالتاكيد نثق في ذوقك ، و ما دام الموقع عجبك معناه انو جميل فعلا ، و اعتقد انو ملاحظتك حتكون محل تقدير المهندس بدري .


شكرا يا سيدي

الأخ العزيز حمد

تحية و تقدير

مبروك الموقع الجميل ..
و بما أنني مررت على هذه القرية مروراً سريعاً ذات صيف .. إلا أن الصور المرفقة أرجعتني للوراء كثيراً ..
نتمنى لكم التوفيق و للقرية السؤدد و الإزدهار

أرقد عافية

Quote: اخونا المهندس بدري محمد بدري

ذي المرحوم عيدروس جبريل ابكر ..


بس بدون حزام .. !!

الاستاذ / ابوجهينة

لك التحية و التقدير

من دواعي سرورنا اننا انعشنا ذاكرتكم بمناظر قري الشمال .

اخشي يا استاذنا ان يكون ما بقي لنا من هذه القري مجرد ذاكرة ننعشها في اوقات متفرقة .


بالتاكيد مرورك سيسعد اصحاب الموقع ، اشكرك علي امنياتك الجميلة .

الاخ حمد فتح الرحمن

مبروك الموقع لضيق الوقت لم استطع العبور الى الداخل مؤجل الى حين لكن الموقع يعجب

من الباب ( عربا نحن حملناها ونوبة )


تحياتى

اخونا عامر تيتاوي

تحياتي و تقديري ،،،

مرورك جميل و يسعد ، صراحة كنت عايز الاقيك من زمان لكن لم تسنح الفرصة ، علي كل حال لسه في مساحة نتلاقي فيها ، تحياتي للاخوة كمال و خالد الدبل .

العزيز حمد وضيوفه الكرام


أود أن أشير الى أن الموقع لم يخرج بشكله النهائي بعد كل ما قمنا به هو تشغيله على عجل الى حين الأنتهاء من التصميمات الخاصة بالموقع وتركيب المنتدى لذا نرجو من الاخوة تزويدنا بمقترحاتهم لاثراء الموقع.

وأشيد بالعديد من المواقع النوبية على الانترنت وأنشد ظهور العديد من المواقع النوبية التي يمكن من خلالها عكس تاريخ يمتد عبر قرون طويلة لحضارات وثقافات نوبية حتى نتمكن من المحافظة على هذا الإرث الضخم الذي تركه آبائنا وأجدادنا وحتى لا نكون ممن ينامون على ارثهم يجب العمل للحفاظ على هذا الإرث خاصة في ظل ظهور أصوات تنادي بالتأريخ للسودان من تاريخ دخول الإسلام الى السودان ... باذن الله ستظهر العديد من المواقع النوبية على الانترنت خلال الأيام القادمة نتمنى أن تجد كل الدعم من النوبيين في كافة أرجاء العالم

اولا
اريد ان انتهز هذه الفرصة لأزغرد

ايوووووووووووووووووووووي وتاني وحدة زيها لانو ايدي وجعتني ...

الف الف مبروك الموقع يا بني دنقل، كده انتو دخلتو الألفية اللي احنا فيها...

ثانيا

اكتر حاجة فرحتني وعيوني دمعت لما شفت اسم ابني (بدري)!

كبر ما شاء الله عليه، الله يحرسه وبقى بشمهندس قد الدنيا!

روح يا بدري، الله يكبرك كمام وكمان ويجعلك في كل طريق منتدى

عزاز ابو الشام يا بت يا دغرية

يا زولة و الله عجبتني زغرودتك تب .

السبب التاني بتاع الزغرودة دا وجيهه جدا كونو انو ابننا بدري كبر و بقي مهندس يشار اليه بالبنان ، و دا كان واحد من الاسباب الرئيسية لانزال البوست .

بالمناسبة بدري دا صغير اي نعم ، لكن عقلوا كبير علي قولة عمنا تنقو ، عشان كدا خالينو يحوم معانا .

بالنسبة للسبب الاول اولا اشكرك علي مجاملته ابنا عمومتك بني ضنقل ، لكن بالمناسبة دا ما اول موقع لبني ضنقل ، هناك الكثير من المواقع الخاصة بقري و مدن الضنقل كموقع القولد و موقع سالي و ملواد و اوربي و غيرها ، و انضمام موقع سوري لها من الاضافات المميزة لمواقع الضناقلة ، و النوبيين عموما .

الشكر ليك مرة تانية يا بنية العم .

الكنداكة الجميلة عزوز

سلامات

لاحظي انو نحنا في ديار أبناء عمومتنا بني ضنقل خلي الكلام دا بيناتنا بعدين.

حمد اخوي

الوان كئيبة بصراحة و تبعث في النفس غمة..
اسود وكبدي واحمر غامق ما بتتلم إلا في قرمصيص..
وأي لمة تانية لهذه الالوان خارج منظومة الاعراس بدعة..
ولايبتدعن احدا في قرانا فانا والله نحبها ومنها المنشأ واليها المصب..
تالتا : الصور باهتة وغير ديقتال ..
كان اولى بالذي انزلها ان يتحرى الابداع في ماينزل ..
خامسا: الخط لايتناسب معنا كنوبيين ..
رابعا: استخدام مفردة عرب في موقع نوبي وبخط كوفي وابيض اللون مسالة مستفزة وقميئة كشعرة في حساء ..
مين قال ليك انو عربا ونوبة السووا سوري دي..
عربا نحن بنيناها دي قيلت للسودان عموم.. وماقد شارك اعرابي في مابناه جدي ياسيد ..فلا تجدف في مواقع النوبيين بما ليس لك به علم ..
حين يتعلق الامر بما لاتفقه وهو نوبي فقف واسال ابيك او اسالنا ياخي ..انا وحمد اخوانك وجهالتك بنحملا ..

عموما ولكي لاابخس عملك فان اجمل مافي هذا التصميم هو البلابل البتجري ورا الماوس دي ..


ناس تزغرد اخوانيات سااااااي ..

دكين

اولا دعنا نتختلف برفق ، فاختلاف الراي يا عزيزي لا يفسد للود قضية .

اخونا الباشمهندس بدري محمد بدري رجل متخصص في البرمجة بلغات العالم اجمع ، ( ما زول نوبي يعني ) لازم يكون افهم الناس .

بعدين معليش يعني انتا لسع من زمن الطقيم اخدر فوق و اسود تحت و الشراب مع الكرفتة ، يا ابني الزمن دا بقي في شيء اسمو الاحساس الداخلي بالالوان ، ممكن يجيك واحد مركب لون كبدي مع بنفسجي ، و يديهم اصفر من تحت ، و برتقالي بالجنبة ، و يقول ليك مالك دا ما احساسي الداخلي كدا و انا شايف ان دي احلي تركيبة الوان .
الموضة بقت كدا ، يا دكين ، و اناقة الرجل في شرابو .

و لكن اتفق معك يا عزيزي في بعض ما ذهبت اليه ، فحكاية عربا حملناها و نوبة دي كتيرة شوية ، فالعرب لم يحملوا شيئا من تراث و حضارة النوبة ، كل ما فعلوه في ارض النوبة انهم سكنوا اطراف القري النوبية ، و كانوا بندلو الصباح التحتانية يبربروا السنط لي بعارينم ، و ينضفوا النخل من الجريد ، و يقومون بعملية تلقيح النخل في بعض الاحيان ، لذلك لا يمكن ان يكونوا قد حملوا شيئا من حضارتنا .

و ايضا اتفق معك في جمال البلابل بتاعة الماوس دي ، صدق اكتشفتها اسع بعد ما انت اشرت ليها ، لله درك ، اشكرك يا عزيزي علي هذه اللفتة البارعة منك ، و دمت مصادما نوبيا شرسا .