إعتزار للأخ سجيمان

الأخ سجيمان،،
الأخوات و الإخوة أعضاء منبر الحوار
الزوار الكرام،،
صادق التحايا و أجملها،،،
كتبت للأخ سجيمان من قبل ،فى بوسته الذى أحيل لغير صالح للنشر بواسطة الإدارة، و أجزم أن الإدارة لها كامل
الحق و الصلاحية و قد توفقت فى ذلك تماماً ، إلا أننى و برغم إعتراضى التام و الكامل على ما كتب الأخ سجيمان فى ذلك البوست ، قد وقعت فريسة التسرع بكتابتى للآتى نصه:

Quote: أعلن توقفى عن قراءة بوستاتك إلى يوم الدين.

و لم تكن غضبتى أكثر من أننى أحد المتابعين لسجيمان و كتاباته ، أعترض على جزء كبير فيها، و أضحك مع جزء ، وهى سنة الحياة نختلف
لنتفق ، و نتفق لنختلف.
و قد وجدت نفسى أضحك ملء شدقيى لتعليق للأخ سجيمان ، فى أحد البوستات، و لأن ما كتبته و أنا غاضب على سجيمان و لازلت لمحبتى
لطريقته فى الكتابة، مع التحفظ على كثير من بوستاته التى تتسم بالعنصرية و غيرها، ولكن أقرأها رغم ذلك، و لولا سودانيزأونلاين
و سجيمان لما سمعت بحسن موسى ، وعبدالله بولا ( أفهم تماماً تلك مشكلتى ، و جهلى بالثقافة السودانية)
لكنها تظل الحقيقة. و أعتقد أن مثلى عدد لا يستهان به.
فجيلى لم يطلع على صحافة الإتحاد الإشتراكى أو غيرها ، بدأنا مع المشؤومة ثورة الإنقاذ.
عليه.........
أقدم إعتذارى للأخ سجيمان علّه يتفهم المقصد، الأسباب و الدوافع.
و إن لم يفعل فقط أكون قد برأت ساحتى عندما أخطأت التقدير.
و السلام.

الاخ عبد الرحمن


يا زول عضرك مقبول تب

وان ما اتعضرت انا برضو والله ما اخدت فيها حاجة... لكن بيني وبينك انا زول غيااااااظ....وعلة ولايوق....انا متوكد في ناس لو انا واقف قدام الواحد فيهم ينط فوقي ويخنقني......
ما تشوفيني كدي..... انت قايل شنو؟؟.... وبعدين مسيكين الغنماية تاكل عشاي وتقش خشمها فوق طرف جلابتي..........وبعد دا كلو قاعد يجيني ابكباس في الليل.....
وبعيدنك زول ما بيغلط فيني ما بغلط فيهو........

Quote: وبعيدنك زول ما بيغلط فيني ما بغلط فيهو

صوح يا ود عمي..


ولدنا عزاز ما قصر تب..

جدنا ازيك

انتا زاتك ضحكتنا..و انا شاكي التعليق المعني يكون مر على

Quote: إعتزار

علم لينا اخونا ابوفوفو ده حبة

الاخ/ عبد الرحمن

هذا موقف شجاع وهكذا يا أهل حوش بكرى الكبير اثبتم انكم امناء واوفياء لسودانيس اون لاين
تحياتى

سجومي المانعني نومي