Post: #1
Title: تكوين***تيف تيف
Author: مدثر محمد ادم
Date: 02-01-2006, 01:57 PM
Parent: #0
...
تكوين هى ليست محاولة كتابة شعر بقدر ماهى عبارة عن محاولة طرح تجربة إنسانية شوفينية الاحساس 0 تعبير عن حالة تجلى روحى وعاطفى ملحمى 0 توثيق لاحاسيس زمنية ممتعة حد البكاء وبيضاء حد السواد0
هى عملية خلق وتكوين لى معانى جمالية تحمل رؤية لواقع اروع 0 وعى انوثى بالذات الجمالية للمرأة واعادة تقيم الجمال ومحاولة تغير للمفاهيم بانحيازها للجمال ليس فى معناه الوصفى والغزلى بل فيما يرمز لى معانى ودلالات تعكس سر جمال روعة الحياة من خلال نظرتنا لها عن طريق عيون التكوين 0
وقد خلقت وتكونت فى دواخلى حالة هياج وجدى وحرمان واحباط تفاؤلى وامل تراجيدى نستلهم من عذاباتة واناتة روح الحرف وفرحيات الكتابة لتعبير عن قمة الاحساس بنكران الذات العاطفى بالذوبان فى الذات الروحية للتكوين ، هى كانت تشكيل فى حياتى غربة انتمائية ومشروع لحلم إنسانى يحمل طابع البنفسج ولكأنه لم يتحقق ولم ينجذ ولكأنه جعلنى اكتشف ذاتى وكون فى دواخلى وعى بالاشياء والخوض فى بحور جمالها والتامل فى تفاصيل كنوزها والتمتع بسر خفايا روحة وشفاهية الطبيعية هى عملية تكوين لمفاهيمها الانسانية والاخلاقية وخلقها لذاتها الجمالية وسياقتها للوصول بها لمرحلة الكمال البشرى فيما يحملة من احاسيس عاطفية سامية هى محاولة اخراج انفعالات نفسية داخلية لانثى تحمل وعى التكوين نادرة الوجود لاتتكرر إلا مرة واحدة فى الحياة صدفة وضرورة هى تعقل جنونى امل حد السراب هى حلم ممزوج بالحقيقة هى واقع مستمر من الخيال هى ظاهرة هى حدث لذلك فكرت ان اضع هذة التجربة واطرحها امام القراء حتى يساهموني اسرائها بالمناقشة ونقدها وابداء الراى وتقيمها من جميع النواحى 0
|
Post: #2
Title: Re: تكوين***تيف تيف
Author: مدثر محمد ادم
Date: 02-01-2006, 02:32 PM
Parent: #1
** تكويـــــــن **
يا شمس التكوين
وحاتك أنت
كوني حيث أنت
كوني مكان ما اخترت
دنيا الصمت معقل
الرفض
كوني فراشة رافضة
الظلمة
كوني أنثى رافضة تعيش
في ضل راجل
وتكون حرمه
دايره تكون في قلبو
أصعب منية
بتشكل لحياته كل
الدنيا
يا شمس التكوين
لما تكوني في دنيا الناس
أنت الفوق
أنت الأصعب
وأنت الأبعد
بتكوني في دنياي
أنت الأجمل
وأنت الأقرب
وبتكون عينيك منبع
فكره
أول خطوة تودي
لبكره
ما الكون ما خد من عينيك
الحكمه
يا شمس التكوين
كوني شمس كل ما تغيب
تطلع أحلى
كوني حلم لي زولا داير
يلحق ضوء النجمه
كوني أمل في ابعد
حتة
بنجيهو بشوق
الرحلة
كنتي في زمن معاني
تديني مبادئي
في الزمن الزيف كنت
النكرة
يالاديت الطير من حسك
أجمل نغمه
كل متجينى صورتك
شايلاها النسمة
بستلهم من روحك وحي الكلمة
يا شمس التكوين
كونتك جواي أمال منتظره
بتراقص روحي بنشوة
كونتك فرشة تلون في أيد رسام
تديهو ألروعه
كونتك وتر تلحين
في عود فنان
يحكليو الغنوة
وشتلت تكوينك معاي
همسة حنين
لي قلب إنسان غارق
في الدمعة
يا شمس التكوين
يا نور في حياتنا
رافض تشرق تبين
راجنو انفجار التكوين
ضوءك من سنين
وخطانا في دربك
ما بتلين
وساعة شروقك كانت
لحظة انفجار التكوين ...
21/مايو/2001
|
Post: #3
Title: Re: تكوين***تيف تيف
Author: مدثر محمد ادم
Date: 02-02-2006, 05:45 PM
Parent: #2
اَهـــــــــــــــه
جيت راجع منك مكسور
الخاطر
بقيت اضحك من الزمن
اضحك من الحزن
واضحك من الحظ التعيس
وكلامك المسموم بدل
يزعلني ويزيدني هموم
فرح قلبي وأداني
أمل ويقين بأنك تكوين
كيفن تبقي تكوين
لو ما قلت لا
وهي من ملامحك
كلمة لا
أنا حبيت فيك صمتك
ورفضك للحب في الزمن
الرخيص
والواقع الاشتر
لكن أنا جاي
من الماضي البعيد
رافضك للحاضر العنيد
بحلم معاك بالمستقبل
الجديد
ألفيهو الحب أجمل نشيد
جواي أنا طفل مشتهيك
عاشق لخطاك لي آخر مستنيك
في ضل السحاب الراحل
لمدن عينيك راجيك
في وقع خطاه على الأرض
مباريك
بضمه ضلوعه عليك من
قدر الزمن يحميك
مستحيل يسيبك ويفتش
عن غيرك يخليك
ياا جمل فكره جواي
يا اجمل دنيا معاي
ساعة أضل الطريق
وافقد في سفري الرفيق
والشوق يشعل جواي حريق
بطلق من قلبي صوت مكتوم
يهتف باسمك يناديك
يهتف باسمك يناجيك
اكتوبر 200
|
Post: #4
Title: Re: تكوين***تيف تيف
Author: مدثر محمد ادم
Date: 02-03-2006, 08:14 AM
Parent: #3
(13) يا رائعة
يا رائعة في بطن الكتب
فهمت كل حروفك
الطالعة من قلب اللهب
ومشيتو دربك ألما هو ضهب
حفظت من غناك الصعب
ختيتو حبك في قلبي شبال
جيتك ومتجاوز في الزمن
كل محطات الانتظار
جيتك وشايل ريدك أمل
وشايل معاي رسمك
عشان أكون من ملامحك
أجمل وطن
لليتامى أجمل حضن
للطير المهاجر سكن
للغلابة يمسح حزن
يا رائعة في غني الأطفال المحرومين
يا واحة ضلها رامي على المساكين
كان قصدي أكون من عيونك
أجمل أمل للأجيال الجايين
يا رائعة في حزن الناس التحت
صورتك ألفي خيالي ما اتمحت
واسمك في قلبي اتنحت
قلت أكون من دنياك أجمل فرح
لي ناسا من حزنها نست الضحك
يا رائعة في الكلام عاشقين
على ضفاف النيل
في سكون الليل
شالتك ليهم زهرة ياسمين
ريحها بتطلع من أنفاس الناس
العلى دربك ماشين
ومن روح الناس
الفي حبك ميتين... ميتين
|
Post: #5
Title: Re: تكوين***تيف تيف
Author: مدثر محمد ادم
Date: 02-03-2006, 04:00 PM
Parent: #4
اختيار
كان اختيار صعب
ما بين عيونك والموت
وكان انتظارك حارقتي بنار الشوق
قلت أخير اسيبك
والقلب بالفراق محروق
وحاتك يا تكوين أجمل وطن جواي
وضايع في غربتو
وبرغم حبك في أعماقي لسه موجود
قلت أخير أسافر عن عيونك
وأفارق جنتك وأفوت
وأكون بعدك تاية وسط الدروب
أكون بعدك في الأرض مفقود
وحاتك يا تكوين أجمل أمل في دنياي
بعيد عني ما ملحوق
كل ما اطير واحلق
بي حبي وامشي عليك
ألقاك بعدت عني ومشيت لي فوق
وتكسر جناحاتي في عينيك
قلت أخير اسقط
ويكون إحساسي من بعدك
هم في بحر الألم مدفوق
وحاتك يا تكوين أجمل زهرة
نبتت في جنة أحلامي
سقيتك حب من دمي
واستنيتك تنبتي
وأنا الكنت ما عارف
أني زرعتك في زمن خازوق
وما أظن بعدك بالي تأني يروق
ما عيونك أجمل نغمة
أول وأخر غنوة
بتردد في وجداني
ينقطع بعدك أخر وتر في العود
كيفن تأني اغني
والقلب صبح منكوب
يا منبع احساسي من بعدك
لأطير يشدو لا قلب ينبض
لا فرح منشود
ويضيع معاك تكويني
اللسه ما أتولد
تتهد جواي كل الجروف
وتتيتم في دنياي كل الحروف
لكن قلت اسيبك
وادرس اسمك بين العروق
عشان أتشهد بيهو
قبال ما .... أموت
قبال ما .... أموت
2001
|
Post: #6
Title: Re: تكوين***تيف تيف
Author: hanadi yousif
Date: 02-03-2006, 05:09 PM
Parent: #5
مرحبا الصديق تيف تيف
ونحن في انتظار المزيد من الجميل
وشكرا على القصائد الرائعة
|
Post: #7
Title: Re: تكوين***تيف تيف
Author: مدثر محمد ادم
Date: 02-04-2006, 01:02 PM
Parent: #6
مرحب بت الفضل
بمناسبة تأبين الراحل مصطفى سيد احمد
بهديك هزه القصيدة
|
Post: #8
Title: Re: تكوين***تيف تيف
Author: مدثر محمد ادم
Date: 02-04-2006, 01:08 PM
Parent: #7
(10) عصفـــــــورة
جلسنا في ضل السحاب نغني
أنا والصحاب
***
وكانت عصفورة تردد أجمل ما قاله
مصطفى من فنى
لهذا الوطن كانت تغني
لا توعد شعبه بالتمني
كانت تضع لحظة التجلي
للأطفال كانت تغني
للجوعى والكادحين تغني
يا عصفورتي الغناء
***
طيري وانشدي لحن
الحرية والفضاء
وقولي للذين يوزعون الظلم
باسم الله في الطرقات
نحن من صلب هذا الوطن
وانتم بالتبني
***
وذكريهم بروح عم عبد الرحيم
ودعوات ود عجبنا
حطمي بالغناء زنازين العساكر
ولا تخافي
فخلفك جيل ثائرا فاطمئني
يا عصفورة
أشعلي بالغناء نار القضية
عوزينا بكلامات مصطفى
ألماها نية
واطربينا بغناوي الغبش الفقرية
شايف روحو جواك حية
وأنت بتغني
يا عصفورة
غني لينا وإحنا ماشين قدام
غني لينا وإحنا داخلين عمق الصدام
غني لينا عشان نزرع في وطنا السلام
غني لينا عشان نمحو عن ارضي الظلام
ويا الله يا عصفورة غني
صوتي في حسك أنحبس وبالله غني
وأنا معاك بأخر نفس بغني
بجيك شايل معاي في أيدي سحاب عشان
تغني
ويالله شدي من ضو الشمس أوتارك
وغني
6 مارس 2001
|
Post: #9
Title: Re: تكوين***تيف تيف
Author: مدثر محمد ادم
Date: 02-04-2006, 02:04 PM
Parent: #8
تجليــــات غيبيـــــــة
الوهم هو شيء ليس كائنا في الوجود
أسطورة من النسيج خيالنا
كذبة كبرى يطرحها عقلنا
تسكنها قلوبنا
ثم نصدقها ونقدسها
وهو شئ نصنعه بأيدينا
حين تفشل في مجارات الطبيعة
وطرح الأسئلة الجريئة
التعموغ في الأشياء الجميلة
هو شي كان عابق
في دواخلي ثم وهن ورحل
مع صرخة الرضيع لبن
وتتفجر الآمال محن
ومع اشتهاء اليتامى حضن
ارتحل
وكنتي الحقيقة
فكل شي عقلي واقعي
واقعي أن تكون الحبيبة
وأذان أنت الصدفة
لان لوجودك ضرورة
أسمتها أحيانا الوطن
وأنا ألان لا أومن إلا يقدس
إجلال عينيك
سر وجود الكائنات ونهداك السابحات
أروع اياتك
يزاد يقيني حين أراك
شفتك مناجاتي في جسدك صلواتي
وذوباني في ذاتك
فضميني راهبا في محرابك
أو درويش ولهان في رحابك
|
Post: #10
Title: Re: تكوين***تيف تيف
Author: مدثر محمد ادم
Date: 02-04-2006, 02:10 PM
Parent: #9
شوق
مشتاق ليك ولي جمال
عينيك
وكلامك الذي الغنى
حتى طيفك أخر الليل
بقي لي منى
يا تحفه كل ألازمنه
الدنيا من غيرك
مظلمة
وحياتنا صارت مبهمة
بحثت عنك في كل
الامكنه
بقيت أعاين لي فوق
يمكن ألاقي وشك شارد
في السماء
فتشت عن نجمك
وسط النجوم
لفيتو عني بعيد سنه
عاينت للقمر بي شوق
ضحكت القمر مني
وقال لي:
البتفتش عنها مكانا ابعد
من هنا
وهي ذاتها أجمل مني أنا
دنقرت للأرض مهموم
شفت سكتك طويلة
كاسيها الضنى
لكن عنها ما برجع
والرجوع يعني الفني
يا غيمه ساقيها الريح
عن دياري مرحله
ببراك عبر الدهر
عبر الفصول
في مدار السنة
ما بلوم صدك ما يعاتبك
عندي أمل أنو مطر
مشاعرك يفيض على يوم
في أي لحظه ممكنة
برجاك في طرف الحقول
جنب الزهور
عند السوسنة
أوعي تكوني ناسية
الهطول
لأني مشتاق ليك ولي
جمال عينيك
وكلامك الذي الغنى
******
نوفمبر 2001
|
Post: #11
Title: Re: تكوين***تيف تيف
Author: مدثر محمد ادم
Date: 02-04-2006, 02:15 PM
Parent: #10
) وردة حب
تكوين يا الجننتي
عيونك
سابح في مداها وتايه
في شجونك
كنت ضايع في ألدنيا
وضجيج الكون
واهتديت لسكونك
بستلهم طعم الدنيا
من وجودك
يا نجمه بتضوي
طريقي في ظلم الليل
وحاتك ضايع من دونك
وعيونك تروي أجمل
معاني إنسان
نابع من تكوينك
بحكم على قلبي بالموت
لوزر عتو في ارض آماها أرضك
وفي تراب ماهو ترابك
ليه كل ما قلبي ليك يشابي
يحلم بي موعد يلقى
التأجيل مكتوب على بابك
يرجع مكسور وفية
عشم في باكر
يقول يصبر ويستني
حتى لو لي آخر العمر
برضو شانك
بتين يا يوم بكره تجي
عشان ازرع أجمل وردة حب
في بستانك
سبتمبر2000
|
Post: #12
Title: Re: تكوين***تيف تيف
Author: مدثر محمد ادم
Date: 02-04-2006, 02:21 PM
Parent: #11
والبقية تأتي ولنا عوده لنواصل الديوان
|
Post: #13
Title: Re: تكوين***تيف تيف
Author: مدثر محمد ادم
Date: 02-04-2006, 06:46 PM
Parent: #12
أنت أول
كنا بنتجادل عن الوهم
والحقيقة
ونتساءل المادة أول
أم الفكره
لقيتك أنت أول
قبل ما ملامحك في خيالي
تتكون
وقبل ما حروفك في مبادئي
تتدون
لقيتك أنت أول
مانت قائمة معاي
من زمان بالفطره
بحسك جواي
يحيني مع الدعاش
ريح أنفاسك العطرة
لا من تغيبي عن دنياي
بشتاق ليك شوق الزرع للمطرة
ساعة مجيك تجيب معاك
فرحتنا
ولحظة لغاك أجمل غنوة
منتظرة
ولقيتك أنت أول
في عيون طفل جائع
مفطوم بالوجعه
في هم مسافر على دربك
شايل عيونك زاد
ومآبي الرجعة
وفي خطة الجيل الأول
العن حبك ما أتحول
وأخطار الموت
كانت ذكراهم عطرة
ولقيتك أنت أول
غيمة للمزارع لما يزرع
في ارضو
وعي للعامل لما يبني
في مجدو
حكمة للطالب لما بذاكر
في واجبوا
حلم الشعب لأمن يسير
في دربوا
ولقيتك أنت أول
وحياتنا من دونك كيف
تصير
ما قادر أتصور
مهما قالوا برضو أنت أول
وتأني أول
لأني لقيتك جواي
أنت أول
مارس 2001
|
Post: #14
Title: Re: تكوين***تيف تيف
Author: مدثر محمد ادم
Date: 02-04-2006, 06:47 PM
Parent: #13
ونواصل
|
Post: #15
Title: Re: تكوين***تيف تيف
Author: عمر ادريس محمد
Date: 02-04-2006, 07:21 PM
Parent: #1
يامدثر
تسجيل حضور ومتابعه
واندهاش
كل ماتقول ......
يطلع ليك
فنان
ريحته براها ....وصوتو عجيب
احيييك ..يامدثر
واصل
|
Post: #16
Title: Re: تكوين***تيف تيف
Author: محمد احمد النور
Date: 02-05-2006, 06:35 PM
Parent: #15
الصديق المرهف / مدثر تيف تيف
سلامات ومرحب بيك اضافة لشعراء وكتاب المنبر
عرفتك لاعبا موهوبا ولكن شكلها كفر ووتر .. ما اروعك ايها التيف تيف واحساسك بتلك الانثى التى هى مدهشه حقا.
لك الود
حمدون
|
Post: #18
Title: Re: تكوين***تيف تيف
Author: مدثر محمد ادم
Date: 02-06-2006, 05:17 PM
Parent: #16
مرحب بالصديق المناضل محمد احمد
وشكرك علي المرور الجميل
|
Post: #17
Title: Re: تكوين***تيف تيف
Author: مدثر محمد ادم
Date: 02-06-2006, 05:14 PM
Parent: #15
شكرأ للاخ عمر ادريس
علي هذا المرور الرائع وارجو ان اكون
عند حسن الظن
|
Post: #19
Title: Re: تكوين***تيف تيف
Author: مدثر محمد ادم
Date: 02-06-2006, 05:22 PM
Parent: #17
يا قمر ضوي
يا قمر ضوي
بالفكرة ألجواك
خلينا نذاكر ونمسح عن دنياك
وجمع الماضي ونرسم فيها بالألوان
أجمل حاضر
ونكتب للأطفال غناوي الحب
ألجوه الخاطر
وألم الناس الباين في عيونك
حيروح يوم باكر
ضحكت يوم داك ترجع من تأني
والفرح يتواصل
ويزول الظم الكان حاصل
ما الدنيا أجمل من غير سجان
من غير جلاد
ومن غير عساكر
ونبقى كمان أجمل
لما تزول ما بين الناس
أي فواصل
بالحب تناصر والخير ألجواك
بيناتم يتباصر
ودربك لوطال بنمشيهو ونتشايل
يا قمر تضوي بالحلم ألجواك
تلقي هناك في ناس
تحت الظلمة قاعدة وراجياك
للخير ألجواك دايرة تذاكر
يا قمر ضوي بالأمل ألجواك
يا قمر ضوي
أغسطس 2001
|
Post: #20
Title: Re: تكوين***تيف تيف
Author: مدثر محمد ادم
Date: 02-06-2006, 05:26 PM
Parent: #19
كلمـني يا قــــلب
كلمني يا قلب مرة
وقول لي
منو ألزيك شرب من كاس
الحب لآمن شرق
منو ألزيك خاض في بحر
الريد لآمن غرق
منو ألزيك أتعذب بنار
الشوق لآمن حرق
وتعبت معاك يا قلب
من مشي الدروب الطويلة
ألما بتتلحق
كلمني يا قلب
كم مرة حاولت تبوح
والكلمة ترجع من الحلق
قبال ما تطلع تنمحق
قالبك تصرخ تقول بالجواك من بدري مكتوم
كلمني كم مرة بس رجعة أتوسد الليل هموم
وكم مرة ساهرت تحاجي ضوء النجوم
وكم مرة حلمت فوق مع القمرة
نغني وتكوني فجة تصحي
تلاقي نفسك قدام حبك
مهزوم
ويطير من عينيك النوم
يا قلب احكي لي وقول
عن ملامح بدر البدور
كلمني الخلد دواخلك
جواك تنتفض و تثور
مهما أوصف مهما أقول
ما أظنوا انصف
دي غايتو أجمل من بنات الحور
كلاما زى همس الزهور
أنفاسه طالعة زى عبق البخور
ومشيها زى النسمة لما علي النيل تمر
وتحي في ضفافوا في لحظة عبور
أيديها زى رقة جناح عصفور
ونغمة صوتا زى رنة حسيس طنبور
وفي عينها الأرض وقفت أبت ما تدور
وانا يا قلب بالدهشة مكتول زى تقول مخمور
يمكن أكون مسكون؟
لكني داير يا قلب تقول لي
منو الذي في حبو
فات حد الجنون
يونيو 2001
|
Post: #21
Title: Re: تكوين***تيف تيف
Author: مدثر محمد ادم
Date: 02-06-2006, 05:29 PM
Parent: #20
ونواصل بقية الديوان
تيف تيف
|
Post: #22
Title: Re: تكوين***تيف تيف
Author: مدثر محمد ادم
Date: 02-08-2006, 11:22 AM
Parent: #21
عيديه
شوفتك كانت لي عيدية
وأنت لابسة الأحمر وهج
القضية
ببسمة صافية وإشارة
من أيدك
حيتني بأجمل تحية
طفت شوقا كان مولع
جواي ناراً حية
طار من الفرح قلبي
وسبق في رد السلام
ايديا
عيونك
بنلقى في ضلو حنية
عيونك وطن
شوارعوا عديلة دغرية
تطير وتحلق في سماه
جنب الصقر قمرية
يا شايلة من الظلام الليل
سمره لونك الزنجية
أغنيك لحن جميل
في غنى الطيور القايمة
من أوكرا دقشية
تردد مع الأطفال
حرية حرية
وأنت في مشيك مع غناه
تميلي
زى وردة بترقص مع
النسمة الصباحية
يا غايبة عن ديارنا وهاجراها
طال بعدك بتين ألجية
راجيك حمل منسوج على ضوء
الشمس
يديني شعاع الإنسانية
بتين نسعد بالجية
ونفرح بيها
وتصير دنيانا بي حبك
مروية
وتصبح أشجاره الجافة
بالخضرة مكسية
وتكوني فيها غنوة حب
دايمة وأزلية
وشوقتك كانت لي
عيدية
يناير 2001
|
Post: #23
Title: Re: تكوين***تيف تيف
Author: مدثر محمد ادم
Date: 02-08-2006, 11:33 AM
Parent: #22
) رسم عينيك
قريت في عيونك معنى الوجود
ورسمت فيها وطن من غير حدود
ضل على الجميع ممدود
أطفال بتلعب بالورود
الضحكة تملى الخدود
وطن مخاصم الجوع
الكضب ممنوع
عرش الظلم مخلوع
صوت الهوس مفجوع
محمد اخو اليسوع
علم السلام مرفوع
صوت الفقراء هو المسموع
والحرية تسود
وطن جايهو من واقع
بالحرب موجوع
ومن زمن مشاتر
تأني ما في ليهو رجوع
بونس بيهو شافع
حبك في قلبو هو المزروع
وطن رسمتو بي قلم مكسور
في زمن مجنون
وبجرح منخور
في قلب محروم
وطن واسع بصدر حنون
بيت الناس كلمة ريد
بالحب مسكون
والرسم في عيونك من أجمل الفنون
وطن عيونك لابد من يوم حايكون
يوليو 2001
|
Post: #24
Title: Re: تكوين***تيف تيف
Author: مدثر محمد ادم
Date: 02-08-2006, 11:35 AM
Parent: #23
ونواصل....
تيف تيف
|
Post: #25
Title: Re: تكوين***تيف تيف
Author: مدثر محمد ادم
Date: 02-08-2006, 01:30 PM
Parent: #23
غنى الطير وطن
في وطنا دا الطير الكان صداح
ومليان بالفرح والغنى
ساب الغنى
وبقى في الحزن والطنطنة
وقاعد في ظلام الليل ينقنق
مستني نور الصباح اللسه
ما طلع
ويفكر في همنا وناسي هموا
وفي القعدة يغفو وفي الغفوة يحلم
بصباح أجمل وزرع اخضر
ويغازل في الحلم نفسوا
ويبدأ يغني بصوت عالي
ولما يذكر انو وطاويط الليل
بتجسس على حلمو
وبتسمع في غناه
بتحس بي همسو
فجأة يصحى ويخاف
يحضن صغاره ويوطي حسو
ويطاطي راسو ويرحل
وبي سرو ينقنق ويقول
دا غناي ألما برأي بحسو
دا غناي لمن يجئ الصباح بغنية
وما بدسوا
11 /12 / 2004
|
Post: #26
Title: Re: تكوين***تيف تيف
Author: مدثر محمد ادم
Date: 02-08-2006, 01:31 PM
Parent: #25
ونواصل..
تيف تيف
|
Post: #27
Title: Re: تكوين***تيف تيف
Author: مدثر محمد ادم
Date: 02-09-2006, 12:45 PM
Parent: #26
لأمن قرب موعدك
قعدت في سكون الليل وأتخيلك
طالعه من قلب النيل
لابسة النجوم توب
وشايلة القمر منديل
لأمن قرب موعدك
استنيتك و استنيت
بحرك علي يفيض
وقعدت في قيفك أغنيك
واغني اسمك والكون
معاي يغني يشيل
استنيتك ضماضة جروح
دوبتك جواي زاد للطريق
في طرف الدرب ما بدفقك
ساعة كأسك علي يميل
بشربك
وأتخيلك
طالعة من الشمس رقراق
جاية من المطر شقشاق
في نظرتك أنسى كل ألفات
قبال ما يحيني موعدك
قلبي طار يلحقك
وعقلي قعد يتخيلك
أغسطس 2001
|
Post: #28
Title: Re: تكوين***تيف تيف
Author: مدثر محمد ادم
Date: 02-09-2006, 12:51 PM
Parent: #27
خاطرة
كانوا يتعذبون من أجلنا
ويضحون في سبيلنا
ويتألمون لبكاء أطفالنا
لماذا ؟
ومن هم ؟
ومن أين يأتون ؟
لست ادريخاطرة
ولكن حين رأيت
دماءهم تسيل لتروي
ارض الفقراء
أيقنت أن اللون الأحمر
لون الشرفاء
وإنهم شيوعيون
يأتون من زانتا
لأنهم ثوريون
إذا .... أنا
|
Post: #29
Title: Re: تكوين***تيف تيف
Author: مدثر محمد ادم
Date: 02-09-2006, 12:54 PM
Parent: #28
ونواصل
تيف تيف
|
Post: #30
Title: Re: تكوين***تيف تيف
Author: عبدالكريم الامين احمد
Date: 02-09-2006, 12:55 PM
Parent: #28
Quote: لأمن قرب موعدك
قعدت في سكون الليل وأتخيلك
طالعه من قلب النيل
لابسة النجوم توب
وشايلة القمر منديل
لأمن قرب موعدك
استنيتك و استنيت
بحرك علي يفيض
وقعدت في قيفك أغنيك
واغني اسمك والكون
معاي يغني يشيل
استنيتك ضماضة جروح
دوبتك جواي زاد للطريق
في طرف الدرب ما بدفقك
ساعة كأسك علي يميل
بشربك
وأتخيلك
طالعة من الشمس رقراق
جاية من المطر رقراق
في نظرتك أنسى كل ألفات
قبال ما يحيني موعدك
قلبي طار يلحقك
وعقلي قعد يتخيلك |
كلام زي الورد يا مدثر......قول ...قول يارائع
|
Post: #32
Title: Re: تكوين***تيف تيف
Author: مدثر محمد ادم
Date: 02-09-2006, 01:10 PM
Parent: #30
شكرا للاخ عبد الكريم الامين
علي المرور الجميل
لك مني كل الود
تيف تيف
|
Post: #31
Title: Re: تكوين***تيف تيف
Author: Sahar Abdelrahman
Date: 02-09-2006, 12:58 PM
Parent: #27
الأخ الشفاف مدثر....سلام ومرحب بيك
Quote: قعدت في سكون الليل وأتخيلك
طالعه من قلب النيل
لابسة النجوم توب
وشايلة القمر منديل |
أسمح لى أن أعود لاحقا للتعليق...
مع معزتى
|
Post: #33
Title: Re: تكوين***تيف تيف
Author: مدثر محمد ادم
Date: 02-09-2006, 01:14 PM
Parent: #31
الاخت سحر شكرا للمرور السريع
ونحن في انتظار تعليقك
|
Post: #34
Title: Re: تكوين***تيف تيف
Author: مدثر محمد ادم
Date: 02-11-2006, 09:51 AM
Parent: #33
(7) تحفـــــــــة
عيونك تحفة أسطورة
مركبة بانسجام
لأمن أعاين ليها
وحاتك يا غالية يغلبني الكلام
وأنبهم ما اقدر أقول
أي كلمه بعد السلام
يا نخلة من خير أرضنا عالية
أنت شاقة صدر الغمام
والطير المهاجر بعد سفرا
طويل حط فوق كفك ونام
وأنا ما قادر أطول واحصل هامتك
ولا أسرع عشان الحق ضل ايدك
أتمني لو اتمدد في فضاك
وأتوسد من التعب لحاك
واحكي ليك حكاية زول
شرب من سلافة تمرك
كاس معتق بنخب حروفك
لأمن سكر بي هواك
تعرفي لآمن قلت ليك
داير ألقاك
وطلعت قولة إنشاء الله
خير من خشمك
ساهرت الليل اتونس باسمك
لحد ما طلع النهار
وأشكل من نجمو لوحة
تحمل رسمك
فيها البنفسج للضوء خط انكسار
وكبت ليك في الزمن أسرع
قطار
عشان اجيك
وسبقني ليك قلبي المن زمان
مشتهيك
ياربتو كان يلحق
وساعة لقيتك لا قدرت أشيل خطاي
وامشي عليك
لأقدر صوتي يطلع ووبنده ليك
ورجعت منكسر ولي بعدك هميت
لكن يارايعة بس داير
أقول ليك
كل ما يطول سفري
لي مدن عينيك واقطع ليها
سهول وبحار
وألاقي في سكتك عجائب
وأشوف الخضرة على ضفة الأنهار
بحس بي متعة الترحال
وفي خاطر عيونك
مابيغلبني الانتظار
لان خطاي في دربك
الأمل احتمال
يمكن اصل... يمكن اصل
ابريل 2001
|
Post: #35
Title: Re: تكوين***تيف تيف
Author: مدثر محمد ادم
Date: 02-11-2006, 09:53 AM
Parent: #34
ونواصل ..
مدثر تيف تيف
|
Post: #36
Title: Re: تكوين***تيف تيف
Author: مدثر محمد ادم
Date: 02-12-2006, 12:22 PM
Parent: #35
(19) أتخيل
كدي أتخيل زى كأنك في بحر ميل
وشتت ليك رزاز الموج أوهام
وغنت ليك ضفافو الريد الألم
وشدت ليك من حبال الشوق سفن
توديك لي مدن أحزان
تخيل والبحر ليل
ومن ظلمو تشوف
جزر المحبة طشاش
تخاصمك موجة ممتدة
تصارعك وأنت تتحدي
وتفكر ليها تتحدى
يلازمك حسرة الإحساس
تلاعبك ريح
وتزيد في الفؤاد تجريح
تحاول أنت تصيح
تموت جواك الصخرة
ونشوف في الموت
مركب خلاص
5 / 12 / 2005
|
Post: #37
Title: Re: تكوين***تيف تيف
Author: مدثر محمد ادم
Date: 02-12-2006, 12:23 PM
Parent: #36
نواصل..
مدثر تيف تيف
|
Post: #38
Title: Re: تكوين***تيف تيف
Author: مدثر محمد ادم
Date: 02-12-2006, 02:33 PM
Parent: #37
up
up
up
|
Post: #39
Title: Re: تكوين***تيف تيف
Author: Sahar Abdelrahman
Date: 02-14-2006, 01:49 PM
Parent: #38
العزيز مدثر...سلام
أعجبتنى المقدمه كثيرا...
وقد خلقت وتكونت فى دواخلى حالة هياج وجدى وحرمان واحباط تفاؤلى وامل تراجيدى نستلهم من عذاباتة واناتة روح الحرف وفرحيات الكتابة لتعبير عن قمة الاحساس بنكران الذات العاطفى بالذوبان فى الذات الروحية للتكوين ، هى كانت تشكيل فى حياتى غربة انتمائية ومشروع لحلم إنسانى يحمل طابع البنفسج ولكأنه لم يتحقق ولم ينجذ ولكأنه جعلنى اكتشف ذاتى وكون فى دواخلى وعى بالاشياء والخوض فى بحور جمالها والتامل فى تفاصيل كنوزها والتمتع بسر خفايا روحة وشفاهية الطبيعية هى عملية تكوين لمفاهيمها الانسانية والاخلاقية وخلقها لذاتها الجمالية وسياقتها للوصول بها لمرحلة الكمال البشرى فيما يحملة من احاسيس عاطفية سامية هى محاولة اخراج انفعالات نفسية داخلية لانثى تحمل وعى التكوين نادرة الوجود لاتتكرر إلا مرة واحدة فى الحياة صدفة وضرورة هى تعقل جنونى امل حد السراب هى حلم ممزوج بالحقيقة هى واقع مستمر من الخيال هى ظاهرة هى حدث .
أحس أنك تمتلك روح شاعره ونفس خيّره..كلماتك تعبر بصدق عما تحمله فى دواخلك النقيّه وما تحسه إتجاه العالم الخارجى...أتمنى أن تواصل الكتابه وأن تعبر عن أشيائك بنفس ذلك العمق...
مع معزتى
Quote: ياا جمل فكره جواي
يا اجمل دنيا معاي
ساعة أضل الطريق
وافقد في سفري الرفيق
والشوق يشعل جواي حريق
بطلق من قلبي صوت مكتوم
يهتف باسمك يناديك
يهتف باسمك يناجيك |
Quote: طيري وانشدي لحن
الحرية والفضاء
وقولي للذين يوزعون الظلم
باسم الله في الطرقات
نحن من صلب هذا الوطن
وانتم بالتبني |
Quote: فتشت عن نجمك
وسط النجوم
لفيتو عني بعيد سنه
عاينت للقمر بي شوق
ضحكت القمر مني
وقال لي:
البتفتش عنها مكانا ابعد
من هنا
وهي ذاتها أجمل مني أنا
دنقرت للأرض مهموم
شفت سكتك طويلة
كاسيها الضنى
لكن عنها ما برجع
والرجوع يعني الفني
يا غيمه ساقيها الريح
عن دياري مرحله
ببراك عبر الدهر
عبر الفصول
في مدار السنة
ما بلوم صدك ما يعاتبك
عندي أمل أنو مطر
مشاعرك يفيض على يوم
في أي لحظه ممكنة
برجاك في طرف الحقول
جنب الزهور
عند السوسنة
أوعي تكوني ناسية
الهطول
لأني مشتاق ليك ولي
جمال عينيك
وكلامك الذي الغنى |
|
Post: #40
Title: Re: تكوين***تيف تيف
Author: مدثر محمد ادم
Date: 02-14-2006, 03:32 PM
Parent: #39
الرائعة سحر
اولا حمدالله علي السلامة وكفارة ونورتي الدار
واشكرك علي التعليق الجميل والاحساس العالي والمرهف بهذه
المحاولات الشعرية .
واتمنى ان اكون عند حسن الظن وبهديك هذه القصيدة
مع معزتي
|
Post: #41
Title: Re: تكوين***تيف تيف
Author: مدثر محمد ادم
Date: 02-14-2006, 03:48 PM
Parent: #40
الخرطوم
يا أمنا الحنون
شايلك في فكري هموم
صورتك بائسة وشك موشح بالدموع
أطفال محروقة جوفا بالسموم
والجوع حاميها النوم
لما تحتاج تتستر من البرد
تفتش ما تلقى ليها قطعة هدوم
حالك ما بسر عدوك
وأنت ضايعة بين بلادة العساكر وسخف الدقون
حاميك حراميك
أولادك الشرفاء مالين السجون
اصبري ليل الظلم كضاب ما بدوم
ما نحن أولادك الحمر جايين
لنصرتك نهب نقوم
إحنا البرق قبلي في سماك
يا خرطوم
نحن ألفي شوارعك دمنا بيجري
زى مطرا شايلاه غيوم
جوانا نار بتغلي غضب الغبش حنكون
حالفين يمين لو تدري في شرفك نموت ونصون
قطعنا عهد من بدري لمبادئنا ما بنخون
يوم الحارة جاي ابشري واندهي بس يا ثوريين
في لحظة يجوك من قلب الأرض كل الشيوعيين
بريقهم يضوي في قلبك
خطاهم تسير على دربك
وصوتهم يعلو بإسمك
ويهتف الخرطوم .. الخرطوم
يونيو 2001
|
Post: #42
Title: Re: تكوين***تيف تيف
Author: مدثر محمد ادم
Date: 02-14-2006, 03:57 PM
Parent: #41
اهداء الي روح الوالد والي امي الحبيبة
إهداء الي روح صديقي محمدو
اهداء الي الرائعة ريم (تكوين)
إهداء الي الصديق كمبلاوي
إهداء الي الاخ عمر محجوب
إهداء الي الزملاء بإتحاد الشباب السوداني (لجنة القاهرة)
إهداء الي العصفورة هبة الحسين
إهداء الي الديوم الشرقية
اهداء الي امدرمان الاهلية
ولكم جزيل الشكر
E-mail:[email protected]
|
Post: #43
Title: Re: تكوين***تيف تيف
Author: مدثر محمد ادم
Date: 02-16-2006, 10:03 PM
Parent: #42
الاميل للمشاركين خارج المنيدى
مع ودي تيفتيف
|
Post: #44
Title: Re: تكوين***تيف تيف
Author: Ibrahim Adlan
Date: 02-16-2006, 10:07 PM
Parent: #1
مدهش
يا مدثر
نتابع بإندهاش
|
Post: #45
Title: Re: تكوين***تيف تيف
Author: مدثر محمد ادم
Date: 02-16-2006, 10:26 PM
Parent: #44
ودحالتى الديامي
شكرا علي المرور
احنا الديامة
كفر ووتر
ودمت يا ابراهيم
تيف تيف
|
Post: #46
Title: Re: تكوين***تيف تيف
Author: مدثر محمد ادم
Date: 02-17-2006, 07:54 PM
Parent: #45
up
up
up
|
Post: #47
Title: Re: تكوين***تيف تيف
Author: عبدالكريم الامين احمد
Date: 02-23-2006, 09:18 AM
Parent: #46
Quote: في وطنا دا الطير الكان صداح
ومليان بالفرح والغنى
ساب الغنى
وبقى في الحزن والطنطنة
وقاعد في ظلام الليل ينقنق
مستني نور الصباح اللسه
ما طلع
ويفكر في همنا وناسي هموا
وفي القعدة يغفو وفي الغفوة يحلم
بصباح أجمل وزرع اخضر
ويغازل في الحلم نفسوا
ويبدأ يغني بصوت عالي
ولما يذكر انو وطاويط الليل
بتجسس على حلمو
وبتسمع في غناه
بتحس بي همسو
فجأة يصحى ويخاف
يحضن صغاره ويوطي حسو
ويطاطي راسو ويرحل
وبي سرو ينقنق ويقول
دا غناي ألما برأي بحسو
دا غناي لمن يجئ الصباح بغنية
وما بدسوا
|
عجيب...انت يا ابو التيف...............قول عليك الله..وكلنا دهشة وانبهار...
|
Post: #48
Title: Re: تكوين***تيف تيف
Author: Tragie Mustafa
Date: 02-23-2006, 09:32 AM
Parent: #47
العزيز مدثر
شكرا لاطلاعنا على هذا (التكوين)
Quote: منو ألزيك شرب من كاس
الحب لآمن شرق
منو ألزيك خاض في بحر
الريد لآمن غرق
منو ألزيك أتعذب بنار
الشوق لآمن حرق
|
قبضتك متلبس بحالة عشق الله يزيدك
بس ما تجينا متجرس بعد شويه
وتقول
اني
اغرق
اغرق
اغرق.
ونقول لك ما نصحناك وابيت تسمع.
لك الود واصدق الدعوات بفالنتين مستمر باراضيكم.
تراجي.
|
Post: #50
Title: Re: تكوين***تيف تيف
Author: مدثر محمد ادم
Date: 02-23-2006, 03:11 PM
Parent: #48
شكرا للمناضلة تراجي
على التعليق الظريف
والمرور الجميل
واتمني ان اغرق تاني
في بحر ما ليهو
حد
مع حبي
مدثر تيف تيف
|
Post: #49
Title: Re: تكوين***تيف تيف
Author: مدثر محمد ادم
Date: 02-23-2006, 03:05 PM
Parent: #47
شكرا للاخ عبدالكريم الامين
علي المرور والتعليق
وارجو ان اكون عند حسن الظن
مع خالص حبي
مدثر تيف تيف
|
Post: #51
Title: Re: تكوين***تيف تيف
Author: محمد عبد المنعم عمر
Date: 02-23-2006, 04:41 PM
Parent: #49
تيف تيف سلام كتير كتير
يامحترم
نطمع في المزيد
ولنا عوده
|
Post: #52
Title: Re: تكوين***تيف تيف
Author: مدثر محمد ادم
Date: 02-23-2006, 04:47 PM
Parent: #51
محمد عبد المنعم
وين يا زول سلامات
انا في انتظارك
تيف تيف
|
Post: #53
Title: Re: تكوين***تيف تيف
Author: مدثر محمد ادم
Date: 02-28-2006, 09:07 PM
Parent: #52
اهدا اليها وحدها الى من تبحث عن الحب وتدعو له في الزمن المستحيل
مع خالص حبي
مدثر تيف تيف
|
Post: #54
Title: Re: تكوين***تيف تيف
Author: مدثر محمد ادم
Date: 02-28-2006, 09:39 PM
Parent: #53
RED]يوم بكرة يا قلبي
التعيس من سفر الزمن
وجور العشق
جاك حلم جميل
وفرح سعادة
والراجيهوليك سنين
وامنية كنت فاكر
بعيد مرادة
جاتك بي نبوة عشق
تحارب كفر الزمن
بي فرح قريب
مرادة
بكى السنين وانات
قلبك والضنين
بقت ضحكات
في شفاه اطفال
وامل في عيون ناساً
كانت مسلوبة الارادة
بس عشقك صحى جواي
ناراًًًً كنت فاكر انطفى
رمادا
تاريها كانت مكتومة
نار حرابة
لي ناساً معزبة
موعودة بي
جنة حرية وطن
بحس بي وجع الغلابة
مع خالص حبي
مدثر تيف تيف
28/2/2006
|
Post: #55
Title: Re: تكوين***تيف تيف
Author: مدثر محمد ادم
Date: 03-05-2006, 00:21 AM
Parent: #54
up
|
Post: #56
Title: Re: تكوين***تيف تيف
Author: انعام عبد الحفيظ
Date: 03-05-2006, 09:00 AM
Parent: #1
مدثر العزيز
تسجيل حضور ومتابعة واندهاش
واصل
|
Post: #57
Title: Re: تكوين***تيف تيف
Author: مدثر محمد ادم
Date: 03-06-2006, 07:11 PM
Parent: #56
الرقيقة والرايعة
انعام عبد الفيظ
شكرا علي المرور
والمتابعة
وبهديك اجمل تحياتي
مع معزتي
تيف تيف
|
Post: #58
Title: Re: تكوين***تيف تيف
Author: عمار بيلي
Date: 03-11-2006, 10:25 PM
Parent: #57
تيف تيف
بالقرب منكم ..
اكثر مماتتخيلون
نقرأ ..
نتابع ..
دائماً لا نحب التعليق إلا بعد إكتمال اللوحات
ابقي واصل..
تحياتي
لنا عوده
|
Post: #59
Title: Re: تكوين***تيف تيف
Author: مدثر محمد ادم
Date: 03-12-2006, 02:11 AM
Parent: #58
بيلي اخيرا جيت
سلامات واحنا في انتظارك
تيف تيف
|
Post: #60
Title: Re: تكوين***تيف تيف
Author: Rashid Elhag
Date: 03-12-2006, 02:19 AM
Parent: #59
العزيز ...تيف...تيف
والله........شغل نضيف
وإنت والله ......حريف
مودتي
|
Post: #61
Title: Re: تكوين***تيف تيف
Author: مدثر محمد ادم
Date: 03-12-2006, 01:39 PM
Parent: #60
| Quote: وإنت والله ......حريف |
الظريف راشد سلامات
انت ما عارف اني لاعب
كورة و مهاجم خطير
وشكرا علي المرور والتعليق
مع خالص ودي
مدثر تيف تيف
|
Post: #62
Title: Re: تكوين***تيف تيف
Author: أبو ساندرا
Date: 03-12-2006, 02:48 PM
Parent: #1
[ ده غناي المابراي بحسو
ده غناي لمن يجي الصباح
بغنيهو ما بدسوا ]
متابعك يا زول يا راقي يا زين
واصل إبداعك ومتعنا
|
Post: #68
Title: Re: تكوين***تيف تيف
Author: مدثر محمد ادم
Date: 03-19-2006, 10:22 AM
Parent: #62
| Quote: متابعك يا زول يا راقي يا زين |
الاب الرائع ابو ساندرا
شكرا على المتابعة
والمرور
سعيدين بوجدك معانا في تكوين
مع حبي تيف تيف
|
Post: #63
Title: Re: تكوين***تيف تيف
Author: الواثق تاج السر عبدالله
Date: 03-12-2006, 04:38 PM
Parent: #1
جميل الكلم وانيق العبارات مدثر
مليون سلام
|
Post: #64
Title: Re: تكوين***تيف تيف
Author: محمد بهنس
Date: 03-12-2006, 05:51 PM
Parent: #63
صاحبي ..واصل تعبير ,ده درب جميل;تحياتي لسلافه
|
Post: #65
Title: Re: تكوين***تيف تيف
Author: محمد عبد المنعم عمر
Date: 03-17-2006, 11:02 AM
Parent: #64
http://www.alshamsi.net/cards/[/B]
تيف تيف ابداع عديل كده وانت قربته تحصلني مايدخلوا عليك ناس فلان ويقولو ليك اكتب اسم الشاعر
لك كل الحب
لنا عوده
|
Post: #66
Title: Re: تكوين***تيف تيف
Author: خالد احمد عبد المنعم
Date: 03-17-2006, 12:35 PM
Parent: #65
الرائع مدثر الحزن الفرح العشق الوطن والانتماء حالات نادرة من الاحساس وانجذاب راقي
واصل واتحفنا
لي عودة معك
|
Post: #67
Title: Re: تكوين***تيف تيف
Author: نادية عثمان
Date: 03-17-2006, 07:46 PM
Parent: #66
Quote: اهدا اليها وحدها الى من تبحث عن الحب وتدعو له في الزمن المستحيل
مع خالص حبي
مدثر تيف تيف |
جميل هذا الوهج يامدثر
وجميلة هذه التى الهمتك كل هذا البوح الجميل
لك ولها منى الف الف وردة !
|
Post: #73
Title: Re: تكوين***تيف تيف
Author: مدثر محمد ادم
Date: 03-19-2006, 10:44 AM
Parent: #67
Quote: جميل هذا الوهج يامدثر
وجميلة هذه التى الهمتك كل هذا البوح الجميل
|
الجميلة الرهفة الاستاذة نادية
وليك منامليون
سلام
وشمعة حب
في طريقك
وشكرا على المرور الراقي
مع حبي
مدثر تيف تيف
|
Post: #72
Title: Re: تكوين***تيف تيف
Author: مدثر محمد ادم
Date: 03-19-2006, 10:38 AM
Parent: #66
الرائع خالد تحية حب
وتسلم يازول يا زين
وشكرا علي المرور
خليك عشرة على الاهلية
مع حبي تيف تيف
|
Post: #71
Title: Re: تكوين***تيف تيف
Author: مدثر محمد ادم
Date: 03-19-2006, 10:34 AM
Parent: #65
| Quote: مايدخلوا عليك ناس فلان ويقولو ليك اكتب اسم الشاعر |
الصديق محمد سلامات
المشكلة ما اسم الشاعر
في بقول ليك اسم الزولة منو
مع حبي تيف تيف
|
Post: #70
Title: Re: تكوين***تيف تيف
Author: مدثر محمد ادم
Date: 03-19-2006, 10:29 AM
Parent: #64
| Quote: صاحبي ..واصل تعبير ,ده درب جميل;تحياتي لسلافه |
الصديق الجميل بهنس
شكرا علي المرور
وسلافة بتسلم عليك انت والمدام
شوقنا بحر شاقي امبد
تيف تيف
|
Post: #69
Title: Re: تكوين***تيف تيف
Author: مدثر محمد ادم
Date: 03-19-2006, 10:25 AM
Parent: #63
مرحب الصديق ولاخ الجميل
الواثق وعتاب علي التاخير
في الحضورمع حبي تيف تيف
|
Post: #74
Title: Re: تكوين***تيف تيف
Author: مدثر محمد ادم
Date: 03-21-2006, 04:50 PM
Parent: #69
فوق
فوق
فوق
|
Post: #76
Title: Re: تكوين***تيف تيف
Author: AMNA MUKHTAR
Date: 04-03-2006, 02:47 PM
Parent: #75
Quote: ما بلوم صدك ما يعاتبك
عندي أمل أنو مطر
مشاعرك يفيض على يوم
في أي لحظه ممكنة
برجاك في طرف الحقول
جنب الزهور
عند السوسنة
أوعي تكوني ناسية
الهطول |
ما أروعك يا تيف تيف
|
Post: #78
Title: Re: تكوين***تيف تيف
Author: مدثر محمد ادم
Date: 04-04-2006, 01:31 PM
Parent: #76
الريقيقة امنة مختار
اسعدنا مرورك الرائع
ولكي كل الشكر
مع ودي
تيف تيف
|
Post: #77
Title: Re: تكوين***تيف تيف
Author: مدثر محمد ادم
Date: 04-04-2006, 01:25 PM
Parent: #75
الصديق محمد شكرا
رفعك للديوان بهذا
القيديو الرظريف
|
Post: #79
Title: Re: تكوين***تيف تيف
Author: مدثر محمد ادم
Date: 04-06-2006, 09:35 PM
Parent: #77
فوق
فوق
فوق
|
Post: #80
Title: Re: تكوين***تيف تيف
Author: مدثر محمد ادم
Date: 04-13-2006, 02:52 PM
Parent: #79
up
up
|
Post: #81
Title: Re: تكوين***تيف تيف
Author: مدثر محمد ادم
Date: 05-01-2006, 11:03 AM
Parent: #80
حنيت للنادر
وما تكرر
وكان في عيون الماضي
ذكرى
ترانيم غنى الاطفال
عز الليل في ضل
القمرا
يغاذلو النجوم في
غناهم بالضحكة
|
|