امشــــــــــي بدري وجيب التلـــج؟؟

السودان هو افريقيا ونحن الافارقة الاصليون ونحن اهل القمة الافريقية.. هاكم اليخت الرئاسي... هاكم الفلل الرئاسية..وما في مشكلة جيبوا البيرة والويسكي والمريسة البيت بيتكم وما في عوجة تب؟؟ وهاهي السيدة وداد سيدة السودان الاولى سوف تمحو طاعون الايدز الافريقي باذن الله من الوجود ..نعم السودان قلب افريقيا... السودان محور الارتكاز للنهضة الافريقية القادمة ... السودان مصدر فخر للافارقة... السودان قائد العروبة والافريقانية القادمة... السودان... السودان...السودان (شي ترم ترم وفرق افريقية سودانية علوق شدة عند اللزوم في تلفزيونا الرسالي عطلوا كل البرامج الرسالية لا وجه النهار ولا صوت الحمار وشي غنا افريقي من غرب افريقيا وشرق افريقيا واخر سكسكة وبنات افريقيات سافرات مائعات راقصات عند اللزوم وفي النهاية مثل خنزير شرب كل ماء البرميل ليظفر بحبة الخردلة في قاع البرميل ولم يجدها وبعد ده كلو قالوا ليهو الجماعة بعد ما ضربوا العيزومة ومسحوا خشومهم ويدينهم قالوا ليهو اها يا جنا ات ود منو؟؟ يا شاطر يا حريف امشي بدري وجيب التلج؟؟


Much Cry Little Wool