نافذة شبابية لشاعر غنائي

منتصر الحسين محمد علي .. شاب موهوب .. انشر له احد اعماله في الشعر الغنائي .. علها تكون فاتحة خير عليه خصوصا انه حلمه ان يتمكن من ان تصل كلمته لكل الناس
وله ولكم مني كل الود

زهرة


يا قلبي ما تعاند القدر
ما علمك سر الحروف
خلاك انت في حوجة ليه
ما قدر الزمن لظروف
حاولت جادي اكلمك
انو الطريق الانت فيهو
ما سكتك .......
عاتبتني والمتني
واديتني سلطان جفوتك
لكني يا سيد القلوب
تلقاني راضي بجبرتك
خليتني في بحر انتظار
وكمان سواحلو بامرتك
ضليت معاك كل الطريق
ومراكبي تاهو في سكتك
وقبلت احتضن السراب
علشان اجامل حضرتك
يا الرحت طولت الغياب
ما كان سلامك سنتك
وما كنت جد نغمي الحنون
بخشى وبخاف من صفوتك
راجيك و حد الانتظار
مكتوب علي نار قسوتك