Post: #1
Title: نزلتم أهلاً وحللتم سهلاً ، بعثة مريخ السودان في معسكر بمدينة الدوحة، فمرحبهم بهم..
Author: keiga2000
Date: 01-22-2006, 03:23 AM
وصلت إلى الدوحة في الثامنة والنصف من مساء أمس الأول بعثة المريخ لإقامة معسكر إعدادي طويل الامد تلبية للدعوة المقدمة من نادي السيلية القطري وكان في إستقبال البعثة من إدارة نادي السيلية أمين سر النادي مرتضى النقي وأمين مال النادي وعبدالإله حسين مشرف النادي ومحمد قمير إداري الفريق بجانب طاقم السفارة السودانية بقطر بقيادة القائم بالأعمال عوض يس ومستشار السفارة بجانب أفراد الجالية السودانية بقطر ورابطة المشجعين بقيادة دكتور التهامي كرار وسكرتير الرابطة عثمان جميل والسكرتير المالي عبدالكريم عابدين بجانب نجم المريخ السابق أسامة ريحان (سكسك) وطلاب المدرسة السودانية بقطر وحلت البعثة في إستراحة الأجنحة الملكية الفاخرة وخصص جناح كامل لكل ثلاثة لاعبين وقامت لجنة الإستقبال المنبثقة من رابطة المشجعين برئاسة العميد محمد نبيل حسون الإداري السابق بنادي المريخ بتوفير بصات سياحية قامت بترحيل البعثة من المطار للإستراحة بجانب توفير سيارات خاصة للوفد الإداري والجهاز الفني وأكد مرتضى النقي أمين سر نادي السيلية توفير ملاعب حديثة للتدريبات بجانب الإتفاق مع عدد من الأندية للتباري تجريبياً مع المريخ حسب طلب الجهاز الفني ويتوقع أن يلحق بالبعثة صباح اليوم المدرب محمود سعد قادماً من القاهرة حيث باشرت تدريبات المريخ رسمياً امس السبت
فمرحبا بكم اصحاب الكاسات المحمولة جوا ابطال السودان ومعسكر ناجح باذن الله
ابومصطفى
|
Post: #2
Title: Re: نزلتم أهلاً وحللتم سهلاً ، بعثة مريخ السودان في معسكر بمدينة الدوحة، فمرحبهم بهم..
Author: ضحيه ابراهيم
Date: 01-22-2006, 08:46 AM
Parent: #1
العزيز كيغا (ابومصطفى)
مرحبا بفتيه المريخ الاشاوس فى دوحة الخير ..مرحى حللتم اهلا ونزلتم سهلا
|
Post: #3
Title: Re: نزلتم أهلاً وحللتم سهلاً ، بعثة مريخ السودان في معسكر بمدينة الدوحة، فمرحبهم بهم..
Author: keiga2000
Date: 01-23-2006, 00:35 AM
Parent: #2
اشكرك اخي ضحية ابراهيم (ابوحمودي)
والتحية لأبطال المريخ الأشاوش اصحاب الإنجازات والأمجاد والتحية لكل مريخي يجري في دمه حب المريخ والتحية لجمال الوالي والتحية لنادي السيلية الرياضي بالدوحة على هذه البادرة والتحية لإدارة الأجنحة الملكية بقيادة ربانهامحمد ميرغني والتحية للاعبي المريخ بالدوحة سكسك شنان ابراهومة الكبير
والتحية للنجوم
ابومصطفى
|
Post: #4
Title: Re: نزلتم أهلاً وحللتم سهلاً ، بعثة مريخ السودان في معسكر بمدينة الدوحة، فمرحبهم بهم..
Author: Muna Khugali
Date: 01-23-2006, 02:36 AM
Parent: #3
أبو مصـطـفي ....ناس لهـلال بيجـوكم مـتين?
لمـا يجـوكـم قـول ليهم في واحـدة هـلالابيـة شــديـد بتسـلم عليـكم...
و بالمـرة دلوقـتي..سـلم لي علي فـريـق المـريـخ!
مـني عـوض خـوجـلي
|
Post: #5
Title: Re: نزلتم أهلاً وحللتم سهلاً ، بعثة مريخ السودان في معسكر بمدينة الدوحة، فمرحبهم بهم..
Author: عمر الفاروق
Date: 01-23-2006, 02:57 AM
Parent: #1
يا كيجا :
طبعاً جماعتك المريخاب حا يلعبوا كورة مع فريق السيلية أها ويقوموا يفوزوا علي السيلية بيضربات الجزاء في المباراة الودية دي اها يقوموا ناس السيلية يدوكم كاس بعد نهاية الكورة أها تقووووووووووموا كده تحسبوهوا مع الكاسات المحمولة جواً مش ؟؟؟؟؟؟؟
شفت فهمك للجو ده متطور كيف ؟؟؟؟؟؟
معناها كاس مانديلا ده محمول فضاءً !!!!!!
تخريمة :
كل سنة وإنت طيب والسنة دي المريخ يحقق احلامو ...
|
Post: #6
Title: Re: نزلتم أهلاً وحللتم سهلاً ، بعثة مريخ السودان في معسكر بمدينة الدوحة، فمرحبهم بهم..
Author: keiga2000
Date: 01-23-2006, 03:13 AM
Parent: #5
العزيزة منى خوجلي
بلاي بعد اللبسة الحمراء اللبساها دي هلالابية ياحوله تكون مصيبة خالص
اسلم ليك على منو فيهم بالاسم عمار مرق ولاريتشارد ولا علاء جبريل ولاهيثم طمبل
عمر الفاروق
نحن كاساتنا جبناها عديل كدا بالدوغري وبالعديل والزين بس انتو حقدكم دا مابقدكم كلو كلو ياحاسدين ربنا يديكم كاس سيكافا الرخيص دا المصيبة انتو سيكافا ذاته فضحتونا فيها
وانت طيب ياطيب
ابومصطفى
|
Post: #7
Title: Re: نزلتم أهلاً وحللتم سهلاً ، بعثة مريخ السودان في معسكر بمدينة الدوحة، فمرحبهم بهم..
Author: عبد اللطيف بكري أحمد
Date: 01-23-2006, 03:21 AM
Parent: #1
آنا أسف
دخلت غلط
تحياتي
|
Post: #8
Title: Re: نزلتم أهلاً وحللتم سهلاً ، بعثة مريخ السودان في معسكر بمدينة الدوحة، فمرحبهم بهم..
Author: عمر الفاروق
Date: 01-23-2006, 03:30 AM
Parent: #1
| Quote: نحن كاساتنا جبناها عديل كدا بالدوغري وبالعديل والزين |
الحمد لله الما بقت بي العجب والزين ..
|
Post: #9
Title: Re: نزلتم أهلاً وحللتم سهلاً ، بعثة مريخ السودان في معسكر بمدينة الدوحة، فمرحبهم بهم..
Author: keiga2000
Date: 01-23-2006, 04:54 AM
Parent: #8
الاخ عبداللطيف بكري
والله مريخ السودان لو لقى الامكانيات بتاعت الجماعة ديل كان زمان ملا السودان كاسات لكن الله غالب والعرضة ولاية،،،،
والعافية درجات بعدين بيني وبينك كدا مافي نديه عشان كدا المريخ ماقادر يواكب العصر لانو مالك للساحة للوحده الطائرات ذاته حفظت اي كاس خارجي لازم الفريق الجابو يكون المريخ الجماعة الاخرين ماقادرين يقتنعوا بالندية المعدومة
اخونا عمر الفاروق
والله غلبك كلو كلو اتكلمت في السياسة فشلت مشيت سواقة التأكسي (بالمناسبةهذه مهنة ابوي) وهي مهنة شريفة جدا لكن طبعا في السودان فقط
ابقى على واحدة ياسياسة ياكوره وانا برشحك في السياسة لانو في الكوره ما اظن تقدر تواكب التطور الحاصل مع جمال الوالي والمريخ العظيم
ثاني بقول ليكم خلوا الحسادة والحقد والمابتلحقوا جدعوا
يلا باي في رعاية الله
ابومصطفى
|
Post: #10
Title: Re: نزلتم أهلاً وحللتم سهلاً ، بعثة مريخ السودان في معسكر بمدينة الدوحة، فمرحبهم بهم..
Author: عبد اللطيف بكري أحمد
Date: 01-23-2006, 07:34 AM
Parent: #1
أنا آسف على المداخلة
الظاهر دخلت مكان غلط
تحياتي
|
Post: #11
Title: Re: نزلتم أهلاً وحللتم سهلاً ، بعثة مريخ السودان في معسكر بمدينة الدوحة، فمرحبهم بهم..
Author: keiga2000
Date: 01-24-2006, 00:56 AM
Parent: #10
خلي روحك رياضية وبلاش نقاش وجدل في الفاضي
قدر الطريقة الجبنا بيها كاس دبي جيبو بيها انتو
وللمرة الثانية
لايغير الله مابقوم حتى يغيروا مابداخلهم
وخليك رياضي
احنا غير الحقائق لم نقل شئ
ابومصطفى
|
Post: #12
Title: Re: نزلتم أهلاً وحللتم سهلاً ، بعثة مريخ السودان في معسكر بمدينة الدوحة، فمرحبهم بهم..
Author: عمر الفاروق
Date: 01-24-2006, 01:11 AM
Parent: #1
يا كيجا الصهيوني:
Quote: والله غلبك كلو كلو اتكلمت في السياسة فشلت مشيت سواقة التأكسي (بالمناسبةهذه مهنة ابوي) وهي مهنة شريفة جدا لكن طبعا في السودان فقط
ابقى على واحدة ياسياسة ياكوره وانا برشحك في السياسة لانو في الكوره ما اظن تقدر تواكب التطور الحاصل مع جمال الوالي والمريخ العظيم
ثاني بقول ليكم خلوا الحسادة والحقد والمابتلحقوا جدعوا
يلا باي في رعاية الله |
يا حبيب التكاسي خشم بيوت وإنت سيد العارفين انا بتكلم عن ياتو تكسي وياتو تككككاسي!!!
مهنة التاكسي في السودان لو ما مهنة شريفة جداً ما كان شفنا أبو مصطفي المعانا ده وبي أدبو ده لكن جنس تكاسي أمريكا دي برااااااك شايف ربايتها كيف !!!!!!!!
فاهمني ؟؟؟
وبعدين أبشرك انا درب الكورة ده ما فكوا أصلو وكان في شي انا متشربك فيهو متشربك في السياسة دي بس كييييية في الوهم الهنا ديل !!!!!
أها نحن بس واقفين ليكم في حلقكم ده هنا عشان ما تجوا تقشروا للمساكين الما جايبين خبر الكورة بي إشاعاتكم وبطولاتكم الزائفة دي !!!!!
بالمناسبة الوالي قدم إستقالتو كم مرة لحدي أسة ؟؟؟؟؟؟؟؟؟؟؟؟؟؟
لكن يبدو إنو التعادل مع الهلال في كأس السودان أداهو حافز إنو يواصل لدورة تانية بعد ما كان خجلان من دولابو الفاضي من الكأسات غايتو البركة في عديلو الظاهر زوجة الوالي كلمت أختها وقالت ليها شوفي لينا صلاح ده خليهو يدينا كأس عشان الراجل ده ما يطفش !!!
وبرضو تقول لي تطور ؟؟؟؟؟؟؟؟؟؟؟
قلت لي السيلية كيف؟؟؟
|
Post: #13
Title: Re: نزلتم أهلاً وحللتم سهلاً ، بعثة مريخ السودان في معسكر بمدينة الدوحة، فمرحبهم بهم..
Author: keiga2000
Date: 01-24-2006, 02:46 AM
Parent: #12
يديييييييك العافية اخونا ودالفاروق
انت عارف اي فريق في الدوحة حاليا فيه فطاحلة من العالم يعني السيلية دا فيه الترهوني بتاع ليبيا وفيه كارلوس بدرو لاعب حريف جدا وفي محمود جلال العراقي وفيه عمالقة من الكرة لكن وكعادة الفرق الصاعدة لازم تكون في المؤخرة هو الان في المؤخرة ودائما هزائمه باخطاء في الزمن الضائع بعدين يازول الدوري القطري حاليا اسمو دوري النجوم يعني اي فريق بساوي عشرة زي الهلال باذن الله سوف يكون معسكر ناجح وسوف يؤدي المريخ مباراة ودية مع منتخب عمان الذي يضم 9 محترفين في الدوري القطري وهو الفريق الذي كاد ان ينال كاس الخليج في السنة الفايتة لو اضاعة الضابط لضربة جزاء حاسمة ومن بعده الحارس
ولك التحية
وهاك التأكسي دا
التاكسي الاحمر والمريخ الاحمر
طبعا انا حب المريخ دا وراثة عديل كدا
ابومصطفى
|
Post: #14
Title: Re: نزلتم أهلاً وحللتم سهلاً ، بعثة مريخ السودان في معسكر بمدينة الدوحة، فمرحبهم بهم..
Author: Muna Khugali
Date: 01-24-2006, 05:59 AM
Parent: #13
أبـو مصـطـفي إزيـك...
يازول سـلم عليهم كـلهم ومـاتزعـل...لكـن بس أنـا بلـوزتي لـونها فـوشـيا..
زمـان لمـا كـنت ألبس أحمـر..... جـدتي تقول لي مـالك عنـدك زار!
وبعـدين في نـاس برضـو تقـول...
عـايز تضـحك علي الأسـمـر...لبسـو أحمـر!
وعشـان كـده أنـا مـا بلبس أحـمـر....
سـلم علي مصـطـفي كـتـير...وبالمرة علي ناس المـريخ!
مـني
|
Post: #15
Title: Re: نزلتم أهلاً وحللتم سهلاً ، بعثة مريخ السودان في معسكر بمدينة الدوحة، فمرحبهم بهم..
Author: keiga2000
Date: 01-26-2006, 01:50 AM
Parent: #14
يبلغ ياخت منى تحياتك للجماعة كلهم وخاصة العجب حبيبي
ونورالدين عنتر وبدرالدين قلق حا اتصور معاهم واجيب ليك الصور انشاء الله
والتحية لاهل القبيلة الحمراء في كل بقاع العالم
وكذلك الأصفر
لوعاوز تظهر البس اصفر
يديك العافية والتحية للاسرة الكريمة
وتقبلي تحيات مصطفى وام مصطفى
ابومصطفى
|
Post: #16
Title: Re: نزلتم أهلاً وحللتم سهلاً ، بعثة مريخ السودان في معسكر بمدينة الدوحة، فمرحبهم بهم..
Author: سامى عبد الوهاب مكى
Date: 01-26-2006, 08:48 AM
Parent: #1
كيقا ابو مصطفى وكفى.
كيقاسلم لي عليهم وبلغ اشتياقي.
تعرف ياكيقا والله سعيد بسعادتك بـ قرب الحبايب..متع نفسك بوجود المريخ واملأ عيونك.
تعرف ياكيقا المريخ يمرق من البلد نقرب نعلق لوحه مكتوب عليها Closed يعني منهى الملل.
عكس ناس عمر الفاروق الحاقد يسافر الهلال يقولوا الحمد لله خلاس نمشى نحضر تمارين المريخ ونتفسح(هاكم الحدايق دي)
قال قال معسكرين في حنتوب...والله ياناس علي الطلاق حالكم شين.
تيقا السلام امانه ومعاكم الصحفي الشرس إبراهيم عبد الرحيم (اكرموا وفادتوا مابتتوصو)
|
Post: #17
Title: Re: نزلتم أهلاً وحللتم سهلاً ، بعثة مريخ السودان في معسكر بمدينة الدوحة، فمرحبهم بهم..
Author: keiga2000
Date: 01-29-2006, 00:57 AM
Parent: #16
اخونا سامي عبدالوهاب
وينك ياشاب ياحلو
احوالك عساك بخير وكل سنة وانت طيب
والله العظيم المريخ دا في وقت البرنامج مزدحم
مع كاس الامم الأفريقية
المهم التواصل تمام التمام
ومعسكرهم طبعا لحدي 12 فبراير
والاعداد تمام التمام وانشاء الله في صور حلوه بحاول انزلها
والإنطلاقة انشاء الله من دوحة الخير
وشدو الحبل
وانتظر محترفين فل في فل والكمال لله وحده
وانشاء الله منتصرين دائما
ابومصطفى
|
Post: #18
Title: Re: نزلتم أهلاً وحللتم سهلاً ، بعثة مريخ السودان في معسكر بمدينة الدوحة، فمرحبهم بهم..
Author: Muna Khugali
Date: 01-29-2006, 01:22 AM
Parent: #17
Quote: والله العظيم المريخ دا في وقت البرنامج مزدحم
مع كاس الامم الأفريقية
المهم التواصل تمام التمام |
هـم لسـة ماسـافـروا?
خـلاص طـيب سـلم هليهـم..
وسـلام كـتير ليك ولأم مصطـفي ولمصطـفي الحبـوب
أنـا أفتعـل معك هنـا مكـاواة كنت أمارسـها مـع أخـي الشـهيـد و الخليفـة والـدي.. وأمي (المريخـاب) فأعيـد ذكـري أيام جميلة مضـت دون رجـعة ..الي قلـبي منـي
|
Post: #19
Title: Re: نزلتم أهلاً وحللتم سهلاً ، بعثة مريخ السودان في معسكر بمدينة الدوحة، فمرحبهم بهم..
Author: Muna Khugali
Date: 01-29-2006, 01:38 AM
Parent: #17
Quote: والله العظيم المريخ دا في وقت البرنامج مزدحم
مع كاس الامم الأفريقية
المهم التواصل تمام التمام |
هـم لسـة ماسـافـروا?
خـلاص طـيب سـلم هليهـم..
وسـلام كـتير ليك ولأم مصطـفي ولمصطـفي الحبـوب
أنـا أفتعـل معك هنـا مكـاواة كنت أمارسـها مـع أخـي الشـهيـد و الخليفـة والـدي.. وأمي (المريخـاب) فأعيـد ذكـري أيام جميلة مضـت دون رجـعة ..الي قلـبي منـي
|
Post: #20
Title: Re: نزلتم أهلاً وحللتم سهلاً ، بعثة مريخ السودان في معسكر بمدينة الدوحة، فمرحبهم بهم..
Author: keiga2000
Date: 01-29-2006, 02:18 AM
Parent: #19
| Quote: هـم لسـة ماسـافـروا? |
[]
مالك علينا حرمانا من المتعة البرازيلية والحلاوة المريخية
جيتهم دي نحن كدا بندعو ليها صباح وليل والحمدلله ربنا استجاب لدعواتنا وتكون بداية الإنطلاقة لمريخ السودان من دوحة الخير
ربنا يرحم اخيك الشهيد الذي مات على حب المريخ العظيم ويغفر له ويجعل الجنة مثواه ويجعل قبره روضة من رياض الجنة اللهم امييييييييييييييييييييين يارب
والدعوة موصولة لكل المريخاب في اسرتك
وفوووووووووووووق فووووووووووووق مريخنا فووووووووووق
وحبنا للمريخ زي حب الاحباب للحبان وهاك الاغنية دي هدية وهي تحكي حبنا للمريخ العظيم الذي لايبدل
نعيش ونموت على حب المريخ
http://www.sudaneseonline.com/amlnalbagi/collection/7obby_zady.wmv
برضو بسلم عليك عليهم وخاصة العجب وهيثم السعودي
وتقبل تحيات الاسرة الكريمة
مع تحياتي
اخوك ابومصطفى
|
Post: #21
Title: Re: نزلتم أهلاً وحللتم سهلاً ، بعثة مريخ السودان في معسكر بمدينة الدوحة، فمرحبهم بهم..
Author: abas
Date: 01-29-2006, 02:44 AM
Parent: #1
ابو مصطفي الحبيب
مبروك عليك زيارة حبايبك ناس فيصل العجب
لكن هم مالهم
قلبتم القعده في الفندق ليه
جاتم خلعه ليه
|
Post: #22
Title: Re: نزلتم أهلاً وحللتم سهلاً ، بعثة مريخ السودان في معسكر بمدينة الدوحة، فمرحبهم بهم..
Author: keiga2000
Date: 01-29-2006, 03:21 AM
Parent: #21
الله يبارك فيك اخي عباس
يازول دا اسياد البلد
ديل برازيل السودان
اصحاب البطولات
اصحاب الكاسات المحولة جوا
وفوف فوق مريخنا فوق
ابومصطفى
|
Post: #23
Title: Re: نزلتم أهلاً وحللتم سهلاً ، بعثة مريخ السودان في معسكر بمدينة الدوحة، فمرحبهم بهم..
Author: keiga2000
Date: 01-31-2006, 03:39 AM
Parent: #22
تواصل الاعداد بمدينة صباحا ومساء وتمارين جادة
تألق فيها اللاعب صاحب الزوبعة "الطلاقية) نورالدين عنتر والمايسترو صلاح الأمير وسوف يكون هنالك تكريم لابراهومة الكبير وخالد احمد مصطفى ومباريات مع ا ندية السيلية ومعيذر
واكد المحترفين المحلين والخارجين انهم مكسب كبير للنجمة وبلوا راسكم ياجماعة الأزرق
وتباشير الجرسة بدأت في تصريحات الرئيس الهائج بالإنسحاب من الدوري الممتاز برضو كاس السودان بنلقاكم تمشوا تاني؟؟؟؟؟؟
وخلوا الجرسه وواصلوا الندية ياوصفاءنا
تاني نلقى لينا وصيف وين
ابومصطفى
|
Post: #24
Title: Re: نزلتم أهلاً وحللتم سهلاً ، بعثة مريخ السودان في معسكر بمدينة الدوحة، فمرحبهم بهم..
Author: Hozy
Date: 01-31-2006, 06:52 AM
Parent: #23
يا ابو مصطفى
تحياتي
يا ريت لو قدرت تتحصل لي على رقم تلفون الصحفي المرافق للبعثة
ابراهيم عبد الرحيم حسن
اكون شاكر جدا
ملحوظة متاخرة وتصحيح
للاسف عند دخولي لم الحظ ان الحساب المفتوح هو حساب هوزي
فمعزرة اخي ابو مصطفى
سوف اتصل بك قريبا
وبرضو حاول القى لي تلفون ابراهيم ابن عمي
اخوك زيكو ( الفاتح)
مع عميق اعتزاري
|
Post: #25
Title: Re: نزلتم أهلاً وحللتم سهلاً ، بعثة مريخ السودان في معسكر بمدينة الدوحة، فمرحبهم بهم..
Author: keiga2000
Date: 02-01-2006, 00:51 AM
Parent: #24
الاخت هوزي
انشاء الله اتأكد ليك انا عندي تلفون العجب لكن بشوف ليك واليوم بكون بالتمرين بالمساء
|
Post: #26
Title: Re: نزلتم أهلاً وحللتم سهلاً ، بعثة مريخ السودان في معسكر بمدينة الدوحة، فمرحبهم بهم..
Author: keiga2000
Date: 02-05-2006, 00:55 AM
Parent: #25
وتواصلت الأستعدادت المريخية بدوحة الخير
وتألف الفتي الزئبيقي نورالدين عنتر وكذلك المحترفين
والكل في قمة الإستعداد
وسوف تكون الإنطلاقة من الدوحة بأذن الله
|
|