الطفولة البريئة ..والزاكرة الخربة..

السبب الرئيسي في كتابة الموضوع ده هو سرحاني الدائم في اللاشئ وبي الدارجي كده وعشان ما أكون من الشخصيات التي تدهش عزاز شامي انا قاصد عدم الموضوع !!!!
أسة دي وبدون سبب سرحت وفي سرحتي لقيت روحي قاعد أسألني سؤال !!!!!!
هل صديق الموج ده كان طفل قبل كده ؟؟؟؟؟؟يعني كان زول صغيير وعندو طفولة ودخل الروضة ولبس المريلة ؟؟؟؟
هل عبد الرازق الطالب كان بيشيل معاهو ساندويتش وشنطة في ضهرو ويلبس الشراب الأبيض ؟؟
معقولة بدر الدين شنا في يوم من الأيام كان بيقول مام مام مام وبيتشبك في أبوهو عشان يوديهو الطوطحانية ؟؟؟؟
وناس تراجي ديل معقولة في يوم من الأيام كانوا بيسرحوا الشعر ضفيرتين ويلفوهو بي الشريط الأحمر أو الأبيض والواحدة منهم سنتينا القدام زي بوابة عبد القيوم وجنها تبش بي الشطة والدكوة ؟؟
بي صراحة كده قعدت أضحك وانا بتخيل في الناس ديل بي الصورة ودي وبي صراحة كده ما قدرت أتخيل شكلهم أبداً خصوصاً عبد الرازق الطالب بي الشراب وود الموج بي المريلة وإن كنت قربت أقتنع بي بدر الدين شنا وهو يتطوطح !!!!!

غايتو انا حاسي إنو ناس معتز تورتسكي وناذر ولؤى وعزاز شامي ونهال كرار وتمبس وحميدة من الجيل الحضر الروضة والكي جي ون وتو وحشى البيرقر والقشطة بي المربى والبرنقليز بطعم الخل والجبنة !!!!!!!
عموماً وكتجربة لزاكرتي الخربة أنشد نشيد "لمن كنت صغير " وأهديه للجد والجدة في منطقة الحلاوين ولعمي كامل وعبد العزيز في المانيا وللخالة محاسن في الدنمارك والخال النجاشي في كندا والعمة ليلى في تورنتو ولكل الأهل والأصدقاء :

لمن كنت صغيير بلعب بي التراب ..
ماما لبسااااااااااااااااتني الجزمة والشراب ..
مشيت للأفندي أداني كتاب..
قال لي أكتب عربي كتبت حساب..
المزييقا تااااااااضرب والكشافة تااااااااااكشف..
ناكل إيه ناكل عجوة ..نشرب إيه نشرب قهوة ..
نضحك كيف ..هها هاااااي..نبكي كيف ..اييييييييييييييييييييييييييي..


تخريمة :
سمعت حميدة ينشدها مرة :
لمن كنت صغيير بلعب بي الموكيت ...
ماما لبساتني الجينز والتي شيرت ..

وحينها فقط سرحت وسرحت وتخيلت كيف كان ينشدها صديق الموج وعبد الرازق الطالب ..
وخوفي كل خوفي أن يكونوا من الذين يلبسون العراقي والسروال !!!!
يااااااااااااااااااااي بلدي خالص

ياريت الواحد يرجع تاني لأيام الطفولة


روضاتي يا روضاااااااتي
روضاااااااتي تفتح بدري
أشيل فطوووري وأجــــري
أجري بتحت الكــــــبري

وخلاااااااص ما حافظ الباقي


.... ما أجمل الطفولة .....
.... وما أجمل أطفالنا ....



..... أبو شهد ....

Quote: هل عبد الرازق الطالب كان بيشيل معاهو ساندويتش وشنطة في ضهرو ويلبس الشراب الأبيض ؟؟

عمر الفاروق..
الله يجازي محنك..

شنطة شنو..
وكمان شاطر ومشطور وبينهما طازج..
يعني (سندوتش)
شوفت كيفن كلام العرب قاسي..

بعدين قول كيس دمورية..
بخيط معلق في الكتف..
وعندها جيب أقلام..

وساعة جرس فسحة الفطور..
فللي للبيت..
عشان تغمس مع الناس الكتار أيدك جوه صحن العصيدة..
وما تتأخر.. بنفس سرعة المشية..
الواحد بيجي راجع..
حليلك يا عمر..
وحليل الزمن الجميل..
وحليل مليط..
ومحمد سعيد العباسي..
إنتو غايتو يا أولاد درمان..
حميده..
و(تمبس) ما معاكم..
بس ما عليك..
النعال إسمها تموت تخلي..
وكان خليتها في نص الشارع..
باكر بتلقاها..

يا راجل..
والله العظيم غايتو..
أكان كده..
ناس صديق الموج ده..
بكون لعب بي باربي..

الدمية.. الأوروبية ديك...
وعضم شليل وينو..
البقي تاريخ ده..
يمشي بدربو ده للحنين..
بس..
ناس عزاز.. ناس عزاز..
من معني القول في الكلام المنقول هنا..
حق قوامة الرجال على النساء.. (منقول)


ولفتة النظر للمساكين من زمان يا مان قالوا رحمة..
فلا تبتأس..

فقد أطلقها دكين منذ زمن..
وقال قولته المشهود لها..

فإنها حمة..
وحمة..
أو وهمة..
بهتان نضال....

فقد كان..

لقانا بالامس..
هنا وعلى صفحات هذا المنبر...
عابراً..

أرأيتم إن أسلم عبدُ الله بن سلام ؟ حبر اليهود..!! بهت القوم ...




تحياتي لك .. ولي ناس عزاز شامي..

عمر الفاروق
السلام عليكم
كتبت:

Quote: والخال النجاشي في كندا

اتركوا الحبشة ما تركوكم: جزء من حديث صحيح.
حينما كانت العروبة
في دار الندوة
تسوم الرعيل الأول
ســوء العذاب
كانت هجرة الطيار
وذي النورين
ورقية
وأم سلمة
وبقية العقد الفريــد
عليهم السلام
الى حمى النجاشي
عليه السلام
وكانت مخابرات
العروبة
قد عبرت البحر خلفهم
لأجل الكيد والمؤامرة
لكن
حضارة الحبشة
وأخلاق النجاشي العطيم
لم تكن تعرف الغدر
بالمحتمين
وفي النجاشي
نزلت ايات أفرب
المودة بالمائدة
قبل منا بلال
وبعده وحشي
صاحب الحربة
المغسولة من دم حمزة
بدم كذاب اليمامة
وأخيرا منا العلامة الجبرتي لا فخر
والخزي للعروبة في أسمرا
---------------
أظن أن الرسالة
قد وصلت
مع شكري
الحبشي

Quote: روضاتي يا روضاااااااتي روضاااااااتي تفتح بدري أشيل فطوووري وأجــــري أجري بتحت الكــــــبري

الكبري وااااااااقع بيييييييي ..
نميري حن عليييييييي...

ما عارف نميري دخلوا شنو بالضبط في الموضوع لكن نسوي شنو فالطفولة بريئة !!!!!!!

وربي ما تحرم بيت من الأطفال ..
تحياتي ..

Quote: وعشان ما أكون من الشخصيات التي تدهش عزاز شامي انا قاصد عدم الموضوع !!!!

دي واضحة تب!
بس يؤسفني وببالغ الأسى أبلغك أنو ما ليك طريقة ما تدهشني، too late لانو انت مدهش من يومك ...
نعود لمتن الموضوع،
انا محدثتك، عزاز شامي ومن جاورها
خشينا مدارس أهلية و1 KGو KG2 و KG3 ووصلتنا الناني لحد الفصل وقعدتني في الكرسي ووصت teacher classroom علي. وجابنا السواق وفطورنا كان من هارديز وكودو، والتباخ الخاس بتاعي كان بيعمل لي فتور خاس في كل مرحلة عمرية ...
أما الجانب الترفيهي، فديزني لاند المحطة الأولى ولما فتحو بتاعت فرنسا بقينا نمشيها غشوة كل فترة، اما باقي الأيام، فغرفة الالعاب تعج بالالعاب من toys R Us و ديزني ، ولما أزهج، الطوطحانية كانت واقفة في حوش البيت وبلعب بيها كل ما عن لي طاري!

في وقت لاحق وسابق، رسلوني اهلي سويسرا مدارس داخلية والشنطة ما بشيلها مرتين، ولونها ماشي مع الشوز والنظارة الشمسية ...
وحصة الفرنسي قبل حصة الموسيقى واللي قبلها حصة اليوجا والكونج فو!

كرما مني بوريك ما بعد التفولة، كل ست شهور مسجلة في كورس في امريكا واليابان ولندن، ولما اتخرجت بابي اداني شركة العب بيها واديرها...
وماتزال حياتي سلسة من الرفاهية لا يكدر صفوها بوليتاريا ولا أمنيات مؤجلة...
عجبك؟

*الله يرحمك يا أبوي علمني انو القليل رضا والكثير بطر!

لذا،
عمر الفاروق ....
اختاني علشان ما أدهشك الدهشة الياها

Quote: غايتو انا حاسي إنو ناس معتز تورتسكي وناذر ولؤى وعزاز شامي ونهال كرار وتمبس وحميدة من الجيل الحضر الروضة والكي جي ون وتو وحشى البيرقر والقشطة بي المربى والبرنقليز بطعم الخل والجبنة !!!!!!!

الكلام دا أسميه شنو !!؟؟
حسد ولا غيرة