|
|
 غني نشيدك
|
غني نشيدك
إتوضيت بي دمع المطرة الفيك
وإتوسدت بيوت العفة ونمت
إتهندمت غناك لي باكر ...
أتوكأت عليك وسرت ...
وكنت نشيد الفرح الجاي
للأطفال الراسمة ملامحك
في أوتار النبض الفيها
وشايلة نشيدك .. غُنى ومسدار
للمتوجع وساكت ساكت
تبقى شموسك وهج حديثك
خلاصة الحلم الساطع منك
إنو نشيدك ما بتراجع أبداً
ولا بنتوحد نحن بدونك
يالله أمشي وختى بذورك
في شريان الأرض التعبت
بكرة بتكبر وتبقى سنابل
وتبقى سنابل الإلفة غطاك
ومرتع كُل صغارك ...
يا مشتولة وفينا وعارفة ...
إنو بدونك ما بنتوحد
كوني حقيقة الزمن القادم
وأرسمي فرحك فينا ..
وغني نشيدك .
***
|
|
 
|
|
|
|
فيس بوك
تويتر
انستقرام
يوتيوب
بنتيريست