Post: #1
Title: كمال حامد فوروهو و لا شنو ؟؟؟
Author: محمد ابراهيم قرض
Date: 01-16-2006, 01:09 PM
Parent: #0
نستمع هذه الأيام عبر إذاعة لندن ومن قلب السودان إلى صوت
المراسل اللامع صفاء الصالح (صفاء الضكر مش الانتاية) ، و هذا
الضكر له مقدرات مميزة في نقل الحدث و التعليق و التعقيب عليه ،
كما له موهبة فذة في إدارة حلقات الحوار و النقاش الهادف ، و هذا
ديدنه عندما كان يراسل من العراق ، كما يفعل الآن من السودان ..
و لقد تميزت مشاركاته من السودان بخفة الدم و الغوص في التراث
فاصبح يجري اللقاءات مع (الحكامات) مرة ، و مع تجار (المراكيب الفاشرية)
و غيرهم من الحرفيين المنسيين في مرات كثر ، و أبدع في ذلك أيما
إبداع ... أما مراسلاته السياسية فهي قمة التمكن و الاحتراف ...
هذا يجعلنا نستفسر عن (صحة)الاعلامي الرياضي الفني المسرحي ...
الاعلامي الشامل الما هامل كمال حامد (كيمو الجاهز) !!!!
أين هو يا ترى ؟؟؟!!!
|
Post: #2
Title: Re: كمال حامد فوروهو و لا شنو ؟؟؟
Author: Hussein Mallasi
Date: 01-16-2006, 01:22 PM
| Quote: كمال حامد فوروهو و لا شنو ؟؟؟ |
فال الله و لا فالك يا شيخ.
__________
 
|
Post: #3
Title: Re: كمال حامد فوروهو و لا شنو ؟؟؟
Author: محمد ابراهيم قرض
Date: 01-16-2006, 01:47 PM
Parent: #2
كتب ملاسي:
| Quote: فال الله و لا فالك يا شيخ |
زمان الفال فلافل نار
و فلافلك إنت شيلة حال ..
و كيمو أصله ما بطال ..
كلامه يلطف الأهوال ...
|
Post: #4
Title: Re: كمال حامد فوروهو و لا شنو ؟؟؟
Author: shaheen shaheen
Date: 01-16-2006, 02:41 PM
انا شخصيا لا احب كمال . استمع الى لندن منذ عشرين عاما . كمال تغطيته ردائية للغاية . لغته فيها كثير من الاخطاء اللغوية الفاضحة . ايام ضرب مصنع الشفاء اخذ يتحدث ان الوضع مستقر فقال له المذيع من لندن ( انا اشاهد عبر شاشه المصنع وقد اندلعت فيه النيران ) فقال كمال ( فى الحقيقة انا فى طريقى الى المصنع الان ) ؟؟؟؟؟؟
فى احداث وفاة جون قرنق , كرر كمال كلام الوضع مستقر وان اقلية ( شماسة يثيرون الشغب وحرق المحلات ) وكان هذا عكس الحادث تماما حيث كانت هناك ارهاصات فتنة عرقية لا علاقة لها بالشماسة
فى الاحداث الهامة , وقبل مجىء صفاء الصالح , كانت البى بى سى تقوم بترجمة تقارير المراسلة للقسم الانجليزى وتتجاهل ابو كمال .
حتى رشا كشان استمعت الى حلقة من بى بى سى اكسترا ومعها لورا الايوبى وكان الفرق واضح فى طريقة الحضور وخفة الدم , بين رشا ولورا , طبعا فى مصلحة الاخيرة .
تجربة ايوب صديق ايضا لا اعتقد انها كانت ناجحة فى قراءة الاخبار حيث كان كثير الاخطاء وبطيء فى قراءة الخبر عكس عتاولة مصر ولبنان وسوريا .
صفاء انسان محترم واعلامى ناضج . له التحية
|
Post: #5
Title: Re: كمال حامد فوروهو و لا شنو ؟؟؟
Author: Hussein Mallasi
Date: 01-16-2006, 03:26 PM
Parent: #4
اطمأن قلبي عندما استمعت للبي بي سي
في نشرة العاشرة مساء بتوقيت السودان
لتقرير لكمال حامد.
لم اهتم لفحوى التقرير و موضوعه بقدر
اهتمامي بأن كمال حامد ما زال موجوداً!
|
Post: #10
Title: Re: كمال حامد فوروهو و لا شنو ؟؟؟
Author: محمد ابراهيم قرض
Date: 01-17-2006, 04:40 AM
Parent: #5
كتب ملاسي:
Quote: لم اهتم لفحوى التقرير و موضوعه بقدر
اهتمامي بأن كمال حامد ما زال موجوداً! |
الحمد لله ياخي على نفسه الطالع نازل !!!...
|
Post: #6
Title: Re: كمال حامد فوروهو و لا شنو ؟؟؟
Author: محمد ابراهيم قرض
Date: 01-17-2006, 03:40 AM
Parent: #4
كتب شاهين:
Quote: انا شخصيا لا احب كمال . استمع الى لندن منذ عشرين عاما . كمال تغطيته ردائية للغاية . لغته فيها كثير من الاخطاء اللغوية الفاضحة . ايام ضرب مصنع الشفاء اخذ يتحدث ان الوضع مستقر فقال له المذيع من لندن ( انا اشاهد عبر شاشه المصنع وقد اندلعت فيه النيران ) فقال كمال ( فى الحقيقة انا فى طريقى الى المصنع الان ) ؟؟؟؟؟؟
فى احداث وفاة جون قرنق , كرر كمال كلام الوضع مستقر وان اقلية ( شماسة يثيرون الشغب وحرق المحلات ) وكان هذا عكس الحادث تماما حيث كانت هناك ارهاصات فتنة عرقية لا علاقة لها بالشماسة
فى الاحداث الهامة , وقبل مجىء صفاء الصالح , كانت البى بى سى تقوم بترجمة تقارير المراسلة للقسم الانجليزى وتتجاهل ابو كمال .
حتى رشا كشان استمعت الى حلقة من بى بى سى اكسترا ومعها لورا الايوبى وكان الفرق واضح فى طريقة الحضور وخفة الدم , بين رشا ولورا , طبعا فى مصلحة الاخيرة .
تجربة ايوب صديق ايضا لا اعتقد انها كانت ناجحة فى قراءة الاخبار حيث كان كثير الاخطاء وبطيء فى قراءة الخبر عكس عتاولة مصر ولبنان وسوريا .
صفاء انسان محترم واعلامى ناضج . له التحية |
أخي شاهين:
أحييك على المداخلة (الغويطة) التي أوفت الرجل
حقه !!! و فيما ذكرت من أمثلة يتضح السبب وراء
عدم ثقة البي بي سي في إفادات كيمو الجاهز طالما
الوضع دائما عنده مستقرا ... و لعله يقصد ان وضعه
الوظيفي الخاص هو المستقر !!!
|
Post: #7
Title: Re: كمال حامد فوروهو و لا شنو ؟؟؟
Author: إسماعيل وراق
Date: 01-17-2006, 03:46 AM
Parent: #6
الأخ قرض
سلام وتحية
غياب كمال حامد الفترة الماضية كان بسبب تواجده بالأراضي المقدسة لأداء فريضة الحج..
|
Post: #8
Title: Re: كمال حامد فوروهو و لا شنو ؟؟؟
Author: عمر الفاروق
Date: 01-17-2006, 04:31 AM
Parent: #7
زمان كانوا بيقولوا أقرب طريق لقلب الرجل عن طريق معدته !!!
الان أقرب طريق لقلب الرجل أنك تجيبوا في لقطة في التلفزيون !!!
أحب الكيزان وأمووووووووووووووت في كمال حامد زاتو
Quote: الأخ قرض
سلام وتحية
غياب كمال حامد الفترة الماضية كان بسبب تواجده بالأراضي المقدسة لأداء فريضة الحج.. |
تقبل الله وحجاً مبروراً كمال حامد !!!!
ويبقى الرأي الصريح كمال حامد تعباااااان تعبااااااااان تعبااااااااااان ..
خصوصاً في الجانب الرياضي الذي وكل ما جاءت سيرة كمال حامد تزكرت مقولته الشهيرة :
" لاعبو ليبريا المحترفون يلتهمون المال إلتهاماً !!!!!!!!"
وكان ذلك في مباراة السودان وليبريا !!!!!!!!!!!
همممممممم هممممممممممممممممم همممممممممممممممممم
|
Post: #9
Title: Re: كمال حامد فوروهو و لا شنو ؟؟؟
Author: إسماعيل وراق
Date: 01-17-2006, 04:38 AM
Parent: #8
Quote: زمان كانوا بيقولوا أقرب طريق لقلب الرجل عن طريق معدته !!!
الان أقرب طريق لقلب الرجل أنك تجيبوا في لقطة في التلفزيون !!!
أحب الكيزان وأمووووووووووووووت في كمال حامد زاتو |
عمر الفاروق
كيف حالك
يا أخي ما تخلي شغل الهمز واللمز دا.. وعلى فكرة دي صفات ستات..
تاني شيئ... هل التلفزيون حق الكيزان..
عالم غريبه...
|
Post: #12
Title: Re: كمال حامد فوروهو و لا شنو ؟؟؟
Author: محمد ابراهيم قرض
Date: 01-17-2006, 05:03 AM
Parent: #8
كتب عمر الفاروق:
Quote: تقبل الله وحجاً مبروراً كمال حامد !!!!
ويبقى الرأي الصريح كمال حامد تعباااااان تعبااااااااان تعبااااااااااان ..
خصوصاً في الجانب الرياضي الذي وكل ما جاءت سيرة كمال حامد تزكرت مقولته الشهيرة :
" لاعبو ليبريا المحترفون يلتهمون المال إلتهاماً !!!!!!!!"
وكان ذلك في مباراة السودان وليبريا !!!!!!!!!!!
همممممممم هممممممممممممممممم همممممممممممممممممم |
يا فاروق ..
الحجة دي يمكن تجب ما قبلها ياخي ..
دحين منتظرين نسمع كيمو الجديد !!!
|
Post: #11
Title: Re: كمال حامد فوروهو و لا شنو ؟؟؟
Author: محمد ابراهيم قرض
Date: 01-17-2006, 04:56 AM
Parent: #7
كتب وراق :
Quote: غياب كمال حامد الفترة الماضية كان بسبب تواجده بالأراضي المقدسة
لأداء فريضة الحج.. |
شكرا يا وراق ...
الراجل في العبادة
و أنا و ملاسي في العيادة
|
Post: #13
Title: Re: كمال حامد فوروهو و لا شنو ؟؟؟
Author: إسماعيل وراق
Date: 01-17-2006, 05:03 AM
Parent: #11
Quote: الراجل في العبادة
و أنا و ملاسي في العيادة |
حلوة منك وملعوبة يا قرض
دي أحلى من قون الوالي في هلال السعودية
|
Post: #14
Title: Re: كمال حامد فوروهو و لا شنو ؟؟؟
Author: محمد ابراهيم قرض
Date: 01-17-2006, 05:06 AM
Parent: #13
وراق:
Quote: حلوة منك وملعوبة يا قرض
دي أحلى من قون الوالي في هلال السعودية |
الله يرحم الوالي يا وراق .. آمين ..
|
Post: #15
Title: Re: كمال حامد فوروهو و لا شنو ؟؟؟
Author: عمر الفاروق
Date: 01-17-2006, 09:49 AM
وراق:
| Quote: وعلى فكرة دي صفات ستات.. |
إحترم نفسك وأنتقي كلماتك ولا حا تشوف شغل الستات بي الجد !!!!!!
بالمناسبة التلفزيون حق الكيزان
|
Post: #16
Title: Re: كمال حامد فوروهو و لا شنو ؟؟؟
Author: عمر الفاروق
Date: 01-17-2006, 10:11 AM
Parent: #15
أذكر فيما أذكر في برنامج " بدون عنوان" ومقدمه المحرج محمد سليمان جا واحد من ناس قريعتي راحت يجاوب علي سؤال في المسابقة وكانت إجابتو في وادي والسؤال في وادي !!!
المزيع محمد سليمان عاين ليهو كدااااااااااا وقال ليهو :
إسمك منو ؟؟؟؟؟
داك رد ليهو وقال :
محمد العطا منو !!!!!
فقام محمد سليمان المزيع قال ليهو :
يا محمد أرجع أقعد في كرسيك بركة الأهلك شافوك في التلفزيون :
تخريمة :
يا هناي يا هناي بركة الأهلك شافوك في التلفزيون !!!!!!
أحب كمال حامد وأموت في عالم الرياضة زاااااااتو
|
Post: #17
Title: Re: كمال حامد فوروهو و لا شنو ؟؟؟
Author: إسماعيل وراق
Date: 01-17-2006, 11:26 PM
Parent: #15
| Quote: إحترم نفسك وأنتقي كلماتك ولا حا تشوف شغل الستات بي الجد !!!!!! |
شنو يا عمر الفاروق جابت ليها تهديد عديل كده... كويس أننا نسكن في منطقة واحدة على الأقل ستوفر حرقة الدم..
وبعدين يا أخي من الذي يبدأ بإساءة الآخر... عالم غريبة فعلاً.
| Quote: بالمناسبة التلفزيون حق الكيزان |
معلومة جديدة لنج من العارف بالله عمر الفاروق
|
Post: #18
Title: Re: كمال حامد فوروهو و لا شنو ؟؟؟
Author: عمر الفاروق
Date: 01-18-2006, 03:02 AM
إسماعيل وراق :
أقول :
| Quote: بركة الأهلك شافوك في التلفزيون !!!!!! |
واللحن مهدي لكل سكان الدويم و100 كيلو وليس الدويم تحديداً ..
أحب العاصمة وأمووووووووت في الضواحي..
|
Post: #19
Title: Re: كمال حامد فوروهو و لا شنو ؟؟؟
Author: إسماعيل وراق
Date: 01-18-2006, 03:24 AM
Parent: #18
Quote: إسماعيل وراق :
أقول :
Quote: بركة الأهلك شافوك في التلفزيون !!!!!!
واللحن مهدي لكل سكان الدويم و100 كيلو وليس الدويم تحديداً ..
أحب العاصمة وأمووووووووت في الضواحي.. |
عمر الفاروق
بالله إنت متضايق من الحتة دي ... طيب ما تقول من زمان..
|
Post: #20
Title: Re: كمال حامد فوروهو و لا شنو ؟؟؟
Author: عمر الفاروق
Date: 01-18-2006, 03:55 AM
إسماعيل أضواء وفي رواية إسماعيل شاشات :
Quote: عمر الفاروق
بالله إنت متضايق من الحتة دي ... طيب ما تقول من زمان.. |
عليك الله التلفزيون البقا يجيب ناس زعيط ومعيط ده ما بيضايق ؟؟؟؟
يا حليلك يا كمال شداد!!!!!!!!!!!!!!!!!!
تخريمة :
زعيط ومعيط لا تشمل صديق الموج الرجل الموسوعة
|
Post: #21
Title: Re: كمال حامد فوروهو و لا شنو ؟؟؟
Author: إسماعيل وراق
Date: 01-18-2006, 04:04 AM
Parent: #20
| Quote: إسماعيل أضواء وفي رواية إسماعيل شاشات : |
| Quote: عليك الله التلفزيون البقا يجيب ناس زعيط ومعيط ده ما بيضايق ؟؟؟؟ |
والله إنت فعلاً متضايق يا عمر... طيب المطلوب شنو علشان نعملوا ليك...
طيب لو شفت إسماعيل في التلفزيون السوداني وهو طالب بالمتوسطة حتسوي شنو.. تطلع مظاهرة.. ولو شفتو في التلفزيون السعودي سنة 96م.. أكيد حتطالب بإقالة إدارة الإعلام السعودي..
أقول ليك حاجة... بلاش تقوم نفسك ساكت..
بس زعيط ومعيط دي واسعة شوية..
|
Post: #22
Title: Re: كمال حامد فوروهو و لا شنو ؟؟؟
Author: عمر الفاروق
Date: 01-18-2006, 05:03 AM
Parent: #21
إسماعيل شاشات وفي رواية أخرى إسماعيل أضواء (بالجد محتر ياتو واحدة لايقة):
| Quote: لو شفت إسماعيل في التلفزيون السوداني وهو طالب بالمتوسطة حتسوي شنو.. |
طيب ما عشاااااااااااان جنس ده بنقول ليك إسماعيل أضواء..!!!!
| Quote: ولو شفتو في التلفزيون السعودي سنة 96م.. أكيد حتطالب بإقالة إدارة الإعلام السعودي.. |
التلفزيون السعودي ؟؟؟؟؟؟ وكمان سنة 96 !!! تهااااااااااي هاااااااااااي هااااااي !!!
طبعاً مستحيل يكون جابوك في القناة التانية لأنها بي الإنجليزي يا جاك !!!!!وإنتو ناس سيجنال تو وبيرقر كمنجة فزي بتكون جيت في القناة الأولى وطبعاً بيكون في برنامج الإفتاء ولا شنو يا شيخ إسماعيل ؟؟؟ مدد يا شيخ أضواء مدد !!!!!!
| Quote: أقول ليك حاجة... بلاش تقوم نفسك ساكت.. |
النفس نفسي براي منو البيشاركو معاي والتحية لي فاطنة الجمكو !!!!
| Quote: بس زعيط ومعيط دي واسعة شوية.. |
ما قلنا ليك شغل الستات حاااااااااااااااااااار ؟؟؟؟ بالرغم من إنو الستات بيقولوها ناس كشى مشى لكن نسوي شنو في ستات الزمن ده !!!!!!!
طيب نسترجل شوية ونقول ناس قريعتي راحت !!!!!!!!!!
لحن الختام :
جاء إسماعيل تبدو بسمة في شفتيه ..
حاملاً مكرفوناً ووريقة في يديه ..
فتنحنح وتزحزح جاذب الأضواء عليه ..
ثم صاح وجاط فينا طالباً كميرا إليه ..
أحب كتابي الأول وأموووووووووووت في هاشم في العيد ..
|
Post: #23
Title: Re: كمال حامد فوروهو و لا شنو ؟؟؟
Author: إسماعيل وراق
Date: 01-18-2006, 05:20 AM
Parent: #22
إنت عارف يا عمر الفاروق النقاش معاك غير مجدي.. لكن نسوي شنو.. جمعنا معاك المنبر دا..
المهم علشان ما ترهق باندويث بكري ساكت.. إنت عارف دربي كويس.. بس أبقى مارق..
فتك بعافية..
|
Post: #24
Title: Re: كمال حامد فوروهو و لا شنو ؟؟؟
Author: عمر الفاروق
Date: 01-18-2006, 11:50 AM
Parent: #23
إسماعيل أضواء :
| Quote: جمعنا معاك المنبر دا.. |
طبعاً وبما إنك زول مشهور وبتظهر في القناة السعودية الأولى (أكرر الأولى وليست الثانية) عشان كده زي سعيت ليك سعي وفتشت عنك في القرى النائية وبعيدة وسألت في بلاد ومدن عديدة وأبحرت في كل الموانئ!!!!!!!!
ما ياهو منبر بكري ده برضو لماني بيك يا عمنا أضواء ...
| Quote: المهم علشان ما ترهق باندويث بكري ساكت.. إنت عارف دربي كويس.. بس أبقى مارق.. |
صدقني يا أضواء ما عارف دربك !!!!!!
بي المناسبة إنت جاري في برش ؟؟؟؟؟؟؟؟؟؟؟؟
أظنك فهمت قصدي !!!
قول مأثور للفيلسوف كمال شداد :
" ناس زعيط ومعيط " ....
لاعب مفضل:
" الضوء " قدم الخير..
أغنية في الزاكرة :
رسمت في وجيها بسيمة " ضو " ...
تخريمة :
أديني رضاك قدامي سفر ...
|
Post: #25
Title: Re: كمال حامد فوروهو و لا شنو ؟؟؟
Author: إسماعيل وراق
Date: 01-19-2006, 01:42 AM
Parent: #24
Quote: صدقني يا أضواء ما عارف دربك !!!!!!
بي المناسبة إنت جاري في برش ؟؟؟؟؟؟؟؟؟؟؟؟
أظنك فهمت قصدي !!! |
أبداً ما فهمت قصدك.. ممكن توضح أكتر..
|
|