Post: #1
Title: تحذير : برجم جديد في الشارقة
Author: aurbbi
Date: 01-09-2006, 11:07 AM
تحية واجلال
وصلت الى الامارات بداية السنة الجديدة قادما من مملكة السعوديين وبعد قضاء عام مثير من الأخذ والعطاء نلنا منه ما لنا ونال منا
وصلت لأداء بعض الأعمال الخاصة
الظريف في الأمر قلت الاجازة والعيد ونهاية السنة تكون فرصة انه الواحد يقضي ايام رائعة قبل بداية الصراع مرة أخرى مع الحياة وللحياة واتفاجا قبل يومين بحمى شديدة .. نعم حمى
وبعدها أجد نفس مصاب بما يسمى الجدري الكاذب أو جدري الماء
فيا للهول
- والعلاج شنو؟
- قالوا : ما في علاج ، تقعد كدا أسبوعين.
- أحد الأصدقاء : طين البحر مفيد.
- طين بحر في الشارقة؟
- موجود في الصيدليات.
عموما الان انقضت ثلاثة ايام من الأسبوعين واليوم يمر كعشرة مما تعدون.
باسمي وباسم كل آل ود أوربي كلها أنادي وأناشد أهل الطب والخبرة بدارنا الكبير
لو عندكم حل غير ( طين البحر ).
ولكم ودي
للتواصل 503970691 971 +
ود أوربــي
قال طين البحر قال
|
Post: #2
Title: Re: تحذير : برجم جديد في الشارقة
Author: عشة بت فاطنة
Date: 01-09-2006, 01:57 PM
Parent: #1
العيد مبارك
والف سلامة ليك
في سلطنة عمان شدة ما غياظ وعوير مسمينو ابوحميقة ، وأرجو أن لا تستهين به صعب جدا للكبار ، علاج سريع ومفيد عملتو لاولادي وهي وصفة من اخواتنا السواحيلايات ، : تفتش ليك لا أنت ما تفتش رسل ليك واحد اشوف ليه شجرة نيم واقطع ليك منها صفق كثير وبعدين تغليه في حلة كبيرة في النار وتختو لحدي ما يبرد وتدخل الحمام تستحمّ بيه ، غايتو أولادي الحميمة الاولى بس وشفو الناس الكبار شوية برجمهم صعب عشان كدا ممكن تتكرر العملية ، وعشان الكاروشة لازم تخلي الدكتور اكتب ليك (انت ستين ) بتاع الحساسية وهو أنجع علاج للكاروشة ، لازم تشوف طبيب البرجم دا للناس الكبار الشباب صعب شوية وبطل قعاد في الكمبيوتر وارتاح وأنشاالله بارد عليك .
أهلنا بصروا أن الشفع اتعادوا عشان ما يجيهم لمن أكبرو ، اشناالله نمر عليكم بكرة لو سمعنا اي دواء جديد ..تصبح علي خير لكن حسي المرارة كيف والشربوت مع ابوحميقة الجاك ؟؟
|
|