*** حلم زمن الكآبة ***

يا حلم زمن الكآبا

يا دموع بلدى وترابا ..
ناس بتحلم بى رغيفه ..
وناس تبدل فى تيابا ..
جاريه تنطح ومره تشطح..
داهسه فى رؤوس الغلابه..
لا بتعاين لا بتداين..
بس تناطح فى السحابا ..
تختف اللقمه الهنيه ..
تظلم الناس التعابا ..
ناس تهاجر من بلودا ..
حاضنه احزانا ومصابا ..
مره تبكى ومره تلهث ..
تايهه فى ليل الرتابا ..
زى عصافيرا بريئه..
ضايعه فى زحمة ايابا ..
زى سنين تاهت وحيده..
حانه لى عودة شبابا ..
زى شويفعه تنادى ضايعه ..
يمه..يمه .. يابا .. يابا ..
او وليدا دابو شب ..
خط لى حروف الكتابا ..
راح يناغم فى حبيبتو..
بحلم ا رجع لى رحابا ..

يا حلم زمن الكآبا ..
ليه زمان الالفه ولى ..
وودع الناس الصحابا ...
اتناسو لمة ناس كتار ..
حتى البيوت كم سدو بابا ..
لا تو اصل لى قريبا …
لا تسالم لا حبابا ..
ناس تجافى وما بتصافى
ديمه فى وجوها الكآبا..
يا حليل زمنا بعيد ..
حسراتو فى نظرات شيابا..
لما كان الود مفرهد ...
فى ربوعنا وبين هضابا ..
يزرع الكلمه الرضيه ..
فى متاهات الضبابا ...
يكتب النغم المسالم ...
بين فصول وتر الربابا ..

وان شاء الله عام 2006 يزرع فى قلوبنا
المحبه والموده والتواصل.
وكل عام والجميع بالف خير

اسماء الجنيد مسقط

So nice
Soma تزرع فى قلوبنا
المحبه والموده والتواصل

Quote: ناس تهاجر من بلودا .. حاضنه احزانا ومصابا ..

تحياتي اختي سوما
رغم الاعياد المحيطة من حولنا,نشعر بالكآبة في استقبال عام ستة
وربنا يستر
ويرد غربتنا

salmat
سلامات عليك .. والسلام ليك مدمدم بطيبة الاهل الحنان
الف شكر على الطله .. وحقيقى سعدت بالتواصل ...

***
اخى الكريم محمد السيد
حبابك والله
تمر الايام وازدادت مآسينا فى الغربه والشتات
نسأل الله الكريم ان يكون عام 2006 عام خير وبركه علينا جميعا
وان يرد غربتنا جميعا سالمين وتمين ..
وكل عام وانت والجميع بالف خير

أسماء الجنيد

كل سنة وأنت وسودانا بألف خير ومحبة

Quote: يا دموع بلدى وترابا .. ناس بتحلم بى رغيفه .. وناس تبدل فى تيابا .. جاريه تنطح ومره تشطح.. داهسه فى رؤوس الغلابه.. لا بتعاين لا بتداين.. بس تناطح فى السحابا .. تختف اللقمه الهنيه .. تظلم الناس التعابا

حروفك ممتعة ومؤلمة ..

الحبيبه وفاء تاج الدين
كل سنة وانتى والاهل بالف الف خير..
***

حروفك ممتعة ومؤلمة ..

وطلتك يا وفاء امتعتنى حقيقى وبردت على نار الالم الفى الحروف
يديك الف عافيه ويسعدك يا حنينه
الف شكر على الطله ..

سوما

سلام مربع و تحية كبيرة

Quote: تايهه فى ليل الرتابا .. زى عصافيرا بريئه.. ضايعه فى زحمة ايابا ..

حتى في زمن الكآبة .. تأتي كلماتك تضيء عتمة ظلام هذه الكآبة ..
أرقدي عافية و تحياتي لزوجك و الأسرة

الأخت أسماء:

للقصيدة وقع خاص في نفوس المغتربين..هي في الحقيقة ترياق لكثير من احباطاتهم..كل سنةأنت وأسرتك الكريمة بألف خير وعافية..

الاخت العزيزة
اسماء
سلام


نقول الحقيقة
نواجه حد الحرابة
في زمن لا نبي مرسل
ولا حتى صحابة
دنيا جيفة
احسن تتركوها
لي كلابا



تحياتي لك مجدد

شكراً يا سومة،
شعر رصين. ينضح بالحيوية والمشاعر النبيلة
والدفق الثوري.
زوجتي إسمها أسماء وتحب أن نناديها بسوما، يا سوما.
شكراً، مجدداً.


أعزائي البورداب،
أرجو زيارتي في هذ الخيط:

الـــــــــــلـــــه

يناقش الخيط موضوع الساعة.

الأستاذة سومه

كما عودتينا دوما مع اشراقات العام الجديد تهدينا اجمل الحروف وانداها

كلماتك دوما تسعدنا ودوما تنحت فى دواخلنا الكثير

ما اروع مشاعرك التى تصور حالنا وحال واقعنا

تسلمى

سلام يا اهلنا وعذرا على التأخير الما باليد ولا بالخاطر
لكم العتبى حتى ترضوا جميعا ..

***
ابو جهينه الموسوعه ..سلام بكل لغات الكلام وبى نفس الاهل الحنين
الشوق ليك معمم بى طيبتهم ..
كتر الف خيرك على كلامك الجميل يا سيد الذوق ..
كل سنه وانت طيب

***
الاستاذ الجميل . الاخ الزاكى .. حبابك يا سيد النضم المرتب
تسلم انت ان شاء الله .. وكل سنه وانت وجميع افراد الاسره بالف خير يا رب
شكرا بكل المعانى النبيله ..

****
اخوى الحنين عادل آمين .. كيفنك يا ضى فى زمن العتمه
والله الشوق ليك يبرق من بعيد .. احوالك وصحتك ..ان شاء الله عافيه يا رب
حقيقى اشتقت لى كتباتك المميزه ..
طلتك طمنتنى على احوالك .. ابقى قريب وما تغيب
شكرا اخى عادل شكرا منك وليك يا شفيف ..

***
الاخ الكريم حيدر بدوى صادق
سلام ليك وللست العزيزه المدام
سعدت جدا بى طلتك والله ومن خلالك بمعرفة المدام (( تومتى ..))
بالله تحياتى الخالصه ليها ..وان شاء الله نلتقى ..
والف شكر ليك انت لكلامك الجميل
كل عام انت واسرتك بالف خير ان شاء الله

***
العمده العزيز قرشو ..
حبابك والله ..
غيبه طويله .. اشتقت حقيقى لبوستاتك ومداخلاتك البتثرى الوجدان
كتر الف خيرك على حروفك النديه ..
ايضا انت اخى الكريم عودتنى بوقفتك النبيله..
وبتشجيعكم ومساندتكم اواصل المشوار
التحايا عبرك للاسره الكريمه وكل عام وانتم بالف خير
شكرا اخى قرشو شكر ضفاف

السلام عليكم ورحمة الله وبركاته..
تسلم دواخلك الرهيفة يا سوما...شعر رصين إنسيابي يلج القلب بلا عناء تفكير ويتخلل الوجدان جزلآ سلسآ...وأسماء...هو إسم والدتي التي أحبها وأحن إليها أكثر من روحي...دامت أيامك أفراحآ وهناء...وكل سنة وإنتي طيبة....

الاخ الكريم راشد الحاج
تحياتى اولا للوالده الحنينه اسماء وكل سنه وهى بالف .. الف خير
ربنا يديها الصحه والعافيه ويخليك ليها ويخليها لي كل اسرتكم
وان شاء الله ترجع ليها قريب بالسلامه وتدفأ فى حضنها الحنون
الف شكر ليك اخى على الطله .. والكلام العذب المنساب كالماء الزلال
ربنا يسعدك بركة قبايل العيد .. قول آمين
كل سنه وانت طيب والعيد مبارك عليك ..
شكر محنة

شكرا ليك سوما وأنت تنثرين الحروف حديقة وارفة نستجم
تحت ظلالها من هجير الغربة............
أكثري منها لنروي بزلالها صدي السنين العجاف
ودمتي

الاخ محسن عبد القادر
لك التحايا النواضر
شكرا ليك كتير على الطله
يا ود الفريق والحله
والف شكر على رحيق الكلام
تسلم وكل عام وانت بالف خير

عيد جديد؟؟!!!
سلام من اقاصى الدنيا والزمان لو ابرقت فيه سحابات حوامل لم يكن فيها جنين كالتى من بلادى...
عيد جديد؟؟!!
دعونا الان نقترح القوانين المواكبة لاترباك الموج ؛ نلغيها احاسيسنا..ونصنع من زغاريد النواح المحتدم انشودة للارتياح او شهوة للانسجام..
عيد جديد؟؟!!
وعرس العيد مدخرُُ ليوم عرسهُ نحن .. شربنا كاس ماضيه ..هضمنا كل حاضره.. طبخنا الاخر الاتى وسقنا هذه الوقفه لليل الحزن فى بلدي ..شعاع الموت يابلدى ..ذهاب الماء بعد الماء كارثة ..خيول الشمس دون صهيل كارثة...
وعيد جديد؟؟!!
وتمنياتى لكم بالتمتع بالشوق عند الخفقة العليا ؛ بى همسة التوليف فوق الحاسة العليا..
و بالصحة وترا يدندن كى يزيد العافية اصرارا..وانتعاش الامسيات...
لكم مقعد الفرح ؛ولوحة الطفولة ؛ وفرح للتصفيق..
تعالوا نجرب الضياع المتجرد خلف صورة ماهولة بالمعانى.. ربما صورة ماهولة بالصور التى ودعت مفهوم التقيلد وازدهرت....

كل عام وانتم بخير وصحه ..
والسنه دى قبل الجاية تحقق الامانى ..
دمتم بعافية ويحقق الامانى للجميع ..
من كل قلبى لك الحب ( soma)..

Dear sister SOMA

It is nice to hear like this poem in this time. It's really wonderful poem that touchs us in deep speacially when it talks about the pain that we are suffering from . keep providing us with this kind of poems please. Cheer up

Hisham Adam

سوما يا شفيفة
كل عام وأنت بخير
ما زالت الدواخل تصدح هل من مزيد ؟؟؟؟؟؟؟؟؟

الرائعة سوما

شكرا على هذه الدموع الصادقة، والتي تلبست شكل الحروف كي تقرأ بالعيون، ثم ينزف المتلقي، عمدا، وقصدا، وإكراها بالدموع، حقا، النائحة الثكلى ليست كالمستأجرة، لقد سرى الحزن في الجسد، بتلكم المشاهد المحزنة في جسد هذه القصيدة المكلومة......

فليأتي الروح، كي نمسح الحزن والخوف والتوتر عن الأجساد المتعبة...

لا شي في وطني يضحك، حتى المناخ يقسو كأنظمتنا، مثل صدى حزين لرعد بغيض...

الاخت /
سومة
كل سنة وانت طيبة

****** يا حليل زمنا بعيد ..
حسراتو فى نظرات شيابا..
لما كان الود مفرهد ...
فى ربوعنا وبين هضابا ..
يزرع الكلمه الرضيه ..
فى متاهات الضبابا ...
يكتب النغم المسالم ...
بين فصول وتر الربابا ******

لنجعل من الماضي حاضرا تغنية اوتار مشاعرنا محبة تضيء عتمة الأغتراب وتشيع الالفة في نفوسنا لصبح
يسفر في صفاء التوحد الانساني .

ولك تحياتي