واحد...واحد..ستة وخمسين -

منقول من سودانيز دوت نت

من أجمل ما كتب المبدع الشاعر المرهف د.عزالدين هلالي ...وهي من ديوانه الذي يحمل اسم

عالم غـــــــــــلط وأشياء أخرى

أُصدر الديوان عام 2003 في ذكرى اليوبيل الفضي لاستقلال السودان
وكان قد أهداه الشاعر للمبدع محجوب شؤيف وكان في مقدمة الكتاب هذا الكلام:

الإهـــــــــــــــــــداء
ربما بعد سنين عديدة،
سيعرف الناس لماذا أهديك هذا الديوان، ولكن حقيقة هل أنا بحاجة إلى مبرر حتى أهديكه؟
قطعاً لا.
ولهذا،
إليك أهدي،
أيها الشاعر الوطن،
الاستاذ/ محجوب محمد شريف

عزالدين هلالي
******************************************************
أما أبيات القصيدة فهي:


واحد...واحد..ستة وخمسين
حتى استقلالك بالتسنين !!؟
يا بلدي يا بلد المسنيين
الــسع ضايعين وغلابة
اللــسع عايشين بالآمال
الما لقوا لســـه جواب لسؤال
هو صحي استقلال
ولا استغلال!؟
بالقاف بالقاف
ولا هو بالغين؟
يا بلدي حتتهجيـــهو متين؟
دا أريتو استقلال التابة
عمرك طرادة ولي هسع
لا عرفتِ قراية ولا كتابة !
عمرك طرادة ولي هسع
نُصك عايش عيشة الغابة !
خمسة وعشرين سنة من عمرك
ولـسه العالم عايشة غلابة !
خمسة وعشرين سنة والعامل
لسع شغال باليومية !
استقلال ما محي أمية
استقلال ما حلَ قضية
خمسة وعشرين سنة والعامل
لسة يضـــــــرِب في الماهية
يحسب أكلو و تطلع فارقة
أكل أخوانو وتطلع فارقة
أكل أولادو وتطلع فارقة
وبعد أيام صف التأشيرة
يكون استقبل زول للشارقة
ما تستغربوا وتسألوا ليه العالم دايماً مارقة
وليه بيهاجر عامل ماهر
دي شؤيعتنا عليها الظاهر
إذا كان واحد زيِ وزيك
وزينا كان يرجى الماهية
موظف رزق اليوم باليوم بالتلتلة عايش و بالزندية
عمل اليلة مرة و عربية !!
انتدبوهو لحتة كدا ومن دون إحراج ما تسألو وين
عمل اليلة مرة وعربية
والماهية ..... زي ما هية
ما تستغربوا جداً وتسألوا أسئلة بايخة شديد وغبية
أسألوا أسئلة في المليان
أسئلة حية
أسألوا ليه الدنيا بتغلى
وانت بترخص يا إنســـــــان
أسألوا تاريخ الأوطان
أسألوا تاريخ الوطنية
هل في العالم في استقلال ما محي أمية؟
هل في العالم استقلال ما حل قضية؟
نحنا بتسأل يا إنسان
نحنا ضحية
نحن الناس العايشة ودار
نحنا الجيل الجرَبوا فيهو جميع أنواع الاستعمار
نحنا الجيل الما وروهو ولا في يوم معنى الوطنية
خمسة وعشرين سنة من عمرك
والوطنية في نظر الحاكم
هي التسليم للحزب الحاكم
ونبذ الماضي
وكل الكان
ما ورونا ولا في يوم
معنى الأوطان
حمسة وعشرين سنة من عمرك
ولسه بنحلم بالأوطان
لسه بنحلم يا إنسان
لسه بنحلم يا السودان
لسه بنحلم بي أزمان
فيها الخير في كل مكان
وفيها الحب
للأرض الحبلى
وفيها الوطنية الأوطان

Quote: دا أريتو استقلال التابة عمرك طرادة ولي هسع لا عرفتِ قراية ولا كتابة ! عمرك طرادة ولي هسع نُصك عايش عيشة الغابة ! خمسة وعشرين سنة من عمرك ولـسه العالم عايشة غلابة !

ونرجع نقول :
ابكي ياوطني وشرط هدومك
(د.بيان ذات بوست)

الاخ الحبيب وليد
كل عام وانتم بخير

يقال ان هناك فردوس مفقود في هذه الحياة وموجود في الفن..يحلم به الشعراء الذين لا يتبعهم الغاوون
وتوجد مدرسة للدكتور السوداني عبدالسلام نور الدين لدراسة الشعر من منظور سياسي اجتماعي..
واعتقد نحن في السودان وحتي الان لم ندرس الشعر الجميل والمكتوب بالعاميةللشعراء اليساريين السودانيين

ولازلنا نقول لماذ يحتفلون بالاستقلال الذي لا ليته كان..واليوم عاد الانتداب مرة اخرى بعد خمسون عاما من الفشل واهلاك الحرث والنسل
وكلام صاح يا وليد
وسلام ليك ولكل الطيبين في بلاد العم سام

مسؤال كبير زاير البلد
قبال يهل قبال يصل
عايزنكم تقيفو
صفوف صفوف
وتهيجوا الخلا بالكفوف
وتقولو عاش يحي البطل
سامعني
ولى اقول كمان
مسؤل كبيييير
زاير البلد
قبال يهل قبال يصل
عايزنكم تقيفو
صفوف صفوف
وتهيجوا الخلا بالكفوف
وتقولو عاش يحي البطل
قلت ليه يا عمدة اختشي
مسؤا كبير
غير الله في الدنيا انعدم
ما شفنا زول
سكت جهال مشا شفنا زول رضع بهم


من قصيدة سعاد تجدها رقم 14 في موقع الاغاني السودانية في هذا المنبر والكابلي رقم 9

الاخ عادل

سنين وانا اقراء روائع الدوش واتامل فيها
لم استمتع بالحان وردي لقصائده
ولكن لم اسمع باداء الكابلي لقصيدة سعاد
الا في الشهر الماضي
في البداء تخوفت من الاستماع اليها
خوفا من ان تترسب لدي نتائج شبيهة بتلك لوردي
الاسبوع الماضي قامت احدى اخواتي بادارة شريط للكابلي
سرت بي في الغرفة احاسيس بابداعات للحن وتوزيع حديث
سرحت مع المقدمة وغصت لعالم غريب
انتابتني فيه نشوة فرح ممزوجة بهمسة حزن
لم افق الا مع النهاية لاغنية سعاد
ازداد اعجابي للدوش فانا لم اكن يوما من معجبي الكابلي

Quote: ازداد اعجابي للدوش فانا لم اكن يوما من معجبي الكابلي

الاخ العزيز وليد صفوت
تحية طيبة
وطبعا اغنية سعاد عمل ملحمي متكامل من اداء الي موسيقى الي نص

وتجد الاغنية في ملف الكابلي رقم 9 في هذا المنبر والاغنية رقما 15 مش 14 واسف لخطا

فقط انظر للمعنى البلاغي المتعاكس في التعبيرين ديل
كبرت كراعي من الفرح
نص في الارض
نص في النعال

هذا تعبير تصوريري عن الفرح لو ما كنت في المنطقة (الشمال) لن يحدث فيك الصدمة المرجوة
وفي نفس القصيدة ستجد تعبير معاكس ينم عن الغضب
ضاقت نعالي من الزعل
من تحتها اتململ تراب

والمداخلة دي عشان نصلح ذوقك الفاسد يا حلبي...وتحب الكابلي...الاسطورة ..وتحياتي للاخوات العزيزات العايزات يرهفن شعور اخوهم اب دم تقيل وليد ويخلو يتذوق الكابلي

تسلم يا عادل،
أرجو زيارة خيط:
"مسارب ضي... الحاج وراق و "أزرق طيبة شيوعياً."
ستجد فيه ما يسرك من حوار هادف.



أعزائي البورداب،
أرجو زيارتي في هذ الخيط:

الـــــــــــلـــــه

يناقش الخيط موضوع الساعة.