Post: #1
Title: رسالة الى سعادة سفيرنا بالرياض ... ما سر الغرفة الخفية في السفارة السودانية
Author: ghariba
Date: 01-04-2006, 03:41 AM
Parent: #0
رسالة الى سعادة سفيرنا بالرياض ... ما سر الغرفة الخفية في السفارة السودانية
وجدت ايميل من ضمن الايملات التي تصلني دائما
وطلب مني صاحب الايميل بضرورة ان انشر هذا الايميل وهي رسالة موجه لسعادة السفير
وحيث ان الأمانة تتطلب مني ان أنشر بالتفاصيل نص الرسالة
لانها عبارة عن اسئلة حائرة وتتطلب الاجابة
او يكون المقابل تخمين وتكهين واجابات مبهمة ليس من ورائها سواء الكيد
وتقول نص الرسالة
Quote: الاخ صلاح غربية
انا اعرف امانتك الادبية وشجاعتك في المواجهة وعلاقتك الطيبة مع السفارة بالرياض
فقط اطلب منك نشر هذه الرسالة عبر سودانيز اون لاين كرسالة موجه للمكرم سعادة السفير بالرياض
المكرم سعادة سفير جمهورية السودان بالرياض
انا احد المواطنين السودانيين وكثير التردد على السفارة بحكم انجازي لبعض المهام ومتابعة آخر المستجدات
ولكني لاحظت منذ مدة طويلة بانه يوجد مكتب وضعه مريب وهو عبارة عن مكتب يقع بالقرب من المكتبة بالسفارة هو أول مكتب يواجهك عند دخولك للسفارة على ايديك اليسار
ما سر هذه الغرفة ؟؟؟؟
كانت في السابق مقر لاجتماعات مجلس الجمعيات ولكنها الآن ................
تكون تارة مفتوحة وتعج بلاناس ، وفي كثير من الأحيان تكون مغلقة ، وفي كثير من الاحيان تكون مغلقة ولكن بداخلها من بداخلها ؟؟؟؟؟؟؟؟؟؟؟؟؟؟
وسؤالنا للسفارة
وللقائمن على أمر السفارة ما سر هذه الغرفة وما السر وراءها
ولماذا هي دون باقي المكاتب مقفلة
والله الموفق
مواطنكم
على اسماعيل
|
|
Post: #2
Title: Re: رسالة الى سعادة سفيرنا بالرياض ... ما سر الغرفة الخفية في السفارة السودانية
Author: عبدالقادر علي عبدالرحيم
Date: 01-04-2006, 04:21 AM
Parent: #1
الأخ غريبة
تحياتي
فعلا انت غريب معقول انت ماعارفه شنو .يعني هل ممكن تكون ماعارف ولدك اسمو منو.
هذه الغرفة اظنها كانت الغرفة البيسجن فيها القنصل عبدالله الأزرق المعارضين في التسعينات (ايام التمكين ياحليلة ).ثم اصبحت مقر لمجلس الجمعيات والذي كان يمثل عبدالمعين للأنقاذ حتي تم حله.
الأن يمكن اصبحت مقر لحزب المؤتمر الوطني ولكن اشك في ذلك لان السفير الكارب(كارب فعلا) يفهم الواقع الجديد في السودان ولايمكن ان يلخبط بين ماهو حزبي وبين العمل التنفيذي واذا ثبت ذلك فستتقدم بقية الأحزاب لفتح دور لها في السفارة وخاصة الأحزاب المشاركة في حكومة الوحدة الوطنية.
علي العموم ود عمي محمد الحسن وهو بالسفارة وبوردابي قادر علي الأجابة .
|
Post: #3
Title: Re: رسالة الى سعادة سفيرنا بالرياض ... ما سر الغرفة الخفية في السفارة السودانية
Author: ahmed haneen
Date: 01-04-2006, 04:40 AM
Parent: #1
معقولة
يا غريبة انت ما عارف
انت قاعد السفارة قبل السفير ظاطووو
ووقتك البتقضيهوا في الغرفة اكتر من بيتكم؟؟؟
بلاش لف ودوران
داير تقول انهم طردوك خلاص
وقعدوا فيها ناس عبد القادر ديل ولا شنو
|
Post: #4
Title: Re: رسالة الى سعادة سفيرنا بالرياض ... ما سر الغرفة الخفية في السفارة السودانية
Author: ghariba
Date: 01-04-2006, 04:42 AM
Parent: #1
الاخ علي
استملت رسالتك وقمت بنشرها - كما ذكرت - حتى اثبت لك ان الامانة الادبية تتطلب مني نشرها
وعلى العموم فاذكرك بان الاسم هو صلاح غريبة وليس صلاح غربية وبالاصح الاسم هو
صلاح حسن موسى غريبة
ولك الشكر على شجاعتك في ابداء رأيك واتمنى منك مراسلتي على 4121760 أو الجوال 0503114175 ضروري للتعارف .
|
Post: #5
Title: Re: رسالة الى سعادة سفيرنا بالرياض ... ما سر الغرفة الخفية في السفارة السودانية
Author: ود الباوقة
Date: 01-04-2006, 04:52 AM
Parent: #4
هذه الغرفة اظنها كانت الغرفة البيسجن فيها القنصل عبدالله الأزرق المعارضين في التسعينات (ايام التمكين ياحليلة ).
اخي عبد القادر ... التمكين الأن اصبح بسطا للشورى في كافة ارجاء البلاد بعد ان خرج السودان من نفق ( الارتهان ) الى سيادة القرار ومجابهة الاخطار بكل عزيمة واقتدار ... وهذا هو وضعه الطبيعي الذي ظللنا نبحث عنه منذ الاستقلال ....
ود الباوقة
|
Post: #6
Title: Re: رسالة الى سعادة سفيرنا بالرياض ... ما سر الغرفة الخفية في السفارة السودانية
Author: عبدالقادر علي عبدالرحيم
Date: 01-04-2006, 05:15 AM
Parent: #1
| Quote: اخي عبد القادر ... التمكين الأن اصبح بسطا للشورى في كافة ارجاء البلاد بعد ان خرج السودان من نفق ( الارتهان ) الى سيادة القرار ومجابهة الاخطار بكل عزيمة واقتدار ... وهذا هو وضعه الطبيعي الذي ظللنا نبحث عنه منذ الاستقلال |
ود الباوقة
ياصاحب البتاقة الخدرة(بطاقة عضوية المؤتمر الوطني)
تحياتي
التمكين لم يصبح بعد بسطا للشوري ز نحن يادوب في بداية طريق التحول الديمقراطي ماتغشونا ساكت .الشمولية القعدت 16 سنة ماممكن تنتهي في يوم وليلة.اماخروج السودان من نفق الأرتهان اسال منو السيدة عاشوري.
الوضع الطبيعي الذي نبحث عنه الان هو الرجوع من الوضع الحالي لي زمن الأستقلال.
حررت الناس يااسماعين الكانو عبيد يااسماعين.
ناس الجبهة كانوا دايرين يسو الناس عبيد ليهم (حسب التمكين ) ولمان غلبن قالوا احسن نفتح للتدخلات الدولية (ناس عاشورع)
|
Post: #12
Title: Re: رسالة الى سعادة سفيرنا بالرياض ... ما سر الغرفة الخفية في السفارة السودانية
Author: ود الباوقة
Date: 01-04-2006, 10:23 AM
Parent: #6
الشمولية القعدت 16 سنة ماممكن تنتهي في يوم وليلة
عبد القادر امامك الفرصة متاحة عند ذهابك السودان لتقييم الوضع ومعرفة ما يدور بداخله وبعدها نلتقى باذن الله ...
ود الباوقة
|
Post: #7
Title: Re: رسالة الى سعادة سفيرنا بالرياض ... ما سر الغرفة الخفية في السفارة السودانية
Author: صديق الموج
Date: 01-04-2006, 06:47 AM
Parent: #1
والله ناس المعارضة ديل سئين ظن خلاص .دى غرفة الجنريتر..وبعدين كمان كضابين لانه صلاح غريبة ما بمشى السفارة ،صلاح ساكن فيها ،،دائما يا عبد القادر تقذفوا الناس ززالله يكفينا شرهم،،،
|
Post: #8
Title: Re: رسالة الى سعادة سفيرنا بالرياض ... ما سر الغرفة الخفية في السفارة السودانية
Author: عبد الله عقيد
Date: 01-04-2006, 07:36 AM
Parent: #7
| Quote: والله ناس المعارضة ديل سئين ظن خلاص |
ناس المعارضة منو يا صديق الموج
يا حليلك يا النايم علي حيلك!!
ناس عبد القادر يا خوي خلاص بقو (موالاة)
ما شايفو بيشكر في السفير!؟
قلبت يا بوووووووووي قلبت
زمااان ما قالوا:
"ابغض بغيضك هونا ما.. عسى أن يكون حبيبك يوما ما"
|
Post: #9
Title: Re: رسالة الى سعادة سفيرنا بالرياض ... ما سر الغرفة الخفية في السفارة السودانية
Author: Tabaldina
Date: 01-04-2006, 07:42 AM
Parent: #1
..
.
أزيك يا عمو الموج ..
كبرت وكبرت احزانك
والجكس كبر وزاد حلا ..
شايف الشنب بيض .. مسكين
زمنك فات وغنايك مات ..
والدليل بقيت تخرف
قال غرفة الجنريتر ..!!؟؟
شفيق يا راااجل .. هى الكهرباء فى ديار آل سعود بقت تقطع
والله جدو القفلتو عليهو قطعها الظاهر ليكم فى راسكم
بس لعلمك ..
دى غرفة الجباية ..
عشان يخزنو فيهو الريالات والهللات
لمشتته منكم ديك
لمتين.. لمتين ..
بعدين ابعدو انت وحنين
من بلدياتنا صلاح غريبة دا
عصام دهب مش حذركم ..
يعنى ما يمشى السفارة ولا يتابع الاخبار
ولا يحول لاهلو التعابه الغلابة ..
عالم ما بترحم
ولا بتخلى رحمه الله تنزل..
سلامي للصالحية ..
والجميع؛؛
|
Post: #19
Title: Re: رسالة الى سعادة سفيرنا بالرياض ... ما سر الغرفة الخفية في السفارة السودانية
Author: عبد اللطيف بكري أحمد
Date: 01-05-2006, 02:41 AM
Parent: #9
العزيز تبلدينا ، تحياتي وأشواقي
لي رجاء أن تغير عنوان صفحتك الإلكترونية إلى www.elobied.com
وطبعا مازلنا في إنتظار صاحبك عمر يحدث البيانات ويعيد المنتدى،
ورينا أخبارك ([email protected])
وكيف لقيت تبلديكم ؟؟؟ هل مازال شامخاً أم لم يعد كما كان؟؟
في إنتظارك يالحبيب،،
تحياتي
|
Post: #10
Title: Re: رسالة الى سعادة سفيرنا بالرياض ... ما سر الغرفة الخفية في السفارة السودانية
Author: صديق الموج
Date: 01-04-2006, 08:18 AM
Parent: #1
Quote: بعدين ابعدو انت وحنين
من بلدياتنا صلاح غريبة دا
عصام دهب مش حذركم ..
يعنى ما يمشى السفارة ولا يتابع الاخبار
ولا يحول لاهلو التعابه الغلابة ..
عالم ما بترحم
ولا بتخلى رحمه الله تنزل.. |
تبلدينا الشامخ كل سنة وانت طيب ..اهنئك بى جملة الاعياد مستثنيا عيد الانقاذ (الغربى)
وبعدين انت من زمن بلدياتك بحول لاهلو الغلابة التعابة؟؟..قريبك بقى يخم من ضرائبهم وزكواتهم.
تسلم،،،
|
Post: #11
Title: Re: رسالة الى سعادة سفيرنا بالرياض ... ما سر الغرفة الخفية في السفارة السودانية
Author: عبدالقادر علي عبدالرحيم
Date: 01-04-2006, 08:49 AM
Parent: #1
Quote: ناس عبد القادر يا خوي خلاص بقو (موالاة)
ما شايفو بيشكر في السفير!؟ |
الأخ عبدالله عقيد
تحياتي
يااخي انا لست بموال ولامعارض أقولها ليك في وضح النهار.كنت معارض من 30/6/1989 وحتي توقيع اتفاق السلام او قل حتي تشكيل حكومة الوحدة الوطنية.
اما كنت بعارض كيف مدة16 سنة احسن تسال ناس الجبهة في الرياض هنا.
الأن انا مش مامعارض وبس بل مشارك وداعم لبرنامج السلام والتحول الديمقراطي
ومن خلال نشاطي اساهم في ترسيخ السلام ودعم عملية التحول الديمقراطي.
اما بخصوص شكر السفير فأقول لك ان الرجل لايحتاج لشكر وان ماقلته هي شهادة ان الرجل كان قدر المسئولية الوطنية الملقاة علي عاتقه وهي انه فهم مهام المرحلة التي تمر بها البلاد مماجعله يتعامل مع كل ابناء السودان في مختلف كياناتهم السياسية والاجتماعية والثقافيةعلي قدم المساواة وانه جعل من السفاره بيت لكل ابناء السودان بدون تمييز بينهم.
|
Post: #13
Title: Re: رسالة الى سعادة سفيرنا بالرياض ... ما سر الغرفة الخفية في السفارة السودانية
Author: عبد الله عقيد
Date: 01-04-2006, 10:54 AM
Parent: #11
أخي عبد القادر
لك التحية والتقدير
أعجبني هذا الحديث الواضح الصريح
عندما عرفتك عرفت أنك كنت معارضا
وتوقعت أن تكون فترة معارضتك انتهت بـ"توقيع اتفاق السلام او قل حتي تشكيل حكومة الوحدة الوطنية".
ولكن معالم انتهاء فترة المعارضة لم تتبين في خطاب الكثيرين ممن يشهرون سيف المعارضة
عند كل مطلب ويغمدونه عندما يتحقق.
مثل حديثك هذا يجب أن يصل لكل من لم يعد يفرق بين المراحل ويستبين متطلبات كل مرحلة
فأنت عندي رجل سياسي ورأيك له تأثير كبير ومثل رأيك هذا يزيل الغبشة عند الكثيرين ممن
يقرأون أو يسمعون نقدك للحكومة أو للسفارة (في الماضي) ويعتنقونه كموقف مبدئي
ثم يفاجأ الكثير منهم بغيره في مواقف أخرى.. فيختلط عليهم الأمر..
أكرر لك تقديري
|
Post: #14
Title: Re: رسالة الى سعادة سفيرنا بالرياض ... ما سر الغرفة الخفية في السفارة السودانية
Author: ود الباوقة
Date: 01-04-2006, 01:46 PM
Parent: #13
الأن انا مش مامعارض وبس بل مشارك وداعم لبرنامج السلام والتحول الديمقراطي
اخي عبد القادر نحن نتمني ان يشارك كل المخلصين من ابناء السودان في دفع مسيرة التنمية وتحقيق الرخاء للمواطن السوداني والذي اصبح قاب قوسين أو أدني .. وهذا ما تشاهده ان شاء الله عند وسولك بالسلامة للوطن .. بس انتبه اخشى ان تتعدي الكرفاب شمالا وانت لا تدري ...
ود الباوقة
|
Post: #15
Title: Re: رسالة الى سعادة سفيرنا بالرياض ... ما سر الغرفة الخفية في السفارة السودانية
Author: mahmed alhassan
Date: 01-04-2006, 03:58 PM
Parent: #14
Quote: اما بخصوص شكر السفير فأقول لك ان الرجل لايحتاج لشكر وان ماقلته هي شهادة ان الرجل كان قدر المسئولية الوطنية الملقاة علي عاتقه وهي انه فهم مهام المرحلة التي تمر بها البلاد مماجعله يتعامل مع كل ابناء السودان في مختلف كياناتهم السياسية والاجتماعية والثقافيةعلي قدم المساواة وانه جعل من السفاره بيت لكل ابناء السودان بدون تمييز بينهم.
|
ماكتبه الاخ/عبد القادر أعلاه هو عين الحقيقة 0 عليه يجب التعامل علي هذا الاساس (ثقافة المرحلة) أما سر الغرفةالخفية بن عمي عبد القادر بما أن كاتب الرسالـــــة
يتردد علي السفارة بصورة مستمرة كان لزاما عليه التوجه فورا لسعادة السفير ليجيب علي تساؤله المشروع خاصة وأن مكتب السفير مفتوح لكل المواطنيين 0
|
Post: #16
Title: Re: رسالة الى سعادة سفيرنا بالرياض ... ما سر الغرفة الخفية في السفارة السودانية
Author: mahmed alhassan
Date: 01-04-2006, 03:58 PM
Parent: #14
Quote: اما بخصوص شكر السفير فأقول لك ان الرجل لايحتاج لشكر وان ماقلته هي شهادة ان الرجل كان قدر المسئولية الوطنية الملقاة علي عاتقه وهي انه فهم مهام المرحلة التي تمر بها البلاد مماجعله يتعامل مع كل ابناء السودان في مختلف كياناتهم السياسية والاجتماعية والثقافيةعلي قدم المساواة وانه جعل من السفاره بيت لكل ابناء السودان بدون تمييز بينهم.
|
ماكتبه الاخ/عبد القادر أعلاه هو عين الحقيقة 0 عليه يجب التعامل علي هذا الاساس (ثقافة المرحلة) أما سر الغرفةالخفية بن عمي عبد القادر بما أن كاتب الرسالـــــة
يتردد علي السفارة بصورة مستمرة كان لزاما عليه التوجه فورا لسعادة السفير ليجيب علي تساؤله المشروع خاصة وأن مكتب السفير مفتوح لكل المواطنيين 0
|
Post: #17
Title: Re: رسالة الى سعادة سفيرنا بالرياض ... ما سر الغرفة الخفية في السفارة السودانية
Author: ولياب
Date: 01-05-2006, 00:11 AM
Parent: #16
لست أدري لماذا نسأل في بعض الأحيان أسئلة غريبة !!!
هل من حقنا أن نذهب إلى السفارة ونسأل عن المكاتب التي لا تعنينا ، كمواطن لي الحق أن أقابل السفير أو القنصل أو أي موظف آخر حسب ما يتطلب المراجعة للأمر الذي أتيت به للسفارة .
وأعتقد أنه ليس من حق أي مراجع أن يسأل عن أشياء ليس له دخل فيها .
وماذا يعني أن عرفنا سر الغرفة؟
تساؤل ؟
أليست للسفارة خصوصيتها وحصانتها الدبلوماسية .
دي سفارة ولا متحف !!!
(( من مراجعي السفارة كل سنتين ))
|
Post: #18
Title: Re: رسالة الى سعادة سفيرنا بالرياض ... ما سر الغرفة الخفية في السفارة السودانية
Author: waleed500
Date: 01-05-2006, 01:00 AM
Parent: #1
| Quote: انا اعرف امانتك الادبية وشجاعتك في المواجهة وعلاقتك الطيبة مع السفارة بالرياض |
على ما يبدو لى السيد غريبة عجبو مدح مرسل الرسالة مما جعله
يتسارع بنشرها هنا اما كان بالامكان الرد عليه بى اميل اخر بعد ما
تسال السفير عن سر تلك الغرفة ولا عاوز تفتح باب من القيل والقال
والتخمينات المافى ليها داعى.....ولا عاوز تخبرنا بانك انسان نبيل وعندك
شجاعة وامانة ادبية......ياخى ارحمنا واخرج نفسك من الدور ده لانك اصغر من كده
وفرحان كمان وبترسل ليه فى تلفوناتك للتعارف طيب ياخى ما ترسلها عبر الاميل......اجدك رجل مدعى لا ليه اول ولا اخر.....بس شوفو انا غريبة لصيق
السفارة والسفراء......كان الله فى عوننا
|
Post: #20
Title: Re: رسالة الى سعادة سفيرنا بالرياض ... ما سر الغرفة الخفية في السفارة السودانية
Author: ghariba
Date: 01-05-2006, 05:10 AM
Parent: #1
الاخ علي اسماعيل
اتمنى ان تكون وجدت في كل هذه الردود ضالتك
وعلى العموم انا بسببك نلت الكثير والكثير وربنا يعين
هذا بخلاف المحادثات الهاتفية التي تلقيتها .
اخوك صلاح غريبة - الرياض
|
Post: #21
Title: Re: رسالة الى سعادة سفيرنا بالرياض ... ما سر الغرفة الخفية في السفارة السودانية
Author: صديق الموج
Date: 01-07-2006, 03:30 AM
Parent: #1
|
|
