Post: #1
Title: (DKEEN) ينتبذ مكاناً شرقيا.!
Author: walid taha
Date: 01-04-2006, 03:16 AM
Parent: #0
دكين الأيام دى فى الدمام شرق المملكة فى مهام عمل
أحياناً نراه خميساً لبضع ساعات يشكو زمهرير الشتاء على عكس ما كان يتمنى بتنسم عبير الخليج
بورداب الشرقية : خلو بالكم من الولد ده
by order..
|
Post: #2
Title: Re: (DKEEN) ينتبذ مكاناً شرقيا.!
Author: Badri
Date: 01-04-2006, 04:16 AM
Parent: #1
| Quote: ينتبذ مكاناأ شرقيا.! |
ياخي عليك الله بلاش فلسفة دناقلة معاك وديني دكين دا قاعد ليهو في حتة الشيطان زاتو يخاف يقعد فيها براهو وبعدين الزول دا اقنعوهو يرجع الرياض وكل شهر انا وحمد بنرسل ليهو راتبو هناك بس علموهو تكنلوجيا الهاتف المصرفي ياخي دا لا يفقه في تكنلوجيا العصر الحديث غير الدخول لمنتدى سودانييزاون لاين
|
Post: #3
Title: Re: (DKEEN) ينتبذ مكاناً شرقيا.!
Author: walid taha
Date: 01-04-2006, 09:14 AM
Parent: #2
| Quote: دكين دا قاعد ليهو في حتة الشيطان زاتو يخاف يقعد في |
بدرى إزيك ..ياخى الزول ده قال لى إنو نازل فى مُنتجع الدخول ليهو إلاّ ببطاقة..كلامك ده جبتو من وين؟!!!
شكلكم يا بورداب الشرقية حاسدين الراجل ساكت
دكين قطيتك الفى الرياض ولا قصر فى الشرقية
تعال يا زول
أخوك البحمل...
|
Post: #4
Title: Re: (DKEEN) ينتبذ مكاناً شرقيا.!
Author: القلب النابض
Date: 01-04-2006, 10:10 AM
Parent: #3
| Quote: فى مُنتجع الدخول ليهو إلاّ ببطاقة.. |
ويتنزل عليه رطباً جنياً في هذا المنتجع
الزول دا قلنا ليكم عندو سر وصلاح يا المساخيت خلووووه.
اهل الله
|
Post: #6
Title: Re: (DKEEN) ينتبذ مكاناً شرقيا.!
Author: حمد فتح الرحمن
Date: 01-04-2006, 11:46 AM
Parent: #4
يا وليد الزول دا قاعد هنا بعد كدا احكم براك ، الصور دي للامانة يعني .
| Quote: شكلكم يا بورداب الشرقية حاسدين الراجل ساكت |
و الله يا وليد ما حاسدين ، لكن زولك بالجد جانا متاثر بي طعوس نجد شديد ، حيجيكم بي نيو لوك ل 2006 ( هواهو خليجي )
| Quote: الزول دا قلنا ليكم عندو سر وصلاح يا المساخيت خلووووه. |
سر شنو و صلاح منو الزول دا جابو اكل العيش بس .
|
Post: #5
Title: Re: (DKEEN) ينتبذ مكاناً شرقيا.!
Author: Badri
Date: 01-04-2006, 11:32 AM
Parent: #3
البحمل شنو يا وليد؟ على العموم الشرقية بتعلم الاتوكيت والزول دا بطل ...
| Quote: شكلكم يا بورداب الشرقية حاسدين الراجل ساكت |
ههههههههاااااااي وضحك بدري حتى امتعضت بطنه فتناول منديلاً قشقش به دميعاته وقفل البوست واتخارج
|
Post: #8
Title: Re: (DKEEN) ينتبذ مكاناً شرقيا.!
Author: حمد فتح الرحمن
Date: 01-04-2006, 11:56 AM
Parent: #5
Quote:
البحمل شنو يا وليد؟ على العموم الشرقية بتعلم الاتوكيت والزول دا بطل ... |
دا شنو يا وليد اخووو عليك
بالله انتو قاعدين تعملو العملية دي جم بعض ؟؟؟؟؟؟
الظاهر انتا زاتك عايز ليك جيه للشرقية عشان تبطل الحركات دي .
|
Post: #7
Title: Re: (DKEEN) ينتبذ مكاناً شرقيا.!
Author: Badri
Date: 01-04-2006, 11:54 AM
Parent: #1
حمد لبد انتا اتعلمتا رفع الصور بتين والله يا بني ضنقل مباراة المحس جايبة فايدة
وبعدين ياخي الشرقية المناظر الفوق دي حاجة عادية جدا لكن الحتة الما بخشوها الا ببطاقة دي شوف جواها في كم نفر؟؟ بتعدوا الاتنين؟ والزول الواقف في الباب برة داك كل ما نجي طالعين يفتش الضهرية مع أنه شكلنا أولاد ناس لكن ما عارف قاصد شنو؟
|
Post: #9
Title: Re: (DKEEN) ينتبذ مكاناً شرقيا.!
Author: حمد فتح الرحمن
Date: 01-04-2006, 12:07 PM
Parent: #7
| Quote: مع أنه شكلنا أولاد ناس لكن ما عارف قاصد شنو؟ |
قصدك شكلي انا ود ناس ، الظاهر شاكي فيك انتا
| Quote: حمد لبد انتا اتعلمتا رفع الصور بتين والله يا بني ضنقل مباراة المحس جايبة فايدة |
ياخوي دنقلا دي ما ياها حضارتكم و عاصمتكم مما جيتو للدنيا دي ، الواحد فيكم لما يكون ماشي دنقلا بستحما ليها عديل و الله ، يا محسكو خلي الطابق مستور بيناتنا بس .
|
Post: #10
Title: Re: (DKEEN) ينتبذ مكاناً شرقيا.!
Author: ابو جهينة
Date: 01-05-2006, 01:17 AM
Parent: #9
دكين ينتبذ مكاناً شرقياً ...
فسلام عليه يوم إغترب .. و يوم إتخذ الرياض مكانا نجيا.. و يوم يعود بتأشيرة خروج نهائية ..
|
Post: #11
Title: Re: (DKEEN) ينتبذ مكاناً شرقيا.!
Author: عزاز شامي
Date: 01-05-2006, 03:48 AM
Parent: #7
| Quote: مباراة المحس جايبة فايدة |
دي قطع شك بأيدك فيها يا جنى دنقل ..
فهم شعب إن باريتهم استبريت من الجهل والفاقة، وإحذر مبارة الجداد فهو يرديك الكوشة بفتح الواو والتالية لها...
أما ما يخص دكين، فدعوه في ركنه القصي عله يتعظ!
|
Post: #12
Title: Re: (DKEEN) ينتبذ مكاناً شرقيا.!
Author: حمزاوي
Date: 01-05-2006, 03:58 AM
Parent: #1
| Quote: (DKEEN) ينتبذ مكاناً شرقيا.! |
كلا لينبذن في الحطمة
|
Post: #13
Title: Re: (DKEEN) ينتبذ مكاناً شرقيا.!
Author: DKEEN
Date: 01-05-2006, 02:51 PM
Parent: #1
اخوي يا بدري انتا معزوم نومة في السرير الفاخر بتاع اخوك
|
Post: #18
Title: Re: (DKEEN) ينتبذ مكاناً شرقيا.!
Author: walid taha
Date: 01-22-2006, 03:21 AM
Parent: #13
دكين ..يا له من فراش وثير
إذن ما عكفت على دراسته من برنامج (3D Studio ) قد آتى أُكلُه 
أرقد
|
Post: #14
Title: Re: (DKEEN) ينتبذ مكاناً شرقيا.!
Author: DKEEN
Date: 01-06-2006, 11:52 AM
Parent: #1
وليد طه العزيز
ياولي والله ليكم وحشة وشوق..
الشرقية عالم جميل بديع المنظر والناس هناك فيهم بهاء..
خليني النكلمك عنهم لي قدام ..فانت ما عرفتهم وانما رايت فقط الجانب الراقص فيهم في حفلات البورداباب..
ده من ناحية
من ناحية تانية
انا عارف اني فرقت مع مزاجات شاي المغرب بمنزلكم العامر ..
كما فرقت مع الكثيرين الذين لانود ذكر اسماههم هنا وهم بنفسهم عالمون ..
الواحد تلقاهو مشتاق ويقعد يكابر لامن يدو تمشي للجوال براها وتضرب ولامن ارد يشبكوك :
آسفين ..
آسفين ..
آسفين ..والله ما قاصدين..
عالم تحب ما تختشيش..
|
Post: #15
Title: Re: (DKEEN) ينتبذ مكاناً شرقيا.!
Author: DKEEN
Date: 01-06-2006, 06:00 PM
Parent: #1
زهير فيصل
ياوليد ده زول تلاقيهو طوالي تحضنو دون اي عبارات ترحيب..
شخصيا عبارت الترحيب لاتكفيني حين لقائه ..
ونااااااااااااااااااااااس وحبوب ومنشرح وتألفه ..ويعرف كيف يكلمك عن حبيبتنك الماشافها وحبيباتك القادمات الانتا ذاتك ما شفتهم وعن الجيل الجميل الذي له ادواته وتصوراته..
زهير راجل صنديد وجميل ومضياف لا يحده في ذلك حد..وكم اتجلى حين اجلس اليه..
ام سهى
زوجة المشار اليه اعلاه..زميلتا بالبورد ومشاركة دايمة في سودانيات
لو صح ان توصف النساء بالرجالة فهي ارجل مرة ..
ولو صح ان وراء كل جميل مرة فهي هذه الجميلة المرحابة الهاشة ..
ام سهى يا خوانا جبل من الوفاء والطيبة والمرح .. مضيافة وزولة حبابها كده كميات ..ويغلبني الحديث فيها بصراحة .. والله تسلم عليك ام سهى دي لامن تقول المرة دي صاحبة اختك زمان..
مؤخرا ام سهى بقت مديونة لي بي خمسين ريال لانها كضبتني وصدقت من لايُصدق .
ام سهى وزهير
ربنا يحفظم ويديم بينهم المودة والريدة..
|
Post: #16
Title: Re: (DKEEN) ينتبذ مكاناً شرقيا.!
Author: DKEEN
Date: 01-07-2006, 07:56 AM
Parent: #1
طبعا المحسي بدري ده حاسدنا في حمار شاليهنا..
ابو جهينة وحمزاوي شنو يا خوانا..
الحاصل شنو ..جبريل نزل عليكم قبل العيد السنة دي ؟؟
الدكاي ده موش بعد الضحية ؟؟
عزاز بت ابو الشام
الما بتلحقو ..حامضا عنه يقول
ان اجتعمت قبائل السودان ما احتفت إلا بالنوبيين وان احتفل النوبيون ما تزينو إلا بنا ..
|
Post: #17
Title: Re: (DKEEN) ينتبذ مكاناً شرقيا.!
Author: ابو جهينة
Date: 01-08-2006, 01:05 AM
Parent: #16
دكين المكين
كل سنة و إنت طيب و بألف خير
| Quote: الحاصل شنو ..جبريل نزل عليكم قبل العيد السنة دي ؟؟ |
 
| Quote: الدكاي ده موش بعد الضحية ؟؟ |
الدكاى السنة دي بليناهو قبال أسبوع من تاريخو .. و قمت عشان خاطرك قسمتو نصين .. نص خليتو في مكان مكتوم عشان نرفع رحو المعدنية و يقابلك ( منشرح ) و نص خليناهو عادي لزوم شراب الفقرا ..
أها حسع إنت وين و نرسل ليك كيف ؟
|
|